ᱥᱟᱞᱜᱮ ᱦᱟᱸᱥᱫᱟᱜ
| ᱥᱟᱞᱜᱮ ᱦᱟᱸᱥᱫᱟᱜ | |
|---|---|
| ᱡᱟᱱᱟᱢ | 1989 (age 34–35) ᱵᱟᱨᱤᱜᱳᱰᱟ, ᱡᱟᱢᱥᱮᱫᱽᱯᱩᱨ, ᱡᱷᱟᱲᱠᱷᱚᱸᱰ |
| ᱠᱟᱹᱢᱤ | ᱚᱱᱚᱞᱤᱭᱟᱹ ᱢᱟᱪᱮᱫ |
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ |
| ᱥᱤᱨᱯᱷᱟᱹ | ᱡᱩᱣᱟᱹᱱ ᱥᱟᱶᱦᱮᱫ ᱮᱠᱟᱰᱮᱢᱤ ᱥᱤᱨᱯᱷᱟᱹ (᱒᱐᱒᱒)[᱑] |
ᱥᱟᱞᱜᱮ ᱦᱟᱸᱥᱫᱟᱜ ᱫᱚ ᱢᱤᱫ ᱥᱟᱱᱛᱟᱲᱤ ᱚᱱᱚᱠᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱟᱡᱟᱜ ᱡᱟᱱᱟᱢ ᱫᱤᱥᱚᱢ ᱩᱡᱟᱹᱲᱚᱜ ᱠᱟᱱᱟ ᱜᱟᱢᱟᱢ ᱞᱟᱹᱜᱤᱫ ᱒᱐᱒᱒ ᱥᱮᱨᱢᱟ ᱨᱮᱭᱟᱜ ᱡᱩᱣᱟᱹᱱ ᱥᱟᱶᱦᱮᱫ ᱮᱠᱟᱰᱮᱢᱤ ᱥᱤᱨᱯᱷᱟᱹ ᱞᱟᱹᱜᱤᱫ ᱠᱚ ᱵᱟᱪᱷᱟᱣ ᱟᱠᱟᱫᱮᱭᱟ᱾
ᱡᱟᱱᱟᱢ ᱟᱨ ᱮᱛᱚᱦᱚᱵ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱞᱜᱮ ᱦᱟᱸᱥᱫᱟᱜ ᱫᱚ ᱡᱷᱟᱲᱠᱷᱚᱸᱰ ᱯᱚᱱᱚᱛ ᱨᱮᱭᱟᱜ ᱡᱟᱢᱥᱮᱫᱽᱯᱩᱨ ᱥᱩᱨ ᱵᱟᱨᱤᱜᱳᱰᱟ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱯᱟᱛ ᱫᱚ ᱵᱚᱸᱜᱟ ᱛᱟᱞᱟ ᱜᱟᱞᱩᱨᱟᱢ ᱦᱟᱸᱥᱫᱟᱜ ᱟᱨ ᱟᱭᱳ ᱫᱚ ᱥᱤᱛᱟ ᱦᱟᱸᱥᱫᱟᱜ᱾[᱒]
ᱟᱡᱟᱜ ᱮᱛᱚᱦᱚᱵ ᱥᱮᱪᱮᱫ ᱫᱚ ᱟᱹᱛᱩ ᱨᱮᱭᱟᱜ ᱵᱟᱨᱤᱜᱳᱰᱟ ᱥᱠᱩᱞ ᱠᱷᱚᱱ ᱦᱩᱭ ᱟᱠᱟᱱ ᱛᱟᱭᱟ᱾ ᱚᱱᱟ ᱛᱟᱭᱚᱢ ᱜᱳᱵᱤᱱᱫᱚᱯᱩᱨ ᱨᱟᱡᱮᱫᱽᱨᱚ ᱠᱚᱞᱮᱡᱽ ᱠᱷᱚᱱ ᱤᱱᱴᱟᱨ, ᱠᱚᱨᱚᱱᱰᱤᱦ ᱨᱮᱭᱟᱜ ᱮᱞ.ᱵᱤ.ᱮᱥ.ᱮᱢ ᱠᱚᱞᱮᱡᱽ ᱠᱷᱚᱱ ᱵᱤ.ᱮ. ᱟᱨ ᱠᱳᱞᱦᱟᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱜᱷᱟᱴᱥᱤᱞᱟᱹ ᱠᱚᱞᱮᱡᱽ ᱠᱷᱚᱱ ᱥᱟᱱᱛᱟᱲᱤ ᱯᱟᱹᱨᱥᱤ ᱛᱮ ᱯᱤ.ᱡᱤ. ᱮ ᱯᱟᱥ ᱟᱠᱟᱫᱟ᱾
ᱥᱟᱶᱦᱮᱫ ᱪᱟᱨᱪᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱞᱜᱮ ᱦᱟᱸᱥᱫᱟᱜ ᱫᱚ ᱒᱐᱑᱖-᱑᱖ ᱥᱮᱨᱢᱟ ᱠᱷᱚᱱ ᱚᱱᱚᱬᱦᱮᱸ ᱚᱞ ᱮ ᱮᱦᱚᱵ ᱞᱮᱫᱟ᱾ ᱡᱟᱱᱟᱢ ᱫᱤᱥᱚᱢ ᱩᱡᱟᱹᱲᱚᱜ ᱠᱟᱱᱟ ᱱᱚᱣᱟ ᱜᱟᱢᱟᱢ ᱫᱚ ᱒᱐᱑᱘ ᱥᱮᱨᱢᱟ ᱠᱷᱚᱱ ᱚᱞ ᱮ ᱮᱦᱚᱵ ᱞᱮᱫᱟ᱾ ᱟᱡᱟᱜ ᱱᱚᱣᱟ ᱜᱟᱢᱟᱢ ᱨᱮ ᱩᱱᱤ ᱫᱚ ᱟᱡᱟᱜ ᱟᱰᱮ ᱯᱟᱥᱮ ᱨᱮ ᱜᱷᱚᱴᱟᱜ ᱠᱟᱱ ᱪᱤᱛᱟᱹᱨ ᱠᱚᱜᱮᱭ ᱥᱟᱵ ᱨᱟᱠᱟᱵ ᱟᱠᱟᱫᱟ᱾ ᱪᱮᱫ ᱞᱮᱠᱟ ᱚᱱᱟ ᱴᱚᱴᱷᱟ ᱨᱮᱱ ᱦᱚᱲ ᱚᱠᱚᱣᱟᱜ ᱦᱟᱥᱟ ᱡᱟᱭᱜᱟ ᱠᱚ ᱨᱮᱡ ᱚᱪᱚᱜ ᱠᱟᱱᱟ, ᱪᱮᱫ ᱞᱮᱠᱟ ᱱᱟᱣᱟ ᱱᱟᱣᱟ ᱠᱚᱞᱠᱟᱨᱠᱷᱟᱱᱟ ᱵᱮᱱᱟᱣᱚᱜ ᱠᱟᱱ ᱛᱮ ᱟᱹᱛᱩ ᱫᱤᱥᱚᱢ ᱨᱮ ᱚᱱᱟ ᱨᱮᱭᱟᱜ ᱵᱟᱹᱲᱤᱡ ᱚᱨᱥᱚᱝ ᱧᱮᱞᱚᱜ ᱠᱟᱱᱟ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱞᱜᱮ ᱦᱟᱸᱥᱫᱟᱜ ᱫᱚ ᱪᱟᱹᱠᱩᱞᱤᱭᱟᱹ ᱨᱮᱭᱟᱜ ᱮᱥ.ᱟᱨ.ᱮᱢ ᱰᱤᱜᱽᱨᱤ ᱠᱚᱞᱮᱡᱽ ᱨᱮ ᱢᱤᱫ ᱜᱚᱲᱚ ᱯᱨᱚᱯᱷᱮᱥᱟᱨ ᱞᱮᱠᱟᱛᱮᱭ ᱠᱟᱹᱢᱤ ᱠᱟᱱᱟ᱾ ᱩᱱᱤ ᱫᱚ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱨᱮᱱ ᱜᱚᱲᱚ ᱥᱩᱛᱨᱮᱛ ᱦᱚᱸ ᱠᱟᱱᱟᱭ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Sahitya Akademi Yuva Puraskar for Jamshedpur, Hazaribag writers". The Times of India. Retrieved 28 August 2022.[permanent dead link]
- ↑ "संताली उपन्यास के लिए सालगे हांसदा को मिलेगा पुरस्कार". Probhat Khabar. Retrieved 28 August 2022.