ᱢᱤᱱᱩ ᱴᱷᱟᱠᱩᱨ
ᱢᱤᱱᱩ ᱴᱷᱟᱠᱩᱨ (ᱡᱟᱱᱟᱢ-- ᱑ ᱡᱩᱞᱟᱭ ᱑᱙᱗᱓ ) ᱫᱚ ᱥᱤᱧᱚᱛᱤᱭᱟ. ᱠᱩᱪᱤᱯᱩᱰᱤ ᱮᱱᱮᱡᱤᱭᱟ. ᱠᱟᱱᱟᱭ ᱾ᱥᱩᱨᱟᱢᱭᱟ (SURAMYA) ᱟ.ᱱᱤᱡ ᱢᱤᱫ ᱮᱱᱮᱡ ᱪᱮᱫᱚᱜ ᱟᱥᱲᱟ ᱫᱤᱞᱞᱤ ᱨᱮ ᱵᱮᱨᱮᱫ ᱟᱠᱟᱫ-ᱟᱭ ᱾ ᱢᱤᱱᱩ ᱫᱚ ᱪᱟᱸᱫᱚᱠᱤᱭᱟ. ᱭᱳᱝ ᱤᱱᱰᱤᱭᱟ (YOUNG INDIA) ᱯᱟᱛᱷᱟᱢ ᱨᱤᱱ ᱞᱟᱠᱪᱟᱨ ᱫᱷᱟ.ᱲ ᱚᱱᱚᱞᱤᱭᱟ. ᱦᱚᱸ ᱠᱟᱱᱟᱭ ᱾
ᱡᱤᱭᱚᱱ ᱪᱤᱛᱟ.ᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱢᱤᱱᱩ ᱫᱚ ᱥᱚᱦᱚᱱᱯᱩᱨ (en:Saharanpur),ᱩᱛᱚᱨ ᱯᱨᱚᱫᱮᱥ ᱑᱙᱗᱒ ᱥᱟᱞ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱵᱟᱵᱟ ᱦᱚᱨᱥᱨᱩᱯ ᱴᱷᱟᱠᱩᱨ (Harswroop Thakur) ᱫᱚ ᱢᱤᱫ ᱩᱠᱤᱞ ᱟᱨ ᱟᱭᱚ ᱥᱚᱠᱩᱱᱛᱚᱲᱟ (Shakuntla) ᱫᱚ ᱚᱲᱟᱜ ᱪᱟᱪᱞᱟᱣᱤᱭᱟ. ᱛᱟᱦᱮᱸ ᱠᱟᱱᱟᱭ ᱾ ᱠᱩᱪᱤᱯᱩᱰᱤ ᱮᱱᱮᱡ ᱪᱮᱫ ᱛᱟᱭᱚᱢ ᱠᱚᱛᱷᱚᱠ ᱠᱮᱱᱫᱨᱚ,ᱫᱤᱞᱞᱤ ᱠᱷᱚᱱ ᱠᱚᱛᱷᱚᱠ ᱮᱱᱮᱡ ᱪᱮᱫ ᱞᱮᱫᱟᱭ ᱾ ᱟᱡ ᱫᱚ ᱟᱭᱢᱟ ᱜᱟᱱ ᱠᱩᱪᱤᱯᱩᱰᱤ ᱯᱨᱳᱜᱨᱟᱢ ᱥᱟᱯᱲᱟᱣ ᱟᱠᱟᱫᱟ ᱟᱨ ᱒᱗ ᱵᱚᱛᱷᱚᱨ ᱠᱷᱚᱱ ᱵᱤᱥᱛᱤᱜᱮ ᱠᱤᱪᱤᱯᱩᱰᱤ ᱮᱱᱮᱡ ᱟ.ᱜᱩᱭᱮᱫᱟᱭ ᱾ ᱟᱡ ᱫᱚ (en:Indian Council for Cultural Relations) ᱨᱮ ᱢᱤᱫ ᱠᱟ.ᱢᱤᱭᱟ. ᱵᱟᱰᱚᱦᱤ ᱞᱮᱠᱟᱛᱮ ᱵᱷᱩᱨᱛᱤ ᱞᱮᱱᱟᱭ,ᱡᱟᱦᱟᱸ ᱫᱚ ᱵᱷᱟᱨᱚᱛ ᱥᱚᱨᱠᱟᱨᱟᱜ ᱢᱤᱫ ᱟ.ᱯᱱᱟ.ᱛ ᱥᱟᱥᱚᱱ ᱜᱟᱶᱛᱟ ᱠᱟᱱᱟ ᱟᱨ ᱫᱤᱥᱚᱢ ᱵᱟᱦᱨᱮ ᱠᱚᱨᱮ ᱩᱫᱩ-ᱥᱚᱫᱚᱨ ᱞᱮᱜ-ᱟᱭ ᱾ ᱟᱡ ᱫᱚ ᱫᱩᱨᱫᱚᱨᱥᱚᱱ ᱨᱤᱱ ᱮ-ᱜᱨᱮᱰ (A-Grade) ᱵᱟᱰᱚᱦᱤ ᱠᱟᱱᱟᱭ ᱟᱨ (en:SPIC MACAY) ᱜᱟᱶᱛᱟ ᱛᱟ.ᱨᱤᱨᱮ ᱛᱤᱢᱤᱱᱜᱟᱱ ᱠᱟ.ᱢᱤᱥᱟᱲᱟ ᱥᱟᱯᱲᱟᱣ ᱨᱮᱭᱟᱜ ᱫᱟᱣ ᱧᱟᱢ ᱞᱮᱜ-ᱟᱭ ᱾ ᱒᱐᱑᱔ ᱥᱟᱞ ᱨᱮ, ᱛᱤᱦᱟᱨ ᱡᱤᱦᱚᱞ ᱨᱮ ᱮᱱᱮᱡ ᱠᱟᱛᱮ ᱢᱤᱫ ᱱᱟᱜᱟᱢᱮ ᱥᱤᱨᱤᱡᱽ ᱟᱠᱟᱫ-ᱟ ᱾ ᱚᱱᱟ ᱥᱟᱶᱛᱮ ᱒᱐᱑᱘ ᱥᱟᱞ ᱨᱮ, ᱢᱟᱱᱫᱳᱞᱤ ᱥᱮᱱᱴᱨᱟᱞ ᱡᱤᱦᱚᱞ,ᱱᱟᱣᱟ ᱫᱤᱞᱞᱤ ᱨᱮᱦᱚᱸ ᱯᱚᱯᱷᱳᱨᱢᱟᱱᱥ ᱟᱠᱟᱫ-ᱟᱭ ᱾
ᱥᱩᱨᱟᱢᱭᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱩᱪᱤᱯᱩᱰᱤ ᱮᱱᱮᱡ ᱦᱩᱱᱟ.ᱨ ᱞᱟᱦᱟᱱᱛᱤ ᱫᱤᱥᱟ.ᱠᱟᱛᱮᱱ ᱱᱚᱣᱟ ᱤᱱᱥᱴᱪᱩᱴ ᱫᱚ ᱑᱙᱙᱙ ᱥᱟᱞ ᱨᱮ ᱵᱮᱨᱮᱫ ᱟᱠᱟᱱᱟ ᱾ ᱢᱤᱱᱩ ᱜᱮ ᱱᱚᱣᱟ ᱨᱤᱱ ᱵᱩᱱᱤᱭᱟ.ᱫᱤᱭᱟ. ᱰᱟᱭᱨᱮᱠᱴᱚᱨ ᱠᱟᱱᱟᱭ ᱾ ᱱᱚᱸᱰᱮᱱ ᱪᱮᱪᱮᱫᱤᱭᱟ. ᱟᱡᱟᱜ ᱛᱟ.ᱨᱤᱨᱮ ᱫᱤᱥᱚᱢ ᱟᱨ ᱫᱤᱥᱚᱢ ᱵᱟᱦᱨᱮ ᱠᱚᱨᱮ ᱩᱫᱩᱜ-ᱥᱚᱫᱚᱨ ᱟᱠᱟᱫᱟᱠᱚ ᱾ ᱵᱤᱫᱮᱥ ᱨᱤᱱ ᱪᱮᱪᱮᱫᱤᱭᱟ.ᱠᱚ ᱠᱩᱪᱤᱯᱩᱰᱤ ᱮᱱᱮᱡ ᱪᱮᱫ ᱟᱠᱚ ᱞᱟ.ᱜᱤᱱ,ᱱᱚᱣᱟ ᱤᱱᱥᱴᱪᱩᱴ ᱫᱚ ᱵᱷᱟᱨᱚᱛ ᱥᱚᱨᱠᱟᱨᱟᱜ ᱤᱱᱰᱤᱭᱟᱱ ᱠᱟᱣᱩᱱᱥᱤᱞ ᱯᱷᱳᱨ ᱠᱚᱞᱪᱩᱨᱟᱞ ᱨᱤᱞᱮᱥᱚᱱᱥ (Indian Council for Cultural Relations) ᱜᱟᱶᱛᱟ ᱥᱟᱶ ᱡᱚᱲᱟᱣ ᱢᱮᱱᱟᱜ-ᱟ ᱾
ᱥᱤᱧᱚᱛ ᱯᱷᱮᱥᱴᱤᱵᱷᱟᱞ ᱨᱮ ᱩᱫᱩᱜ-ᱥᱚᱫᱚᱨᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱷᱟᱡᱩᱨᱟᱦᱳ ᱯᱷᱮᱥᱴᱤᱵᱷᱟᱞ,ᱠᱟᱞ ᱠᱤ ᱠᱚᱞᱟᱠᱟᱨ ᱯᱷᱮᱥᱴᱤᱵᱷᱟᱞ, ᱪᱤᱫᱚᱢᱵᱚᱨᱚᱢ (ᱛᱟᱢᱤᱞ ᱱᱟᱰᱩ), ᱱᱟᱴᱭᱚᱱᱡᱚᱞᱤ ᱯᱷᱮᱥᱴᱤᱵᱷᱟᱞ, ᱠᱳᱱᱟᱨᱠ ᱯᱷᱮᱥᱴᱤᱵᱷᱟᱞ, ᱦᱳᱨᱤᱡᱳᱱ Horizon (ICCR) Delhi & Lucknow, ᱥᱤᱫᱷᱮᱱᱫᱚᱨ ᱡᱭᱚᱱᱛᱤ ᱥᱚᱢᱟᱨᱳᱦ (ᱦᱟᱭᱫᱨᱟᱵᱟᱫᱽ), ᱯᱚᱸᱰᱤᱛ ᱵᱷᱟᱴᱴ ᱥᱢᱨᱤᱛᱤ ᱥᱚᱢᱟᱨᱳᱦ (ᱡᱚᱭᱯᱩᱨ),ᱠᱚᱲᱟᱠᱷᱮᱛᱨᱚ, ᱪᱮᱱᱱᱟᱭ (ᱛᱟᱢᱤᱞ ᱱᱟᱰᱩ),ᱢᱚᱦᱟᱵᱚᱞᱤᱯᱩᱨᱚᱢ ᱯᱷᱮᱥᱴᱤᱵᱷᱟᱞ (ᱛᱟᱢᱤᱞ ᱱᱟᱰᱩ), ᱥᱩᱨ ᱥᱤᱱᱜᱚᱨ ᱥᱚᱢᱥᱟᱫᱽ (ᱢᱩᱢᱵᱟᱭ), ᱱᱤᱢᱟᱫᱽ ᱯᱷᱮᱥᱴᱤᱵᱷᱟᱞ (ᱮᱢ.ᱯᱤ), ᱛᱭᱟᱜᱚᱨᱟᱡᱟ ᱯᱷᱮᱥᱴᱤᱵᱷᱟᱞ,ᱫᱤᱞᱞᱤ ᱡᱮ-ᱡᱟ.ᱛᱤᱭᱟ.ᱨᱤ ᱦᱩᱱᱟ.ᱨ ᱯᱷᱮᱥᱴᱤᱵᱷᱟᱞ,ᱫᱤᱞᱞᱤ (en:Delhi International Arts Festival) , ᱠᱞᱟᱥᱤᱠᱟᱞ ᱰᱮᱱᱥ ᱟᱱᱰ ᱢᱤᱸᱣᱡᱤᱠ ᱯᱷᱮᱥᱴᱤᱵᱷᱟᱞ (ᱜᱳᱣᱟ), ᱦᱟᱢᱯᱤ ᱢᱚᱦᱳᱛᱥᱚᱵᱷ (ᱦᱟᱢᱯᱤ), ᱢᱳᱫᱷᱮᱨᱟ ᱰᱮᱱᱥ ᱯᱷᱮᱥᱴᱤᱵᱷᱟᱞ (ᱥᱚᱱ ᱢᱚᱱᱫᱤᱨ,ᱢᱮᱦᱥᱟᱱᱟ,ᱜᱩᱡᱽᱨᱟᱴ), ᱛᱟᱡᱽ ᱢᱚᱦᱳᱛᱥᱚᱵᱷ (ᱟᱜᱽᱨᱟ)
ᱥᱤᱨᱯᱷᱟ. ᱟᱨ ᱢᱟ.ᱱᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱒᱐᱑᱙ ᱥᱟᱞ ᱨᱮ, ᱨᱩᱫᱽᱨᱟᱠᱷᱥᱚ ᱟᱣᱟᱨᱰ--ᱟᱡᱟᱜ ᱵᱷᱟ.ᱜᱤ ᱠᱩᱪᱤᱯᱩᱰᱤ ᱮᱱᱮᱡ ᱮᱱᱮᱢ ᱾
- ᱒᱐᱑᱗ ᱥᱟᱞ ᱨᱮ,ᱡᱟ.ᱛᱤᱭᱟ.ᱨᱤ ᱱᱨᱤᱛᱭᱚ ᱨᱚᱛᱱᱚ ᱥᱤᱨᱯᱷᱟ.--ᱠᱩᱪᱤᱯᱩᱰᱤ ᱮᱱᱮᱡ ᱮᱱᱮᱢ ᱞᱟ.ᱜᱤᱫ ᱾
- ᱒᱐᱑᱗ ᱥᱟᱞ ᱨᱮ, ᱜᱞᱳᱵᱟᱞ ᱯᱷᱮᱥᱚᱱ ᱰᱤᱡᱟᱭᱤᱱ ᱩᱭᱤᱠ--ᱮᱱᱮᱡ ᱨᱮ ᱮᱱᱮᱢ ᱞᱟ.ᱜᱤᱱ ᱾
- ᱒᱐᱑᱖ ᱥᱟᱞ ᱨᱮ, ᱥᱚᱯᱷᱟᱨᱤ ᱥᱟᱣᱩᱛᱷ ᱮᱥᱤᱭᱟᱱ ᱴᱨᱟᱵᱷᱮᱞ ᱟᱣᱟᱨᱰ--ᱮᱱᱮᱡ ᱦᱚᱛᱮᱛᱮ ᱞᱟᱠᱪᱟᱨ ᱴᱩᱨᱤᱡᱤᱢ ᱮᱱᱮᱢ ᱞᱟ.ᱜᱤᱱ ᱾
- ᱒᱐᱑᱖ ᱥᱟᱞ ᱨᱮ, ᱥᱣᱟᱢᱤ ᱵᱤᱵᱮᱠᱟᱱᱚᱱᱫᱚ ᱟᱨ ᱵᱩᱦᱤᱱ ᱢᱟᱨᱜᱟᱨᱮᱴ ᱟᱣᱟᱨᱰ-- ᱮᱱᱮᱡ ᱦᱚᱛᱮᱛᱮ ᱥᱟᱶᱛᱟᱨᱤ ᱩᱛᱷᱱᱟ.ᱣ ᱞᱟ.ᱜᱤᱫ ᱾
- ᱒᱐᱑᱕ ᱥᱟᱞ ᱨᱮ, ᱡᱟᱛᱤᱭᱟ.ᱨᱤ ᱱᱨᱤᱛᱭᱚ ᱥᱤᱯᱳᱢᱚᱬᱤ ᱟᱣᱟᱨᱰ--ᱠᱩᱪᱤᱯᱩᱰᱤ ᱮᱱᱮᱡ ᱮᱱᱮᱢ ᱞᱟ.ᱜᱤᱫ ᱾
ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
https://en.wikipedia.org/wiki/Meenu_Thakur