ᱢᱟᱱᱣᱟ ᱥᱟᱬᱮᱥ
ᱢᱟᱱᱣᱟ ᱥᱟᱬᱮᱥ ᱫᱚ ᱦᱩᱭᱩᱜ ᱠᱟᱱᱟ ᱢᱟᱱᱣᱟ ᱠᱚᱣᱟᱜ ᱥᱟᱬᱮᱥᱤᱭᱟᱹ ᱯᱟᱲᱦᱟᱣ, ᱡᱟᱦᱟᱸ ᱫᱚ ᱱᱟᱦᱟᱜ ᱟᱨ ᱥᱮᱫᱟᱭ ᱵᱟᱱᱟᱨ ᱚᱠᱛᱚ ᱨᱮ ᱢᱟᱱᱣᱟ ᱵᱮᱣᱦᱟᱨ, ᱢᱟᱱᱣᱟ ᱡᱤᱵᱽ ᱥᱟᱬᱮᱥ, ᱟᱹᱨᱤᱪᱟᱹᱞᱤ, ᱥᱟᱶᱛᱟᱠᱤᱭᱟᱹ ᱟᱨ ᱯᱟᱹᱨᱥᱤ ᱥᱟᱬᱮᱥ ᱛᱮᱱᱟᱜ ᱥᱟᱞᱟᱜ ᱥᱮᱞᱮᱫ ᱢᱮᱱᱟᱜᱼᱟ, ᱡᱟᱦᱟᱸ ᱢᱩᱫᱨᱮ ᱢᱮᱱᱟᱜᱼᱟ ᱢᱟᱨᱮᱱ ᱢᱟᱱᱣᱟ ᱠᱚᱣᱟᱜ ᱠᱟᱛᱷᱟ᱾ [᱑] [᱒] ᱥᱟᱶᱛᱟᱠᱤᱭᱟᱹ ᱢᱟᱱᱣᱟ ᱥᱟᱬᱮᱥ ᱨᱮ ᱢᱟᱱᱣᱟ ᱠᱚᱣᱟᱜ ᱵᱮᱣᱦᱟᱨ ᱨᱮᱭᱟᱜ ᱦᱚᱨᱟ ᱠᱚ ᱯᱟᱲᱦᱟᱣ ᱦᱩᱭᱩᱜᱼᱟ, ᱮᱴᱟᱜ ᱥᱮᱪ ᱞᱟᱠᱪᱟᱨᱟᱱ ᱢᱟᱱᱣᱟ ᱥᱟᱬᱮᱥ ᱨᱮ ᱟᱹᱨᱤᱪᱟᱹᱞᱤ ᱢᱮᱱᱮᱫ, ᱥᱟᱶᱛᱮ ᱜᱚᱱᱚᱝ ᱟᱨ ᱞᱟᱠᱪᱟᱨ ᱨᱮᱭᱟᱜ ᱢᱮᱱᱮᱫ ᱠᱚ ᱯᱟᱲᱦᱟᱣ ᱦᱩᱭᱩᱜᱼᱟ᱾ [᱑] [᱓] [᱒] ᱛᱤᱦᱤᱧ ᱜᱟᱯᱟ ᱢᱤᱫ ᱡᱚᱱᱚᱲᱟᱣ ᱟᱹᱲᱟᱹ ᱥᱟᱶᱛᱟᱼᱞᱟᱠᱪᱟᱨ ᱢᱟᱱᱣᱟ ᱥᱟᱬᱮᱥ ᱟᱹᱰᱤ ᱜᱮ ᱵᱮᱵᱷᱟᱨᱚᱜ ᱠᱟᱱᱟ᱾[᱔] ᱯᱟᱹᱨᱥᱤᱭᱟᱱ ᱢᱟᱱᱣᱟ ᱥᱟᱬᱮᱥ ᱨᱮ ᱯᱟᱹᱨᱥᱤ ᱪᱮᱫ ᱞᱮᱠᱟᱛᱮ ᱥᱟᱶᱛᱟ ᱡᱤᱭᱚᱱᱮ ᱮᱥᱮᱨᱼᱟ ᱚᱱᱟ ᱯᱟᱲᱦᱟᱣ ᱦᱩᱭᱩᱜᱼᱟ᱾ ᱡᱤᱭᱚᱱᱤᱭᱟᱹ ᱥᱮ ᱦᱚᱲᱢᱚ ᱟᱱ ᱢᱟᱱᱣᱟ ᱥᱟᱬᱮᱥ ᱫᱚ ᱦᱚᱲ ᱠᱚᱣᱟᱜ ᱡᱤᱭᱚᱱᱤᱭᱟᱹ ᱩᱛᱱᱟᱹᱣ ᱠᱚ ᱯᱟᱲᱦᱟᱣᱟᱭ᱾ [᱑] [᱓] [᱒]
ᱥᱮᱫᱟᱭᱟᱜ ᱢᱟᱱᱣᱟ ᱥᱟᱬᱮᱥ, ᱫᱚ ᱡᱟᱹᱨᱤ ᱥᱟᱹᱵᱩᱫᱽ ᱛᱚᱞᱟᱥ ᱛᱟᱞᱟᱛᱮ ᱦᱚᱲ ᱠᱚᱣᱟᱜ ᱠᱟᱹᱢᱤ ᱦᱚᱨᱟ ᱠᱚ ᱯᱟᱲᱦᱟᱣᱟ᱾ ᱠᱚᱧᱮ ᱟᱢᱮᱨᱤᱠᱟ ᱟᱨ ᱮᱥᱤᱭᱟ ᱨᱮ ᱱᱚᱣᱟ ᱫᱚ ᱢᱟᱱᱣᱟ ᱥᱟᱬᱮᱥ ᱨᱮᱭᱟᱜ ᱢᱤᱫᱴᱟᱝ ᱦᱤᱸᱥ ᱞᱮᱠᱟᱛᱮ ᱢᱟᱱᱟᱣ ᱦᱩᱭᱩᱜᱼᱟ, ᱢᱮᱱᱠᱷᱟᱱ ᱤᱭᱩᱨᱳᱯ ᱨᱮ, ᱥᱮᱫᱟᱭᱟᱜ (ᱟᱨᱠᱤᱣᱞᱚᱡᱤ) ᱫᱚ ᱟᱡᱟᱜ ᱞᱮᱠᱟᱛᱮ ᱢᱤᱫᱴᱟᱝ ᱯᱚᱼᱯᱚᱲᱦᱚᱱ ᱞᱮᱠᱟᱛᱮ ᱧᱮᱞ ᱦᱩᱭᱩᱜᱼᱟ ᱥᱮ ᱱᱟᱜᱟᱢ ᱯᱮᱞᱤᱣᱳᱱᱴᱳᱞᱡᱤ ᱞᱮᱠᱟ ᱮᱴᱟᱜ ᱮᱴᱟᱜ ᱥᱟᱛᱟᱢ ᱨᱮ ᱦᱟᱹᱴᱤᱧ ᱦᱩᱭᱩᱜᱼᱟ᱾[᱕]
- ↑ ᱑.᱐ ᱑.᱑ ᱑.᱒ "anthropology". Merriam-Webster.com. Merriam-Webster. Archived from the original on 22 August 2020. Retrieved 16 September 2020.
- ↑ ᱒.᱐ ᱒.᱑ ᱒.᱒ "What is Anthropology?". American Anthropological Association. Archived from the original on 16 February 2016. Retrieved 10 August 2013.
- ↑ ᱓.᱐ ᱓.᱑ ᱛᱩᱢᱟᱹᱞ ᱦᱩᱲᱟᱹᱜ:Invalid
<ref>tag; no text was provided for refs namedeb - ↑ "Sociocultural Anthropology and Ethnography | Department of Anthropology" (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2021-09-25.
- ↑ "Paleoanthropology | Britannica".