ᱣᱤᱠᱤᱯᱤᱰᱤᱭᱟ:ᱴᱤᱣᱴᱳᱨᱤᱭᱟᱞ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱣᱤᱠᱤᱯᱤᱰᱤᱭᱟ ᱥᱟᱯᱲᱟᱣ ᱴᱭᱩᱴᱳᱨᱤᱭᱟᱞ ᱨᱮ ᱥᱟᱹᱜᱩᱱ ᱫᱟᱨᱟᱢ!

ᱣᱤᱠᱤᱯᱤᱰᱤᱭᱟ ᱫᱚ ᱦᱩᱭᱩᱜ ᱠᱟᱱᱟ ᱟᱭᱢᱟ ᱦᱚᱲᱟᱜ ᱜᱚᱲᱚᱸᱛᱮ ᱚᱞ ᱟᱠᱟᱱ ᱢᱤᱫᱴᱮᱱ ᱤᱱᱴᱟᱨᱱᱮᱴ ᱫᱷᱟᱹᱨᱛᱤ ᱯᱚᱛᱚᱵ, ᱡᱟᱦᱟᱸᱨᱮ ᱟᱢᱦᱚᱸ ᱜᱚᱲᱚᱸᱢ ᱮᱢ ᱫᱟᱲᱮᱭᱟᱜ-ᱟ᱾ ᱢᱤᱫᱴᱮᱱ ᱣᱤᱠᱤᱯᱤᱰᱤᱭᱟᱪᱟᱹᱨᱤ ᱦᱩᱭᱩᱜ ᱞᱟᱹᱜᱤᱛ ᱟᱢᱟᱜ ᱵᱟᱰᱟᱭ ᱞᱟᱹᱠᱛᱤ ᱠᱟᱱ ᱮᱢᱟᱱᱛᱮᱭᱟ ᱵᱮᱣᱨᱟ ᱟᱨ ᱦᱟᱹᱛᱤᱭᱟᱹᱨᱠᱩ, ᱱᱚᱣᱟ ᱴᱤᱣᱴᱳᱴᱤᱭᱟᱞ ᱨᱮᱱᱟᱜ ᱥᱟᱦᱴᱟᱠᱚᱨᱮ ᱞᱟᱹᱭ ᱥᱚᱫᱚᱨ ᱟᱠᱟᱱᱟ᱾

ᱱᱚᱣᱟ ᱴᱭᱩᱴᱳᱨᱤᱭᱟᱞ ᱨᱮ ᱣᱤᱠᱤ ᱥᱚᱯᱷᱴᱚᱭᱟᱨ ᱨᱮᱱᱟᱜ ᱠᱟᱹᱢᱤᱠᱩ, ᱣᱤᱠᱤ ᱨᱮ ᱚᱞ ᱨᱮᱱᱟᱜ ᱥᱟᱛᱚᱢᱠᱩ, ᱣᱤᱠᱤ ᱥᱟᱶᱛᱟ ᱟᱨ ᱣᱤᱠᱤ ᱨᱮᱱᱟᱜ ᱞᱟᱹᱠᱛᱤᱭᱟᱱ ᱱᱤᱛᱤᱢᱟᱞᱟ ᱠᱩ ᱱᱚᱸᱰᱮ ᱚᱞ ᱛᱟᱸᱦᱮᱸᱱᱟ᱾

ᱫᱤᱥᱟᱹ ᱫᱚᱦᱚ ᱠᱟᱫ ᱦᱩᱭᱩᱜ-ᱟ ᱡᱮ ᱱᱚᱣᱟ ᱫᱚ ᱢᱤᱫᱴᱮᱱ ᱴᱭᱩᱴᱳᱨᱤᱭᱟᱞ ᱠᱟᱱᱟ, ᱱᱚᱸᱰᱮ ᱫᱚ ᱟᱹᱰᱤ ᱞᱟᱹᱴᱩᱛᱮ ᱜᱚᱲᱚᱸ ᱮᱢ ᱨᱮᱱᱟᱜ ᱡᱟᱜᱟ ᱫᱚ ᱵᱟᱝ ᱠᱟᱱᱟ᱾ ᱱᱚᱣᱟ ᱴᱭᱩᱴᱳᱨᱤᱭᱟᱞ ᱨᱮᱱᱟᱜ ᱡᱟᱸᱦᱟᱸᱱᱟ ᱥᱟᱛᱚᱢ ᱠᱩ ᱵᱟᱢ ᱵᱩᱡᱷᱟᱹᱣ ᱫᱟᱲᱮᱭᱟᱛ ᱠᱷᱟᱱ ᱱᱚᱣᱟ ᱥᱟᱦᱴᱟ ᱨᱮᱱᱟᱜ ᱞᱟᱛᱟᱨ ᱩᱛᱟᱹᱨ ᱨᱮ ᱚᱱᱟᱠᱩ ᱥᱟᱛᱚᱢ ᱱᱤᱭᱟᱹ ᱮᱢᱟᱠᱟᱱ ᱡᱚᱱᱚᱲᱠᱩ ᱨᱮᱱᱟᱜ ᱛᱟᱹᱞᱠᱟᱹ ᱢᱮᱱᱟᱜ-ᱟ᱾ ᱡᱟᱸᱦᱟᱸᱨᱮ ᱞᱤᱱ ᱠᱮᱛᱮ ᱟᱢᱫᱚ ᱚᱱᱟ ᱥᱟᱛᱚᱢ ᱪᱮᱛᱟᱱ ᱚᱞᱟᱠᱟᱱ ᱥᱟᱦᱴᱟ ᱠᱚᱨᱮᱢ ᱪᱟᱞᱟᱣ ᱫᱟᱲᱮᱭᱟᱜ-ᱟ᱾ ᱚᱱᱟ ᱥᱟᱦᱴᱟᱠᱩ ᱟᱢᱟᱜ ᱵᱨᱟᱣᱡᱟᱨ ᱨᱮᱱᱟᱜ ᱱᱟᱣᱟ ᱡᱟᱱᱞᱟ ᱨᱮ ᱡᱷᱤᱡ ᱠᱮᱛᱮ ᱴᱭᱩᱴᱳᱨᱤᱭᱟᱞ ᱥᱟᱶᱛᱮᱢ ᱯᱟᱲᱦᱟᱣ ᱫᱟᱲᱮᱭᱟᱜ-ᱟ᱾

ᱟᱢᱟᱜ ᱠᱩᱨᱩᱢᱩᱴᱩ ᱞᱟᱹᱜᱤᱛ ᱴᱭᱩᱴᱳᱨᱤᱭᱟᱞ ᱨᱮᱱᱟᱜ ᱥᱟᱦᱴᱟᱠᱚᱨᱮ 'ᱜᱟᱛᱮ ᱚᱲᱟᱜ' ᱥᱟᱦᱴᱟᱨᱮ ᱪᱟᱞᱟᱜ ᱨᱮᱱᱟᱜ ᱡᱚᱱᱚᱲ ᱮᱢ ᱛᱟᱸᱦᱮᱸᱱᱟ᱾ ᱱᱚᱣᱟᱠᱩ ᱥᱟᱦᱴᱟ ᱛᱤᱱᱟᱹ ᱠᱩᱥᱤ ᱩᱱᱟᱹ ᱮᱢ ᱠᱩᱨᱩᱢᱩᱴᱩ ᱫᱟᱲᱮᱭᱟᱜ-ᱟ, ᱚᱠᱚᱭᱦᱚᱸ ᱪᱮᱫ ᱵᱟᱹᱠᱩ ᱦᱩᱫᱤᱥᱟ᱾

ᱡᱟᱹᱨᱩᱲ ᱠᱟᱛᱷᱟ : ᱴᱭᱩᱴᱳᱨᱤᱭᱟᱞ ᱨᱮ ᱥᱟᱵ ᱫᱚᱦᱚᱣ ᱠᱟᱱᱟ ᱡᱮ ᱟᱢᱫᱚ ᱥᱟᱦᱴᱟ ᱨᱮᱱᱟᱜ ᱮᱛᱦᱚᱵ (default) ᱞᱮᱟᱣᱴ ᱮᱢ ᱵᱮᱵᱦᱟᱨ ᱫᱟ᱾ ᱟᱢ ᱡᱩᱫᱤ ᱟᱢᱟᱜ ᱮᱠᱟᱣᱱᱴ ᱵᱮᱵᱦᱟᱨ ᱠᱟᱛᱮᱢ ᱵᱚᱞᱚ ᱞᱮᱱ ᱠᱷᱟᱱ ᱟᱨ ᱟᱢᱟᱜ ᱠᱩᱥᱤᱠᱩ (preferences) ᱵᱚᱫᱚᱞ ᱞᱮᱠᱷᱟᱱ, ᱡᱚᱱᱚᱲ ᱠᱩᱣᱟ (links) ᱡᱟᱜᱟ ᱵᱷᱤᱱᱟᱹ ᱵᱷᱤᱱᱟᱹ ᱦᱩᱭ ᱫᱟᱲᱮᱭᱟᱜ-ᱟ᱾