ᱢᱮᱦᱥᱟᱱᱟ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱢᱮᱦᱥᱟᱱᱟ ᱦᱚᱱᱚᱛ
ᱦᱚᱱᱚᱛ
ᱢᱮᱦᱥᱟᱱᱟ ᱦᱚᱱᱚᱛ ᱨᱮᱱᱟᱜ ᱴᱷᱟᱶ ᱜᱩᱡᱽᱨᱟᱴ ᱨᱮ
ᱢᱮᱦᱥᱟᱱᱟ ᱦᱚᱱᱚᱛ ᱨᱮᱱᱟᱜ ᱴᱷᱟᱶ ᱜᱩᱡᱽᱨᱟᱴ ᱨᱮ
Coordinates: Coordinates: IN_type: adm2nd_source: GNS-enwiki 23°40′N 72°30′E / 23.667°N 72.500°E / 23.667; 72.500
ᱫᱤᱥᱚᱢ  ᱥᱤᱧᱚᱛ
ᱯᱚᱱᱚᱛ ᱜᱩᱡᱽᱨᱟᱴ
ᱦᱮᱰᱠᱩᱣᱟᱴᱚᱨ ᱢᱮᱦᱥᱟᱬᱟ
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (᱒᱐᱑᱑)
 • ᱞᱮᱠᱷᱟᱜᱩᱴ ᱒,᱐᱓᱕,᱐᱖᱔
ᱯᱟᱹᱨᱥᱤ
 • ᱟᱹᱢᱟᱹᱞᱮᱛ ᱜᱩᱡᱽᱨᱟᱛᱤ, ᱦᱤᱱᱫᱤ, ᱤᱝᱞᱤᱥ
IST (ᱭᱩᱴᱤᱥᱤ+5:30)
ᱜᱟᱹᱰᱤ ᱨᱤᱡᱤᱥᱴᱨᱤ GJ -2
ᱣᱮᱵᱽᱥᱟᱭᱤᱴ mehsanadp.gujarat.gov.in/Mehasana/

ᱢᱮᱦᱥᱟᱱᱟ ᱦᱚᱱᱚᱛ ᱫᱚ ᱜᱩᱡᱽᱨᱟᱴ ᱯᱚᱱᱚᱛ, ᱥᱤᱧᱚᱛ ᱨᱮᱭᱟᱜ ᱓᱓ ᱜᱚᱴᱟᱝ ᱦᱚᱱᱚᱛ ᱠᱷᱚᱱ ᱢᱤᱫᱴᱟᱹᱝ ᱟᱨ ᱱᱚᱣᱟ ᱫᱚ ᱥᱤᱧᱚᱛ ᱨᱮᱭᱟᱜ ᱯᱟᱪᱮ ᱱᱟᱠᱷᱟ ᱨᱮ ᱢᱮᱱᱟᱜ ᱟᱠᱟᱫᱟ ᱾[᱑] ᱦᱚᱱᱚᱛ ᱨᱮᱭᱟᱝ ᱥᱤᱨᱟ. ᱟ.ᱢᱟ.ᱞᱤ ᱫᱚ ᱢᱮᱦᱥᱟᱱᱟ ᱢᱩᱱᱥᱤᱯᱟᱞᱴᱤ ᱨᱮ ᱢᱮᱱᱟᱜ-ᱟ ᱾

ᱴᱷᱟᱹᱣᱠᱟᱹᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱱᱚᱛ ᱨᱮᱭᱟᱜ ᱮᱨᱤᱭᱟ ᱫᱚ ᱕᱖᱐᱐ ᱥᱠᱚᱭᱟᱨ ᱠᱤ.ᱢᱤ ᱾ ᱮᱛᱚᱢ ᱱᱟᱠᱷᱟ ᱨᱮᱫᱚ ᱵᱟᱱᱟᱥᱠᱟᱱᱛᱷᱚ ᱦᱚᱱᱚᱛ, ᱯᱟᱪᱮ ᱱᱟᱠᱷᱟ ᱨᱮᱫᱚ ᱯᱚᱴᱟᱱ ᱦᱚᱱᱚᱛ, ᱠᱚᱧᱮ ᱱᱟᱠᱷᱟ ᱨᱮᱫᱚ ᱚᱦᱚᱢᱫᱟᱵᱟᱫᱽ ᱦᱚᱱᱚᱛ, ᱥᱟᱢᱟᱝ ᱱᱟᱠᱷᱟ ᱨᱮᱫᱚ ᱥᱚᱵᱚᱨᱠᱟᱱᱛᱷᱚ ᱦᱚᱱᱚᱛ ᱟᱨ ᱠᱚᱧᱮ-ᱥᱟᱢᱟᱝ ᱨᱮᱫᱚ ᱜᱟᱱᱫᱷᱤ ᱱᱚᱜᱚᱨ ᱦᱚᱱᱚᱛ ᱥᱮᱫᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱾[᱒]

ᱦᱚᱲ ᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱧᱚᱛ ᱒᱐᱑᱑ ᱥᱟᱹᱦᱤᱛ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱒,᱐᱓᱕,᱐᱖᱔ ᱜᱚᱴᱟᱝ ᱦᱚᱲ ᱢᱮᱱᱟᱜ ᱠᱚᱣᱟ, ᱡᱟᱦᱟᱸ ᱫᱚ ᱥᱞᱚᱵᱷᱮᱱᱤᱭᱟ (Slovenia) ᱫᱤᱥᱚᱢ ᱨᱤᱱ ᱦᱚᱲ ᱠᱚᱣᱟᱜ ᱮᱞᱮᱞ ᱥᱟᱶ ᱥᱩᱯᱩᱨᱚᱜ ᱠᱟᱱᱟ ᱾[᱓] ᱱᱚᱣᱟ ᱦᱚᱱᱚᱛ ᱨᱤᱱ ᱦᱚᱲ ᱠᱚᱣᱟᱜ ᱮᱞᱮᱞ ᱫᱚ ᱒᱒᱙ ᱨᱮᱸᱠ ᱨᱮ ᱦᱤᱡᱩᱜ ᱠᱟᱱᱟ ᱾ (ᱥᱤᱧᱚᱛ ᱨᱮᱭᱟᱜ ᱖᱔᱐ ᱦᱚᱱᱚᱛ ᱠᱷᱚᱱ) ᱾ ᱡᱟᱱᱟᱝ ᱨᱮᱥᱤᱳ,᱑᱐᱐᱐ ᱠᱚᱲᱟ ᱦᱚᱯᱚᱱ ᱠᱚ ᱢᱩᱫᱽ ᱨᱮ ᱠᱩᱲᱤ ᱦᱚᱯᱚᱱ ᱠᱚᱣᱟᱜ ᱮᱞᱮᱞ ᱫᱚ ᱙᱒᱕ ᱟᱨ ᱥᱟᱱᱟᱢ ᱦᱚᱲ ᱠᱚᱣᱟᱜ ᱥᱮᱪᱮᱫ ᱫᱚᱨ ᱫᱚ ᱘᱔.᱒᱖ % ᱾ ᱦᱚᱱᱚᱛ ᱨᱮ ᱖᱐᱐ ᱠᱷᱚᱱ ᱵᱤᱥᱛᱤ ᱜᱮ ᱟᱹᱛᱩ ᱢᱮᱱᱟᱜ-ᱟ ᱾ ᱒᱒.᱔᱔ % ᱦᱚᱲ ᱫᱚ ᱵᱟᱡᱟᱨ ᱱᱟᱜᱟᱨ ᱢᱮᱱᱟᱜ ᱠᱚᱣᱟ ᱾[᱔]

ᱯᱟᱹᱨᱥᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱩᱡᱽᱨᱟᱴᱤ ᱯᱟᱹᱨᱥᱤ ᱛᱮᱫᱚ ᱙᱗.᱕᱘% ᱟᱨ ᱦᱤᱱᱫᱤ ᱯᱟᱹᱨᱥᱤ ᱛᱮᱫᱚ ᱑.᱙᱙ % ᱦᱚᱲ ᱟᱠᱚᱣᱟᱜ ᱟᱭᱳ ᱟᱲᱟᱝ ᱵᱟᱝᱢᱟ ᱯᱩᱭᱞᱩ ᱯᱟᱹᱨᱥᱤ ᱞᱮᱠᱟᱛᱮᱠᱚ ᱨᱚᱲ ᱮᱫᱟ ᱾[᱕] [᱖]

ᱪᱟᱪᱞᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱱᱚᱛ ᱨᱮ ᱮᱭᱟᱭ ᱜᱚᱴᱟᱝ ᱵᱤᱫᱷᱟᱱ ᱥᱚᱵᱷᱟ ᱢᱟᱹᱪᱤ ᱢᱮᱱᱟᱜ ᱟᱠᱟᱫᱟ ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱡᱮᱢᱚᱱ ᱑/ᱠᱷᱮᱨᱟᱞᱩ(Kheralu),᱒/ᱩᱱᱡᱷᱟ (Unjha),᱓/ᱵᱷᱤᱥᱱᱚᱜᱚᱨ(Visnagar) ᱔/ᱵᱮᱪᱟᱨᱟᱡᱤ(Becharaji) ᱕/ᱠᱟᱰᱤ(Kadi) ᱖/ᱢᱟᱦᱥᱮᱱᱟ(Mahesana) ᱟᱨ ᱗/ᱵᱷᱤᱡᱟᱯᱩᱨ(Vijapur) ᱾ ᱠᱷᱮᱨᱟᱞᱩ ᱫᱚ ᱯᱟᱴᱚᱱ ᱞᱳᱠ ᱥᱳᱵᱷᱟ (Patan Lok Sabha) ᱨᱮᱭᱟᱜ ᱢᱤᱫ ᱠᱮᱪᱟᱜ ᱟᱨ ᱵᱟᱫᱽ ᱛᱮᱱᱟᱜ ᱠᱚᱫᱚ ᱢᱮᱦᱥᱟᱱᱟ ᱞᱳᱠ ᱥᱚᱵᱷᱟ (Mehsana Lok Sabha) ᱛᱟ.ᱨᱤᱨᱮ ᱢᱮᱱᱟᱜ ᱟᱠᱟᱫᱟ ᱾ ᱚᱱᱠᱟ ᱜᱮ ᱦᱚᱱᱚᱛ ᱫᱚ ᱜᱮᱞ ᱜᱚᱴᱟᱝ ᱛᱚᱦᱥᱤᱞ ᱨᱮᱠᱚ ᱦᱟ.ᱴᱤᱧ ᱟᱠᱟᱫᱟ, ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱑/ᱵᱮᱪᱟᱨᱟᱡᱤ(Becharaji) ᱒/ᱠᱟᱰᱤ(Kadi) ᱓/ᱠᱷᱮᱨᱟᱞᱩ (Kheralu) ᱔/ᱥᱟᱛᱞᱟᱥᱟᱱᱟ (Satlasana) ᱕/ᱵᱷᱟᱫᱽ ᱱᱚᱜᱚᱨ (Vadnagar) ᱖/ᱢᱮᱦᱥᱟᱱᱟ (Mehsana) ᱗/ᱵᱷᱤᱡᱟᱯᱩᱨ(Vijapur) ᱘/ᱵᱷᱤᱥ ᱱᱚᱜᱚᱨ(Visnagar) ᱙/ᱡᱳᱛᱟᱱᱟ(Jotana) ᱟᱨ ᱑᱐/ᱩᱱᱡᱷᱟ(Unjha)᱾[᱗]

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱟᱡᱽᱯᱩᱛ, ᱪᱟᱵᱷᱫᱟ ᱵᱚᱝᱥᱚ (Chavda dynasty) ᱨᱤᱱᱤᱡ ᱢᱮᱦᱥᱟᱡᱤ ᱪᱟᱵᱷᱫᱟ ᱨᱟᱡᱟ (Mehsaji Chavda) ᱱᱚᱣᱟ ᱢᱮᱦᱥᱟᱱᱤ ᱮᱞᱟᱠᱟ ᱫᱚᱭ ᱵᱮᱨᱮᱫ ᱞᱮᱜ-ᱟ ᱑᱔᱑᱔ ᱥᱟᱹᱦᱤᱛ ᱨᱮ, ᱩᱱ ᱚᱠᱛᱚ ᱱᱚᱣᱟ ᱮᱞᱟᱠᱟ ᱨᱮᱭᱟᱝ ᱧᱩᱢ ᱫᱚ ᱵᱷᱤᱠᱨᱚᱢ ᱥᱟᱢᱣᱟᱛ (vikram Samwat) ᱛᱟᱦᱮᱸ ᱠᱟᱱᱟ ᱾ ᱛᱟᱭᱚᱢ ᱛᱮ ᱑᱙᱐᱒ ᱥᱟᱹᱦᱤᱛ ᱨᱮ ᱜᱟᱮᱠᱣᱟᱰ ᱠᱚ(Gaekwads) ᱢᱮᱦᱥᱟᱱᱟ ᱛᱮ ᱪᱟᱪᱞᱟᱣ ᱟᱹᱢᱟᱹᱞᱤ ᱫᱚᱠᱚ ᱩᱪᱟᱹᱲ ᱟᱹᱜᱩ ᱞᱮᱫᱟ ᱾ ᱑᱙᱔᱗ ᱫᱤᱥᱚᱢ ᱯᱷᱩᱨᱜᱟᱹᱞ ᱚᱠᱛᱮ ᱱᱚᱣᱟ ᱮᱞᱟᱠᱟ ᱠᱚᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱠᱚ ᱥᱮᱞᱮᱫ ᱞᱮᱫᱟ ᱾ ᱩᱱ ᱚᱠᱛᱚ ᱱᱚᱣᱟ ᱠᱚᱫᱚ ᱵᱚᱢᱵᱮᱣ ᱯᱚᱱᱚᱛ ᱛᱟᱹᱨᱤ ᱨᱮ ᱛᱟᱦᱮᱸ ᱠᱟᱱᱟ ᱾ ᱛᱟᱭᱚᱢ ᱑᱙᱖᱐ ᱥᱟᱹᱦᱤᱛ ᱨᱮ ᱜᱩᱡᱽᱨᱟᱴ ᱟᱨ ᱢᱚᱦᱟᱨᱟᱥᱴᱨᱚ ᱵᱟᱨ ᱯᱚᱱᱚᱛ ᱨᱮᱠᱚ ᱦᱟᱹᱴᱤᱧ ᱞᱮᱫᱟ, ᱥᱟᱶᱛᱮ ᱢᱮᱦᱥᱟᱱᱟ ᱫᱚ ᱜᱩᱡᱽᱨᱟᱴ ᱨᱮᱭᱟᱜ ᱢᱤᱫ ᱦᱚᱱᱚᱛ ᱪᱷᱟᱹᱴᱭᱟᱹᱨ ᱞᱮᱱᱟ ᱾[᱘] [᱙] [᱑᱐]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]