ᱥᱚᱝᱜᱤᱛ ᱵᱷᱚᱵᱚᱱ
| ᱥᱚᱝᱜᱤᱛ ᱵᱷᱚᱵᱚᱱ ᱥᱮᱨᱮᱧ ᱚᱲᱟᱜ | |
|---|---|
| ᱵᱤᱥᱥᱚ-ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ | |
 ᱥᱚᱝᱜᱤᱛ ᱵᱷᱚᱵᱚᱱ, ᱥᱟᱱᱛᱤᱱᱤᱠᱮᱛᱚᱱ | |
| ᱴᱷᱟᱶ | ᱥᱟᱱᱛᱤᱱᱤᱠᱮᱛᱚᱱ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱚᱛᱱᱚᱜ ᱴᱷᱟᱶ | 23°40′52″N 87°40′55″E / 23.68101°N 87.68183°ECoordinates: 23°40′52″N 87°40′55″E / 23.68101°N 87.68183°E |
| ᱛᱷᱟᱯᱚᱱᱤᱡ | ᱨᱚᱵᱤᱱᱫᱽᱨᱚᱱᱟᱛᱷ ᱴᱷᱟᱠᱩᱨ |
| ᱛᱷᱟᱯᱚᱱ | ᱑᱙᱓᱓ |
| ᱯᱩᱨᱠᱷᱟᱹ (ᱯᱨᱤᱱᱥᱤᱯᱟᱞ) | ᱯᱨᱚᱯᱷ. ᱱᱤᱠᱷᱤᱠ ᱪᱚᱣᱫᱷᱩᱨᱤ |
| ᱣᱮᱵᱽᱥᱟᱭᱤᱴ | visvabharati.ac.in/sangitbhavana |
ᱵᱤᱥᱥᱚ-ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱥᱟᱱᱛᱤᱱᱤᱠᱮᱛᱚᱱ ᱨᱮᱭᱟᱜ ᱥᱚᱝᱜᱤᱛ ᱵᱷᱚᱵᱚᱱ (ᱮᱱᱮᱡ, ᱜᱟᱭᱟᱱ ᱟᱨ ᱥᱮᱨᱮᱧ ᱨᱮᱭᱟᱜ ᱛᱷᱟᱯᱚᱱ) ᱫᱚ ᱑᱙᱑᱙ ᱥᱮᱨᱢᱟ ᱨᱮ ᱠᱚᱞᱟ ᱵᱷᱚᱵᱚᱱ ᱨᱮᱭᱟᱜ ᱦᱤᱸᱥ ᱞᱮᱠᱟᱛᱮ ᱟᱨ ᱑᱙᱓᱓ ᱥᱮᱨᱢᱟ ᱨᱮ ᱢᱤᱫᱴᱟᱝ ᱵᱷᱮᱜᱟᱨ ᱛᱷᱟᱯᱚᱱ ᱞᱮᱠᱟᱛᱮ ᱠᱟᱹᱢᱤ ᱮᱦᱚᱵ ᱞᱮᱫᱟ᱾ ᱱᱚᱶᱟ ᱫᱚ ᱱᱳᱵᱮᱞ ᱥᱤᱨᱯᱟᱹ ᱦᱟᱢᱮᱴᱤᱡ ᱨᱚᱵᱤᱱᱫᱽᱨᱚᱱᱟᱛᱷ ᱴᱷᱟᱠᱩᱨ ᱛᱷᱟᱯᱚᱱ ᱞᱮᱫᱟᱭ ᱾[᱑]
ᱢᱤᱫ ᱫᱷᱟᱣ ᱨᱮ ᱧᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱫᱟ ᱥᱴᱮᱴᱥᱟᱢᱮᱱ ᱚᱞ ᱟᱠᱟᱫᱟ " ᱯᱷᱟᱭᱤᱱ ᱠᱟᱹᱨᱤ ᱞᱮᱠᱟ ᱥᱮᱨᱮᱧ ᱫᱚ ᱴᱷᱟᱠᱩᱨᱟᱜ ᱵᱤᱨᱫᱟᱹᱜᱟᱲ ᱨᱮ ᱥᱮᱪᱮᱫ ᱦᱚᱨᱟ ᱨᱮᱭᱟᱜ ᱢᱤᱫᱴᱟᱝ ᱞᱟᱹᱠᱛᱤᱭᱟᱱ ᱦᱤᱸᱥ ᱛᱟᱦᱮᱸ ᱠᱟᱱᱟ ᱾ ᱥᱟᱱᱛᱤᱱᱤᱠᱮᱛᱚᱱ ᱜᱟᱛᱟᱠ ᱞᱟᱹᱜᱤᱫ ᱩᱱᱤᱭᱟᱜ ᱥᱮᱨᱮᱧ ᱠᱚ ᱛᱟᱦᱮᱸᱠᱟᱱᱟ ᱢᱤᱫ ᱞᱮᱛᱟᱲ ᱨᱟᱹᱥᱠᱟᱹ ᱟᱨ ᱨᱚᱢᱚᱡ ᱨᱮᱭᱟᱜ ᱯᱷᱮᱰᱟᱛ᱾ ᱥᱟᱱᱛᱤᱱᱤᱠᱮᱛᱚᱱ ᱨᱮᱭᱟᱜ ᱮᱴᱟᱜ ᱡᱤᱭᱚᱱ ᱦᱚᱨᱟ ᱟᱨ ᱞᱟᱠᱪᱟᱨ ᱪᱤᱱᱦᱟᱹ ᱨᱮᱭᱟᱜ ᱥᱟᱱᱟᱢ ᱦᱤᱸᱥ ᱨᱮ ᱱᱚᱶᱟ ᱠᱚᱫᱚ ᱢᱤᱫ ᱦᱤᱸᱥ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱫᱚ ᱦᱟᱦᱟᱲᱟᱜ ᱨᱮᱭᱟᱜ ᱫᱚ ᱵᱟᱝ ᱠᱟᱱᱟ ᱡᱮ , ᱵᱤᱥᱥᱚ-ᱵᱷᱟᱨᱛᱤ ᱛᱷᱟᱯᱚᱱ ᱚᱠᱛᱚ ᱥᱮᱨᱮᱧ ᱟᱨ ᱮᱱᱮᱡ ᱥᱮᱪᱮᱫ ᱫᱚ ᱢᱤᱫᱴᱟᱝ ᱱᱟᱶᱟ ᱡᱳᱨ ᱧᱟᱢ ᱞᱮᱫᱟ᱾ ᱫᱤᱱᱮᱱᱫᱽᱨᱚᱱᱟᱛᱷ ᱴᱷᱟᱠᱩᱨ, ᱨᱚᱵᱤᱱᱫᱽᱨᱚᱱᱟᱛᱷ ᱨᱮᱱ ᱥᱮᱨᱮᱧ ᱜᱚᱲᱚᱢ ᱛᱮᱫ ᱟᱨ ᱢᱚᱦᱟᱨᱟᱥᱴᱨᱤᱭᱟᱹ ᱥᱮᱨᱮᱧ ᱨᱮᱱ ᱠᱟᱹᱨᱤᱜᱟᱹᱫᱤ, ᱡᱟᱦᱟᱸᱭ ᱫᱚ ᱦᱤᱱᱫᱩᱥᱛᱚᱱᱤ ᱥᱟᱥᱛᱚᱨᱚ ᱥᱮᱨᱮᱧ ᱮ ᱥᱮᱪᱮᱫ ᱞᱮᱫᱟ, ᱩᱱᱠᱩᱣᱟᱜ ᱪᱟᱪᱟᱞᱟᱣᱛᱮ ᱢᱤᱫᱴᱟᱝ ᱱᱟᱶᱟ ᱥᱮᱨᱮᱧ ᱥᱮᱨᱣᱟ ᱵᱮᱱᱟᱣ ᱞᱮᱱᱟ᱾[᱒]
" ᱢᱤᱫ ᱥᱟᱶᱛᱮ ᱟᱭᱢᱟ ᱥᱮᱨᱣᱟ ᱟᱨ ᱞᱟᱠᱪᱟᱨ ᱠᱷᱚᱱ ᱦᱟᱛᱟᱣ ᱟᱠᱟᱱ ᱠᱟᱹᱨᱤ ᱥᱟᱞᱟᱜ ᱵᱤᱰᱟᱹᱣ ᱛᱟᱞᱟᱛᱮ ᱢᱤᱫᱴᱟᱝ ᱱᱟᱶᱟ ᱮᱱᱮᱡ ᱦᱚᱨᱟ ᱵᱮᱱᱟᱣ ᱦᱩᱭ ᱞᱮᱱᱟ᱾ ᱥᱮᱨᱣᱟ ᱟᱱᱟᱜ ᱢᱚᱱᱤᱯᱩᱨᱤ ᱟᱨ ᱠᱟᱛᱷᱚᱠᱞᱤ ᱥᱴᱟᱭᱤᱞ ᱟᱨ ᱥᱤᱞᱳᱱᱤᱡᱽ ᱠᱮᱱᱰᱤ ᱮᱱᱮᱡ ᱞᱮᱠᱟ ᱵᱷᱟᱨᱚᱛ ᱵᱟᱨᱦᱮ ᱨᱮᱱᱟᱜ ᱮᱱᱮᱡ ᱠᱟᱹᱨᱤ ᱱᱚᱶᱟ ᱱᱟᱶᱟ ᱮᱱᱮᱡ ᱥᱴᱟᱭᱤᱞ ᱥᱟᱶ ᱥᱮᱞᱮᱫ ᱦᱩᱭ ᱞᱮᱱᱟ ᱡᱟᱦᱟᱸ ᱨᱮᱭᱟᱜ ᱢᱤᱫᱴᱟᱝ ᱵᱷᱮᱜᱟᱨ ᱩᱯᱨᱩᱢ ᱛᱟᱦᱮᱸ ᱠᱟᱱᱟ᱾ ᱱᱚᱶᱟ ᱞᱮᱠᱟᱱ ᱥᱮᱞᱮᱫᱟᱱᱟᱜ ᱫᱚ ᱛᱟᱦᱮᱸ ᱠᱟᱱᱟ ᱵᱤᱥᱥᱚ-ᱵᱷᱟᱨᱛᱤᱭᱟᱜ ᱵᱷᱮᱜᱟᱨ ᱞᱟᱠᱪᱟᱨ ᱧᱮᱞᱟᱱ ᱨᱮᱭᱟᱜ ᱢᱤᱫᱴᱟᱝ ᱪᱤᱱᱦᱟᱹ᱾[᱒]
ᱥᱟᱱᱛᱤᱱᱤᱠᱮᱛᱚᱱ ᱫᱚ ᱯᱟᱴᱷ ᱠᱟᱹᱨᱤ ᱵᱤᱨᱩᱫᱷᱨᱮ ᱥᱟᱶᱛᱟ ᱨᱮᱭᱟᱜ ᱚᱵᱷᱟᱵᱽ ᱠᱚ ᱥᱟᱢᱟᱝ ᱫᱟᱯᱨᱟᱢ ᱠᱟᱛᱮ ᱞᱟᱠᱪᱟᱨ ᱤᱫᱤ ᱠᱟᱛᱮ ᱵᱷᱟᱨᱚᱛ ᱨᱮᱭᱟᱜ ᱢᱚᱱᱮ ᱯᱟᱥᱱᱟᱣ ᱠᱟᱛᱮ ᱵᱟᱝᱞᱟ ᱟᱨ ᱵᱷᱟᱨᱚᱛ ᱨᱮ ᱱᱟᱣᱟ ᱥᱤᱨᱡᱟᱹᱣ ᱮ ᱮᱛᱚᱦᱚᱵ ᱞᱮᱫᱟ᱾ ᱦᱚᱲ ᱠᱚᱣᱟᱜ ᱴᱷᱟᱶᱨᱮ ᱩᱫᱩᱜ ᱥᱚᱫᱚᱨ ᱨᱮ ᱥᱮᱞᱮᱫᱚᱜ ᱚᱠᱛᱚ ᱥᱮᱪᱮᱫᱤᱭᱟᱹ ᱠᱚ ᱢᱤᱫᱴᱟᱝ ᱵᱟᱛᱟᱣᱟᱜ ᱠᱚ ᱫᱮᱭᱟ ᱵᱟᱹᱜᱤ ᱞᱮᱫᱟ᱾ ᱠᱷᱟᱴᱚ ᱛᱮ , ᱥᱟᱱᱛᱤᱱᱤᱠᱮᱛᱚᱱ ᱨᱮ ᱩᱫᱩᱜᱽ ᱥᱚᱫᱚᱨ ᱠᱟᱹᱨᱤ ᱢᱤᱫᱴᱟᱝ ᱱᱟᱶᱟ ᱢᱟᱹᱱᱮ ᱦᱟᱢᱮᱴ ᱞᱮᱫᱟ᱾[᱒]
ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙᱐᱑ ᱥᱮᱨᱢᱟ ᱨᱮᱭᱟᱜ ᱒᱒ ᱰᱤᱥᱮᱢᱵᱚᱨ ᱥᱟᱱᱛᱤᱱᱤᱠᱮᱛᱚᱱ ᱨᱮ ᱨᱚᱵᱤᱱᱫᱽᱨᱚᱱᱟᱛᱷ ᱟᱜ ᱵᱤᱨᱫᱟᱹᱜᱟᱲ ᱵᱨᱚᱢᱵᱷᱪᱚᱨᱡᱟᱥᱚᱨᱚᱢ ᱱᱮᱢᱟᱪᱟᱨ ᱞᱮᱠᱟᱛᱮ ᱮᱦᱚᱵ ᱞᱮᱱᱟ᱾[᱓] ᱥᱮᱨᱮᱧ ᱮᱛᱚᱦᱚᱵ ᱠᱷᱚᱱ ᱜᱮ ᱥᱮᱪᱮᱫ ᱦᱚᱨᱟ ᱨᱮᱭᱟᱜ ᱢᱤᱫᱴᱟᱝ ᱞᱟᱹᱠᱛᱤᱭᱟᱱ ᱦᱤᱸᱥ ᱛᱟᱦᱮᱸ ᱠᱟᱱᱟ , ᱢᱮᱱᱠᱷᱟᱱ ᱥᱮᱨᱮᱧ ᱨᱮᱭᱟᱜ ᱥᱮᱪᱮᱫ ᱫᱚ ᱨᱚᱵᱤᱱᱫᱽᱨᱚ ᱥᱮᱨᱮᱧ ᱦᱟᱹᱵᱤᱡ ᱜᱮ ᱥᱤᱢᱟᱹ ᱛᱟᱦᱮᱸ ᱠᱟᱱᱟ᱾[᱔] ᱑᱙᱑᱙ ᱥᱮᱨᱢᱟ ᱨᱮ ᱡᱚᱠᱷᱚᱱ ᱠᱚᱞᱟ ᱵᱷᱚᱵᱚᱱ ᱯᱳᱭᱞᱳ ᱠᱟᱹᱢᱤ ᱮᱦᱚᱵ ᱞᱮᱫᱟ, ᱩᱱᱫᱚ ᱥᱮᱨᱮᱧ ᱟᱨ ᱠᱟᱹᱨᱤ ᱵᱟᱱᱟᱨ ᱥᱮᱪᱮᱫ ᱮᱢᱚᱜ ᱦᱩᱭᱩᱜ ᱠᱟᱱ ᱛᱟᱦᱮᱱᱟ᱾ ᱑᱙᱓᱓ ᱥᱮᱨᱢᱟ ᱨᱮ , ᱵᱟᱨᱭᱟ ᱦᱟᱹᱴᱤᱧ ᱵᱷᱮᱜᱟᱨ ᱠᱟᱛᱮ ᱵᱷᱮᱜᱟᱨ ᱦᱟᱹᱴᱤᱧ ᱛᱟᱞᱢᱟ ᱥᱟᱞᱟᱜ ᱵᱷᱮᱜᱟᱨ ᱦᱩᱭ ᱞᱮᱱᱟ ᱠᱚᱞᱟ ᱵᱷᱚᱵᱚᱱ ᱟᱨ ᱥᱚᱝᱜᱤᱛ ᱵᱷᱚᱵᱚᱱ᱾[᱕]
ᱫᱤᱱᱮᱱᱫᱽᱨᱚᱱᱟᱛᱷ ᱴᱷᱟᱠᱩᱨ ᱨᱮᱱ ᱠᱚᱲᱟ ᱫᱤᱱᱮᱱᱫᱽᱨᱚᱱᱟᱛᱷ ᱴᱷᱟᱠᱩᱨ , ᱠᱚᱵᱤ ᱨᱮᱱ ᱢᱟᱨᱟᱝ ᱵᱚᱭᱦᱟ ᱡᱳᱲᱟᱥᱟᱠᱳ ᱴᱷᱟᱠᱩᱨ ᱵᱟᱨᱤ ᱨᱮᱭᱟᱜ ᱞᱟᱠᱪᱟᱨ ᱞᱮᱠᱟᱛᱮ ᱯᱮᱨᱮᱡ ᱟᱱ ᱚᱛᱢᱚᱱᱨᱮ ᱡᱟᱱᱟᱢ ᱞᱮᱱᱟ ᱟᱨ ᱯᱚᱪᱷᱤᱢ ᱞᱟᱠᱪᱟᱨ ᱨᱮ ᱦᱤᱱᱫᱩᱥᱛᱚᱱᱤ ᱥᱟᱥᱛᱨᱚ ᱥᱮᱨᱮᱧ ᱵᱟᱱᱟᱨ ᱥᱟᱞᱟᱜ ᱜᱮ ᱩᱯᱨᱩᱢᱟᱱ ᱢᱤᱫ ᱦᱚᱲ ᱱᱟᱯᱟᱭ ᱥᱮᱨᱮᱧ ᱠᱟᱹᱨᱤᱜᱚᱞ ᱮ ᱛᱟᱦᱮᱸᱠᱟᱱᱟ᱾ ᱩᱱᱤ ᱫᱚ ᱥᱮᱨᱮᱧ ᱨᱮᱭᱟᱜ ᱪᱤᱱᱦᱟᱹ ᱠᱚ ᱪᱮᱛᱟᱱ ᱨᱮ ᱥᱚᱨᱮᱥ ᱮ ᱛᱟᱦᱮᱸ ᱠᱟᱱᱟ ᱟᱨ ᱯᱳᱭᱞᱳ ᱥᱮᱨᱢᱟ ᱠᱷᱚᱱ ᱥᱮᱨᱮᱧ ᱵᱤᱵᱷᱟᱜᱽ ᱨᱮᱭᱟᱜ ᱫᱟᱹᱭᱵᱷᱟᱨ ᱨᱮᱭ ᱛᱟᱸᱦᱮ ᱠᱟᱱᱟ᱾[᱖]
᱑᱙᱑᱙ ᱥᱮᱨᱢᱟ ᱨᱮ ᱥᱤᱞᱮᱴ ᱨᱮ ᱢᱤᱫᱴᱟᱝ ᱮᱱᱮᱡ ᱧᱮᱞ ᱛᱟᱭᱚᱢ ᱨᱚᱵᱤᱱᱫᱽᱨᱚᱱᱟᱛᱷ ᱥᱟᱱᱛᱤᱱᱤᱠᱮᱛᱚᱱ ᱨᱮᱭᱟᱜ ᱥᱮᱪᱮᱫ ᱦᱚᱨᱟ ᱨᱮ ᱢᱚᱱᱤᱯᱩᱨᱤ ᱮᱱᱮᱡ ᱥᱮᱞᱮᱫ ᱨᱮᱭᱟᱜ ᱮ ᱜᱚᱴᱟ ᱞᱮᱫᱟ᱾ ᱩᱱᱤ ᱫᱚ ᱛᱨᱤᱯᱩᱨᱟ ᱨᱮᱱ ᱨᱟᱡᱟ ᱵᱤᱨᱮᱱᱫᱨᱚ ᱠᱤᱥᱳᱨ ᱢᱟᱱᱤᱠᱭᱚ ᱢᱤᱫ ᱢᱚᱱᱤᱯᱩᱨᱤ ᱮᱱᱮᱡ ᱨᱮᱱ ᱥᱮᱪᱮᱫᱤᱭᱟᱹ ᱵᱷᱮᱡᱟ ᱞᱟᱹᱜᱤᱫ ᱮ ᱱᱮᱦᱚᱨ ᱞᱮᱫᱮᱭᱟ ᱟᱨ ᱩᱱᱤ ᱫᱚ ᱨᱟᱡᱽᱠᱩᱢᱟᱨ ᱵᱳᱫᱽᱫᱷᱚᱢᱚᱱᱛᱚ ᱥᱤᱝ ᱫᱚ ᱥᱟᱱᱛᱤᱱᱤᱠᱮᱛᱚᱱ ᱮ ᱵᱷᱮᱡᱟ ᱞᱮᱫᱮᱭᱟ᱾ ᱛᱟᱭᱚᱢ ᱫᱟᱨᱟᱢ ᱛᱮ ᱵᱳᱱᱩᱜᱟᱪ ᱨᱮᱱ ᱱᱤᱞᱮᱥᱥᱚᱨ ᱢᱩᱠᱷᱟᱨᱤ ᱦᱚᱸ ᱢᱚᱱᱤᱯᱩᱨᱤ ᱮᱱᱮᱡ ᱨᱮᱱ ᱥᱮᱪᱮᱫᱤᱭᱟᱹ ᱞᱮᱠᱟᱛᱮ ᱥᱟᱱᱛᱟᱲᱤ ᱨᱮᱭ ᱥᱮᱞᱮᱫ ᱞᱮᱱᱟ ᱾
ᱦᱚᱲᱠᱩᱥᱤ ᱞᱟᱠᱪᱟᱨ ᱟᱨ ᱱᱟᱜᱟᱢ ᱨᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱢᱨᱤᱱᱟᱞᱤᱱᱤ ᱥᱟᱨᱟᱵᱷᱟᱭᱤ (ᱩᱱ ᱚᱠᱛᱚ ᱢᱨᱤᱱᱟᱞᱤᱱᱤ ᱥᱟᱢᱤᱱᱟᱛᱷᱟᱱ) ᱜᱩᱨᱩ ᱠᱮᱞᱩ ᱱᱟᱭᱟᱨ ᱟᱜ ᱟᱶᱛᱟᱨᱮ ᱠᱟᱛᱷᱚᱠᱞᱤ ᱟᱨ ᱜᱩᱨᱩ ᱚᱢᱵᱩᱭ ᱥᱤᱝ ᱟᱜ ᱟᱶᱛᱟ ᱨᱮ ᱢᱚᱱᱤᱯᱩᱨᱤᱭ ᱯᱟᱲᱦᱟᱣ ᱞᱮᱫᱟ᱾ ᱩᱱᱤ ᱫᱚ ᱢᱤᱫ ᱟᱹᱰᱤ ᱵᱮᱱᱟᱣᱟᱱ ᱦᱚᱲ , ᱩᱱᱤ ᱫᱚ ᱥᱟᱱᱟᱢ ᱚᱠᱛᱮᱜᱮ ᱟᱡᱮ ᱥᱚᱫᱚᱨ ᱞᱟᱹᱜᱤᱫ ᱥᱮᱨᱣᱟ ᱟᱱᱟᱜ ᱠᱟᱹᱨᱤ ᱨᱮ ᱱᱟᱶᱟ ᱨᱩᱯ ᱠᱚ ᱛᱚᱞᱟᱥ ᱞᱮᱫᱟ᱾
- ᱯᱚᱞᱞᱵᱤ ᱠᱨᱤᱥᱚᱱᱚ ᱢᱩᱲᱩᱫ ᱢᱳᱦᱤᱱᱤᱭᱟᱴᱴᱚᱢ ᱮᱥᱯᱳᱱᱟᱱᱴ ᱥᱟᱱᱛᱤᱱᱤᱠᱮᱛᱚᱱ ᱠᱷᱚᱱ ᱮᱱᱮᱡ ᱨᱮ ᱟᱡᱟᱜ ᱜᱨᱟᱡᱤᱭᱮᱥᱚᱱ (ᱠᱟᱛᱷᱚᱠᱞᱤ) ᱢᱩᱪᱟᱹᱫ ᱠᱮᱫᱟ ᱟᱨ ᱚᱱᱟ ᱛᱟᱭᱚᱢ ᱠᱮᱨᱟᱞᱟ ᱠᱟᱞᱟᱢᱚᱱᱰᱚᱞᱚᱢ ᱠᱷᱚᱱ ᱢᱳᱦᱤᱱᱤᱭᱟᱴᱚᱢ ᱨᱮ ᱟᱡᱟᱜ ᱯᱮᱥᱴ ᱜᱨᱟᱡᱤᱭᱥᱚᱱ ᱞᱮᱫᱟᱭ᱾[᱗][᱘]
ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Sangeet Bhavan is still relevant while completing hundred years". www.anandabazar.com (in Bengali). Retrieved 2022-07-16.
- ↑ ᱒.᱐ ᱒.᱑ ᱒.᱒ Chanda, Sukalyan (4 February 2019). "Centenary of the Nest II". The Statesman, 5 February 2019. Retrieved 12 September 2019.
- ↑ "Visva Bharati". History. Visva Bharati. Retrieved 4 September 2019.
- ↑ "Bhimrao Hasurkar Sastri". Visva Bharati. Retrieved 4 September 2019.
- ↑ "From Bharmacharyashrama to Visva-Bharati: A Chronicle of Metamorphosis of a Tiny School into an Internationally-Acclaimed Centre of Learning" (PDF). Visva Baharati. Archived from the original (PDF) on 16 March 2015. Retrieved 4 September 2019.
- ↑ "Dinendranath Tagore (1882-1935)". Visva Bharati. Retrieved 4 September 2019.
- ↑ "Pallavi Krishnan". Pallavi Krishnan. Archived from the original on 21 September 2019. Retrieved 9 September 2019.
- ↑ "Pallavi enthuses effortless grace". The New Indian Express, 3 December 2018. Retrieved 9 September 2019.