ᱣᱤᱠᱤᱯᱤᱰᱤᱭᱟ:ᱪᱟᱸᱫᱚ ᱨᱮᱱᱟᱜ ᱵᱟᱪᱷᱟᱣ ᱚᱱᱚᱞ/ᱡᱩᱞᱟᱭ ᱒᱐᱒᱑
ᱵᱟᱯᱞᱟ ᱫᱚ ᱡᱤᱭᱚᱱ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱢᱤᱫᱴᱟᱹᱝ ᱠᱟᱹᱢᱤ ᱦᱚᱨᱟ ᱠᱟᱱᱟ ᱾ ᱥᱟᱶᱛᱟ ᱛᱟᱞᱟᱨᱮ ᱢᱮᱱᱟᱜ ᱠᱚ ᱡᱚᱛᱚᱠᱚᱜᱮ ᱛᱤᱦᱤᱧ ᱵᱟᱝᱠᱷᱟᱡ ᱜᱟᱯᱟ ᱠᱩᱲᱤᱭᱟᱜ ᱦᱚᱨᱟᱥᱤᱨᱮ ᱠᱚᱲᱟ ᱥᱤᱸᱫᱩᱨᱮ ᱮᱢ ᱞᱮᱠᱷᱟᱱᱜᱮ ᱵᱟᱯᱞᱟ ᱦᱩᱭᱩᱜᱼᱟ ᱟᱨ ᱚᱱᱟᱜᱮ ᱥᱤᱸᱫᱽᱨᱟᱹᱫᱷᱟᱱ ᱠᱚ ᱢᱮᱛᱟᱜ ᱠᱟᱱᱟ
ᱵᱟᱯᱞᱟᱜ ᱞᱟᱜᱟᱣᱠᱚᱣᱟ ᱾ ᱟᱨ ᱦᱚᱲᱟᱜ ᱵᱟᱯᱞᱟ ᱫᱚ ᱟᱹᱰᱤᱜᱮ ᱨᱟᱹᱥᱠᱟᱹ ᱟᱨ ᱥᱚᱨᱮᱥ ᱜᱮᱭᱟ ᱾ ᱥᱟᱶᱛᱟ ᱛᱟᱞᱟᱨᱮ ᱨᱟᱹᱥᱠᱟᱹ ᱨᱮᱱᱟᱜ ᱢᱤᱫᱴᱟᱹᱝ ᱞᱟᱹᱴᱩ ᱩᱯᱟᱹᱭ ᱾ ᱥᱮᱫᱟᱭ ᱞᱮᱠᱟ ᱵᱟᱯᱞᱟ ᱵᱟᱝ ᱦᱩᱭᱩᱜ-ᱠᱟᱱ ᱨᱮᱦᱚᱸ ᱱᱮᱛᱟᱨᱦᱚᱸ ᱦᱚᱲ ᱵᱟᱯᱞᱟ ᱨᱮᱱᱟᱜ ᱥᱚᱨᱮᱥ ᱫᱚ ᱢᱮᱱᱟᱜ ᱜᱮᱭᱟ ᱾ ᱱᱟᱶᱟ ᱡᱩᱜᱽ ᱵᱚᱞᱚᱭᱮᱱ ᱠᱷᱟᱹᱛᱤᱨ ᱵᱟᱯᱞᱟ ᱨᱮᱱᱟᱜ ᱱᱤᱭᱚᱢ ᱠᱟᱹᱱᱩᱱᱠᱚ ᱦᱚᱸ ᱱᱟᱥᱮ-ᱱᱟᱥᱮ ᱵᱚᱫᱚᱞᱚᱜ ᱛᱮᱜᱮ ᱢᱮᱱᱟᱜᱼᱟ ᱾ ᱟᱨᱦᱚᱸ ᱠᱤᱪᱷᱩ-ᱠᱤᱪᱷᱩ ᱵᱟᱯᱞᱟ ᱫᱚ ᱥᱟᱶᱛᱟ ᱞᱟᱹᱜᱤᱫ ᱵᱟᱝ ᱵᱷᱟᱜᱮᱭᱛᱮ ᱟᱫ ᱪᱟᱵᱟᱭᱮᱱᱟ ᱾