ᱥᱟᱢᱟᱝ ᱡᱟᱵᱷᱟ

Gandrung banyuwangi

ᱥᱟᱢᱟᱝ ᱡᱟᱵᱷᱟ (Indonesian: Jawa Timur, abbreviated as Jatim, Javanese: ꧋ꦗꦮꦮꦺꦠꦤ꧀, translit. Jåwå Wétan, Madurese: جاوه تيمور, translit. Jhâbâh Dhimor) ᱫᱚ ᱤᱱᱫᱳᱱᱮᱥᱤᱭᱟ ᱨᱮᱱᱟᱜ ᱢᱤᱫᱴᱮᱱ ᱯᱚᱱᱚᱛ ᱠᱟᱱᱟ᱾ ᱤᱱᱫᱳᱱᱮᱥᱤᱭᱟ ᱨᱮᱱᱟᱜ ᱢᱟᱫᱩᱨᱟ ᱫᱤᱯ ᱦᱚᱸ ᱱᱚᱣᱟ ᱯᱚᱱᱚᱛ ᱨᱮᱜᱮ ᱢᱮᱱᱟᱜᱼᱟ᱾ ᱤᱱᱫᱳᱱᱮᱥᱤᱭᱟ ᱨᱮᱱᱟᱜ ᱡᱚᱛᱚ ᱠᱷᱚᱡ ᱞᱟᱹᱴᱩ ᱵᱨᱤᱡᱽ ᱥᱩᱨᱟᱢᱟᱫᱩ ᱵᱨᱤᱡᱽ ᱛᱮ ᱡᱟᱵᱷᱟ ᱫᱚ ᱡᱚᱲᱟᱣ ᱟᱠᱟᱱᱟ᱾

ᱥᱟᱢᱟᱝ ᱡᱟᱵᱷᱟ ᱨᱮ 37,476,757 ᱜᱚᱴᱟᱝ ᱢᱟᱹᱱᱢᱤ ᱢᱮᱱᱟᱜ ᱠᱳᱣᱟ᱾ ᱤᱱᱫᱳᱱᱮᱥᱤᱭᱟ ᱨᱮ ᱫᱚᱥᱟᱨ ᱢᱟᱨᱟᱝ ᱛᱟᱸᱦᱮᱱ ᱡᱟᱜᱟ ᱫᱚ ᱱᱤᱭᱟᱹ ᱯᱚᱱᱚᱛ ᱨᱮᱜᱮ ᱛᱮᱭᱟᱨ ᱟᱠᱟᱱᱟ᱾

ᱱᱟᱜᱟᱢ

ᱥᱟᱢᱟᱝ ᱡᱟᱵᱷᱟ ᱨᱮ ᱫᱚ ᱟᱭᱢᱟ ᱫᱤᱱ ᱥᱟᱢᱚᱨᱤᱠ ᱥᱟᱥᱚᱱ ᱛᱟᱸᱦᱮᱸᱠᱟᱱᱟ᱾ ᱨᱮᱱᱵᱷᱤᱞᱮ ᱪᱩᱠᱛᱤ ᱫᱟᱨᱟᱭ ᱛᱮ ᱥᱟᱢᱟᱝ ᱡᱟᱵᱷᱟ ᱨᱮ ᱥᱟᱢᱚᱨᱤᱠ ᱥᱟᱥᱚᱱ ᱢᱩᱪᱟᱹᱫ ᱞᱮᱱᱟ᱾ ᱟᱫᱚ ᱱᱚᱣᱟ ᱪᱩᱠᱛᱤ ᱥᱟᱢᱟᱝ ᱡᱟᱵᱷᱟ ᱞᱟᱹᱜᱤᱛ ᱟᱹᱰᱤ ᱢᱚᱡᱽ ᱫᱚ ᱵᱟᱝ ᱦᱩᱭᱞᱮᱱᱟ᱾ ᱱᱮᱫᱟᱨᱞᱮᱱᱰ ᱱᱚᱸᱰᱮ ᱵᱟᱨᱮᱭᱟ ᱯᱚᱱᱚᱛᱮ ᱵᱷᱟᱜᱽ ᱠᱮᱫᱟ᱾ ᱢᱤᱫᱴᱮᱱ ᱫᱚ ᱢᱟᱫᱩᱨᱟ ᱯᱚᱱᱚᱛ ᱟᱨ ᱢᱤᱫᱴᱮᱱ ᱫᱚ ᱥᱟᱢᱟᱝ ᱡᱟᱵᱷᱟ᱾ ᱤᱱᱟᱹ ᱛᱟᱭᱚᱢ ᱢᱤᱫᱴᱮᱱ ᱞᱮᱸᱜᱟ ᱨᱟᱡᱟᱨᱤ ᱫᱚ ᱦᱩᱞ ᱠᱩ ᱮᱛᱦᱚᱵ ᱠᱮᱫᱟ᱾ ᱚᱱᱟ ᱦᱩᱞ ᱨᱮ ᱡᱟᱸᱦᱟᱸ ᱞᱮᱠᱟᱛᱮ ᱤᱱᱫᱳᱱᱮᱥᱤᱭᱟᱱ ᱟᱹᱨᱢᱤ ᱠᱩ ᱡᱤᱛᱟᱹᱣ ᱞᱮᱱᱟ᱾ ᱑᱙᱔᱘ ᱥᱮᱨᱢᱟ ᱨᱮ ᱰᱟᱪ ᱥᱚᱨᱠᱟᱨ ᱚᱯᱟᱨᱮᱥᱚᱱ ᱠᱨᱟᱭ ᱮ ᱮᱛᱦᱚᱵ ᱠᱮᱫᱟ ᱟᱨ ᱥᱟᱢᱟᱝ ᱡᱟᱵᱷᱟ ᱥᱚᱨᱠᱟᱨ ᱥᱟᱶᱛᱮ ᱞᱟᱹᱲᱦᱟᱹᱭᱮ ᱮᱛᱦᱚᱵ ᱠᱮᱫᱟ᱾ ᱤᱱᱟᱹ ᱛᱟᱭᱚᱢ ᱢᱤᱫᱴᱮᱱ ᱪᱩᱠᱛᱤ ᱫᱟᱨᱟᱭᱛᱮ ᱚᱯᱟᱨᱮᱥᱚᱱ ᱠᱨᱟᱭ ᱢᱩᱪᱟᱹᱫ ᱮᱱᱟ᱾

ᱰᱟᱪ-ᱤᱱᱫᱳᱱᱮᱥᱤᱭᱟᱱ ᱜᱟᱞᱢᱟᱨᱟᱣ ᱫᱟᱨᱟᱭ ᱛᱮ ᱰᱟᱪ ᱟᱡᱨᱮᱱ ᱥᱮᱱᱟᱵᱟᱹᱦᱤᱱᱤ ᱥᱟᱢᱟᱝ ᱡᱟᱵᱷᱟ ᱠᱷᱚᱱᱮ ᱚᱪᱚᱜ ᱠᱮᱛ ᱠᱳᱣᱟ᱾ ᱑᱙᱕᱐ ᱥᱮᱨᱢᱟ ᱨᱮᱱᱟᱜ ᱒᱕ ᱯᱷᱮᱵᱨᱩᱣᱟᱨᱤ ᱥᱟᱢᱟᱝ ᱡᱟᱵᱷᱟ ᱤᱱᱫᱳᱱᱮᱥᱤᱭᱟ ᱨᱮᱱᱟᱜ ᱢᱤᱫᱴᱮᱱ ᱯᱚᱱᱚᱛ ᱦᱤᱥᱟᱹᱵᱛᱮ ᱥᱤᱠᱨᱤᱛᱤ ᱧᱟᱢ ᱠᱮᱫᱟᱭ᱾

ᱚᱛᱱᱚ

ᱥᱟᱢᱟᱝ ᱡᱟᱵᱷᱟ ᱨᱮᱱᱟᱜ ᱚᱛ ᱦᱟᱥᱟ ᱫᱚ ᱦᱩᱭᱩᱜ ᱠᱟᱱᱟ 47,800 km²᱾ ᱮᱛᱚᱢ ᱨᱮ ᱡᱟᱵᱷᱟ ᱫᱚᱨᱮᱭᱟ, ᱥᱟᱢᱟᱝ ᱨᱮ ᱵᱟᱞᱤ, ᱠᱚᱧᱮ ᱨᱮ ᱥᱤᱧᱚᱛ ᱫᱚᱨᱮᱭᱟ ᱟᱨ ᱯᱟᱪᱷᱮ ᱨᱮ ᱛᱟᱞᱟ ᱡᱟᱵᱷᱟ ᱜᱮ ᱥᱟᱢᱟᱝ ᱡᱟᱵᱷᱟ ᱨᱮᱱᱟᱜ ᱥᱤᱢᱱᱟ ᱠᱟᱱᱟ᱾ ᱢᱟᱫᱩᱨᱟ ᱫᱚ ᱥᱟᱢᱟᱝ ᱡᱟᱵᱷᱟ ᱨᱮᱱᱟᱜ ᱡᱚᱛᱚ ᱠᱷᱚᱡ ᱞᱟᱹᱴᱩ ᱫᱤᱯ ᱠᱟᱱᱟ᱾ ᱢᱟᱫᱩᱨᱟ ᱥᱟᱢᱟᱝ ᱥᱮᱡ ᱵᱟᱨᱮᱭᱟ ᱫᱤᱯ ᱢᱮᱱᱟᱜᱼᱟ ᱟᱨ ᱠᱚᱧᱮ ᱥᱮᱡ ᱦᱩᱰᱤᱧ ᱦᱩᱰᱤᱧ ᱠᱤᱪᱷᱩ ᱫᱤᱯ ᱢᱮᱱᱟᱜᱼᱟ᱾ ᱡᱟᱵᱷᱟ ᱨᱮᱱᱟᱜ ᱵᱟᱨᱮᱭᱟ ᱧᱩᱛᱩᱢᱟᱱ ᱜᱟᱰᱟ ᱫᱚ ᱦᱩᱭᱩᱜ ᱠᱟᱱᱟ ᱵᱨᱟᱱᱴᱟᱥ ᱜᱟᱰᱟ ᱟᱨ ᱥᱚᱞᱚ ᱜᱟᱰᱟ᱾ ᱥᱟᱢᱟᱝ ᱡᱟᱵᱷᱟ ᱨᱮᱫᱚ ᱫᱟᱜ ᱫᱚ ᱠᱚᱢ ᱢᱟᱪᱷᱟᱜᱮ ᱦᱩᱭᱩᱜᱼᱟ᱾

ᱯᱟᱹᱨᱥᱤ

ᱥᱚᱨᱠᱟᱨᱤ ᱯᱟᱹᱨᱥᱤ ᱥᱟᱶᱛᱮ ᱥᱟᱢᱟᱝ ᱡᱟᱵᱷᱟ ᱨᱮᱱ ᱢᱟᱹᱱᱢᱤ ᱠᱚ ᱫᱚ ᱡᱟᱵᱷᱟᱱᱤᱥ ᱧᱩᱛᱩᱢᱟᱱ ᱯᱟᱹᱨᱥᱤ ᱫᱤᱱᱟᱹᱢ ᱠᱩ ᱵᱮᱵᱷᱟᱨᱟ᱾ ᱱᱤᱭᱟᱹ ᱵᱟᱫᱽ ᱠᱟᱛᱮ ᱦᱚᱸ ᱦᱩᱰᱤᱧ ᱦᱩᱰᱤᱧ ᱠᱤᱪᱷᱩ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱠᱳᱣᱟᱜ ᱯᱟᱹᱨᱥᱤ ᱡᱮᱢᱚᱱ ᱢᱟᱫᱩᱨᱮᱥᱮ ᱦᱚᱸ ᱠᱚ ᱵᱮᱵᱷᱟᱨ ᱜᱮᱭᱟ᱾

ᱫᱷᱚᱨᱚᱢ

ᱥᱮᱫᱟᱭ ᱨᱮᱫᱚ ᱦᱤᱱᱫᱩ ᱟᱨ ᱵᱳᱫᱫᱷᱳ ᱫᱷᱚᱨᱚᱢ ᱱᱚᱸᱰᱮ ᱠᱳ ᱢᱟᱱᱟᱣᱮᱛ ᱛᱟᱸᱦᱮᱸᱱᱟ᱾ ᱟᱫᱚ ᱟᱥᱛᱮ ᱟᱥᱛᱮ ᱚᱱᱟ ᱡᱟᱜᱟᱨᱮ ᱤᱥᱞᱟᱢ ᱫᱷᱚᱨᱚᱢ ᱯᱟᱥᱱᱟᱣ ᱮᱱᱟ᱾ ᱤᱥᱞᱟᱢ ᱫᱷᱚᱨᱚᱢ ᱨᱮᱱ ᱵᱟᱹᱱᱤᱡᱽ ᱦᱚᱲ ᱡᱟᱵᱷᱟ ᱮᱛᱚᱢ ᱥᱮᱡ ᱵᱟᱹᱱᱤᱡᱽ ᱞᱟᱹᱜᱤᱛ ᱠᱩ ᱦᱤᱡᱩᱜ ᱠᱟᱱ ᱛᱟᱸᱦᱮᱸᱱᱟ᱾ ᱚᱝᱠᱟ ᱚᱝᱠᱟᱛᱮᱜᱮ ᱱᱚᱸᱰᱮ ᱫᱚ ᱤᱥᱞᱟᱢ ᱫᱷᱚᱨᱚᱢ ᱯᱟᱥᱱᱟᱣ ᱟᱠᱟᱱᱟ᱾

ᱦᱤᱱᱫᱩ, ᱤᱥᱞᱟᱢ, ᱤᱥᱟᱹᱭ, ᱵᱳᱫᱫᱷᱳ ᱫᱷᱚᱨᱟᱢ ᱨᱮᱱᱟᱜ ᱢᱳᱱᱫᱤᱨ, ᱢᱳᱥᱡᱤᱫ, ᱜᱤᱨᱡᱟ ᱚᱲᱟᱜ ᱨᱮᱱᱟᱜ ᱪᱤᱛᱟᱹᱨᱠᱩ-

• 
  Islamic Ampel Mosque, Surabaya (circa 1920s)
• 
  Kayutangan Catholic Church, Downtown Malang (circa 1935)
• 
  Traditional East Java Christian Church, Mojowarno, Jombang
• 
  Tengger (Hindu Temple) Pura Luhur Ponten, near Bromo Crater
• 
  Buddhist Maha Vihara Mojopahit, Trowulan, Mojokerto
• 
  Kwan Sing Bio Chinese Temple, Tuban

ᱵᱟᱨᱦᱮ ᱡᱚᱱᱚᱲ

• ᱥᱟᱢᱟᱝ ᱡᱟᱵᱷᱟ ᱴᱨᱟᱵᱷᱮᱞ ᱵᱟᱵᱚᱫᱽ ᱠᱟᱛᱷᱟ ᱣᱤᱠᱤᱦᱤᱨᱤ (Wikivoyage) ᱨᱮ
• (in Indonesian) Official website