ᱥᱚᱦᱨᱟᱭ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
(ᱥᱚᱦᱚᱨᱟᱭ ᱠᱷᱚᱱ ᱟᱹᱪᱩᱨ ᱦᱮᱡᱠᱟᱱᱟ)
ᱥᱚᱦᱨᱟᱭ ᱠᱷᱩᱱᱴᱟᱹᱣ

ᱥᱚᱦᱨᱟᱭ ᱵᱟᱝᱢᱟ ᱥᱚᱦᱚᱨᱟᱭ [᱑] ᱫᱚ ᱥᱟᱱᱛᱟᱲ ᱠᱚᱣᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱢᱤᱫᱴᱟᱹᱝ ᱨᱟᱹᱥᱠᱟᱹ ᱨᱮᱱᱟᱜ ᱯᱟᱨᱟᱵᱽ ᱠᱟᱱᱟ ᱾ ᱠᱩᱲᱤ ᱦᱚᱯᱚᱱ ᱜᱮᱡ-ᱜᱩᱨᱤᱡ ᱡᱮᱨᱮᱲ-ᱯᱚᱛᱟᱣ ᱠᱟᱛᱮᱫ ᱚᱲᱟᱜ ᱫᱩᱣᱟᱹᱨ ᱠᱚ ᱥᱟᱡᱟᱣᱼᱟ, ᱠᱟᱸᱛ ᱠᱚᱨᱮ ᱱᱟᱱᱟ-ᱦᱩᱱᱟᱹᱨ ᱪᱤᱛᱟᱹᱨ ᱠᱚᱠᱚ ᱡᱩᱛᱼᱟ ᱾ ᱟᱹᱛᱩ ᱠᱩᱞᱦᱤ ᱵᱷᱤᱛ-ᱯᱤᱱᱰᱟᱹ ᱥᱟᱡᱟᱣ ᱛᱮ ᱱᱟᱣᱟ ᱜᱮ ᱧᱮᱞᱚᱜᱼᱟ ᱾ ᱢᱮᱱ ᱟᱠᱚ ᱥᱚᱦᱨᱟᱭ ᱫᱚ ᱦᱟᱹᱛᱤ ᱞᱮᱠᱟᱱ ᱥᱚᱦᱨᱟᱭ ᱯᱟᱨᱟᱵᱽ ᱠᱟᱱᱟ ᱾ ᱱᱚᱣᱟ ᱢᱮᱱ ᱫᱚ ᱱᱚᱣᱟ ᱯᱟᱨᱟᱵᱽ ᱫᱚ ᱥᱟᱱᱛᱟᱲ ᱠᱚᱣᱟᱜ ᱡᱚᱛᱚ ᱠᱷᱚᱱ ᱥᱮᱬᱟ ᱯᱟᱨᱟᱵᱽ ᱠᱟᱱᱟ ᱾ ᱱᱚᱣᱟ ᱯᱟᱨᱟᱵᱽ ᱠᱷᱟᱹᱞᱤ ᱢᱟᱹᱱᱢᱤ ᱠᱚᱣᱟᱜ ᱯᱟᱨᱟᱵᱽ ᱫᱚ ᱵᱟᱝ ᱠᱟᱱᱟ ᱥᱟᱶᱛᱮ ᱰᱟᱝᱜᱽᱨᱤ ᱠᱟᱰᱟ ᱠᱚᱦᱚᱸᱵᱚᱱ ᱯᱟᱨᱟᱵᱽ ᱛᱟᱨᱟᱭᱮᱫ ᱠᱚᱣᱟ ᱾ ᱥᱚᱦᱨᱟᱭ ᱫᱚ ᱢᱚᱬᱮ ᱢᱟᱦᱟᱸ ᱠᱚ ᱢᱟᱱᱟᱣᱟ ᱾

ᱜᱚᱴ ᱵᱚᱸᱜᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱤᱭᱟᱹ ᱦᱤᱞᱚᱜ ᱫᱚ ᱜᱚᱴ ᱨᱮᱠᱚ ᱵᱚᱸᱜᱟ ᱵᱩᱨᱩᱭᱟ ᱾ ᱱᱚᱣᱟ ᱜᱚᱴ ᱥᱤᱢ ᱦᱚᱸᱠᱚ ᱢᱮᱛᱟ ᱦᱟᱜᱼᱟ ᱪᱮᱫᱟᱜ ᱥᱮ ᱱᱟᱭᱠᱮ ᱱᱤᱭᱟᱹ ᱦᱤᱞᱚᱜ ᱜᱚᱴ ᱨᱮ ᱥᱤᱢ ᱠᱚ ᱵᱚᱸᱜᱟ ᱠᱚᱣᱟᱭ ᱾ ᱱᱚᱣᱟ ᱵᱚᱸᱜᱟ ᱨᱮ ᱵᱚᱸᱜᱟ ᱛᱷᱟᱱ ᱞᱟᱦᱟ ᱨᱮ ᱥᱟᱹᱜᱩᱱ ᱴᱷᱤᱞᱤ ᱥᱟᱶ ᱵᱟᱨᱭᱟ ᱥᱤᱢ ᱵᱤᱞᱤ ᱠᱚ ᱫᱚᱲᱚᱢ ᱠᱟᱜᱼᱟ ᱾ ᱵᱚᱸᱜᱟ ᱵᱩᱨᱩ ᱨᱮᱱᱟᱜ ᱞᱮᱜᱽ ᱵᱷᱟᱜᱽ ᱪᱟᱵᱟ ᱞᱮᱱᱠᱷᱟᱱ ᱵᱚᱸᱜᱟ ᱛᱷᱟᱱ ᱨᱮᱱᱟᱜ ᱥᱤᱢ ᱵᱤᱞᱤ ᱟᱹᱛᱩ ᱨᱤᱱ ᱰᱟᱝᱜᱽᱨᱤ ᱛᱷᱮᱫ ᱠᱚ ᱞᱮᱵᱮᱫ ᱦᱚᱪᱚᱭᱟ, ᱡᱟᱦᱟᱸᱭ ᱟᱹᱥᱟᱹᱢᱤᱭᱤᱡ ᱰᱟᱝᱜᱽᱨᱤ ᱚᱱᱟ ᱥᱤᱢ ᱵᱤᱞᱤ ᱞᱮᱵᱮᱫᱟᱭ ᱩᱱᱤ ᱫᱚ ᱚᱱᱟ ᱥᱮᱨᱢᱟ ᱨᱤᱱᱤᱡ ᱢᱟᱹᱱ ᱟᱱ ᱨᱟᱹᱥ ᱟᱹᱱ ᱦᱚᱲ ᱞᱮᱠᱟ ᱛᱮ ᱠᱚ ᱞᱮᱠᱷᱟᱭᱮᱭᱟ ᱢᱮᱱ ᱫᱚ ᱟᱹᱰᱤ ᱵᱷᱟᱹᱜ ᱢᱟᱹᱱᱢᱤ ᱠᱟᱱᱟᱭ ᱢᱮᱱᱛᱮ ᱵᱟᱰᱟᱭ ᱧᱟᱢ ᱮᱱᱟᱭ ᱾ ᱫᱚᱥᱟᱨ ᱥᱮᱨᱢᱟ ᱩᱱᱤ ᱜᱚᱢᱠᱮ ᱫᱚ ᱜᱚᱴ ᱵᱚᱸᱜᱟ ᱨᱮ ᱢᱤᱫ ᱴᱩᱠᱩᱡ ᱦᱟᱺᱰᱤ ᱮᱢᱚᱜ ᱟᱭ ᱾ ᱧᱤᱫᱟᱹ ᱫᱚ ᱠᱚᱲᱟ ᱦᱚᱯᱚᱱ ᱰᱟᱝᱜᱽᱨᱤ ᱠᱟᱰᱟ ᱠᱚ ᱥᱟᱥᱟᱝ ᱫᱟᱜ ᱛᱮ ᱡᱟᱝᱜᱟ ᱠᱚ ᱟᱹᱨᱩᱵ ᱠᱚᱣᱟ ᱟᱨ ᱫᱮᱨᱮᱧ ᱠᱚᱨᱮ ᱥᱩᱱᱩᱢ ᱠᱚ ᱚᱡᱚᱜ ᱠᱚᱣᱟᱭ, ᱛᱤᱨᱞᱟᱹ ᱦᱚᱯᱚᱱ ᱠᱚᱫᱚ ᱵᱟᱹᱛᱤ ᱠᱚ ᱡᱩᱞᱼᱟ ᱥᱟᱶᱛᱮ ᱠᱚᱲᱟ ᱦᱚᱯᱚᱱ ᱠᱚᱫᱚ ᱛᱤᱨᱭᱟᱹᱣ ᱚᱨᱚᱝ ᱟᱛᱮ ᱟᱹᱛᱩ ᱨᱮ ᱚᱲᱟᱜ ᱟᱲᱟᱜ ᱠᱚ ᱫᱟᱬᱟᱱᱟ ᱱᱚᱣᱟ ᱜᱮ ᱜᱟᱹᱭ ᱫᱟᱬᱟᱱ ᱠᱚ ᱢᱮᱱᱼᱟ ᱾

ᱟᱲᱟᱜ ᱫᱟᱨᱟᱢ ᱢᱟᱦᱟᱸ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱫᱚ ᱫᱚᱥᱟᱨ ᱦᱤᱞᱚᱜᱟᱜ ᱠᱟᱹᱢᱤ ᱠᱟᱱᱟ ᱾ ᱱᱤᱭᱟᱹ ᱢᱟᱦᱟᱸ ᱨᱮᱫᱚ ᱠᱩᱲᱤ ᱦᱚᱯᱚᱱᱟᱜ ᱠᱟᱹᱢᱤ ᱵᱟᱲᱛᱤ ᱜᱮᱭᱟ ᱾ ᱛᱩᱯᱩ ᱱᱟᱲᱠᱟ ᱦᱟᱛᱮᱫ ᱚᱲᱟᱜ ᱠᱚᱠᱚ ᱜᱮᱡ ᱜᱩᱨᱤᱡᱼᱟ ᱿ ᱯᱤᱴᱷᱟᱹ ᱞᱟᱹᱰᱩ ᱰᱩᱢᱵᱩᱜ ᱠᱚᱼᱠᱚ ᱵᱮᱱᱟᱣᱼᱟ ᱾ ᱠᱚᱲᱟ ᱦᱚᱯᱚᱱ ᱠᱚᱦᱚᱸ ᱚᱲᱟᱜ ᱨᱤᱱ ᱵᱚᱸᱜᱟ ᱵᱩᱨᱩ ᱠᱚ ᱧᱮᱞᱼᱟ ᱾ ᱱᱤᱭᱟᱹ ᱦᱤᱞᱚᱜ ᱜᱮ ᱛᱤᱨᱞᱟᱹ ᱦᱚᱯᱚᱱ ᱠᱚᱫᱚ ᱜᱟᱹᱭ ᱰᱟᱝᱜᱽᱨᱤ ᱠᱟᱰᱟ ᱠᱚ ᱪᱩᱢᱟᱹᱲᱟ ᱠᱚᱣᱟ ᱾

ᱠᱷᱩᱱᱴᱟᱹᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱫᱚ ᱛᱮᱥᱟᱨ ᱦᱤᱞᱚᱜᱼᱟ ᱥᱟᱯᱲᱟᱣ ᱠᱟᱱᱟ ᱾ ᱱᱤᱭᱟᱹ ᱢᱟᱦᱟ ᱨᱮ ᱰᱟᱝᱜᱽᱨᱤ ᱠᱚ ᱠᱷᱩᱱᱴᱟᱹᱣ ᱠᱚᱣᱟ ᱾ ᱥᱮᱬᱟ ᱠᱷᱩᱱᱴᱤ ᱵᱤᱫ ᱠᱟᱛᱮᱫ ᱰᱟᱝᱜᱽᱨᱤ ᱠᱷᱩᱱᱴᱟᱹᱣ ᱟᱛᱮᱫ ᱠᱚ ᱪᱟᱨᱦᱟᱣ ᱠᱚᱣᱟ ᱾ ᱱᱚᱣᱟ ᱰᱟᱝᱜᱽᱨᱤ ᱠᱷᱩᱱᱴᱟᱹᱣ ᱫᱚ ᱟᱹᱰᱤ ᱨᱚᱢᱚᱡᱽ ᱜᱮ ᱧᱮᱞᱚᱜᱼᱟ ᱾ ᱠᱚᱲᱟ ᱦᱚᱯᱚᱱ ᱦᱟᱱᱟ ᱱᱷᱟᱣᱟ ᱛᱮ ᱰᱟᱝᱜᱽᱨᱤ ᱠᱚ ᱪᱟᱨᱦᱟᱣ ᱠᱚᱣᱟ ᱟᱨ ᱠᱚ ᱠᱚᱞ ᱠᱩᱞᱤᱭᱟ ᱾ ᱚᱠᱚᱭ ᱫᱚ ᱵᱚᱲ ᱨᱮᱱᱟᱜ ᱵᱟᱺᱫᱤ ᱚᱠᱚᱭ ᱨᱚᱦᱚᱲ ᱦᱟᱨᱛᱟ ᱚᱠᱚᱭ ᱵᱚᱥᱛᱟ ᱛᱮᱠᱚ ᱪᱟᱨᱦᱟᱣ ᱠᱚᱣᱟ, ᱟᱨ ᱟᱫᱷᱟᱱ ᱫᱚ ᱜᱩᱲᱫᱟᱹᱣ ᱟᱛᱮᱫ ᱠᱚ ᱪᱟᱨᱦᱟᱣ ᱠᱚᱣᱟ ᱾ ᱛᱟᱭᱚᱢ ᱛᱟᱭᱚᱢ ᱠᱷᱩᱱᱴᱟᱹᱣ ᱧᱮᱼᱧᱮᱞ ᱥᱮᱴᱮᱨ ᱦᱟᱠᱟᱱ ᱠᱩᱲᱤ ᱦᱚᱯᱚᱱ ᱠᱷᱩᱱᱴᱟᱹᱣ ᱧᱮᱞ ᱧᱮᱞ ᱥᱚᱦᱨᱟᱭ ᱥᱮᱨᱮᱧ ᱠᱚ ᱮᱛᱚᱦᱚᱵᱼᱟ ᱾ ᱱᱚᱣᱟ ᱯᱟᱨᱟᱵ ᱨᱮ ᱜᱤᱫᱽᱨᱟᱹ ᱠᱷᱚᱱ ᱮᱛᱚᱦᱚᱵ ᱠᱟᱛᱮᱫ ᱠᱚᱲᱟ ᱠᱩᱲᱤ ᱦᱟᱲᱟᱢ ᱵᱩᱰᱷᱤ ᱡᱚᱛᱚ ᱜᱮ ᱟᱹᱰᱤ ᱠᱚ ᱨᱟᱹᱥᱠᱟᱹᱜᱼᱟ ᱾

ᱯᱷᱮᱰᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.m.wikipedia.org/wiki/Sohrai

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]