ᱥᱟᱞᱚ ᱟᱨ ᱯᱟᱞᱚ

ᱥᱟᱞᱚ ᱟᱨ ᱯᱟᱞᱚ

ᱠᱟ.ᱢᱨᱩ ᱜᱩᱨᱩ ᱫᱚᱭ ᱥᱮᱱ ᱮᱱᱟ ᱠᱟᱢᱨᱩᱯ ᱫᱤᱥᱚᱢ ᱛᱮ ᱾ ᱱᱚᱣᱟ ᱫᱤᱥᱚᱢ ᱨᱮ ᱮᱨᱟ ᱛᱟᱭ ᱟᱨ ᱵᱟᱨ ᱦᱚᱲ ᱠᱩᱲᱤ ᱜᱤᱫᱽᱨᱟ.ᱭ ᱵᱟ.ᱜᱤ ᱚᱴᱚ ᱟᱫ ᱠᱤᱱᱟ ᱾ ᱩᱱᱠᱤᱱ ᱫᱚ ᱡᱟᱣᱟ ᱛᱮᱠᱤᱱ ᱡᱟᱱᱟᱢ ᱞᱮᱱᱟ ᱾ ᱧᱩᱛᱩᱢ ᱛᱟ.ᱠᱤᱱ ᱫᱚ ᱥᱟᱞᱚ ᱟᱨ ᱯᱟᱞᱚ ᱾ ᱱᱩᱠᱤᱱ ᱫᱚ ᱦᱟᱨᱟ ᱤᱫᱤ ᱮᱱ ᱠᱷᱟᱱ ᱠᱤᱱ ᱟ.ᱠᱤᱱᱤᱡ ᱵᱟᱵᱟ ᱨᱤᱱ ᱪᱩᱸᱰᱤ ᱵᱚᱸᱜᱟ ᱠᱚ ᱫᱤᱱ ᱦᱤᱞᱚᱜ ᱠᱩᱠᱢᱩ ᱛᱮᱠᱤᱱ ᱧᱟᱢ ᱠᱮᱫ ᱠᱚᱣᱟ ᱾ ᱚᱱᱠᱟ ᱜᱮ ᱢᱤᱫ ᱫᱤᱱ ᱫᱚ ᱯᱟᱞᱚᱭ ᱠᱩᱠᱢᱩ ᱠᱮᱫ ᱠᱷᱟᱱ ᱥᱟᱞᱚᱭ ᱢᱮᱛᱟᱭ ᱠᱟᱱᱟ, ᱮ ᱫᱟ.ᱭ, ᱠᱩᱠᱢᱩ ᱛᱮ ᱢᱤᱫ ᱱᱟᱯᱟᱭ ᱞᱮᱠᱟᱱ ᱠᱚᱲᱟ ᱢᱟᱲᱟ ᱠᱩᱲ ᱫᱷᱤᱨᱤ ᱪᱟ.ᱣᱨᱟ. ᱴᱷᱮᱱ ᱮ ᱦᱚᱦᱚ ᱟ.ᱧ ᱠᱟᱱᱟ ᱾ ᱢᱮᱛᱟ.ᱧ ᱠᱟᱱᱟᱭ, ᱫᱮᱞᱟ ᱦᱟ.ᱡᱩᱜ ᱢᱟ, ᱨᱚᱫ ᱠᱟ.ᱧ, ᱱᱟ.ᱠᱤᱡ ᱠᱟ.ᱧ ᱢᱮ ᱾ ᱫᱚᱥᱟᱨ ᱦᱤᱞᱚᱜ ᱧᱤᱫᱟ. ᱦᱚᱸ ᱚᱱᱠᱟ ᱜᱮᱭ ᱠᱩᱠᱢᱩ ᱠᱮᱫ ᱠᱷᱟᱱ ᱟᱨ ᱦᱚᱸ ᱥᱟᱞᱚ ᱴᱷᱮᱱ ᱮ ᱞᱟ.ᱭ ᱠᱮᱫᱼᱟ ᱾ ᱠᱷᱟᱱ ᱜᱮ ᱥᱟᱞᱚᱭ ᱢᱮᱱ ᱠᱮᱜᱼᱟ, ᱫᱮᱞᱟ ᱥᱮ ᱵᱷᱟᱞᱟ, ᱚᱠᱟ ᱢᱟᱲᱟᱠᱩᱲ ᱫᱷᱤᱨᱤ ᱪᱟ.ᱶᱨᱟ. ᱴᱷᱮᱱ ᱩᱱᱤ ᱠᱚᱲᱟ ᱢᱮᱱᱟᱭᱟ, ᱧᱮᱞᱮ ᱟᱞᱟᱝ ᱾ ᱟᱫᱚ ᱚᱱᱟ ᱧᱤᱫᱟ. ᱜᱮ ᱟ.ᱛᱩ ᱵᱟᱦᱮᱨ ᱛᱮ ᱠᱤᱱ ᱥᱮᱱ ᱮᱱᱟ ᱾ ᱢᱚᱥᱟᱱ ᱡᱟᱭᱜᱟ ᱫᱷᱤᱨᱤ ᱴᱷᱮᱱ ᱾

ᱠᱩᱠᱢᱩ ᱠᱚᱲᱟ

ᱥᱟ.ᱨᱤ ᱜᱮ ᱧᱮᱞ ᱮᱭᱟ ᱠᱤᱱ ᱢᱤᱫ ᱵᱷᱟ.ᱜᱤ ᱠᱚᱲᱟᱭ ᱛᱤᱸᱜᱩ ᱟᱠᱟᱱᱟ ᱾ ᱩᱱᱤ ᱧᱮᱞ ᱛᱮ ᱵᱟ.ᱭ ᱵᱟ.ᱭ ᱛᱮ ᱠᱤᱱ ᱯᱟ.ᱪᱷᱞᱟ.ᱜ ᱠᱟᱱ ᱛᱟᱦᱮᱸᱫ ᱾ ᱠᱷᱟᱱ ᱜᱮ ᱩᱱᱤ ᱠᱚᱲᱟᱭ ᱢᱮᱱ ᱠᱮᱜ-ᱟ, ᱟᱞᱚ ᱵᱤᱱ ᱵᱚᱛᱚᱨᱚᱜ-ᱟ ᱾ ᱫᱮᱞᱟ ᱦᱟ.ᱡᱩᱜ ᱵᱤᱱ ᱾ ᱟᱫᱚ ᱠᱤᱱ ᱥᱮᱱ ᱥᱩᱨ ᱮᱱ ᱠᱷᱟᱱ ᱟ.ᱰᱤ ᱞᱮᱠᱟᱱ ᱠᱟᱛᱷᱟ ᱠᱚ ᱜᱟᱞᱚᱪ ᱠᱮᱜ-ᱟ ᱾ ᱩᱱᱤ ᱠᱚᱲᱟᱭ ᱢᱮᱱ ᱠᱮᱫ-ᱟ, ᱤᱧ ᱫᱚ ᱦᱚᱨ ᱤᱧ ᱟᱫ ᱟᱠᱟᱜ-ᱟ ᱾ ᱟ.ᱛᱩ ᱛᱮ ᱤᱫᱤ ᱛᱟᱨᱟ ᱠᱟ.ᱧ ᱵᱤᱱ ᱾ ᱠᱷᱟᱱ ᱜᱮ ᱟ.ᱛᱩ ᱛᱮᱠᱚ ᱨᱩᱣᱟ.ᱲ ᱠᱟᱱᱟ ᱾ ᱤᱱᱟ.ᱜ ᱛᱮ ᱥᱤᱢᱨᱟᱜ ᱚᱠᱛᱚ ᱦᱩᱭ ᱮᱱᱟ ᱾ ᱠᱩᱞᱦᱤ ᱢᱩᱪᱟ.ᱫ ᱠᱚ ᱥᱮᱴᱮᱨ ᱮᱱ ᱠᱷᱟᱱ ᱩᱱᱤ ᱠᱚᱲᱟᱭ ᱢᱮᱱ ᱠᱮᱫ-ᱟ, ᱜᱟᱯᱟ ᱦᱚᱸ ᱦᱟ.ᱡᱩᱜ ᱵᱤᱱ ᱾ ᱟ.ᱰᱤ ᱞᱮᱠᱟᱱ ᱠᱟᱛᱷᱟ.ᱧ ᱞᱟ.ᱭ ᱟ.ᱵᱤᱱᱟ ᱾ ᱚᱱᱠᱟ ᱢᱮᱱ ᱠᱟᱛᱮ ᱩᱱᱤ ᱠᱚᱲᱟ ᱫᱚ ᱛᱟ.ᱨᱩᱵ ᱮ ᱯᱟᱞᱴᱟᱣ ᱮᱱᱛᱮ ᱮᱴᱟᱜ ᱦᱚᱨ ᱛᱮᱭ ᱨᱩᱣᱟ.ᱲ ᱮᱱᱟ ᱾

ᱫᱚᱥᱟᱨ ᱦᱤᱞᱚᱜ ᱥᱟᱞᱚ ᱟᱨ ᱯᱟᱞᱚ ᱟᱨ ᱦᱚᱸ ᱚᱱᱠᱟ ᱜᱮ ᱢᱟᱲᱟᱠᱩᱲ ᱫᱷᱤᱨᱤ ᱪᱟ.ᱶᱨᱟ. ᱴᱷᱮᱱ ᱠᱤᱱ ᱥᱮᱱ ᱮᱱᱟ ᱾ ᱤᱱᱟ. ᱦᱤᱞᱚᱜ ᱫᱚ ᱢᱤᱫ ᱠᱚᱲᱟ ᱟᱨ ᱢᱤᱫ ᱠᱩᱲᱤ ᱠᱤᱱ ᱛᱤᱸᱜᱩ ᱟᱠᱟᱱᱟ ᱾ ᱥᱟᱞᱚ ᱟᱨ ᱯᱟᱞᱚ ᱵᱚᱛᱚᱨ ᱵᱚᱛᱚᱨ ᱛᱮ ᱚᱸᱰᱮ ᱠᱤᱱ ᱥᱮᱴᱮᱨ ᱮᱱᱟ ᱾ ᱠᱷᱟᱱ ᱜᱮ ᱩᱱᱤ ᱠᱚᱲᱟ ᱟᱨ ᱠᱩᱲᱤ ᱠᱤᱱ ᱢᱮᱱ ᱠᱮᱜ-ᱟ ᱾ ᱟᱞᱚ ᱵᱤᱱ ᱵᱚᱛᱚᱨᱚᱜ-ᱟ ᱾ ᱫᱮᱞᱟ ᱦᱟ.ᱡᱩᱜ ᱵᱤᱱ ᱾ ᱟ.ᱰᱤ ᱵᱷᱟ.ᱜᱤ ᱠᱟᱛᱷᱟ ᱞᱤᱧ ᱞᱟ.ᱭ ᱟ.ᱵᱤᱱ ᱞᱟ.ᱜᱤᱫ ᱞᱤᱧ ᱛᱤᱸᱜᱩ ᱟᱠᱟᱱᱟ ᱾

ᱵᱤᱨ ᱠᱟᱰᱟ ᱵᱤᱨ ᱪᱮᱬᱮ

ᱩᱱᱤ ᱠᱚᱲᱟᱭ ᱢᱮᱱ ᱠᱮᱜᱼᱟ, ᱫᱩ ᱢᱤᱫᱴᱟ.ᱝ ᱵᱤᱨ ᱠᱟᱰᱟ ᱟᱨ ᱵᱤᱨ ᱪᱮᱬᱮ ᱟ.ᱜᱩ ᱠᱟᱛᱮ ᱱᱚᱰᱮ ᱵᱚᱸᱜᱟ ᱠᱤᱱ ᱵᱤᱱ ᱾ ᱱᱩᱠᱤᱱ ᱠᱩᱲᱤ ᱠᱤᱱ ᱢᱮᱱ ᱠᱮᱜᱼᱟ ᱼ ᱵᱤᱨ ᱠᱟᱰᱟ ᱵᱤᱨ ᱪᱮᱬᱮ ᱫᱚ ᱚᱠᱟ ᱨᱮᱞᱤᱧ ᱧᱟᱢ ᱠᱤᱱᱟ ? ᱠᱷᱟᱱ ᱜᱮ ᱩᱱᱠᱤᱱ ᱠᱚᱲᱟ ᱠᱩᱲᱤ ᱠᱤᱱ ᱢᱮᱱ ᱠᱮᱜᱼᱟ, ᱢᱤᱫᱴᱟ.ᱝ ᱠᱟᱠᱲᱟ ᱟᱨ ᱢᱤᱫᱴᱟᱹᱝ ᱜᱟᱺᱜᱤ ᱥᱚᱥᱨᱚᱡ ᱧᱟᱢ ᱟ.ᱜᱩ ᱠᱤᱱ ᱵᱤᱱ ᱾ ᱥᱟᱞᱚ ᱟᱨ ᱯᱟᱞᱚ ᱢᱤᱫᱴᱟᱹᱝ ᱠᱟᱠᱲᱟ ᱟᱨ ᱢᱤᱫᱴᱟᱹᱝ ᱥᱚᱥᱨᱚᱡ ᱠᱤᱱ ᱧᱟᱢ ᱟ.ᱜᱩ ᱠᱮᱫ ᱠᱤᱱᱟ ᱾ ᱟᱫᱚ ᱩᱱᱠᱤᱱ ᱠᱚᱲᱟ ᱠᱩᱲᱤ ᱠᱤᱱ ᱢᱮᱱ ᱠᱮᱜᱼᱟ, ᱟ.ᱞᱤᱧ ᱫᱚ ᱱᱟᱜᱽ ᱪᱩᱱᱰᱤ ᱠᱩᱸᱫᱽᱨᱟ. ᱟᱨ ᱵᱤᱥᱟᱱ ᱪᱩᱱᱰᱤ ᱠᱩᱸᱫᱽᱨᱟ. ᱾ ᱟ.ᱧᱤᱧᱟᱜ ᱧᱩᱛᱩᱢ ᱢᱮᱱ ᱠᱟᱛᱮ ᱱᱩᱠᱤᱱ ᱠᱟᱠᱲᱟ ᱟᱨ ᱥᱚᱥᱨᱚᱡ ᱫᱚ ᱢᱤᱫ ᱥᱟᱦᱮᱫ ᱛᱮ ᱜᱮᱨ ᱛᱚᱯᱟᱜ ᱠᱤᱱ ᱵᱤᱱ ᱾ ᱢᱮᱱ ᱵᱤᱱ, ᱢᱟ ᱛᱚᱵᱮ ᱱᱟᱜᱽ ᱪᱩᱱᱰᱤ ᱠᱩᱸᱫᱽᱨᱟ. ᱟᱨ ᱵᱤᱥᱟᱱ ᱪᱩᱱᱰᱤ ᱠᱩᱸᱫᱽᱨᱟ. ᱵᱤᱨ ᱠᱟᱰᱟ ᱟᱨ ᱵᱤᱨ ᱪᱮᱬᱮ ᱞᱤᱧ ᱫᱟᱬᱮ ᱟ.ᱵᱤᱱ ᱠᱟᱱᱟ, ᱟᱛᱟᱝ ᱠᱟᱜ ᱛᱮᱞᱟ ᱠᱟᱜ ᱵᱤᱱ ᱾ ᱥᱟᱞᱚ ᱟᱨ ᱯᱟᱞᱚ ᱚᱱᱠᱟ ᱜᱮ ᱠᱤᱱ ᱠᱟ.ᱢᱤ ᱠᱮᱜᱼᱟ ᱾ ᱟᱫᱚ ᱩᱱᱠᱤᱱ ᱠᱚᱲᱟ ᱠᱩᱲᱤ ᱠᱤᱱ ᱢᱮᱱ ᱠᱮᱜᱼᱟ, ᱢᱟ ᱱᱚᱣᱟ ᱥᱮᱨᱮᱧ ᱡᱷᱟ.ᱨᱱᱤ ᱵᱤᱱ ᱾ ᱟᱫᱚ ᱥᱮᱨᱮᱧ ᱠᱤᱱ ᱞᱟ.ᱭ ᱟᱫ ᱠᱤᱱᱟ ᱾ ᱥᱟᱞᱚ ᱟᱨ ᱯᱟᱞᱚ ᱚᱱᱠᱟ ᱜᱮ ᱠᱤᱱ ᱠᱟ.ᱢᱤ ᱠᱮᱜᱼᱟ ᱾

ᱜᱮᱞ ᱪᱩᱱᱰᱤ

ᱥᱮᱨᱮᱧ ᱟᱸᱡᱚᱢ ᱠᱟᱛᱮ ᱟᱨ ᱦᱚᱸ ᱜᱮᱞ ᱜᱚᱴᱟᱝ ᱪᱩᱱᱰᱤ ᱵᱚᱸᱜᱟ ᱠᱚ ᱦᱮᱡ ᱮᱱᱟ ᱾ ᱟᱫᱚ ᱩᱱᱠᱩ ᱦᱚᱸ ᱟᱠᱚᱣᱟᱜ ᱠᱟᱛᱷᱟ ᱠᱚ ᱞᱟ.ᱭ ᱠᱮᱜᱼᱟ ᱾ ᱢᱮᱱ ᱠᱮᱜᱼᱟ ᱠᱚ ᱟᱞᱮ ᱫᱚ ᱪᱩᱱᱰᱤ ᱵᱚᱸᱜᱟ ᱠᱟᱱᱟ ᱞᱮ ᱾ ᱟᱞᱮ ᱫᱚ ᱱᱚᱣᱟ ᱵᱤᱨ ᱨᱮ ᱥᱟᱱᱟᱢ ᱯᱟᱠᱟᱲ ᱢᱮᱱᱟᱜ ᱞᱮᱭᱟ ᱾ ᱟᱞᱮ ᱫᱚ ᱡᱚᱢ ᱨᱟᱡᱽ ᱦᱟ.ᱫᱩᱲ ᱨᱟᱡᱽ ᱨᱤᱱ ᱯᱮᱭᱟᱫᱟ ᱞᱮᱠᱟ ᱞᱮ ᱠᱟ.ᱢᱤᱭᱟ ᱾ ᱟᱞᱮ ᱫᱚ ᱛᱟ.ᱨᱩᱵ ᱨᱩᱯ ᱛᱮᱦᱚᱸ ᱞᱮ ᱫᱟᱬᱟ ᱵᱟᱲᱟᱭᱟ ᱾ ᱱᱚᱣᱟ ᱫᱷᱟ.ᱨᱛᱤ ᱨᱮ ᱚᱠᱚᱭ ᱢᱟ.ᱱᱢᱤᱭᱟᱜ ᱛᱟᱦᱮᱸᱱ ᱫᱤᱱ ᱯᱩᱨᱟ.ᱣ ᱠᱚᱜᱼᱟ, ᱩᱱᱤ ᱫᱚ ᱡᱚᱢ ᱨᱟᱡᱽ ᱴᱷᱮᱱ ᱞᱮ ᱥᱟᱵ ᱤᱫᱤ ᱮᱭᱟ ᱾ ᱟᱨ ᱡᱟᱦᱟᱸᱭ ᱜᱮ ᱟᱞᱮᱭ ᱫᱮᱵᱟ ᱥᱮᱵᱟ ᱞᱮ ᱠᱷᱟᱱ ᱩᱱᱤᱭᱟᱜ ᱠᱟᱛᱷᱟ ᱦᱚᱸ ᱞᱮ ᱵᱟᱛᱟᱣᱟ ᱾ ᱩᱱᱤ ᱦᱚᱲ ᱡᱟᱦᱟᱸᱭ ᱜᱮ ᱥᱟᱵ ᱟ.ᱜᱩᱭ ᱢᱮᱱ ᱞᱮᱠᱷᱟᱱ ᱩᱱᱠᱩ ᱦᱚᱸ ᱞᱮ ᱥᱟᱵ ᱟ.ᱜᱩ ᱠᱚᱣᱟ ᱾ ᱤᱠᱷᱟ.ᱱ ᱚᱠᱚᱭ ᱦᱚᱲᱟᱜ ᱫᱷᱟ.ᱨᱛᱤ ᱨᱮ ᱛᱟᱦᱮᱸᱱ ᱫᱤᱱ ᱯᱩᱨᱟ.ᱣ ᱠᱚᱜᱼᱟ, ᱩᱱᱤ ᱜᱮᱞᱮ ᱥᱟᱵ ᱟ.ᱜᱩ ᱮᱭᱟ ᱟᱨ ᱵᱟᱝ ᱯᱩᱨᱟ.ᱣ ᱠᱚᱜ ᱨᱮ ᱥᱟᱵ ᱟ.ᱜᱩᱭ ᱢᱮᱱ ᱞᱮᱠᱷᱟᱱ ᱩᱱᱤ ᱵᱷᱮᱡᱟ ᱦᱚᱲ ᱜᱮ ᱢᱟᱨᱟᱝ ᱵᱮᱢᱟᱨ ᱦᱚᱸ ᱞᱮ ᱜᱤᱰᱤ ᱟᱭᱟ ᱾ ᱱᱚᱝᱠᱟ ᱛᱮ ᱥᱟᱞᱚ ᱟᱨ ᱯᱟᱞᱚ ᱩᱱᱠᱩ ᱪᱩᱱᱰᱤ ᱵᱚᱸᱜᱟ ᱟ.ᱥᱩᱞ ᱠᱟᱛᱮ ᱠᱷᱚᱱ ᱪᱩᱲᱤᱱ ᱵᱤᱨᱫᱟ.ᱯ ᱠᱤᱱ ᱥᱮᱬᱟ ᱠᱮᱜᱼᱟ ᱾ ᱥᱟᱞᱚ ᱟᱨ ᱯᱟᱞᱚ ᱴᱷᱮᱱ ᱠᱷᱚᱱ ᱜᱮ ᱥᱟᱱᱟᱢ ᱠᱷᱮᱨᱣᱟᱲ ᱜᱟᱫᱮᱞ ᱨᱮ ᱰᱟ.ᱱ ᱪᱩᱲᱤᱱ ᱵᱤᱨᱫᱟ.ᱯ ᱯᱟᱥᱱᱟᱣ ᱮᱱᱟ ᱾ ᱟᱨ ᱱᱩᱠᱩ ᱪᱩᱱᱰᱤ ᱵᱚᱸᱜᱟ ᱜᱮ ᱠᱩᱸᱫᱽᱨᱟ ᱵᱚᱸᱜᱟ ᱞᱮᱠᱟᱛᱮ ᱠᱷᱮᱨᱣᱟᱲ ᱜᱟᱫᱮᱞ ᱨᱮᱠᱚ ᱵᱚᱞᱚ ᱮᱱᱟ ᱾

ᱥᱟᱞᱚ ᱟᱨ ᱯᱟᱞᱚ ᱵᱟᱠᱷᱮᱬ

ᱩᱱ ᱡᱚᱦᱚᱜ ᱠᱷᱚᱱ ᱜᱮ ᱢᱟᱜᱽ ᱥᱤᱢ ᱵᱚᱸᱜᱟ ᱠᱚᱨᱮ ᱟ.ᱛᱩ ᱵᱚᱸᱜᱟ ᱠᱚ ᱰᱟᱠᱟᱣ ᱠᱚᱨᱮ ᱱᱩᱠᱤᱱ ᱥᱟᱞᱚ ᱟᱨ ᱯᱟᱞᱚ ᱦᱚᱸ ᱠᱤᱱ ᱵᱟᱠᱷᱮᱬ ᱛᱤᱭᱩᱜᱚᱜ ᱠᱟᱱᱟ ᱾ ᱨᱩᱢ ᱠᱟᱛᱮ ᱵᱚᱸᱜᱟᱭ ᱞᱟ.ᱭᱟ, ᱦᱤᱸ~ᱥᱟ.ᱦᱟᱜ, ᱚᱠᱟᱨᱮ ᱵᱟᱝ ᱠᱷᱟᱱ ᱵᱩᱨᱩ ᱢᱚᱬᱮ ᱟ.ᱜᱤᱞ ᱦᱟᱯᱲᱟᱢ ᱠᱚ ᱵᱚᱸᱜᱟ ᱠᱚ ᱵᱳᱨᱳ ᱠᱚ ᱥᱤᱨᱟ. ᱜᱟᱸᱰᱚ ᱯᱟᱴᱟ ᱜᱟᱸᱰᱚ ᱛᱮ ᱦᱮᱸᱥᱟᱜ ᱵᱩᱴᱟ. ᱵᱟᱲᱮ ᱵᱩᱴᱟ. ᱨᱮ ᱵᱤᱞ ᱞᱚᱴᱚᱢ ᱟᱴᱮᱫ ᱞᱚᱴᱚᱢ ᱟᱠᱟᱫ ᱠᱚ, ᱩᱱᱠᱩ ᱦᱚᱸ ᱞᱤᱧ ᱵᱩᱡᱷᱟ.ᱣ ᱠᱮᱫ ᱠᱚ, ᱵᱚᱫᱷᱟᱣ ᱠᱮᱫ ᱠᱚ, ᱩᱱᱠᱩ ᱦᱚᱸ ᱱᱟᱭ ᱜᱮ ᱱᱟᱯᱟᱭ ᱜᱮ ᱾ ᱚᱠᱟᱨᱮ ᱵᱟᱝ ᱠᱷᱟᱱ ᱥᱤᱢᱟ. ᱨᱮ ᱥᱟᱲᱮ ᱨᱮ ᱵᱚᱸᱜᱟ ᱠᱚ ᱵᱳᱨᱳ ᱠᱚ ᱚᱯᱮᱞ ᱟᱠᱟᱱ ᱵᱩᱥᱟ.ᱲ ᱟᱠᱟᱱ ᱩᱱᱠᱩ ᱦᱚᱸ ᱞᱤᱧ ᱵᱩᱡᱷᱟ.ᱣ ᱠᱮᱫ ᱵᱚᱫᱷᱟᱣ ᱠᱮᱫ ᱠᱚ, ᱩᱱᱠᱩ ᱦᱚᱸ ᱱᱟᱭ ᱜᱮ ᱱᱟᱯᱟᱭ ᱜᱮ ᱾ ᱚᱠᱟᱨᱮ ᱵᱟᱝᱠᱷᱟᱱ ᱥᱟᱞᱚ ᱟᱨ ᱯᱟᱞᱚ ᱥᱟᱢᱟᱱᱚᱢ ᱴᱷᱮᱠᱟᱛᱮ (ᱠᱷᱟ.ᱧᱪᱤ ᱛᱮ) ᱨᱚᱜᱟᱜ ᱵᱷᱤᱜᱤᱱᱟᱜ ᱫᱤᱯᱤᱞ ᱟ.ᱜᱩ ᱵᱷᱟ.ᱨᱭᱟ. ᱟ.ᱜᱩ ᱟᱠᱟᱫ ᱩᱱᱠᱤᱱ ᱦᱚᱸ ᱞᱤᱧ ᱵᱩᱡᱷᱟ.ᱣ ᱠᱮᱫ ᱵᱚᱫᱷᱟᱣ ᱠᱮᱫ ᱠᱤᱱ ᱩᱱᱠᱤᱱ ᱦᱚᱸ ᱱᱟᱭ ᱜᱮ ᱱᱟᱯᱟᱭ ᱜᱮ ᱾ ᱚᱱᱟ ᱢᱮᱱᱛᱮ ᱪᱮᱫ ᱢᱮᱱᱛᱮ ᱞᱟ.ᱳᱡᱷᱟᱳ ᱯᱟᱳᱡᱷᱟᱳ ᱠᱟᱛᱮ ᱢᱤᱫ ᱫᱤᱱ ᱛᱟᱨᱟ ᱫᱤᱱ ᱫᱚ ᱵᱚᱞᱠᱟᱜ ᱵᱷᱟᱜᱽ ᱠᱟᱜ ᱫᱚ .... ᱫᱮᱡᱟ ᱢᱟ.ᱱᱢᱤ ᱤᱧ ᱫᱚ ....(ᱵᱚᱸᱜᱟ ᱧᱩᱛᱩᱢ ᱮ ᱞᱟ.ᱭ ᱛᱟᱭᱟ) ᱾