ᱢᱟᱸᱧᱦᱤᱛᱷᱟᱱ
ᱢᱟᱸᱧᱦᱤᱛᱷᱟᱱ ᱫᱚ ᱦᱩᱭᱩᱜ ᱠᱟᱱᱟ ᱥᱟᱱᱛᱟᱲ ᱡᱟᱛᱤ ᱠᱚᱣᱟᱜ ᱵᱚᱝᱜᱟ-ᱵᱩᱨᱩ ᱫᱮᱥᱟ ᱥᱮᱵᱟ ᱴᱷᱟᱶ᱾ ᱢᱟᱸᱧᱦᱤᱛᱷᱟᱱ ᱢᱮᱱᱛᱮᱫᱚ ᱢᱟᱨᱟᱝᱵᱩᱨᱩ ᱣᱟᱜ ᱜᱟᱲ (ᱟᱲᱟᱜ)᱾ ᱦᱚᱲ ᱟᱨ ᱫᱮᱵᱟᱠᱟᱠᱚ ᱢᱤᱫ ᱥᱟᱶ ᱟᱹᱜᱩ ᱞᱟᱜᱤᱫ ᱥᱟᱱᱛᱟᱞ ᱥᱟᱹᱨᱤ ᱫᱷᱚᱨᱚᱢ ᱨᱮ ᱯᱟᱛᱤᱭᱟᱹᱣ ᱢᱮᱱᱟᱜ-ᱟ᱾
ᱩᱯᱨᱩᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱤᱭᱟᱹ ᱫᱚ ᱦᱟᱥᱟ ᱛᱮᱠᱚ ᱛᱮᱭᱟᱨᱟ᱾ ᱩᱥᱩᱠ ᱫᱚ ᱵᱟᱨ ᱠᱷᱚᱱ ᱯᱮ ᱢᱚᱠᱟ ᱥᱩᱢᱩᱝ, ᱜᱟᱸᱰᱮ ᱛᱮᱫᱚ ᱢᱤᱫ ᱟᱲᱯᱟ᱾ ᱱᱤᱭᱟᱹ ᱨᱮᱫᱚ ᱯᱩᱸᱰ ᱦᱟᱥᱟ ᱛᱮ ᱯᱚᱛᱟᱣ ᱛᱟᱦᱮᱱ ᱛᱮ ᱯᱩᱸᱰ ᱜᱮ ᱧᱮᱞᱚᱜ-ᱟ᱾ ᱵᱟᱨᱮᱭᱟ ᱥᱤᱲᱦᱤ ᱟᱨ ᱪᱮᱛᱥᱱ ᱨᱮᱫᱚ ᱠᱟᱴᱤᱡᱽ ᱢᱤᱫ ᱛᱷᱟᱱ ᱜᱮ ᱛᱟᱦᱮᱱᱟ᱾ ᱥᱟᱫᱟᱭ ᱫᱚ ᱮᱥᱮᱫ ᱵᱟᱝ ᱛᱮᱦᱮᱱ ᱠᱟᱱ ᱨᱮᱦᱚᱸ ᱱᱤᱛᱚᱜ ᱟᱱ ᱚᱠᱛᱚᱨᱮᱫᱚ ᱵᱮᱲᱦᱟᱭ ᱛᱮ ᱮᱥᱮᱫ ᱠᱟᱛᱮᱜ ᱠᱚ ᱟᱲᱟᱜ ᱟᱪᱩᱨᱟᱜ ᱠᱟᱱᱟ᱾
ᱴᱷᱟᱶ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱸᱧᱦᱤᱛᱷᱟᱱ ᱫᱚ ᱥᱟᱱᱛᱟᱲ ᱡᱟᱹᱛᱤ ᱠᱚᱣᱟᱜ ᱚᱱᱛᱚᱨ ᱠᱷᱚᱱ ᱵᱷᱤᱛᱨᱤ ᱠᱷᱚᱱ ᱯᱟᱹᱛᱤᱭᱟᱹᱜ ᱡᱟᱜᱟ ᱠᱟᱱᱟ᱾ ᱥᱟᱱᱛᱟᱲ ᱠᱚ ᱯᱟᱛᱤᱭᱟᱹᱣ-ᱟ ᱮᱢᱟᱱᱟ ᱛᱮᱭᱟᱜ ᱫᱩᱠ-ᱟᱛᱮᱫ ᱠᱷᱚᱱ ᱥᱟᱸᱜᱤᱧ ᱨᱮᱭ ᱫᱚᱦᱚ ᱠᱣᱟ᱾ ᱚᱱᱟ ᱛᱮ ᱱᱤᱭᱟᱸ ᱫᱚ ᱟᱛᱚ ᱛᱟᱞᱟ ᱠᱩᱞᱦᱤ ᱨᱮᱠᱚ ᱛᱮᱭᱟᱨᱟ᱾ ᱚᱲᱟᱜ ᱠᱷᱚᱱ ᱩᱰᱩᱜ ᱵᱚᱞᱚᱨᱮ ᱢᱮᱛ ᱧᱮᱞᱨᱮ ᱡᱟᱦᱟᱱ ᱠᱟᱹᱢᱤᱠᱚ ᱥᱟᱜᱩᱱᱚᱜ-ᱟ᱾ ᱚᱱᱟ ᱵᱮᱜᱚᱨᱦᱚᱸ ᱵᱟᱯᱞᱟ ᱵᱤᱦᱟᱹᱞ ᱥᱮ ᱯᱚᱨᱵᱽ ᱠᱚᱨᱮ ᱡᱚᱛᱚ ᱜᱮ ᱢᱤᱫ ᱥᱟᱶ ᱨᱮᱠᱚ ᱡᱟᱣᱨᱟ ᱩᱥᱟᱹᱨᱟ ᱫᱟᱲᱮᱜ-ᱟ᱾