ᱥᱚᱵᱷᱚᱱᱟ ᱱᱟᱨᱟᱭᱚᱬ
| ᱥᱚᱵᱷᱚᱱᱟ ᱱᱟᱨᱟᱭᱚᱬ | |
|---|---|
 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱒ ᱥᱮᱯᱴᱮᱢᱵᱚᱨ ᱑᱙᱕᱐ ᱯᱚᱥᱪᱤᱢ ᱵᱮᱝᱜᱚᱞ, ᱥᱤᱧᱚᱛ |
| ᱠᱟᱹᱢᱤ | ᱱᱟᱪᱚᱱᱤᱭᱟᱹ |
| ᱠᱟᱹᱢᱤ ᱚᱠᱛᱚ | ᱑᱙᱗᱐- ᱱᱤᱛ ᱦᱟᱹᱵᱤᱡ |
| ᱡᱤᱭᱚᱱ ᱥᱚᱦᱮᱫ | ᱦᱚᱨᱵᱚᱴ ᱴᱨᱟᱠᱥᱚᱞ |
| ᱦᱚᱯᱚᱱ | ᱮᱨᱣᱤᱱ ᱴᱨᱟᱠᱥᱚᱞ |
| Dances | ᱠᱚᱛᱷᱚᱠ (Kathak) |
ᱥᱚᱵᱷᱚᱱᱟ ᱱᱟᱨᱟᱭᱚᱬ (ᱤᱝᱞᱤᱥ : Shovana Narayan) ᱫᱚ ᱢᱤᱫ ᱧᱩᱛᱩᱢᱟᱱ ᱠᱚᱛᱷᱚᱠ ᱱᱟᱪᱚᱱᱤᱭᱟᱹ (Dancer) ᱠᱟᱱᱟᱭ ᱾ ᱩᱱᱤ ᱫᱚ ᱥᱤᱧᱚᱛᱤᱭᱟᱹ ᱚᱰᱤᱴ ᱟᱨ ᱮᱠᱟᱶᱴᱥ ᱥᱚᱨᱵᱷᱤᱥ (Indian Audit and Accounts Service) ᱨᱮ ᱠᱟᱹᱢᱤ ᱥᱟᱶᱛᱮ ᱠᱚᱛᱷᱚᱠ ᱮᱱᱮᱡ ᱦᱚᱸ ᱟᱡᱟᱜ ᱯᱮᱥᱟ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱥᱤᱧᱚᱛ ᱥᱟᱶᱛᱮ ᱜᱚᱴᱟ ᱫᱤᱥᱚᱢ ᱨᱮ ᱮᱱᱮᱡ ᱦᱚᱸᱭ ᱥᱚᱫᱚᱨᱮᱫ ᱛᱟᱦᱮᱸᱫ, ᱚᱱᱟᱛᱮ ᱥᱤᱧᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱯᱚᱫᱽᱢᱚᱥᱷᱨᱤ ᱥᱤᱨᱯᱷᱟᱹ ᱦᱚᱸᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾[᱑] ᱵᱤᱨᱡᱩ ᱢᱚᱦᱟᱨᱟᱡᱽ (Birju Maharaj) ᱫᱚ ᱟᱡᱤᱡ ᱮᱱᱮᱡ ᱜᱩᱨᱩᱭ ᱛᱟᱦᱮᱸ ᱠᱟᱱᱟ ᱾[᱒]
ᱯᱩᱭᱞᱩ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱧᱚᱫ ᱫᱤᱥᱚᱢ ᱨᱮᱱᱟᱜ ᱫᱤᱞᱞᱤ ᱨᱮ ᱢᱮᱱᱟᱜ ᱢᱤᱨᱟᱱᱰᱟ ᱦᱟᱣᱥ ᱨᱮ ᱥᱚᱵᱷᱚᱱᱟ ᱱᱟᱨᱟᱭᱚᱬ ᱫᱚ ᱥᱚᱱᱮᱨ ᱥᱮᱪᱮᱫ ᱦᱟᱛᱟᱣ ᱠᱮᱫ ᱛᱟᱭᱚᱢ, ᱑᱙᱗᱒ ᱥᱟᱹᱦᱤᱛ ᱨᱮ ᱯᱷᱤᱡᱤᱠᱥ (Physics) ᱨᱮ ᱯᱚᱥᱴ ᱜᱽᱨᱟᱡᱩᱣᱮᱴ (PG) ᱥᱟᱹᱛ ᱞᱮᱫ ᱛᱟᱦᱮᱸᱫ ᱾ ᱥᱟᱹᱦᱤᱛ ᱒᱐᱐᱐ ᱨᱮ ᱵᱚᱧᱡᱟᱵᱽ ᱡᱮᱜᱮᱛ ᱵᱤᱨᱫᱟᱹᱟᱲ ᱠᱷᱚᱱ ᱥᱟᱶᱛᱟ ᱥᱟᱬᱮᱥ (Social science) ᱨᱮ ᱮᱢᱹᱯᱷᱤᱞᱹ (M.Phil.) ᱯᱟᱲᱦᱟᱣ ᱞᱮᱱᱟ ᱟᱨ ᱥᱟᱹᱦᱤᱛ ᱒᱐᱐᱘ ᱨᱮ ᱢᱟᱰᱨᱟᱥ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱰᱤᱯᱷᱮᱱᱥ ᱟᱨ ᱥᱯᱨᱚᱴᱮᱡᱤᱠ ᱥᱴᱚᱰᱤ ᱥᱟᱛᱟᱢ ᱛᱮ ᱥᱚᱱᱮᱨ ᱮᱢᱹᱯᱷᱤᱞᱹ (Deg. M.Phil) ᱮ ᱥᱟᱹᱛ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱥᱤᱧᱚᱛᱤᱭᱟᱹ ᱚᱰᱤᱴ ᱟᱨ ᱮᱠᱟᱶᱴ ᱚᱯᱷᱤᱥ (Indian Audits & Accounts Service) ᱨᱮ ᱛᱤᱢᱤᱱ ᱫᱤᱱ ᱮ ᱠᱟᱹᱢᱤ ᱞᱮᱫ ᱛᱟᱦᱮᱸᱫ ᱾ [᱓] ᱟᱨ ᱥᱟᱹᱦᱤᱛ ᱒᱐᱑᱐ ᱥᱟᱹᱦᱤᱛ ᱨᱮ ᱠᱟᱹᱢᱤ ᱠᱷᱚᱱᱮ ᱡᱤᱨᱟᱹᱣ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱥᱤᱧᱚᱛ ᱨᱮ ᱛᱟᱦᱮᱸ ᱠᱟᱱᱟ ᱢᱟᱨᱮ ᱫᱤᱥᱚᱢᱨᱟᱭᱵᱟᱨ (ᱨᱟᱥᱴᱨᱚᱫᱩᱛ) ᱰᱚᱺ ᱦᱚᱨᱵᱚᱨᱴ ᱴᱨᱟᱠᱥᱚᱞ ᱥᱟᱶᱛᱮᱭ ᱵᱟᱯᱞᱟ ᱞᱮᱱ ᱛᱟᱦᱮᱸᱫ ᱾[᱔]
ᱮᱱᱮᱡ ᱨᱮ ᱨᱟᱹᱥ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱ ᱚᱠᱛᱚᱨᱮ ᱥᱤᱧᱚᱛ ᱨᱤᱱ ᱧᱩᱢ ᱦᱟᱞᱟᱝ ᱠᱚᱛᱷᱚᱠ ᱱᱟᱪᱚᱱᱤᱭᱟ ᱟᱨ ᱫᱤᱥᱟᱹ ᱩᱫᱩᱜᱼᱤᱭᱟᱹ ᱢᱟᱹᱫᱽ ᱠᱷᱚᱱ ᱥᱚᱵᱷᱚᱱᱟ ᱱᱟᱨᱟᱭᱚᱬ ᱟᱜ ᱧᱩᱛᱩᱢ ᱦᱚᱸ ᱪᱷᱟᱯᱟ ᱫᱚᱦᱚ ᱟᱠᱟᱱᱟ ᱾ ᱮᱱᱮᱡ ᱨᱮ ᱯᱟᱹᱨᱩᱠᱷᱤᱭᱟᱹ ᱥᱟᱶᱛᱮ ᱥᱚᱨᱮᱥ ᱮᱱᱮᱡ ᱞᱟᱹᱜᱤᱫ ᱢᱤᱫ ᱫᱟᱹᱭᱠᱟᱹ ᱛᱮᱭᱟᱨ ᱫᱟᱲᱮ ᱟᱠᱟᱫᱼᱟ ᱾ ᱥᱟᱨᱟ ᱡᱮᱜᱮᱛ ᱨᱮ ᱦᱩᱭᱩᱜ ᱠᱟᱱ ᱢᱟᱹᱱᱟᱱ ᱡᱟᱹᱛᱤᱭᱟᱹᱨᱤ ᱟᱨ ᱡᱮᱡᱟᱹᱛᱤᱭᱟᱹᱨᱤ ᱯᱟᱨᱟᱵᱽ ᱠᱚᱨᱮ ᱟᱡᱟᱜ ᱦᱩᱱᱟᱹᱨ ᱧᱮᱧᱮᱞᱤᱭᱟᱹ ᱠᱚᱣᱟᱜ ᱢᱚᱸᱮ ᱢᱩᱦᱱᱤᱭᱮᱫ ᱛᱟᱦᱮᱸᱫ ᱾
ᱮᱱᱮᱡ ᱟᱨ ᱮᱱᱮᱡ ᱩᱱᱩᱫᱩᱜᱼᱤᱭᱟᱹ ᱞᱮᱠᱟᱛᱮ ᱥᱚᱵᱷᱚᱱᱟ ᱫᱚ ᱞᱟᱦᱟ ᱨᱮ ᱢᱮᱱᱟᱭᱟ ᱟᱨ ᱵᱟᱞᱞᱮ ᱮᱱᱮᱡ ᱡᱟᱦᱟᱸ ᱫᱚ ᱯᱟᱪᱷᱮ ᱫᱤᱥᱚᱢ ᱠᱚᱨᱮᱱᱟᱜ ᱥᱟᱶᱛᱟᱹᱨᱤ (ᱠᱞᱟᱥᱤᱠᱟᱞ) ᱮᱱᱮᱡ ᱠᱟᱱᱟ, ᱚᱱᱟ ᱨᱮᱦᱚᱸᱭ ᱟᱡᱟᱜ ᱥᱚᱨᱚᱥ ᱜᱮᱭᱟᱱ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱥᱟᱶᱛᱮ "ᱥᱯᱟᱱᱤᱥ ᱯᱷᱞᱟᱢᱤᱝᱠᱚ", ᱴᱭᱟᱯ ᱮᱱᱮᱡ, ᱵᱚᱣᱫᱷ ᱫᱷᱚᱨᱚᱢ ᱨᱤᱱ ᱚᱡᱷᱟ ᱠᱚᱣᱟᱜ ᱵᱚᱣᱫᱷ ᱢᱚᱱᱛᱟᱨ ᱟᱨ ᱯᱟᱪᱷᱮ ᱫᱤᱥᱚᱢ ᱨᱮᱱᱟᱜ ᱮᱱᱮᱡ ᱠᱚᱭ ᱥᱮᱬ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱥᱟᱹᱦᱤᱛ ᱑᱙᱙᱔ ᱥᱟᱹᱦᱤᱛ ᱨᱮ ᱥᱟᱶᱛᱟᱹᱨᱤ ᱮᱱᱮᱡ ᱠᱚᱛᱷᱚᱠᱼᱥᱯᱟᱱᱤᱥ ᱯᱷᱞᱟᱢᱤᱝᱠᱚ ᱮᱱᱮᱡ ᱠᱚ ᱨᱮᱱᱟᱜ ᱢᱮᱥᱟ ᱠᱟᱛᱮ ᱥᱟᱯᱲᱟᱣ ᱮᱱᱮᱡ 'ᱫᱤ ᱰᱚᱱ ᱟᱯᱷᱴᱚᱨ' ᱴᱨᱟᱭᱞᱚᱡᱤ ᱨᱮᱱᱟᱜ ᱮᱛᱚᱦᱚᱵ ᱵᱩᱱᱤᱭᱟᱹᱫᱤᱭᱟᱹ, ᱥᱟᱯᱲᱟᱣᱤᱭᱟᱹ ᱟᱨ ᱱᱟᱪᱚᱱᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱒᱐᱐᱓ ᱥᱟᱹᱦᱤᱛ ᱨᱮ ᱫᱤᱞᱞᱤ ᱨᱮ ᱦᱩᱭᱞᱮᱱ "ᱚᱞᱤᱢᱯᱤᱠ ᱯᱟᱨᱟᱵᱽ" ᱨᱮ ᱮᱦᱚᱵ ᱟᱨ ᱢᱩᱪᱟᱹᱫ ᱨᱮᱱᱟᱜ ᱯᱟᱨᱟᱵᱽ ᱨᱮ ᱩᱱᱩᱫᱩᱜᱼᱤᱭᱟᱹ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Famous Kathak Dancers". Bhavalaya. Archived from the original on 23 ᱮᱯᱨᱤᱞ 2012. Retrieved 25 ᱡᱟᱱᱩᱣᱟᱨᱤ 2012.
- ↑ "Shovana Narayan Biography | Childhood, Family, Contribution to Kathak Dance, Facts". www.culturalindia.net (in ᱟᱝᱜᱽᱨᱮᱡᱤ). Retrieved 2019-05-07.
- ↑ "Shovana Narayan". Miranda House's website. Retrieved 25 January 2012.
- ↑ Chatterjee, Rupa (2007). Raising a Daughter. p. 127.