ᱥᱚᱱᱟᱞ ᱢᱟᱱᱥᱤᱝ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱥᱚᱱᱟᱞ ᱢᱟᱱᱥᱤᱝ
Sonal Mansingh.jpg
ᱥᱚᱱᱟᱞ ᱢᱟᱱᱥᱤᱝ ᱫᱤᱞᱞᱤ ᱨᱮ ᱮᱱᱮᱡ ᱮ ᱥᱚᱫᱚᱨᱮᱫ ᱚᱠᱛᱚ ᱨᱮ
ᱵᱤᱵᱚᱨᱚᱱ
ᱡᱟᱱᱟᱢ ᱧᱩᱛᱩᱢ ᱥᱚᱱᱟᱞ ᱯᱚᱠᱣᱟᱥ
ᱡᱟᱱᱟᱢ ᱓᱐ ᱮᱯᱨᱤᱞ ᱑᱙᱔᱒ (1942-04-30) (᱗᱘ ᱥᱮᱨᱢᱟ)
ᱢᱩᱢᱵᱟᱭ
ᱢᱩᱬ ᱥᱤᱧᱚᱛ
ᱡᱮᱱᱨᱮᱥ ᱳᱰᱤᱥᱤ, ᱵᱷᱟᱨᱚᱛᱱᱟᱴᱭᱚᱢ
ᱚᱠᱩᱯᱮᱥᱚᱱ ᱱᱟᱪᱚᱱᱤᱭᱟ, ᱮᱱᱮᱡ ᱜᱩᱨᱩ, ᱯᱚᱱᱚᱛ ᱫᱚᱨᱵᱟᱨᱤᱭᱟᱹ
ᱠᱟᱹᱢᱤ ᱚᱠᱛᱚ ᱑᱙᱖᱑-ᱱᱤᱛᱦᱟᱹᱵᱤᱡ, ᱯᱚᱱᱚᱛᱫᱚᱨᱵᱟᱨ ᱨᱮ ᱑᱘ ᱡᱩᱞᱟᱭ ᱒᱐᱑᱘ ᱠᱷᱚᱱ
ᱣᱮᱵᱽᱥᱟᱭᱤᱴ ᱣᱮᱵᱽᱥᱟᱭᱤᱴ

ᱥᱚᱱᱟᱞ ᱢᱟᱱᱥᱤᱝ (Sonal Mansingh) ᱫᱚ ᱥᱤᱧᱚᱛᱤᱭᱟᱹ ᱠᱞᱟᱥᱤᱠᱟᱞ ᱱᱟᱪᱚᱱᱤᱭᱟᱹ ᱟᱨ ᱵᱷᱟᱨᱚᱛᱱᱟᱴᱭᱚᱢ ᱟᱨ ᱳᱰᱤᱥᱤ ᱮᱱᱮᱡ ᱨᱤᱱᱤᱡ ᱜᱩᱨᱩ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱫᱤᱥᱚᱢ ᱜᱚᱢᱠᱮ ᱦᱚᱛᱮ ᱛᱮ ᱯᱚᱱᱚᱛ ᱫᱚᱨᱵᱟᱨ (ᱨᱟᱡᱽᱭᱚ ᱥᱚᱵᱷᱟ) ᱞᱟᱹᱜᱤᱫ ᱮ ᱵᱟᱪᱷᱚᱱ ᱞᱮᱱ ᱛᱟᱦᱮᱸᱫ ᱾[᱑][᱒][᱓]


ᱯᱩᱭᱞᱩ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱱᱟᱞ ᱫᱚ ᱢᱩᱢᱵᱟᱭ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱡᱤᱡ ᱟᱯᱟᱛᱟᱜ ᱧᱩᱛᱩᱢ ᱫᱚ 'ᱚᱨᱤᱵᱱᱫᱽ ᱯᱚᱠᱣᱟᱥ' ᱟᱨ ᱮᱸᱜᱟᱛ ᱟᱜ ᱧᱩᱛᱩᱢ ᱫᱚ 'ᱯᱩᱨᱱᱤᱢᱟ' ᱛᱟᱦᱮᱸ ᱠᱟᱱᱟ ᱾ ᱚᱨᱵᱤᱱᱫᱽ ᱟᱨ ᱯᱩᱨᱱᱤᱢᱟ ᱨᱤᱱ ᱯᱮᱭᱟ ᱜᱤᱫᱽᱴᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱩᱱᱠᱩ ᱢᱟᱹᱫᱽ ᱠᱷᱚᱱ ᱥᱚᱱᱟᱞ ᱫᱚ ᱛᱟᱞᱟ ᱠᱩᱲᱤ ᱛᱟᱦᱮᱸ ᱠᱟᱱᱟᱭ ᱾ ᱥᱚᱱᱟᱞ ᱫᱚ ᱜᱩᱡᱽᱨᱟᱴ ᱨᱤᱱᱤᱡ ᱢᱤᱫ ᱥᱟᱶᱛᱟᱥᱩᱥᱟᱹᱨᱤᱭᱟᱹ ᱟᱨ ᱒᱐᱐᱔ ᱥᱟᱹᱦᱤᱫ ᱨᱮ ᱯᱚᱫᱽᱢᱚ ᱵᱤᱵᱷᱩᱥᱚᱬᱚ ᱢᱟᱹᱱ ᱥᱤᱨᱯᱷᱟᱹᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱟᱡ ᱜᱚᱲᱚᱢ ᱦᱟᱲᱟᱢ ᱢᱚᱝᱜᱚᱞ ᱫᱟᱥ ᱯᱚᱠᱣᱟᱥ ᱫᱚ ᱢᱤᱫ ᱯᱷᱩᱨᱜᱟᱹᱞ ᱵᱤᱨ ᱛᱟᱦᱮᱸ ᱠᱟᱱᱟᱭ ᱟᱨ ᱥᱤᱧᱚᱛ ᱨᱤᱱᱤ ᱯᱩᱞᱩ ᱢᱚᱬᱮ ᱜᱚᱴᱟᱝ ᱯᱚᱱᱚᱛ ᱜᱚᱢᱠᱮ (ᱨᱟᱡᱽᱭᱚᱯᱟᱲ) ᱢᱟᱹᱫᱽ ᱠᱷᱚᱱ ᱟᱡ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱟᱠᱚᱣᱟᱜ ᱜᱷᱟᱨᱚᱡᱽ ᱨᱮ ᱫᱚ ᱥᱮᱱᱮᱨᱮᱧ ᱟᱨ ᱥᱟᱶᱛᱟᱼᱟᱹᱨᱤ ᱨᱮᱱᱟᱜ ᱥᱟᱪᱟᱨᱦᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱟᱠᱚ ᱚᱲᱟᱜ ᱨᱮ "ᱵᱚᱰᱮ ᱜᱩᱞᱟᱢ ᱚᱞᱞᱤ ᱠᱷᱟᱱ", ᱮᱢ ᱮᱥ ᱥᱩᱵᱷᱚᱞᱠᱷᱢᱤ, ᱵᱤᱥᱢᱤᱞᱞᱟ ᱠᱷᱟᱸ ᱟᱨ ᱨᱩᱠᱢᱤᱬᱤ ᱫᱮᱵᱤ ᱮᱢᱟᱱ ᱠᱚ ᱦᱩᱱᱟᱹᱨ ᱥᱚᱫᱚᱨ ᱨᱮᱱᱟᱜ ᱮ ᱧᱮᱞ ᱞᱮᱫ ᱠᱚᱣᱟ ᱾

᱔ ᱵᱚᱪᱷᱚᱨ ᱵᱚᱭᱚᱥ ᱚᱠᱛᱚ ᱨᱮ ᱟᱡ ᱢᱟᱨᱟᱝ ᱫᱟᱹᱭ ᱥᱟᱶ ᱱᱟᱜᱽᱯᱩᱨ ᱨᱮ ᱢᱚᱬᱤᱯᱩᱨᱤ ᱮᱱᱮᱡ ᱥᱮᱪᱮᱫᱚᱜ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱗ ᱵᱚᱪᱷᱚᱨ ᱵᱚᱭᱚᱥ ᱨᱮ "ᱯᱟᱱᱰᱟᱟᱞᱩᱨᱩ ᱮᱱᱮᱡᱜᱟᱲ" ᱨᱤᱱᱤᱡ 'ᱠᱩᱢᱟᱨ ᱡᱚᱭᱠᱚᱨ' ᱴᱷᱮᱱ ᱠᱷᱚᱱ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱮ ᱥᱮᱬᱟ ᱞᱮᱫ ᱛᱟᱦᱮᱸᱫ ᱾

ᱥᱚᱸᱥᱠᱨᱩᱛ ᱯᱟᱹᱨᱥᱤ ᱛᱮ ᱵᱷᱟᱨᱚᱛᱤᱭᱚ ᱵᱤᱫᱽᱭᱟ ᱵᱷᱚᱵᱚᱱ ᱠᱷᱚᱱᱮ ᱯᱟᱲᱦᱟᱣ ᱞᱮᱱᱟ ᱾ "ᱡᱚᱨᱢᱟᱱ ᱥᱚᱸᱥᱠᱨᱩᱛᱤ" ᱪᱮᱛᱟᱱ ᱨᱮ ᱢᱩᱢᱵᱟᱭ ᱨᱮᱱᱟᱜ ᱮᱞᱯᱷᱤᱱᱥᱴᱚᱱ ᱠᱚᱞᱮᱡᱽ ᱠᱷᱚᱱ ᱥᱚᱱᱮᱨ ᱮ ᱥᱟᱹᱛ ᱞᱮᱫ ᱛᱟᱦᱮᱸᱫ ᱾

᱑᱘ ᱵᱚᱪᱷᱚᱱ ᱵᱚᱭᱚᱥ ᱨᱮ ᱟᱠᱚ ᱚᱲᱟᱜ ᱦᱚᱲ ᱠᱚᱣᱟᱜ ᱢᱟᱱᱟᱵᱟᱨᱚᱱ ᱛᱩᱞᱩᱡ ᱵᱮᱝᱜᱟᱞᱩᱨᱩ ᱪᱟᱞᱟᱣ ᱠᱟᱛᱮ ᱯᱨᱚᱯᱷᱮᱥᱚᱨ ᱭᱩᱹ ᱮᱥᱹ ᱠᱨᱤᱥᱱᱟ ᱨᱟᱣ ᱟᱨ ᱪᱚᱱᱫᱽᱨᱚᱵᱷᱟᱜᱟ ᱫᱮᱵᱤ ᱴᱷᱮᱱ ᱠᱷᱚᱱ ᱵᱷᱟᱨᱚᱛᱱᱟᱴᱭᱚᱢ ᱮ ᱥᱮᱪᱮᱫ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱢᱭᱟᱞᱟᱯᱩᱨᱩ ᱜᱚᱣᱨᱤ ᱟᱢᱢᱟᱞ ᱴᱷᱮᱱ ᱠᱷᱚᱱ ᱮᱠᱴᱤᱝ ᱟᱨ ᱑᱙᱖᱕ ᱥᱟᱹᱦᱤᱛ ᱨᱮ ᱜᱩᱨᱩ ᱠᱮᱲᱩᱪᱚᱨᱚᱬ ᱦᱚᱦᱟᱯᱛᱨᱚ ᱴᱷᱮᱱ ᱠᱷᱚᱱ ᱳᱰᱤᱥᱤ ᱮᱱᱮᱡ ᱮ ᱪᱮᱫ ᱞᱮᱱ ᱛᱟᱦᱮᱸᱫ ᱾

ᱥᱚᱱᱟᱞ ᱫᱚ ᱟᱡᱟᱜ ᱯᱩᱭᱞᱩ ᱩᱫᱩᱜ ᱥᱚᱫᱚᱨ ᱨᱮ ᱞᱚᱞᱤᱛ ᱢᱟᱱᱥᱤᱝ ᱥᱟᱶ ᱦᱩᱭ ᱞᱮᱱ ᱛᱟᱭᱟ ᱟᱨ ᱚᱱᱟ ᱛᱟᱭᱚᱢ ᱑᱙᱖᱕ ᱥᱟᱹᱦᱤᱛ ᱨᱮ ᱩᱱᱤ ᱥᱟᱶ ᱜᱮ ᱵᱟᱯᱞᱟ ᱞᱮᱱ ᱛᱟᱦᱮᱸᱫ ᱾ ᱢᱮᱱᱠᱷᱟᱱ ᱟᱹᱠᱤᱱᱟᱜ ᱵᱟᱯᱞᱟ ᱡᱤᱭᱚᱱ ᱛᱚᱯᱟᱜ ᱞᱮᱱ ᱛᱟᱦᱮᱸᱫ ᱾[᱔] ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱡᱚᱨᱡᱽ ᱞᱚᱧᱪᱚᱨ ᱥᱟᱶ ᱛᱮ ᱵᱟᱯᱞᱟ ᱞᱮᱱ ᱛᱟᱦᱮᱸᱫ ᱟᱨ ᱚᱱᱟ ᱦᱚᱸ ᱛᱚᱯᱟᱜ ᱞᱮᱱ ᱛᱟᱦᱮᱸᱫ ᱾ ᱟᱡᱤᱡ ᱯᱩᱭᱞᱩ ᱦᱚᱧᱦᱟᱨ ᱵᱟᱵᱟ ᱢᱟᱭᱟᱫᱷᱚᱨ ᱢᱟᱱᱥᱤᱝ ᱦᱚᱛᱮᱛᱮ ᱥᱚᱱᱟᱞ ᱟᱜ ᱜᱩᱨᱩ ᱠᱮᱲᱩᱪᱚᱨᱚᱬ ᱥᱟᱶ ᱩᱯᱨᱩᱢ ᱦᱩᱭ ᱞᱮᱱ ᱛᱟᱭᱟ ᱾[᱕] ᱡᱚᱨᱢᱟᱱᱤ ᱨᱮ ᱢᱤᱫ ᱢᱟᱨᱟᱝ ᱮᱠᱥᱤᱰᱮᱱᱴ ᱦᱩᱭ ᱞᱮᱱ ᱛᱟᱭᱟ ᱾ ᱰᱟᱠᱛᱚᱨ ᱠᱚ ᱠᱚ ᱞᱟᱹᱭ ᱞᱮᱫᱼᱟ, ᱵᱟᱝᱢᱟ ᱱᱩᱭ ᱫᱚ ᱟᱨ ᱵᱟᱭ ᱮᱱᱮᱡ ᱫᱟᱲᱮᱭᱟᱼᱟ ᱢᱮᱱᱛᱮ ᱤ ᱢᱮᱱᱠᱷᱟᱱ ᱩᱱᱤ ᱫᱚ ᱵᱷᱟᱹᱞᱟᱭ ᱠᱟᱛᱮ ᱟᱨᱫᱚᱲᱦᱟ ᱮᱱᱮᱡ ᱢᱟᱱᱰᱣᱟ ᱛᱮᱭ ᱨᱩᱣᱟᱹᱲ ᱞᱮᱱ ᱛᱟᱦᱮᱸᱫ ᱾[᱖]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Sonal Mansingh, Ram Shakal among four nominated to RS". The Times of India. 14 ᱡᱩᱞᱟᱭ 2018. Retrieved 14 ᱡᱩᱞᱟᱭ 2018. 
  2. "Former MP Ram Shakal, RSS leader Rakesh Sinha among four nominated to Rajya Sabha". New Indian Express. 14 ᱡᱩᱞᱟᱭ 2018. Retrieved 14 ᱡᱩᱞᱟᱭ 2018. 
  3. "President nominates RSS ideologue Rakesh Sinha among three others to Rajya Sabha". The Economic Times. 14 ᱡᱩᱞᱟᱭ 2018. Retrieved 14 ᱡᱩᱞᱟᱭ 2018. 
  4. "The art of diplomacy". The Indian Express. 31 ᱚᱠᱴᱚᱵᱚᱨ 1999. Retrieved 29 ᱢᱮ 2012. 
  5. "Her dance of life". www.telegraphindia.com. telegraph. Retrieved 11 ᱢᱟᱨᱪ 2020. 
  6. "Sonal Mansingh: The dance of life Read more at: http://timesofindia.indiatimes.com/articleshow/273843.cms?utm_source=contentofinterest&utm_medium=text&utm_campaign=cppst". timesofindia.indiatimes.com. times of india. Retrieved 11 ᱢᱟᱨᱪ 2020.  External link in |title= (help)