ᱤᱥᱴᱤᱯᱷᱟᱱ ᱢᱟᱨᱟᱱᱰᱤ
ᱤᱥᱴᱤᱯᱷᱟᱱ ᱢᱟᱨᱟᱱᱰᱤ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤ ᱠᱟᱱᱟᱭ ᱾ ᱱᱩᱭ ᱡᱷᱟᱨᱠᱷᱚᱸᱰ ᱢᱩᱠᱛᱤ ᱢᱚᱨᱪᱟ ᱨᱤᱱᱤᱡ ᱟᱭᱩᱨᱤᱭᱟᱹ ᱟᱨ ᱡᱷᱟᱨᱠᱷᱚᱸᱰ ᱵᱤᱫᱷᱟᱱᱥᱚᱵᱷᱟ ᱨᱤᱱᱤᱡ ᱥᱚᱦᱮᱫ ᱠᱟᱱᱟᱭ ᱾ ᱩᱱᱤ ᱯᱩᱱᱟᱜ ᱡᱷᱟᱨᱠᱷᱚᱸᱰ ᱵᱤᱫᱷᱟᱱᱥᱚᱵᱷᱟ ᱨᱤᱱᱤᱡ ᱯᱨᱚᱴᱮᱱ ᱥᱤᱯᱤᱠᱟᱨ ᱞᱮᱠᱟᱛᱮ ᱵᱟᱪᱷᱱᱟᱣ ᱞᱮᱱ ᱛᱟᱦᱮᱸᱫ ᱾[᱑]ᱱᱚᱜ ᱥᱟᱱᱛᱟᱲ ᱯᱟᱨᱜᱟᱱᱟ ᱨᱤᱱᱤᱡ ᱟᱹᱫᱤᱵᱟᱹᱥᱤ ᱟᱭᱩᱨᱤᱭᱟᱹ ᱠᱟᱱᱟᱭ ᱾
ᱢᱟᱨᱟᱱᱰᱤ ᱫᱚ ᱥᱤᱵᱩ ᱥᱚᱨᱮᱱ ᱟᱜ ᱡᱷᱟᱨᱠᱷᱚᱸᱰ ᱢᱩᱠᱛᱤ ᱢᱚᱨᱪᱟ ᱨᱤᱱᱤᱡ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟᱭ ᱾ ᱒᱐᱐᱕ ᱥᱟᱞ ᱨᱮᱱᱟᱜ ᱡᱷᱟᱨᱠᱷᱚᱸᱰ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱴᱤᱠᱟᱹᱴ ᱵᱟᱝ ᱮ ᱧᱟᱢ ᱞᱮᱫ ᱛᱮ ᱩᱱᱤᱫᱚ ᱡᱷᱟᱨᱠᱷᱚᱸᱰ ᱢᱩᱠᱛᱤ ᱢᱚᱨᱪᱟ ᱫᱚ ᱟᱲᱟᱜ ᱜᱤᱰᱤ ᱠᱟᱫᱟᱜᱼᱟ ᱟᱨ ᱫᱩᱢᱠᱟᱹ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱥᱤᱵᱩ ᱥᱚᱨᱮᱱᱤᱡ ᱵᱮᱴᱟ ᱦᱮᱢᱚᱱᱛ ᱥᱚᱨᱮᱱ ᱥᱟᱞᱟᱜ ᱱᱤᱨᱫᱚᱞᱤᱭ ᱠᱟᱱᱰᱤᱰᱮᱴ ᱞᱮᱠᱟᱛᱮ ᱵᱟᱪᱷᱱᱟᱣ ᱮ ᱞᱟᱹᱲᱦᱟᱹᱭ ᱮᱱᱟ ᱟᱨ ᱩᱱᱤ ᱵᱟᱪᱷᱱᱟᱣ ᱨᱮ ᱦᱟᱨᱟᱣ ᱮᱱᱟ ᱾
᱒᱐᱐᱕ ᱥᱟᱞ ᱨᱮ ᱛᱤᱥ ᱡᱷᱟᱨᱠᱷᱚᱸᱰ ᱨᱤᱱᱤᱡ ᱟᱭᱟᱨ ᱥᱤᱨᱟᱹ ᱢᱚᱱᱛᱨᱤ ᱵᱟᱹᱵᱩᱞᱟᱞ ᱢᱟᱨᱟᱱᱰᱤ ᱫᱚ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱟᱲᱟᱜ ᱜᱤᱰᱤ ᱠᱮᱫ, ᱟᱫᱚ ᱩᱱᱤ ᱡᱷᱟᱨᱠᱷᱚᱸᱰ ᱵᱤᱠᱟᱥ ᱢᱚᱨᱪᱟ (ᱯᱨᱚᱡᱟᱛᱟᱱᱛᱨᱤᱠ) ᱵᱮᱱᱟᱣ ᱞᱟᱹᱜᱤᱫ ᱛᱮ ᱵᱟᱹᱵᱩᱞᱟᱞ ᱢᱟᱨᱟᱱᱰᱤ ᱭᱟᱜ ᱨᱮ ᱥᱮᱞᱮᱫ ᱮᱱᱟ ᱾[᱒]
ᱡᱷᱟᱨᱠᱷᱚᱸᱰ ᱵᱤᱠᱟᱥ ᱢᱚᱨᱪᱟ (ᱯᱨᱚᱡᱟᱛᱟᱱᱛᱨᱤᱠ) ᱜᱚᱴᱷᱚᱱ ᱠᱟᱛᱮ ᱞᱚᱜᱚᱱ ᱜᱮ ᱛᱟᱭᱚᱢ, ᱩᱱᱤᱫᱚ ᱯᱟᱨᱴᱤ ᱟᱲᱟᱜ ᱜᱤᱰᱤ ᱠᱟᱫᱟᱜᱼᱟ ᱟᱨ ᱢᱚᱫᱷᱩ ᱠᱚᱲᱟ ᱭᱤᱡ ᱟᱹᱭᱩᱨᱤᱡ ᱥᱚᱨᱠᱟᱨ ᱥᱟᱞᱟᱜ ᱛᱤ ᱢᱤᱞᱟᱹᱣ ᱠᱮᱫᱼᱟ ᱟᱨ ᱚᱱᱟ ᱛᱟᱭᱚᱢ ᱞᱚᱜᱚᱱ ᱜᱮ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱨᱮ ᱥᱮᱞᱮᱫ ᱮᱱᱟ ᱾ ᱩᱱᱤ ᱡᱷᱟᱨᱠᱷᱚᱸᱰ ᱨᱤᱱᱤᱡ ᱡᱚᱜᱚ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱦᱚᱸ ᱧᱩᱛᱩᱢᱮ ᱫᱚᱦᱚ ᱞᱮᱫᱼᱟ ᱛᱟᱦᱮᱸᱫ ᱾[᱓]
ᱮᱯᱨᱤᱞ ᱒᱐᱑᱕ ᱥᱟᱞ ᱨᱮ, ᱱᱩᱭ ᱵᱟᱹᱵᱩᱞᱟᱞ ᱢᱟᱨᱟᱱᱰᱤ ᱥᱟᱶ ᱟᱨᱦᱚᱸ ᱥᱮᱞᱮᱫᱚᱜ ᱞᱟᱹᱜᱤᱫ ᱛᱮ ᱡᱷᱟᱨᱠᱷᱚᱸᱰ ᱵᱤᱠᱟᱥ ᱢᱚᱨᱪᱟ (ᱯᱨᱚᱡᱟᱛᱟᱱᱛᱨᱤᱠ) ᱨᱮ ᱨᱩᱣᱟᱹᱲ ᱦᱮᱡ ᱮᱱᱟ ᱾[᱔] ᱩᱱᱤᱫᱚ ᱡᱷᱟᱨᱠᱷᱚᱸᱰ ᱢᱩᱠᱛᱤ ᱢᱚᱨᱪᱟ ᱨᱮ ᱢᱚᱦᱮᱥᱯᱩᱨ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱒᱐᱑᱔ ᱥᱟᱞ ᱨᱮ ᱡᱷᱟᱨᱠᱷᱚᱸᱰ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱡᱤᱛᱠᱟᱹᱨ ᱮᱱᱟ ᱾[᱕][᱖][᱗]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Stephen Marandi appointed protem speaker in Jharkhand". The Times of India. 2 January 2015.
- ↑ "Jharkhand Governor appoints Stephen Marandi Pro-tem Speaker of assembly". in.news.yahoo.com.
- ↑ "Stephen Marandi (Indian National Congress(INC)):Constituency- Dumka(Dumka) - Affidavit Information of Candidate". myneta.info.
- ↑ "Stephen Marandi quits Cong, returns to Babulal Marandi-led JVM". Press Trust of India. 3 April 2014 – via Business Standard.
- ↑ "Maheshpur Election Results 2014 Jharkhand". Elections.in. Retrieved 26 January 2016.
- ↑ "Stephen Marandi sworn-in as Pro-tem Speaker". 2 January 2015.
- ↑ "Marandi's 'Morcha' strikes out Stephen". The Telegraph. 2006-09-24. Retrieved 2009-11-06.