ᱢᱟᱶᱴ ᱠᱚᱨᱵᱩ
| ᱢᱟᱶᱴ ᱠᱚᱨᱵᱩ ᱠᱚᱨᱵᱩ ᱵᱩᱨᱩ | |
|---|---|
| ᱜᱩᱱᱩᱝ ᱠᱚᱨᱵᱩ | |
 | |
| Highest point | |
| ᱩᱥᱩᱞ | 2,183 m (7,162 ft) |
| ᱯᱨᱚᱢᱤᱱᱮᱱᱥ | P2660 |
| ᱟᱭᱤᱥᱚᱞᱟᱥᱚᱱ | P2659 |
| Coordinates | 4°41′N 101°18′E / 4.683°N 101.300°ECoordinates: 4°41′N 101°18′E / 4.683°N 101.300°E |
| Geography | |
  ᱢᱟᱶᱴ ᱠᱚᱨᱵᱩ ᱠᱚᱨᱵᱩ ᱵᱩᱨᱩ Location in Malaysia | |
| Location | ᱯᱮᱨᱟᱠ, ᱢᱟᱞᱮᱥᱤᱭᱟ |
| ᱛᱟᱹᱨᱤ ᱨᱮ | ᱛᱤᱛᱤᱣᱟᱝᱥᱟ ᱵᱩᱨᱩ |
ᱢᱟᱶᱴ ᱠᱚᱨᱵᱩ ᱵᱟᱝᱢᱟ ᱠᱚᱨᱵᱩ ᱵᱩᱨᱩ (ᱢᱟᱞᱚᱭ: Gunung Korbu) ᱫᱚ ᱦᱩᱞᱩ ᱠᱤᱱᱴᱟ ᱨᱮᱱᱟᱜ ᱢᱤᱫ ᱵᱩᱨᱩ ᱠᱟᱱᱟ ᱾ ᱡᱟᱦᱟᱸ ᱫᱚ ᱢᱟᱞᱮᱥᱤᱭᱟ ᱨᱮᱱᱟᱜ ᱯᱮᱨᱟᱠ ᱯᱚᱱᱚᱛ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱤᱯᱚᱦ ᱠᱷᱚᱱᱟᱜ ᱒᱕ ᱠᱤᱞᱚᱢᱤᱴᱚᱨ ᱜᱟᱱ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱛᱤᱛᱤᱝᱣᱟᱥ ᱵᱩᱨᱩ ᱨᱮᱱᱟᱜ ᱡᱚᱛᱚ ᱠᱷᱚᱱ ᱩᱥᱩᱞ ᱴᱩᱭ ᱠᱟᱱᱟ, ᱡᱟᱦᱟᱸ ᱫᱚ ᱛᱮᱥᱟᱨᱤᱱ ᱵᱩᱨᱩ ᱨᱮᱱᱟᱜ ᱠᱚᱧᱮ ᱥᱮᱦᱮᱫ ᱨᱮ ᱢᱮᱱᱟᱜᱼᱟ ᱾
ᱢᱟᱶᱴ ᱠᱚᱨᱵᱩ ᱫᱚ ᱯᱮᱱᱤᱥᱩᱞᱟᱨ ᱢᱟᱞᱮᱥᱤᱭᱟ ᱨᱮᱱᱟᱜ ᱫᱚᱥᱟᱨ ᱩᱥᱩᱞ ᱵᱩᱨᱩ ᱦᱚᱸ ᱠᱟᱱᱟ, ᱡᱟᱦᱟᱸ ᱫᱚ ᱒,᱑᱘᱓ ᱢᱤᱴᱚᱨ [᱑] ᱩᱥᱩᱞ ᱟᱱᱟ (ᱱᱚᱶᱟ ᱠᱷᱚᱱ ᱱᱟᱥᱮ ᱩᱥᱩᱞᱟ ᱯᱚᱦᱟᱝ ᱒,᱑᱘᱗ ᱢᱤᱴᱚᱨ ) ᱾ ᱱᱚᱶᱟ ᱵᱩᱨᱩ ᱫᱮᱡᱚᱜ ᱞᱟᱹᱜᱤᱫ ᱠᱮᱴᱮᱡ ᱟᱨ ᱰᱟᱸᱴᱢᱚᱬ ᱦᱚᱲᱢᱚ ᱞᱟᱹᱠᱛᱤ ᱾ ᱪᱮᱛᱟᱱ ᱫᱮᱡᱚᱜ ᱟᱨ ᱟᱬᱜᱚᱱ ᱞᱟᱹᱜᱤᱫ ᱯᱩᱱ ᱥᱤᱧ ᱟᱨ ᱯᱮ ᱧᱤᱫᱟᱹ ᱞᱟᱜᱟᱣᱜᱼᱟ ᱾ ᱢᱮᱱᱠᱷᱱ ᱱᱮᱛᱟᱨ ᱫᱚ ᱠᱚᱢ ᱚᱠᱛᱚ ᱛᱮᱦᱚᱸ ᱠᱚ ᱫᱮᱡ ᱫᱟᱲᱮᱭᱟᱜ ᱠᱟᱱ ᱜᱮᱭᱟ ᱾ ᱱᱮᱛᱟᱨ ᱛᱤᱢᱤᱱ ᱜᱟᱱ ᱵᱤᱱᱟᱹ ᱥᱮᱪᱮᱫ ᱛᱮ ᱫᱮᱡ ᱵᱤᱰᱟᱹᱣ ᱠᱚ ᱨᱤᱠᱟᱹᱭᱮᱫ ᱜᱮᱭᱟ, ᱡᱟᱦᱸ ᱫᱚ ᱟᱹᱰᱤ ᱵᱤᱯᱚᱫᱽ ᱟᱱᱟᱜ ᱠᱟᱱᱟ ᱾ ᱱᱚᱶᱟ ᱥᱩᱯᱩᱨ ᱨᱤᱱ ᱢᱟᱶᱴᱮᱱᱟᱨ ᱠᱚᱣᱟᱜ ᱞᱟᱹᱭ ᱞᱮᱠᱟᱛᱮ ᱟᱭᱢᱟ ᱦᱚᱲ ᱠᱚ ᱜᱩᱡᱩᱜ ᱠᱟᱱᱟ ᱵᱟᱝ ᱫᱮᱡ ᱥᱮᱴᱮᱨ ᱫᱟᱲᱮ ᱛᱮ ᱾ ᱢᱟᱶᱴ ᱜᱟᱭᱚᱝ (᱒,᱑᱗᱓) ᱫᱚ ᱢᱟᱞᱮᱥᱤᱭᱟ ᱯᱮᱱᱤᱥᱩᱞᱟ ᱨᱮᱱᱟᱜ ᱯᱩᱱ ᱟᱱᱟᱜ ᱩᱥᱩᱞ ᱵᱩᱨᱩ ᱠᱟᱱᱟ ᱡᱟᱦᱟᱸ ᱢᱟᱶᱴ ᱵᱩᱨᱩ ᱠᱷᱚᱱ ᱙᱐ ᱢᱤᱱᱤᱴ ᱞᱟᱦᱟ ᱨᱮ ᱴᱩᱭ ᱥᱮᱴᱮᱨ ᱜᱟᱱᱚᱜᱼᱟ ᱾
ᱫᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱚᱶᱟ ᱵᱩᱨᱩ ᱫᱮᱡᱚᱜ ᱨᱮᱱᱟᱜ ᱫᱟᱣ ᱧᱟᱢ ᱞᱟᱹᱜᱤᱫ ᱠᱷᱟᱱ ᱯᱩᱭᱞᱩ ᱟᱹᱨᱡᱤ ᱥᱟᱠᱟᱢ ᱮᱢ ᱦᱩᱭᱩᱜᱼᱟ ᱱᱚᱶᱟ ᱦᱚᱨᱟ ᱛᱮ ᱺᱼ
- ᱢᱤᱫ ᱟᱨᱫᱟᱥ / ᱟᱹᱨᱡᱤ ᱥᱟᱠᱟᱢ ᱮᱢ ᱦᱩᱭᱩᱜᱼᱟ ᱠᱤᱱᱴᱟ / ᱢᱟᱱᱡᱩᱝ ᱡᱤᱞᱞᱟᱹᱵᱤᱨ ᱟᱹᱢᱟᱹᱞᱤ ᱨᱮ ᱡᱤᱞᱞᱟᱹ ᱵᱤᱨ ᱟᱹᱢᱟᱹᱞᱤᱭᱟᱹ ᱧᱩᱛᱩᱢ ᱛᱮ ᱾
- ᱫᱮᱡᱚᱜ ᱨᱮᱱᱟᱜ ᱢᱟᱺᱦᱤᱛ, ᱵᱩᱴᱟᱹ ᱟᱨ ᱥᱟᱶᱛᱮ ᱠᱚ ᱥᱮᱱᱚᱜ ᱠᱟᱱ ᱦᱚᱲ ᱠᱚᱣᱟᱜ ᱵᱩᱴᱟᱹ ᱥᱮᱞᱮᱫ ᱛᱟᱦᱮᱸᱱᱟ ᱾
- ᱟᱹᱨᱡᱤ ᱥᱟᱠᱟᱢ ᱫᱚ ᱵᱩᱨᱩ ᱫᱮᱡᱚᱜ ᱨᱮᱱᱟᱜ ᱢᱤᱫ ᱦᱟᱯᱛᱟ ᱢᱟᱬᱟᱝ ᱨᱮ ᱮᱢ ᱦᱩᱭᱩᱜᱼᱟ ᱾
- ᱱᱚᱶᱟ ᱨᱮᱱᱟᱜ ᱢᱤᱫ ᱥᱤᱱᱟᱹᱢ (copy) 05-3651679 ᱨᱮ ᱯᱷᱮᱠᱥ (Fax) ᱦᱩᱭᱩᱜᱼᱟ ᱾
- ᱚᱥᱚᱞ (Original) ᱥᱤᱱᱟᱹᱢ ᱫᱚ ᱯᱚᱥᱴ ᱛᱮ ᱟᱨᱵᱟᱝ ᱴᱷᱟᱹᱣᱠᱟᱹ ᱜᱮ ᱟᱹᱢᱟᱹᱞᱤ ᱨᱮ ᱮᱢ ᱦᱩᱭᱩᱜᱼᱟ ᱾
- 05-3661228 ᱨᱮ ᱯᱷᱚᱱ ᱢᱮ ᱯᱷᱮᱠᱥ ᱥᱮᱴᱮᱨ ᱟᱠᱟᱱᱟ ᱥᱮ ᱵᱟᱝ ᱛᱩᱱᱠᱷᱤ ᱞᱟᱹᱜᱤᱫ ᱾
- ᱠᱟᱹᱣᱰᱤ ᱮᱢ ᱦᱩᱭᱩᱜᱼᱟ ᱦᱚᱲ ᱯᱤᱪᱷᱤ RM10.00 ᱴᱟᱠᱟ, ᱯᱮᱨᱟᱠ ᱯᱚᱱᱚᱛ ᱴᱨᱮᱡᱚᱨᱟᱨ ᱴᱷᱮᱱ ᱢᱚᱱᱤ ᱚᱰᱚᱨ ᱫᱟᱨᱟᱭ ᱛᱮ ᱾
ᱫᱟᱣ ᱧᱟᱢ ᱞᱟᱹᱜᱤᱫ ᱟᱹᱨᱡᱤ ᱮᱢ ᱱᱟᱥᱮ ᱡᱷᱮᱸᱜᱟ ᱜᱮ ᱨᱮᱦᱚᱸ, ᱫᱮᱡᱚᱜ ᱠᱚ ᱞᱟᱹᱜᱤᱫ ᱟᱱᱟᱴ ᱮᱴᱠᱮᱴᱚᱬᱮ ᱱᱚᱶᱟ ᱛᱮ ᱥᱟᱦᱟ ᱦᱩᱭ ᱫᱟᱲᱮᱭᱟᱜᱼᱟ ᱾
ᱚᱠᱟᱞᱮᱠᱟᱢ ᱫᱮᱡᱚᱜᱼᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱯᱩᱞᱩ ᱤᱯᱚᱦ ᱠᱷᱚᱱ ᱛᱟᱱᱡᱩᱝ ᱨᱟᱢᱵᱩᱴᱟᱱ ᱥᱮᱱᱚᱜ ᱦᱩᱭᱩᱜᱼᱟ ᱾ ᱚᱸᱰᱮ ᱥᱮᱢᱤᱴᱤᱥ ᱟᱹᱛᱩ ᱢᱮᱱᱟᱜᱼᱟ, ᱚᱸᱰᱮ ᱠᱷᱚᱱ ᱠᱤᱱᱴᱟ ᱜᱟᱰᱟ ᱥᱮᱫ ᱛᱮ ᱨᱟᱠᱟᱵ ᱦᱩᱭᱩᱜᱼᱟ ᱾ ᱛᱟᱱᱡᱩᱝ ᱨᱟᱢᱵᱩᱱᱴ ᱠᱷᱚᱱ ᱠᱚᱨᱵᱩ ᱵᱩᱨᱩ ᱫᱚ ᱑᱖ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾
ᱵᱮᱜᱷᱚᱴᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙᱙᱙ ᱥᱟᱞᱮ ᱨᱮ ᱑᱔ ᱜᱚᱴᱟᱝ ᱜᱤᱫᱽᱨᱟᱹ ᱵᱟᱨᱭᱟ ᱛᱤᱨᱞᱟᱹ ᱫᱮᱡᱚᱜᱠᱤᱱ ᱥᱟᱶ ᱠᱚ ᱫᱮᱡᱚᱜ ᱠᱟᱱ ᱛᱟᱦᱮᱸᱫ ᱾ ᱩᱱᱠᱩ ᱫᱚ ᱠᱚ ᱦᱩᱭᱩᱜ ᱠᱟᱱᱟ ᱥᱟᱣᱟ, ᱟᱫᱟᱱ, ᱞᱟᱱ, ᱢᱚᱱᱚ, ᱣᱟᱠ, ᱡᱟᱵᱤᱨ, ᱥᱟᱨᱠ, ᱯᱚᱱ, ᱢᱟᱭ, ᱥᱮᱭᱞᱟ, ᱡᱟᱭᱱᱟᱞ, ᱥᱮᱯᱚᱭ (ᱜᱩᱨ ᱮᱱᱟᱭ ) ᱟᱨ ᱨᱚᱦᱟᱱ (ᱜᱩᱨ ᱮᱱᱟᱭ) ᱫᱚᱥᱟᱨ ᱦᱤᱞᱚᱜ ᱥᱮᱛᱟᱜ ᱦᱟᱨᱩᱱ ᱟᱨ ᱨᱚᱦᱟ ᱟᱜ ᱡᱤᱣᱤ ᱵᱟᱹᱛᱤ ᱤᱬᱤᱡ ᱞᱮᱱ ᱛᱟᱦᱮᱸᱫ, ᱵᱩᱨᱩ ᱪᱮᱛᱟᱱ ᱨᱮ ᱠᱚ ᱵᱟᱥᱟ ᱞᱮᱱ ᱴᱷᱮᱫ ᱜᱮ ᱾ ᱚᱯᱷᱤᱥᱤᱭᱟᱞ ᱰᱚᱜᱚᱨ ᱞᱮᱠᱟᱛᱮ ᱵᱟᱰᱟᱭ ᱟᱠᱟᱱᱟ ᱵᱟᱝ ᱢᱟ ᱠᱟᱞᱥᱤᱭᱚᱢ ᱠᱟᱨᱵᱟᱭᱤᱰ ᱜᱮᱥ ᱞᱮᱢᱯ (ᱰᱷᱤᱵᱽᱨᱤ) ᱡᱩᱞ ᱞᱮᱱ ᱛᱟᱦᱮᱸᱫ ᱛᱟᱺᱵᱩ ᱵᱷᱤᱛᱨᱤ ᱨᱮ ᱚᱱᱟ ᱜᱮ ᱠᱟᱨᱵᱚᱱ ᱢᱚᱱᱚᱠᱥᱟᱭᱤᱰ ᱛᱮᱭᱟᱨ ᱠᱟᱛᱮ ᱦᱚᱭ ᱨᱮ ᱢᱮᱥᱟ ᱞᱮᱱᱛᱟᱦᱮᱸᱫ, ᱚᱱᱟ ᱦᱚᱭ ᱠᱤᱱ ᱥᱟᱦᱮᱰ ᱵᱚᱞᱚ ᱞᱮᱫ ᱛᱟᱦᱮᱸᱫ ᱛᱮ ᱩᱱᱠᱤᱱ ᱫᱚ ᱠᱤᱱ ᱜᱚᱡ ᱮᱱᱟ ᱾ ᱚᱛᱷᱚᱨᱤᱴᱤ ᱠᱚᱣᱟᱜ ᱞᱟᱹᱭ ᱞᱮᱠᱟᱛᱮ ᱱᱚᱶᱟ ᱰᱚ ᱢᱤᱫ ᱥᱟᱫᱷᱟᱨᱚᱱ ᱵᱮᱜᱷᱚᱴᱚᱱ ᱛᱟᱦᱮᱸ ᱠᱟᱱᱟ ᱾
ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- Gunung Korbu
- http://gunungonline.com Archived ᱒᱐᱑᱙-᱐᱘-᱐᱒ at the Wayback Machine.
- http://www.ogkl.com.my/infoGUNUNG/infoTransTitiwangsa.htm Archived ᱒᱐᱑᱑-᱐᱒-᱒᱘ at the Wayback Machine.
- http://www.webcitation.org/query?id=1256599574969039&url=www.geocities.com/lembahkinta/Gunung/Korbu/GKorbu1.jpg
- http://www.kembarautp.com/myweb-kembara/tragedi_gunung_korbu_1999.htm Archived ᱒᱐᱐᱕-᱐᱒-᱒᱔ at the Wayback Machine.
- https://web.archive.org/web/20090902214642/http://www.geocities.com/lembahkinta
