ᱢᱟᱫᱷᱚᱵ ᱯᱨᱚᱥᱟᱫ ᱜᱷᱤᱢᱤᱨᱮ

Rashtra Kavi (Poet of the Nation or National Poet) Madhav Prasad Ghimire
ᱢᱩᱬ ᱧᱩᱛᱩᱢ	ᱢᱟᱫᱷᱚᱵ ᱯᱨᱚᱥᱟᱫ ᱜᱷᱤᱢᱤᱨᱮ(माधव प्रसाद घिमिरे)
ᱡᱟᱱᱟᱢ	᱒᱓ ᱥᱮᱯᱴᱮᱢᱵᱚᱨ ᱑᱙᱑᱙(1919-09-23) ᱯᱩᱥᱛᱩᱱ, ᱞᱚᱢᱡᱩᱝ ᱡᱤᱞᱟᱹ, ᱱᱮᱯᱟᱞ
ᱜᱩᱨ	᱑᱘ ᱚᱜᱚᱥᱴ ᱒᱐᱒᱐ (᱑᱐᱐ ᱵᱚᱭᱚᱥ) ᱠᱟᱴᱷᱢᱟᱱᱰᱩ,ᱱᱮᱯᱟᱞ
ᱠᱟᱹᱢᱤ	ᱚᱱᱚᱞᱤᱭᱟᱹ
ᱯᱟᱹᱨᱥᱤ	ᱱᱮᱯᱟᱞᱤ

ᱢᱟᱫᱷᱚᱵ ᱯᱨᱚᱥᱟᱫ ᱜᱷᱤᱢᱤᱨᱮ (ᱡᱟᱱᱟᱢ: ᱵᱤᱹ ᱥᱚ. ᱑᱙᱗᱖ ᱟᱥᱳᱡᱽ ᱒ ᱵᱚᱸᱜᱟ ᱛᱟᱞᱟ ᱺ ᱵᱤᱹ ᱥᱚᱹ ᱒᱐᱗᱗ ᱵᱷᱟᱫᱚᱨ ᱒)(23 September 1919 - 18 August 2020) 'ᱜᱟᱹᱠᱷᱩᱲᱤᱭᱟᱹ ᱵᱤᱪᱷᱟᱹᱨ ᱫᱷᱟᱨᱟ' ᱟᱨ ᱥᱟᱶᱛᱟ ᱫᱩᱞᱟᱹᱲᱤᱭᱟᱹ ᱱᱮᱯᱟᱞᱤ ᱥᱟᱶᱦᱮᱫ ᱨᱮᱱ ᱚᱱᱚᱞᱤᱭᱟᱹ ᱟᱨ ᱥᱮᱨᱮᱧᱟᱹ ᱦᱚᱸ ᱠᱟᱱᱟᱭ | ᱩᱱᱤᱭᱟ ᱜᱤ~ᱫᱽᱨᱟᱹ ᱚᱠᱛᱚ ᱠᱷᱚᱱ ᱜᱮ ᱱᱮᱯᱟᱞᱤ ᱥᱟᱶᱦᱮᱫ ᱨᱮᱱᱟᱜ ᱚᱱᱚᱬᱮ,ᱠᱷᱚᱱᱰᱚᱠᱟᱵᱭᱚ,ᱰᱨᱟᱢᱟ,ᱠᱟᱦᱱᱤ,ᱩᱭᱦᱟᱹᱨ ᱰᱟᱦᱟᱨ ᱚᱞ ᱚᱱᱚᱞ ᱟᱭᱢᱟ ᱞᱮᱠᱟᱱ ᱠᱟᱛᱷᱟ ᱠᱚ ᱥᱮᱞᱮᱫ ᱥᱟᱶ ᱠᱚᱞᱚᱢ ᱢᱟᱬᱟᱝ ᱥᱮᱡᱽ ᱠᱟᱛᱮ ᱢᱤᱫ ᱟᱹᱰᱤ ᱜᱮ ᱱᱟᱱᱟᱦᱚᱱᱟᱹᱨ ᱥᱟᱛᱟᱢ ᱛᱟᱞᱟ ᱟᱹᱰᱤ ᱜᱮ ᱯᱨᱚᱛᱤᱵᱷᱟ ᱦᱚᱲ ᱛᱟᱦᱮᱸᱠᱟᱱᱟ | ᱯᱨᱚᱠᱚᱛᱤᱠ ᱛᱟᱞᱟ ᱛᱮ ᱡᱚᱛᱚ ᱞᱮᱠᱟᱱ ᱠᱟᱛᱷᱟ ᱨᱮ ᱟᱯᱷᱱᱟᱨ ᱡᱤᱵᱚᱱ ᱵᱷᱚᱨ ᱵᱟᱸᱪᱟ ᱛᱟᱦᱮᱱ ᱞᱮᱠᱷᱟ ᱯᱨᱚᱠᱚᱛᱤᱠ ᱥᱟᱶ ᱡᱟᱲᱟᱣ ᱠᱟᱛᱮ ᱟᱭᱟ ᱚᱞ ᱵᱮᱞ ᱨᱮ ᱚᱞ ᱡᱩᱜᱟᱡᱩᱜ ᱞᱟᱹᱜᱤᱫ ᱥᱚᱫᱚᱨ ᱟᱠᱟᱫᱟ | ᱩᱱᱤ ᱵᱤᱹ ᱥᱚᱹ ᱑᱙᱙᱒ ᱥᱮᱨᱢᱟ ᱨᱮ ᱜᱳᱨᱚᱠᱷᱟᱯᱚᱛᱨᱚ ᱨᱮ ᱟᱯᱷᱱᱟᱨ ᱚᱱᱚᱬᱮ ᱪᱷᱟᱯᱟ ᱥᱚᱫᱚᱨ ᱛᱟᱦᱮᱸᱫ | ᱩᱱᱤᱭᱟ ᱱᱚᱵᱚᱢᱧᱡᱚᱨᱤ (ᱵᱤᱹ ᱥᱚᱹ ᱑᱙᱙᱔), ᱜᱷᱟᱢᱚᱯᱟᱱᱤ (ᱵᱤᱹ ᱥᱚᱹ ᱒᱐᱑᱐), ᱱᱚᱭᱟᱸ ᱱᱮᱯᱟᱞ(ᱵᱤᱹ ᱥᱚᱹ ᱒᱐᱒᱓), ᱠᱤᱱᱱᱚᱨ-ᱠᱤᱱᱱᱚᱨᱤ(ᱵᱤᱹ ᱥᱚᱹ ᱒᱐᱓᱓) ᱞᱮᱠᱟᱱ ᱚᱱᱚᱬᱮ ᱥᱚᱸᱜᱽᱨᱚᱦᱚ ᱚᱞ ᱥᱚᱫᱚᱨ ᱟᱠᱟᱱᱟ | ᱩᱱᱤ ᱫᱚ ᱡᱟᱹᱛᱤᱭᱟᱹᱨᱤ ᱨᱮᱱᱟᱜ ᱩᱯᱟᱫᱷᱤ ᱛᱮ ᱥᱚᱢᱢᱟᱱ ᱞᱮᱫᱮᱭᱟ | ᱩᱱᱤᱭᱟ ᱵᱚᱸᱜᱟ ᱛᱟᱞᱟ ᱵᱤᱹ ᱥᱚᱹ ᱒᱐᱗᱗ ᱥᱮᱨᱢᱟ ᱵᱷᱟᱫᱚᱨ ᱒ ᱢᱟᱦᱟᱸ ᱛᱟᱦᱮᱸᱫ |

ᱮᱛᱚᱵ ᱡᱤᱵᱚᱱ

ᱢᱟᱫᱷᱚᱵ ᱯᱨᱚᱥᱟᱫ ᱜᱷᱤᱢᱤᱨᱮ ᱡᱟᱱᱟᱢ ᱵᱤᱹ ᱥᱚᱹ ᱑᱙᱗᱖ ᱚᱥᱳᱡᱽ ᱗ ᱜᱚᱛᱮ ᱞᱚᱢᱡᱩᱝ ᱡᱤᱞᱟᱹ ᱨᱮᱱᱟᱜ ᱯᱩᱥᱛᱩᱠ ᱟᱛᱩ ᱨᱮ ᱦᱩᱭᱞᱮᱱᱟ | ᱡᱟᱱᱟᱢ ᱠᱷᱚᱱ ᱯᱮ ᱥᱮᱨᱢᱟ ᱛᱟᱭᱚᱢ ᱠᱷᱟᱱ ᱩᱱᱤ ᱨᱮ ᱟᱭᱚ ᱵᱚᱸᱜᱟ ᱛᱟᱞᱟ ᱞᱮᱱᱟ | ᱛᱩᱨᱝ)ᱩᱭ ᱥᱮᱨᱢᱟ ᱦᱩᱭᱩᱜᱚ ᱚᱠᱛᱚ ᱨᱮ ᱚᱞ ᱟᱹᱲᱟᱹ ᱠᱚ ᱥᱮᱬᱟ ᱞᱮᱫᱟ, ᱩᱱᱤ ᱗-᱘ ᱥᱮᱨᱢᱟ ᱦᱩᱭᱩᱜᱚ ᱚᱠᱛᱚ ᱨᱮ ᱟᱛᱩ ᱨᱮ ᱯᱷᱩᱞᱮᱵᱟᱵᱟ ᱯᱚᱧᱪᱟᱭᱚᱛ ᱨᱮᱱᱟᱜ ᱥᱮᱬᱟ ᱞᱮᱫᱟ | ᱑᱑ ᱥᱮᱨᱢᱟ ᱦᱩᱜᱩᱜᱚ ᱛᱮ ᱚᱲᱟᱜ ᱵᱟᱹᱜᱤ ᱠᱟᱛᱮ ᱫᱩᱨᱩᱰᱟᱸᱰᱟ(ᱞᱚᱢᱡᱩᱝ) ᱟᱛᱩ ᱮ ᱞᱟᱠᱪᱟᱨ ᱜᱟᱲ ᱥᱮᱠᱟᱛᱮ ᱠᱟᱴᱷᱢᱟᱱᱰᱩ ᱨᱮᱱᱟᱜ ᱨᱟᱱᱤᱯᱳᱠᱷᱚᱨᱤ ᱨᱮ ᱛᱟᱦᱮᱸ ᱠᱟᱛᱮ ᱞᱟᱠᱪᱟᱨ ᱢᱩᱬᱩᱛ ᱜᱟᱲ(ᱯᱟᱴᱥᱟᱞᱟ) ᱟᱨ ᱛᱤᱱᱫᱷᱟᱨᱟ ᱞᱟᱠᱪᱟᱨ ᱜᱟᱲ ᱫᱷᱟᱹᱨᱤ ᱦᱮᱡ ᱥᱮᱴᱮᱨ ᱠᱟᱛᱮ ᱯᱟᱥ ᱞᱮᱫᱟᱭ | ᱩᱱᱤᱭᱟ ᱥᱮᱪᱮᱫ ᱞᱟᱹᱜᱤᱫ ᱵᱚᱱᱟᱨᱚᱥ ᱥᱮᱴᱮᱨ ᱞᱮᱱᱟ | ᱜᱷᱤᱢᱤᱨᱮ-ᱟᱜ ᱵᱷᱟᱨᱚᱛ ᱨᱮᱱᱟᱜ ᱵᱟᱱᱟᱨᱚᱥ ᱨᱮ ᱠᱤᱱᱥᱚ ᱵᱤᱨᱫᱟᱹ ᱜᱟᱲ ᱥᱚᱨᱵᱚᱫᱚᱨᱥᱚᱱ ᱨᱮ ᱥᱟᱥᱛᱨᱤ ᱞᱮᱫᱟ |

ᱠᱟᱹᱢᱤ ᱡᱤᱵᱚᱱ ᱟᱨ ᱮᱢᱟᱱ ᱠᱚ

᱑᱔ ᱥᱮᱨᱢᱟ ᱨᱮᱱᱟᱜ ᱩᱢᱮᱨ ᱨᱮ ᱜᱮᱭᱟᱱᱯᱩᱥᱯᱚ ᱥᱟᱛᱚᱢ ᱛᱮ ᱵᱤᱹ ᱥᱚᱹ ᱑᱙᱙᱒ ᱨᱮ ᱜᱳᱨᱚᱠᱷᱟᱯᱚᱛᱨᱚ ᱨᱮ ᱯᱩᱭᱞᱩ ᱚᱞ ᱵᱮᱞ ᱪᱷᱟᱯᱟ ᱠᱟᱛᱮ ᱢᱤᱫ ᱠᱟᱵᱭᱚ ᱥᱤᱨᱡᱟᱹᱣ ᱞᱮᱫᱟ | ᱜᱷᱤᱢᱮᱨᱮ ᱵᱤᱹ ᱥᱚᱹ ᱒᱐᱐᱕ ᱥᱮᱨᱢᱟ ᱨᱮ ᱜᱳᱨᱚᱠᱷᱟᱯᱚᱛᱨᱚ ᱨᱮᱜᱮ ᱥᱚᱦᱚ-ᱥᱟᱯᱰᱟᱣᱤᱡ(sub-editor) ᱞᱮᱠᱟᱛᱮ ᱠᱟᱹᱢᱤ ᱮᱦᱚᱵ ᱞᱮᱫᱟ | ᱵᱚᱱᱟᱨᱚᱥ ᱠᱷᱚᱱ ᱥᱟᱥᱛᱨᱤᱯᱩᱭᱞᱩ ᱵᱷᱟᱜ ᱯᱟᱥ ᱛᱟᱭᱚᱢ ᱵᱤᱹ ᱥᱚᱹ ᱑᱙᱙᱘ ᱥᱮᱨᱢᱟ ᱨᱮ ᱵᱷᱟᱥᱟᱱᱭᱵᱟᱫ ᱯᱚᱨᱤᱥᱚᱫ ᱠᱷᱚᱱ ᱪᱟᱸᱫᱚ ᱱᱮᱯᱟᱞᱤ ᱒᱕ ᱴᱟᱠᱟ ᱛᱮ ᱚᱱᱚᱞᱤᱭᱟᱹ ᱯᱚᱫᱽ ᱨᱮ ᱟᱨ ᱵᱤᱹ ᱥᱚᱹ ᱒᱐᱐᱑ ᱥᱮᱨᱢᱟ ᱨᱮ ᱜᱳᱨᱠᱷᱟᱯᱚᱛᱨᱚ ᱫᱟᱭᱱᱤᱠ ᱪᱟᱸᱫᱚ ᱠᱤᱭᱟᱹ ᱨᱮ ᱔᱐ ᱴᱟᱠᱟ ᱛᱮ ᱥᱚᱦᱚ-ᱥᱟᱯᱰᱟᱣᱤᱡ(sub-editor) ᱞᱮᱠᱟᱛᱮ ᱠᱟᱹᱢᱤ ᱮᱦᱚᱵ ᱞᱮᱫᱟ | ᱩᱱᱟ ᱛᱟᱭᱚᱢ ᱒᱐᱑᱐ ᱥᱮᱨᱢᱟ ᱨᱮ ᱞᱮᱪᱷᱢᱤᱯᱨᱚᱥᱟᱫ ᱫᱮᱵᱠᱳᱴᱟ ᱨᱮᱱᱟᱜ ᱞᱟᱦᱟᱱᱛᱤ ᱛᱮ ᱵᱮᱱᱟᱣ ᱟᱠᱟᱱ ᱠᱟᱵᱭᱚ ᱯᱨᱚᱛᱤᱥᱴᱷᱟᱱ ᱨᱮ ᱯᱩᱱ ᱥᱮᱨᱢᱟ ᱢᱮᱢᱵᱚᱨ ᱛᱟᱦᱮᱸ ᱠᱟᱱᱟ | ᱵᱤᱹ ᱥᱚᱹ ᱒᱐᱐᱘ ᱥᱮᱨᱢᱟ ᱨᱮ ᱞᱚᱢᱡᱩᱝ ᱨᱩᱣᱟᱹᱲ ᱢᱟᱫᱷᱭᱚᱢᱤᱠ ᱥᱠᱩᱞ ᱨᱮ ᱦᱮᱰ ᱢᱮᱰ ᱢᱟᱥᱴᱚᱨ ᱞᱮᱠᱟᱛᱮ ᱥᱮᱞᱮᱫ ᱞᱮᱱᱟ |

ᱟᱹᱰᱤ ᱪᱚᱞᱩ ᱥᱮᱨᱮᱧ ᱜᱟᱩᱸᱪᱚ ᱜᱤᱛ ᱱᱮᱯᱟᱞᱤ ᱨᱮᱱ ᱚᱞ ᱥᱚᱫᱚᱨᱤᱡ ᱜᱷᱤᱢᱮᱨᱮ-ᱟᱜ ᱟᱹᱰᱤ ᱢᱟᱱᱮᱣᱟᱱ ᱥᱮᱨᱮᱧ ᱢᱩᱸᱫᱽ ᱨᱮ ᱯᱷᱩᱞᱠᱳ ᱴᱷᱩᱝᱜᱟ ᱵᱚᱜᱚᱨ ᱜᱚᱭᱳ(ᱛᱟᱨᱟᱫᱮᱵᱤ᱐), ᱟᱡᱟᱭ ᱨᱚ ᱨᱟᱛᱤ ᱠᱮ ᱫᱮᱠᱷᱮ ᱥᱚᱯᱚᱱᱟ(ᱱᱟᱨᱟᱭᱚᱬ ᱜᱳᱯᱟᱞ) ᱮ ᱥᱮᱨᱮᱧ ᱞᱮᱫᱟ | ᱩᱱᱤ ᱵᱤᱹ ᱥᱚᱹ ᱒᱐᱐᱘ ᱥᱮᱨᱢᱟ ᱨᱮ ᱱᱮᱯᱟᱞ ᱨᱟᱡᱽᱠᱤᱭᱚ ᱯᱨᱚᱭᱟ ᱯᱨᱚᱛᱤᱥᱴᱷᱟᱱ ᱨᱮᱱ ᱢᱮᱢᱵᱚᱨ ᱦᱩᱭ ᱛᱟᱭᱚᱢ ᱡᱤᱵᱚᱱ ᱵᱷᱚᱨ ᱢᱮᱢᱵᱚᱨ,ᱩᱯᱚᱠᱩᱞᱯᱚᱛᱤ,ᱠᱩᱞᱯᱚᱛᱤ ᱞᱮᱠᱟᱛᱮ ᱛᱟᱦᱮᱸ ᱠᱟᱛᱮ ᱯᱨᱚᱭᱟ ᱯᱨᱚᱛᱤᱥᱴᱷᱟᱱ ᱞᱟᱦᱟᱱᱛᱤ ᱞᱮᱫᱟ |

ᱢᱟᱹᱱᱢᱤ ᱡᱤᱵᱚᱱ

ᱵᱤᱹ ᱥᱚᱹ ᱒᱐᱐᱔ ᱥᱮᱨᱢᱟ ᱨᱮ ᱩᱱᱤ-ᱟᱜ ᱡᱤᱵᱚᱱᱥᱚᱸᱜᱤᱱᱤ(ᱡᱩᱨᱤ) ᱜᱟᱹᱣᱨᱤ-ᱟᱜ ᱵᱚᱸᱜᱟ ᱛᱟᱞᱟ ᱦᱩᱭᱞᱮᱱᱟ |

ᱠᱨᱤᱛᱤ(ᱚᱞ ᱵᱮᱞ) ᱠᱚ

ᱩᱱᱤᱭᱟ ᱚᱱᱚᱬᱮ ᱡᱤᱵᱚᱱ ᱨᱮᱱᱟᱜ ᱰᱟᱦᱟᱨ ᱨᱮ ᱯᱩᱭᱞᱩ ᱠᱨᱤᱛᱤ(ᱚᱞ ᱵᱮᱞ) ᱱᱚᱵᱚ ᱢᱚᱧᱡᱚᱨᱤ ᱵᱤᱹ ᱥᱚᱹ ᱑᱙᱙᱔ ᱥᱮᱨᱢᱟ ᱨᱮ ᱯᱟᱨᱥᱟᱞ ᱦᱩᱭ ᱛᱟᱭᱚᱢ ᱩᱱᱤᱭᱟ ᱰᱟᱦᱟᱨ ᱢᱤᱫ ᱢᱚᱱᱮ ᱛᱮ ᱞᱟᱦᱟ ᱛᱮ ᱪᱷᱟᱞᱟᱣ ᱞᱮᱱ ᱛᱟᱭᱟ | ᱜᱟᱹᱣᱨᱤ ᱥᱳᱠᱠᱟᱵᱭᱚ ᱡᱟᱹᱛᱤᱭᱟᱹᱨᱤ ᱚᱱᱚᱞᱤᱭᱟᱹ ᱢᱟᱫᱷᱚᱵ ᱯᱨᱚᱥᱟᱫ ᱜᱷᱤᱢᱤᱨᱮ ᱞᱮᱠᱟᱛᱮ ᱚᱞ ᱥᱚᱫᱚᱨ ᱟᱠᱟᱱ ᱥᱳᱠᱠᱟᱵᱭᱚ ᱠᱟᱱᱟ | ᱥᱟᱡᱷᱟ ᱯᱟᱨᱥᱟᱞ ᱨᱮ ᱵᱤᱹ ᱥᱚᱹ ᱒᱐᱑᱕ ᱥᱮᱨᱢᱟ ᱨᱮ ᱯᱟᱨᱥᱟᱞ ᱟᱠᱟᱱ ᱱᱩᱣᱟ ᱠᱟᱵᱭᱚ ᱨᱮ ᱑᱒ ᱩᱯᱚ-ᱥᱤᱨᱥᱚᱠ(sub-subject) ᱚᱞ ᱟᱠᱟᱱ ᱚᱱᱚᱬᱮ ᱠᱚ ᱥᱮᱞᱮᱫ ᱟᱠᱟᱱᱟ |

ᱢᱟᱫᱷᱚᱵ ᱯᱨᱚᱥᱟᱫ ᱜᱷᱤᱢᱤᱨᱮ ᱞᱮᱠᱟᱛᱮ ᱚᱞ ᱟᱠᱟᱱ ᱠᱨᱤᱛᱤ(ᱚᱞ ᱵᱮᱞ) ᱠᱚ

• ᱱᱚᱵᱚ ᱢᱚᱧᱡᱚᱨᱤ
• ᱜᱟᱹᱣᱨᱤ ᱥᱳᱠᱠᱟᱵᱭᱚ
• ᱢᱟᱞᱚᱛᱤ ᱢᱚᱸᱜᱚᱞᱞᱮ(ᱥᱮᱨᱮᱧᱰᱨᱟᱢ)
• ᱦᱤᱢᱟᱞᱯᱟᱨᱤ ᱦᱤᱢᱟᱞᱵᱟᱨᱤ(ᱥᱮᱨᱮᱧᱰᱨᱟᱢ)
• ᱨᱟᱡᱮᱥᱣᱚᱨᱤ
• ᱤᱱᱫᱽᱨᱚᱠᱩᱢᱟᱨᱤ
• ᱨᱟᱥᱴᱨᱚᱱᱤᱨᱢᱟᱛᱟ
• ᱠᱤᱱᱱᱚᱨ-ᱠᱤᱱᱱᱚᱨᱤ(ᱥᱮᱨᱮᱧᱥᱚᱜᱽᱨᱚᱦᱚ)
• ᱪᱟᱨᱩ ᱪᱚᱨᱪᱟ(ᱚᱱᱚᱞ)
• ᱟᱯᱷᱱᱟᱨ ᱵᱟᱸᱥᱩᱨᱤ ᱟᱯᱷᱱᱟᱨ ᱜᱤᱛ(ᱚᱱᱚᱞ)

ᱯᱩᱨᱩᱥᱠᱟᱨ ᱟᱨ ᱥᱚᱢᱢᱟᱱ

ᱡᱟᱹᱛᱤᱭᱟᱹᱨᱤ ᱚᱱᱚᱞᱤᱭᱟᱹ ᱢᱟᱫᱷᱚᱵ ᱯᱨᱚᱥᱟᱫ ᱜᱷᱤᱢᱤᱨᱮ ᱞᱟᱹᱜᱤᱫ ᱵᱤᱹ ᱥᱚᱹ ᱒᱐᱖᱗ ᱥᱮᱨᱢᱟ ᱨᱮ ᱯᱚᱫᱫᱷᱚᱥᱨᱤ ᱥᱟᱫᱷᱟᱱᱟ ᱥᱚᱢᱢᱟᱱ ᱯᱩᱨᱩᱥᱠᱟᱨ ᱧᱟᱢ ᱞᱮᱫᱟ | ᱟᱨ ᱵᱤᱹ ᱥᱚᱹ ᱒᱐᱖᱕ ᱥᱮᱨᱢᱟ ᱨᱮ ᱢᱚᱦᱟ ᱩᱡᱡᱣᱚᱞ ᱯᱚᱫᱚᱠ ᱠᱷᱚᱱ ᱥᱚᱢᱢᱟᱱᱤᱛ ᱮ ᱧᱟᱢ ᱞᱮᱫᱟ |

• ᱵᱤᱹ ᱥᱚᱹ ᱒᱐᱕᱔ ᱥᱮᱨᱢᱟ ᱨᱮ ᱦᱤᱞᱟᱞᱯᱟᱨᱤ ᱦᱤᱢᱟᱞᱣᱟᱨᱤ ᱨᱮᱱᱟᱜ ᱥᱟᱡᱷᱟ ᱯᱩᱨᱩᱥᱠᱟᱨ ᱧᱟᱢ ᱞᱮᱫᱟ,
• ᱵᱤᱹ ᱥᱚᱹ ᱒᱐᱕᱘ ᱥᱮᱨᱢᱟ ᱨᱮ ᱪᱟᱨᱩ ᱪᱷᱚᱨᱪᱟ(ᱚᱱᱚᱞ) ᱨᱮᱱᱟᱜ ᱥᱟᱡᱷᱟ ᱯᱩᱨᱩᱥᱠᱟᱨ ᱧᱟᱢ ᱞᱮᱫᱟ,
• ᱵᱷᱟᱱᱩᱵᱷᱚᱠᱛᱚ ᱯᱩᱨᱩᱥᱠᱟᱨ
• Distinguished Academy Medal
• Shree Prasiddha Praval Gorkha Dakshinabahu
• ᱛᱨᱤᱵᱷᱩᱣᱚᱱ ᱯᱨᱚᱜᱭᱟ ᱯᱩᱨᱩᱥᱠᱟᱨ

ᱱᱩᱣᱟ ᱦᱚᱸ ᱱᱮᱞ ᱢᱮ

• कवि माधवप्रसाद घिमिरेसंगको अन्तर्वार्ता- बिबिसी नेपाली सेवा
• राष्ट्रकविको गुनासोः कार्यक्रममा जाँदैमा हैरान भइयो- अनलाइन खबर
• राष्ट्रकवि माधवप्रसाद घिमिरेको निधन

ᱵᱟᱨᱦᱮ ᱡᱚᱱᱚᱲ

https://ne.wikipedia.org/wiki/%E0%A4%AE%E0%A4%BE%E0%A4%A7%E0%A4%B5%E0%A4%AA%E0%A5%8D%E0%A4%B0%E0%A4%B8%E0%A4%BE%E0%A4%A6_%E0%A4%98%E0%A4%BF%E0%A4%AE%E0%A4%BF%E0%A4%B0%E0%A5%87_%E0%A4%B0%E0%A4%9A%E0%A4%A8%E0%A4%BE%E0%A4%B8%E0%A5%82%E0%A4%9A%E0%A5%80