ᱢᱩᱡᱚᱯᱷᱚᱨᱯᱩᱨ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱢᱩᱡᱚᱯᱷᱚᱨᱯᱩᱨ ᱦᱚᱱᱚᱛ
ᱵᱤᱦᱟᱨ ᱨᱮᱭᱟᱜ ᱦᱚᱱᱚᱛ
ᱵᱤᱦᱟᱨ ᱨᱮᱭᱟᱜ ᱢᱩᱡᱚᱯᱷᱚᱨᱯᱩᱨ ᱦᱚᱱᱚᱛ ᱨᱮᱭᱟᱜ ᱞᱳᱠᱮᱥᱚᱱ
ᱵᱤᱦᱟᱨ ᱨᱮᱭᱟᱜ ᱢᱩᱡᱚᱯᱷᱚᱨᱯᱩᱨ ᱦᱚᱱᱚᱛ ᱨᱮᱭᱟᱜ ᱞᱳᱠᱮᱥᱚᱱ
ᱫᱤᱥᱚᱢ ᱥᱤᱧᱚᱛ
ᱯᱚᱱᱚᱛ ᱵᱤᱦᱟᱨ
Division ᱛᱤᱨᱦᱩᱛ
ᱢᱩᱠᱷᱤᱭᱟᱹᱥᱟᱲᱟ ᱢᱩᱡᱚᱯᱷᱚᱨᱯᱩᱨ
ᱥᱚᱨᱠᱟᱨ
 • ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱢᱩᱡᱚᱯᱷᱚᱨᱯᱩᱨ, ᱵᱚᱭᱤᱥᱟᱞᱤ
 • ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱜᱟᱭᱤᱜᱷᱟᱴ, ᱟᱨᱟᱭᱤ, ᱢᱤᱱᱟᱯᱩᱨ, ᱵᱚᱪᱟᱦᱚᱱ, ᱥᱚᱠᱨᱟ, ᱠᱩᱨᱦᱟᱱᱤ, ᱢᱩᱡᱟᱯᱷᱚᱨᱯᱩᱨ, ᱠᱟᱱᱛᱤ, ᱵᱟᱨᱩᱨᱟᱡᱽ, ᱯᱟᱨᱩ, ᱥᱟᱦᱮᱵᱽᱜᱚᱸᱡᱽ
ᱮᱨᱤᱭᱟ
 • Total 3173 ᱠᱤᱢᱤ (1225 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (2011)
 • Total ᱔,᱘᱐᱑,᱐᱖᱒
 • ᱰᱮᱱᱥᱤᱴᱤ 1500/ᱠᱤᱢᱤ2 (3900/ᱜᱟᱺᱴ ᱢᱟᱹᱭᱤᱞ)
ᱦᱚᱲ ᱮᱞᱮᱞ
 • ᱥᱤᱠᱷᱱᱟᱹᱛ 65%
 • ᱡᱟᱱᱟᱝ ᱡᱟᱹᱱᱤ 900
IST (UTC+05:30)
ᱢᱩᱬᱩᱛ ᱢᱟᱨᱟᱝ ᱦᱚᱨ NH 57, NH 28, NH 77, NH 102, NH 527C
ᱣᱮᱵᱽᱥᱟᱭᱤᱴ http://muzaffarpur.bih.nic.in/

ᱢᱩᱡᱟᱯᱷᱚᱨᱯᱩᱨ ᱦᱚᱱᱚᱛ ᱫᱚ ᱵᱤᱦᱟᱨ ᱨᱮᱭᱟᱜ ᱓᱘ ᱜᱚᱴᱟᱝ ᱦᱚᱱᱚᱛ ᱠᱷᱚᱱ ᱢᱤᱫᱴᱟᱹᱝ ᱠᱟᱱᱟ ᱾ ᱱᱚᱣᱟ ᱨᱮᱭᱟᱜ ᱯᱨᱚᱥᱟᱥᱚᱱᱤᱠ ᱢᱩᱠᱷᱤᱭᱟᱹᱥᱟᱲᱟ ᱫᱚ ᱢᱩᱡᱟᱯᱷᱚᱨᱯᱩᱨ ᱠᱟᱱᱟ ᱾[᱑]ᱱᱚᱣᱟ ᱦᱚᱱᱚᱛ ᱫᱚ ᱩᱛᱚᱨ ᱨᱮ ᱥᱟᱢᱟᱝ ᱪᱟᱢᱯᱟᱨᱚᱱ ᱟᱨ ᱥᱤᱛᱟᱢᱳᱰᱤ, ᱮᱛᱚᱢ ᱨᱮ ᱵᱚᱭᱥᱟᱞᱤ ᱟᱨ ᱥᱟᱨᱚᱬ, ᱥᱟᱢᱟᱝ ᱨᱮ ᱥᱚᱢᱚᱥᱛᱤᱯᱩᱨ ᱟᱨ ᱫᱚᱨᱵᱷᱚᱸᱜᱟ ᱟᱨ ᱯᱟᱪᱷᱮ ᱨᱮ ᱜᱳᱯᱟᱞᱜᱚᱸᱡᱽ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱾ ᱦᱤᱱᱫᱤ ᱟᱨ ᱢᱚᱭᱛᱷᱤᱞᱤ ᱫᱚ ᱱᱚᱰᱮᱱᱟᱜ ᱢᱩᱬᱩᱛ ᱯᱟᱹᱨᱥᱤ ᱠᱟᱱᱟ, ᱛᱤᱱ ᱡᱚᱦᱚᱜ ᱵᱚᱡᱤᱠᱟ/ᱯᱟᱪᱷᱮ ᱢᱚᱭᱛᱷᱤᱞᱤ ᱫᱚ ᱱᱚᱰᱮᱱᱟᱜ ᱴᱚᱴᱷᱟᱣᱟᱨᱤ ᱨᱚᱲ ᱠᱟᱱᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱩᱡᱚᱯᱷᱚᱨᱯᱩᱨ ᱦᱚᱱᱚᱛ ᱫᱚ ᱑᱘᱗᱕ ᱥᱟᱞᱮ ᱨᱮ ᱛᱤᱨᱦᱩᱛ ᱨᱮᱭᱟᱜ ᱯᱩᱭᱞᱩ ᱦᱚᱱᱚᱛ ᱨᱟᱹᱯᱩᱫ ᱠᱟᱛᱮ ᱯᱨᱚᱥᱟᱥᱚᱱᱤᱠ ᱥᱩᱵᱤᱫᱷᱟ ᱞᱟᱹᱜᱤᱫ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾ ᱢᱩᱡᱚᱯᱷᱚᱨᱯᱩᱨ ᱨᱮᱭᱟᱜ ᱱᱤᱛᱚᱜᱟᱜ ᱦᱚᱱᱚᱛ ᱫᱚ ᱑᱘ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱮ ᱟᱡᱟᱜ ᱨᱩᱯ ᱛᱮ ᱦᱮᱡ ᱞᱮᱱ ᱛᱟᱦᱮᱸᱫ ᱟᱨ ᱵᱽᱨᱤᱴᱤᱥ ᱨᱟᱡᱽᱵᱚᱝᱥᱚ ᱟᱜ ᱜᱚᱵᱚᱞ ᱨᱮ ᱢᱩᱡᱚᱯᱷᱚᱨ ᱠᱷᱟᱱ (ᱨᱮᱵᱷᱮᱱᱤᱣ ᱟᱹᱢᱟᱹᱞᱤᱭᱟᱹ) ᱟᱜ ᱧᱩᱛᱩᱢ ᱛᱮ ᱵᱷᱟᱹᱜᱤ ᱩᱯᱨᱩᱢ ᱮ ᱟᱨᱡᱟᱣ ᱠᱮᱫ-ᱟ ᱾ ᱩᱛᱚᱨ ᱨᱮ ᱥᱟᱢᱟᱝ ᱪᱟᱢᱯᱟᱨᱚᱱ ᱟᱨ ᱥᱤᱛᱟᱢᱚᱦᱤ ᱦᱚᱛᱚᱛ, ᱫᱩᱠᱷᱤᱱ ᱨᱮ ᱵᱚᱭᱤᱥᱟᱞᱤ ᱟᱨ ᱥᱟᱨᱟᱱ ᱦᱚᱱᱚᱛ, ᱯᱩᱨᱩᱵᱽ ᱨᱮ ᱫᱚᱨᱵᱷᱚᱱᱜᱟ ᱟᱨ ᱥᱚᱢᱚᱥᱛᱚᱯᱩᱨ ᱦᱚᱱᱚᱛ, ᱯᱩᱪᱷᱤᱢ ᱨᱮ ᱥᱟᱨᱟᱱ ᱟᱨ ᱜᱳᱯᱟᱞᱜᱚᱸᱡᱽ ᱦᱚᱱᱚᱛ ᱛᱮ ᱢᱩᱡᱚᱯᱷᱚᱨᱯᱩᱨ ᱯᱚᱱᱚᱛ ᱫᱚ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱾

ᱯᱟᱹᱦᱤᱞ ᱫᱚ ᱱᱚᱣᱟ ᱦᱚᱱᱚᱛ ᱫᱚ ᱢᱤᱛᱷᱤᱞᱟ (ᱵᱤᱫᱮᱦᱚ) ᱨᱮᱭᱟᱜ ᱢᱤᱫ ᱦᱟᱹᱴᱤᱧ ᱛᱟᱦᱮᱸ ᱠᱟᱱᱟ, ᱟᱨ ᱱᱚᱣᱟ ᱫᱚ ᱥᱤᱛᱟ ᱫᱮᱵᱤ ᱟᱡ ᱵᱟᱵᱟ ᱨᱟᱡᱟ ᱡᱚᱱᱚᱠ ᱦᱚᱛᱮᱛᱮ ᱥᱟᱥᱚᱱᱚᱜ ᱠᱟᱱ ᱛᱟᱦᱮᱸᱫ ᱾ ᱨᱟᱢᱟᱭᱚᱬ ᱞᱮᱠᱟᱛᱮ, ᱥᱤᱛᱟ ᱫᱮᱵᱤ (ᱥᱤᱛᱟᱢᱚᱰᱤ ᱟᱨᱵᱟᱝ ᱡᱚᱱᱚᱠᱯᱩᱨ ᱨᱮ ᱡᱟᱱᱟᱢ) ᱥᱨᱤ ᱨᱟᱢ ᱴᱷᱮᱱ ᱮ ᱡᱟᱶᱟᱭ ᱮᱱᱟ ᱾ ᱱᱚᱣᱟ ᱴᱚᱴᱷᱟ ᱫᱚ ᱛᱤᱨᱦᱩᱛ ᱧᱩᱛᱩᱢ ᱛᱮᱦᱚᱸ ᱩᱯᱨᱩᱢ ᱢᱮᱱᱟᱜ-ᱟ ᱾ ᱛᱤᱨᱦᱩᱛ ᱫᱚ ᱢᱤᱛᱷᱤᱞᱟ ᱨᱮᱭᱟᱜ ᱟᱨ ᱢᱤᱫ ᱧᱩᱛᱩᱢ ᱠᱟᱱᱟ ᱾ ᱢᱤᱛᱷᱤᱞᱟ ᱨᱤᱱᱤᱡ ᱥᱟᱥᱚᱱᱤᱭᱟᱹ ᱦᱟᱜ ᱢᱩᱪᱟᱹᱫ ᱛᱟᱭᱚᱢ, ᱱᱚᱣᱟ ᱴᱚᱴᱷᱟ ᱫᱚ ᱢᱩᱜᱚᱞ ᱟᱨ ᱛᱟᱭᱚᱢ ᱛᱮᱫᱚ ᱫᱚᱨᱵᱷᱚᱝᱜᱟ ᱨᱤᱱᱤᱡ ᱢᱟᱦᱟᱨᱟᱡᱟᱦᱟᱜ ᱫᱟᱵᱚᱱ ᱛᱮ ᱪᱟᱞᱟᱣ ᱮᱱᱟ ᱾

ᱛᱤᱨᱦᱩᱛ ᱠᱚᱢᱤᱥᱚᱱᱚᱨ ᱨᱮᱭᱟᱜ ᱟᱹᱢᱟᱹᱞᱤ ᱫᱚ ᱢᱩᱡᱚᱯᱷᱚᱨᱯᱩᱨ ᱨᱮᱜᱮ ᱾ ᱢᱩᱡᱚᱯᱷᱚᱨᱯᱩᱨ ᱫᱚ ᱟᱡᱟᱜ ᱵᱟᱰᱚᱦᱤ ᱟᱨ ᱞᱟᱠᱪᱟᱨ ᱞᱟᱹᱜᱤᱫ ᱦᱚᱸ ᱟᱹᱰᱤ ᱜᱮ ᱵᱷᱟᱹᱜᱤ ᱧᱩᱛᱩᱢ ᱮ ᱟᱢᱮᱴ ᱟᱠᱟᱫ-ᱟ ᱾ ᱢᱤᱛᱷᱤᱞᱟ ᱯᱮᱱᱴᱤᱝ ᱫᱚ ᱱᱚᱣᱟ ᱴᱚᱴᱷᱟ ᱨᱮᱭᱟᱜ ᱟᱹᱰᱤ ᱜᱮ ᱩᱯᱨᱩᱢᱟᱱ ᱪᱤᱛᱟᱹᱨ ᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱨᱤᱱ ᱦᱚᱲ ᱫᱚ ᱫᱩᱨᱜᱟ ᱯᱩᱡᱟ, ᱠᱟᱲᱤ ᱯᱩᱡᱟ, ᱪᱷᱚᱴ ᱮᱢᱟᱱ ᱠᱚ ᱟᱹᱰᱤ ᱜᱮᱠᱚ ᱢᱟᱱᱟᱣ ᱵᱟᱛᱟᱣᱟ ᱾

ᱚᱛᱱᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱩᱡᱚᱯᱷᱚᱨᱯᱩᱨ ᱦᱚᱱᱚᱛ ᱫᱚ ᱜᱚᱱᱫᱚᱠ ᱱᱟᱹᱭ, ᱵᱩᱰᱷᱤ ᱜᱚᱱᱫᱚᱠ ᱱᱟᱹᱭ, ᱵᱟᱜᱽᱢᱚᱛᱤ ᱟᱨ ᱞᱚᱠᱷᱚᱱᱫᱟᱭᱤ ᱱᱟᱹᱭ ᱠᱚ ᱦᱚᱛᱮᱛᱮ ᱟᱹᱰᱤ ᱜᱮ ᱜᱚᱲᱚ ᱥᱚᱦᱚᱫ ᱮ ᱧᱟᱢ ᱟᱠᱟᱫ-ᱟ ᱾ ᱚᱱᱟ ᱦᱚᱱᱚᱛ ᱥᱮᱫ ᱛᱮᱫᱚ ᱟᱨ ᱦᱚᱸ ᱠᱟᱹᱴᱤᱡ ᱠᱟᱹᱴᱤᱡ ᱟᱹᱰᱤ ᱜᱟᱱ ᱡᱷᱟᱨᱱᱟ ᱞᱤᱸᱜᱤ ᱯᱟᱨᱚᱢ ᱟᱠᱟᱱᱟ ᱾ ᱚᱱᱟ ᱦᱚᱱᱚᱛ ᱨᱮᱫᱚ ᱵᱟᱱ ᱦᱩᱭᱩᱜ ᱨᱮᱭᱟᱜ ᱵᱚᱛᱚᱨ ᱟᱹᱰᱤ ᱵᱟᱹᱲᱛᱤ ᱜᱮᱭᱟ ᱾ ᱢᱩᱡᱚᱯᱷᱚᱨᱯᱩᱨ ᱦᱚᱱᱚᱛ ᱫᱚ ᱓,᱑᱗᱕.᱙ ᱥᱠᱚᱭᱟᱨ ᱠᱤᱞᱚ ᱢᱤᱴᱚᱨ ᱮᱨᱤᱭᱟ ᱨᱮ ᱯᱟᱥᱱᱟᱣ ᱠᱟᱛᱮ ᱢᱮᱱᱟᱜ-ᱟ ᱾[᱒] ᱛᱩᱞᱟᱹᱡᱚᱠᱷᱟ ᱞᱮᱠᱷᱟᱱ ᱠᱟᱱᱟᱰᱟ ᱨᱮᱭᱟᱜ Mansel Island ᱥᱟᱶ ᱵᱟᱨᱟᱵᱟᱹᱨᱤ ᱜᱮᱭᱟ ᱾[᱓]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. http://tirhut-muzaffarpur.bih.nic.in/
  2. "Muzaffarpur Geographical At a Glance". Retrieved 10 ᱡᱩᱞᱟᱭ 2015. 
  3. "Island Directory Tables: Islands by Land Area". United Nations Environment Program. 18 ᱯᱷᱮᱵᱽᱨᱩᱣᱟᱨᱤ 1998. Retrieved 11 ᱚᱠᱴᱚᱵᱚᱨ 2011. Mansel Island 3,180km2 

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • [http:// ᱢᱩᱠᱷᱭᱟᱹ ᱣᱮᱵᱽᱥᱟᱭᱤᱴ]