ᱣᱤᱠᱤᱯᱤᱰᱤᱭᱟ:ᱪᱟᱸᱫᱚ ᱨᱮᱱᱟᱜ ᱵᱟᱪᱷᱟᱣ ᱚᱱᱚᱞ/ᱡᱩᱱ ᱒᱐᱒᱓
ᱥᱟᱱᱛᱟᱲ ᱦᱩᱞ ᱫᱚ ᱮᱦᱚᱵ ᱞᱮᱱᱟ ᱑᱘᱕᱕ ᱥᱟᱞ ᱨᱮ ᱾ ᱤᱝᱨᱮᱡᱽ ᱟᱢᱚᱞ ᱨᱮ ᱡᱚᱢᱤᱫᱟᱨ, ᱢᱚᱦᱟᱡᱚᱱ ᱟᱨ ᱤᱝᱨᱮᱡᱽ ᱠᱚᱨᱢᱚᱪᱟᱹᱨᱤ ᱠᱚ ᱦᱚᱲ ᱪᱮᱛᱟᱱ ᱱᱟᱦᱟᱪᱟᱨ ᱠᱚ ᱮᱦᱚᱵ ᱞᱮᱫᱛᱮ ᱩᱱᱠᱩ ᱵᱤᱨᱩᱫᱷ ᱥᱟᱱᱛᱟᱲ ᱠᱚ ᱦᱩᱞ ᱞᱮᱫᱼᱟ ᱾ ᱤᱝᱨᱮᱡᱽ ᱵᱤᱨᱩᱫᱷ ᱨᱮ ᱱᱤᱭᱟᱹ ᱜᱮ ᱯᱟᱹᱦᱤᱞ ᱞᱟᱹᱲᱦᱟᱹᱭ ᱠᱟᱱᱟ ᱜᱚᱴᱟ ᱵᱷᱟᱨᱚᱛ ᱫᱤᱥᱚᱢ ᱨᱮ᱾ ᱱᱤᱭᱟᱹ ᱞᱟᱹᱲᱦᱟᱹᱭ ᱨᱮ ᱥᱤᱫᱚ ᱟᱨ ᱠᱟᱹᱱᱦᱩ ᱢᱩᱨᱢᱩ, ᱪᱟᱸᱫᱽ ᱢᱩᱨᱢᱩ, ᱵᱷᱟᱭᱨᱚ ᱢᱩᱨᱢᱩ ᱱᱩᱠᱩ ᱯᱩᱱ ᱵᱚᱭᱦᱟ ᱟᱨ ᱵᱟᱨ ᱠᱩᱲᱤ ᱵᱚᱭᱦᱟ ᱯᱷᱩᱞᱳ ᱟᱨ ᱡᱷᱟᱱᱚ ᱢᱩᱨᱢᱩ ᱛᱮᱠᱚ ᱫᱚ ᱟᱹᱜᱩᱣᱟᱹᱱ ᱞᱮᱠᱟ ᱛᱮᱠᱚ ᱛᱟᱦᱮᱸ ᱠᱟᱱᱟ ᱾[᱑] ᱥᱤᱯᱟᱹᱦᱤ ᱦᱩᱞ ᱨᱮᱱᱟᱜ ᱮᱦᱚᱵ ᱦᱚᱸ ᱥᱟᱱᱛᱟᱲ ᱦᱩᱞ ᱠᱷᱚᱱ ᱜᱮᱠᱚ ᱧᱟᱢ ᱞᱮᱫᱼᱟ ᱾