ᱥᱟᱦᱤᱫᱽ ᱠᱟᱯᱩᱨ

This is a good article. Follow the link for more information.
ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱥᱟᱦᱤᱫᱽ ᱠᱟᱯᱩᱨ
An upper body shot of Shahid Kapoor, looking away from the camera
ᱡᱟᱱᱟᱢ ᱟᱨ ᱡᱟᱱᱟᱢ ᱴᱷᱟᱶ᱒᱕ ᱯᱷᱮᱵᱽᱨᱩᱣᱟᱨᱤ ᱑᱙᱘᱑ (1981-02-25) (᱔᱑ ᱥᱮᱨᱢᱟ)
ᱱᱟᱣᱟ ᱫᱤᱞᱞᱤ, ᱵᱷᱟᱨᱚᱛ
ᱮᱴᱟᱜ ᱧᱩᱛᱩᱢᱥᱟᱦᱤᱫᱽ ᱠᱟᱯᱩᱨ
ᱥᱟᱦᱤᱫᱽ ᱠᱷᱟᱛᱛᱟᱨ
ᱠᱟᱹᱢᱤᱮᱠᱴᱳᱨ
ᱠᱟᱹᱢᱤ ᱚᱠᱛᱚ᱒᱐᱐᱓–ᱡᱚᱯᱚᱲᱟᱣ
ᱡᱤᱭᱚᱱ ᱥᱚᱦᱮᱫᱵᱟᱯᱞᱟ ᱢᱤᱨᱟ ᱨᱟᱡᱽᱯᱩᱛ ᱒᱐᱑᱕
ᱦᱚᱯᱚᱱ᱒ ᱭᱟ
ᱟᱯᱟᱛ ᱮᱸᱜᱟᱛᱯᱚᱝᱠᱚᱡᱽ ᱠᱟᱯᱩᱨ
ᱱᱤᱞᱤᱢᱟ ᱟᱡᱤᱢ
ᱯᱮᱲᱟ ᱥᱟᱹᱜᱟᱹᱭᱟᱱᱠᱚᱤᱥᱟᱱ ᱠᱷᱟᱛᱛᱟᱨ (ᱛᱟᱨᱟ-ᱵᱚᱠᱚᱛ ᱵᱚᱭᱦᱟ ᱞᱮᱠᱟ)
ᱥᱤᱨᱯᱷᱟᱹᱯᱮᱨᱮᱡ ᱛᱟ.ᱞᱠᱟ.

ᱥᱟᱦᱤᱫᱽ ᱠᱟᱯᱩᱨ ᱡᱟᱱᱟᱢ ᱒᱕ ᱭᱟᱱ ᱯᱷᱮᱵᱩᱣᱟ.ᱨᱤ ᱑᱙᱘᱑), ᱦᱩᱭᱩᱜ ᱠᱟᱱᱟᱭ ᱢᱤᱫ ᱵᱷᱟᱨᱚᱛᱤᱭᱳ ᱮᱠᱴᱟᱨ ᱾ ᱩᱱᱤ ᱫᱚ ᱵᱳᱞᱤᱭᱩᱰ ᱦᱤᱱᱫᱤ ᱯᱷᱤᱞᱢᱥ ᱠᱚᱨᱮ ᱵᱟ.ᱲᱛᱤᱭ ᱩᱫᱮᱞ ᱟᱠᱟᱫᱟ ᱾ ᱡᱷᱟᱠᱟᱥ ᱪᱩᱨᱤᱛ ᱨᱮ ᱩᱫᱩᱜ ᱥᱚᱫᱚᱨ ᱠᱷᱟ.ᱛᱤᱨ ᱯᱩᱭᱞᱩ ᱞᱮᱠᱟᱛᱮ ᱫᱟᱣ ᱮ ᱧᱟᱢ ᱞᱮᱫᱟ ᱾ ᱩᱱᱤ ᱩᱱ ᱚᱠᱛᱚ ᱠᱷᱚᱱ ᱜᱮ ᱛᱟᱯᱟᱢᱟᱱ ᱪᱚᱞᱚᱱ-ᱪᱤᱛᱟ.ᱨ ᱟᱨ ᱞᱟᱸᱫᱟᱼᱟᱱ ᱪᱚᱞᱚᱱᱼᱪᱤᱛᱟ.ᱨ ᱠᱚᱨᱮ ᱦᱚᱸ ᱫᱟᱣ ᱮ ᱧᱟᱢ ᱞᱮᱫᱟ ᱾ ᱚᱱᱟ ᱨᱤᱱ ᱧᱟᱧᱟᱢᱤᱭᱟ. ᱞᱮᱠᱟᱛᱮ ᱟᱭᱢᱟ ᱞᱮᱠᱟᱱ ᱥᱤᱨᱯᱟ. ᱥᱚᱢᱮᱛ, ᱯᱮᱭᱟ (᱓) ᱯᱷᱤᱞᱤᱢᱯᱷᱟᱨ ᱥᱤᱨᱯᱟ.ᱭ ᱦᱟᱢᱮᱴ ᱞᱮᱫᱟ ᱾

ᱥᱟᱦᱤᱫᱽ ᱠᱟᱯᱩᱨ ᱫᱚ actors ᱯᱚᱝᱠᱚᱡᱽ ᱠᱟᱯᱩᱨ ᱟᱨ ᱱᱤᱞᱤᱢᱟ ᱟᱡᱤᱢ ᱨᱤᱱ ᱦᱚᱯᱚᱱ ᱠᱟᱱᱟᱭ ᱾ ᱠᱟᱯᱩᱨ ᱟᱜ ᱩᱢᱮᱨ ᱡᱮᱠᱷᱚᱱ ᱓ ᱥᱮᱨᱢᱟ ᱩᱱᱨᱮ ᱟᱡ ᱨᱤᱱ ᱮᱸᱜᱟᱛᱼᱟᱯᱟᱛ ᱫᱚ ᱡᱩᱨᱤᱼᱡᱚᱛᱟ ᱥᱟ.ᱜᱟ.ᱭ ᱠᱤᱱ ᱛᱚᱯᱟᱜ ᱞᱮᱫᱟ ᱾ ᱵᱟᱯᱟᱜᱽ ᱛᱟᱭᱚᱢ ᱠᱟᱯᱩᱨ ᱫᱚ ᱮᱸᱜᱟᱛ ᱥᱟᱣ ᱮ ᱛᱟᱸᱦᱮᱭᱮᱱᱟ ᱾ ᱑᱐ ᱥᱮᱨᱢᱟ ᱩᱢᱮᱨ ᱨᱮ ᱥᱟᱦᱤᱫᱽ ᱫᱚ ᱮᱸᱜᱟᱛ ᱥᱟᱶ ᱢᱩᱢᱵᱟᱭ ᱛᱮᱭ ᱦᱮᱡ ᱮᱱᱟ ᱾ ᱚᱸᱰᱮ ᱩᱱᱤ ᱫᱚ ᱥᱤᱭᱟᱢᱚᱠ ᱫᱟᱵᱷᱟᱨ'ᱟᱜ ᱮᱱᱮᱡ ᱮᱠᱟᱰᱮᱢᱤ ᱨᱮ ᱥᱮᱞᱮᱫ ᱮᱱᱟᱭ ᱾ ᱑᱙᱙᱐ ᱥᱟ.ᱦᱤᱛᱨᱮ ᱢᱤᱫᱼᱵᱟᱨ ᱪᱚᱞᱚᱱ ᱼᱪᱤᱛᱟ.ᱨ ᱠᱚᱨᱮ ᱜᱚᱸᱜᱲᱚ ᱮᱱᱮᱡᱤᱭᱟ. ᱞᱮᱠᱟᱛᱮᱭ ᱠᱟ.ᱢᱤ ᱞᱮᱫᱟ ᱾ ᱛᱟᱭᱚᱢ ᱫᱟᱨᱟᱢ ᱥᱟᱦᱤᱫᱽ ᱫᱚ ᱥᱮᱨᱮᱧ ᱵᱷᱤᱰᱤᱭᱳᱣ ᱟᱨ ᱥᱟ.ᱜᱤᱧ ᱧᱮᱧᱮᱞᱚᱢ ᱨᱮᱱᱟᱜ ᱛᱚᱞᱟᱥ ᱡᱚᱝ ᱵᱮᱣᱨᱟ ᱠᱚᱨᱮ ᱦᱚᱸᱭ ᱠᱟ.ᱢᱤ ᱵᱟᱲᱟ ᱞᱮᱫᱟ ᱾ ᱒᱐᱐᱓ ᱥᱟ.ᱦᱤᱛ ᱨᱮ ᱤᱥᱚᱠ ᱵᱷᱤᱥᱚᱠ, ᱧᱩᱛᱩᱢᱟᱱ ᱢᱤᱫᱴᱟ.ᱝ ᱡᱷᱟᱠᱟᱥ ᱞᱟᱸᱫᱟ ᱦᱟ.ᱴᱤᱧ ᱪᱚᱞᱚᱱᱼᱪᱤᱛᱟ.ᱨ ᱨᱮ, ᱯᱩᱭᱞᱩ ᱢᱩᱬᱩᱛ ᱪᱩᱨᱤᱛ ᱨᱮᱱᱟᱜ ᱮᱠᱴᱚᱨ ᱞᱮᱠᱟᱛᱮᱭ ᱠᱟ.ᱢᱤ ᱞᱮᱫᱟ ᱾ ᱪᱚᱞᱚᱱᱼᱪᱤᱛᱟ.ᱨ ᱫᱚ ᱥᱞᱤᱯᱟᱨ ᱦᱤᱴ ᱞᱮᱱᱟ ᱾ ᱱᱚᱣᱟ ᱪᱤᱛᱟ.ᱨ ᱨᱮ ᱨᱩᱞ ᱠᱟᱛᱮ ᱩᱱᱤ ᱯᱷᱤᱞᱤᱢᱯᱷᱟᱨ ᱧᱩᱛᱩᱢᱟᱱ ᱠᱚᱲᱟ ᱱᱟᱣᱟ ᱥᱤᱨᱯᱟ.ᱭ ᱦᱟᱢᱮᱴ ᱞᱮᱫᱟ ᱾ ᱱᱤᱭᱟ. ᱛᱟᱭᱚᱢ ᱒᱐᱐᱖ ᱥᱟ.ᱦᱤᱛ ᱨᱮ ᱵᱤᱵᱟᱦᱚ ᱧᱩᱛᱩᱢᱟᱱ ᱪᱚᱞᱚᱱᱼ ᱪᱤᱛᱟ.ᱨ ᱫᱚ ᱵᱟ.ᱱᱤᱡ ᱞᱮᱠᱟᱛᱮ ᱟ.ᱰᱤ ᱩᱥᱛ.ᱭ ᱠᱟ.ᱣᱰᱤ ᱠᱚ ᱡᱟᱣᱨᱟ ᱞᱮᱱᱟ ᱾

᱒᱐᱐᱗ ᱥᱟ.ᱦᱤᱛ ᱨᱮ ᱤᱢᱛᱤᱭᱟᱡᱽ ᱟᱞᱤ ᱟᱜ ᱡᱷᱟᱠᱟᱥ ᱞᱟᱸᱫᱟ ᱦᱟ.ᱴᱤᱧ ᱪᱚᱞᱚᱱᱼᱪᱤᱛᱟ.ᱨ ᱡᱟᱵᱽ ᱩᱭ ᱢᱤᱴᱨᱮ ᱢᱤᱫ ᱱᱟᱯᱟᱭ ᱪᱩᱨᱤᱛ ᱟᱱᱟᱜ ᱮ ᱠᱟ.ᱢᱤ ᱞᱮᱫᱟ ᱾ ᱒᱐᱐᱙ ᱥᱟ.ᱦᱤᱛ ᱨᱮ ᱵᱷᱤᱥᱟᱞ ᱵᱷᱚᱨᱫᱣᱟᱡᱽ'ᱟᱜ ᱠᱮᱯᱟᱨ ᱛᱷᱤᱞᱟᱨ ᱠᱟᱢᱤᱱᱮ ᱪᱚᱞᱚᱱᱼ ᱪᱤᱛᱟᱹᱨ ᱨᱮ ᱡᱚᱲᱟ ᱜᱤᱫᱽᱨᱟᱹ ᱨᱤᱱ ᱵᱚᱞᱚ ᱵᱚᱭᱦᱟ ᱞᱮᱠᱟᱛᱮᱭ ᱠᱟ.ᱢᱤ ᱞᱮᱫᱟ ᱾ ᱱᱤᱭᱟ. ᱛᱟᱭᱚᱢ ᱜᱮ ᱟᱨᱦᱚᱸ ᱟᱡᱟᱜ ᱠᱟ.ᱣᱰᱤ ᱢᱩᱨᱟ.ᱣ ᱨᱮᱱᱟᱜ ᱱᱟᱥᱮ ᱚᱵᱷᱟᱵᱽ ᱧᱩᱨ ᱮᱱᱟ ᱾ ᱤᱱᱟ. ᱢᱩᱦᱤᱢ ᱚᱠᱛᱚ ᱨᱮ ᱒᱐᱑᱓ ᱥᱟ.ᱦᱤᱛ ᱨᱮ ᱛᱟᱯᱟᱢᱟᱱ ᱪᱚᱞᱚᱱᱼᱪᱤᱛᱟᱹᱨ ᱟᱨ.ᱨᱟᱡᱽᱠᱩᱢᱟᱨ ᱨᱮᱦᱚᱸᱭ ᱠᱟ.ᱢᱤ ᱠᱮᱫᱟ ᱾ ᱛᱟᱭᱚᱢ ᱫᱟᱨᱟᱢ ᱱᱚᱣᱟ ᱜᱮ ᱟᱡᱟᱜ ᱠᱟ.ᱣᱰᱤ ᱢᱩᱨᱟ.ᱭ ᱫᱚᱭ ᱦᱟᱢᱟᱞ ᱞᱮᱫᱟ ᱾ ᱒᱐᱑᱔ ᱥᱟ.ᱦᱤᱛ ᱨᱮ ᱥᱟᱦᱤᱫᱽ ᱫᱚ ᱵᱷᱤᱥᱟᱞ ᱵᱷᱚᱨᱫᱣᱟᱡᱽ ᱟ.ᱰᱤ ᱧᱩᱛᱩᱢᱟᱱ ᱰᱨᱟᱢᱟ ᱪᱚᱞᱚᱱᱼᱪᱤᱛᱟᱹᱨ ᱨᱮ ᱦᱮᱞᱢᱮᱴ ᱟᱜ ᱪᱩᱨᱤᱛ ᱨᱮ ᱦᱟᱭᱫᱟᱨ ᱪᱚᱞᱚᱱᱼᱪᱤᱛᱟᱹᱨ ᱧᱩᱛᱩᱢᱟᱱ ᱴᱷᱟᱶ ᱨᱮᱭ ᱨᱟᱠᱟᱵ ᱞᱮᱫᱟ ᱾ ᱚᱱᱟ ᱪᱚᱞᱚᱱᱼᱪᱤᱛᱟᱹᱨ ᱠᱷᱟ.ᱛᱤᱨ ᱟ.ᱰᱤ ᱢᱟᱨᱟᱝ ᱥᱤᱨᱯᱟ.ᱭ ᱦᱟᱢᱮᱴ ᱞᱮᱫᱟ ᱾ ᱒᱐᱑᱖ ᱥᱟ.ᱦᱤᱛ ᱨᱮ ᱵᱩᱞ ᱥᱮᱨᱮᱧ ᱥᱤᱠᱟ.ᱨᱤᱭᱟ. ᱞᱮᱠᱟᱛᱮ ᱩᱲᱛᱟ ᱯᱟᱸᱧᱡᱟᱵᱽ ᱪᱚᱞᱚᱱᱼᱪᱤᱛᱟᱹᱨ ᱨᱮ ᱟ.ᱰᱤ ᱦᱩᱞᱟ. ᱪᱚᱢᱠᱟᱣ ᱞᱮᱫᱟᱭ ᱟᱨ ᱚᱱᱟ ᱠᱷᱟᱹᱛᱤᱨ ᱱᱟᱯᱟᱭ ᱮᱠᱴᱚᱨ ᱞᱮᱠᱟᱛᱮ ᱥᱟᱨᱦᱟᱣ ᱥᱤᱨᱯᱟ.ᱭ ᱧᱟᱢ ᱞᱮᱫᱟ ᱾ ᱤᱱᱟ. ᱵᱮᱜᱚᱨ ᱦᱚᱸ ᱒᱐᱑᱘ ᱥᱟ.ᱦᱤᱛ ᱨᱮ ᱯᱚᱫᱽᱢᱟᱵᱷᱟᱛ ᱟᱨ ᱒᱐᱑᱙ ᱥᱟ.ᱦᱤᱛ ᱨᱮ ᱠᱚᱵᱤᱨ ᱥᱤᱝ ᱧᱩᱛᱩᱢᱟᱱ ᱪᱚᱞᱚᱱᱼᱪᱤᱛᱟᱹᱨ ᱠᱚᱨᱮ ᱦᱚᱸ ᱟᱡᱟᱜ ᱮᱱᱮᱢ ᱫᱚ ᱟ.ᱰᱤ ᱢᱟᱨᱟᱝ ᱾

ᱥᱟᱦᱤᱫᱽ ᱠᱟᱯᱩᱨ ᱫᱚ ᱮᱠᱴᱚᱨ ᱵᱮᱜᱚᱨ ᱢᱟᱨᱟᱝ ᱢᱟᱨᱟᱝ ᱮᱱᱮᱡ ᱥᱮᱨᱮᱧ ᱦᱮᱯᱮᱨᱟᱣ ᱠᱚ ᱪᱟᱪᱞᱟᱣ ᱨᱮ ᱟ.ᱰᱤ ᱧᱩᱛᱩᱢᱟᱱ ᱦᱚᱲ ᱠᱟᱱᱟᱭ ᱾ ᱮᱱᱮᱡ ᱨᱤᱭᱮᱞᱤᱴᱤ ᱩᱫᱩᱜ ᱥᱚᱫᱚᱨ ᱡᱷᱚᱞᱚᱠ ᱫᱤᱠᱷᱼᱞᱟ ᱡᱟ ᱟᱠᱷᱲᱟ ᱥᱟᱯᱲᱟᱣ ᱥᱮ ᱪᱟᱪᱞᱟᱣ ᱨᱮ ᱟ.ᱰᱤ ᱢᱟᱨᱟᱝ ᱧᱩᱛᱩᱢ ᱢᱮᱱᱟᱜ ᱛᱟᱭᱟ ᱾ ᱟᱡᱟᱜ ᱡᱩᱣᱟ.ᱱ ᱩᱢᱮᱨ ᱨᱮ ᱫᱩᱞᱟ.ᱲᱤᱭᱟ. ᱞᱮᱠᱟᱛᱮ ᱠᱟᱨᱤᱱᱟ ᱠᱟᱯᱩᱨ ᱥᱟ.ᱜᱟ.ᱭ ᱮ ᱡᱚᱯᱚᱲᱟᱣ ᱞᱮᱫ ᱨᱮᱦᱚᱸ ᱛᱟᱭᱚᱢ ᱫᱟᱨᱟᱢ ᱵᱟᱝ ᱥᱟᱨᱤ ᱞᱮᱱᱟ ᱾ ᱤᱱᱟ. ᱛᱟᱭᱚᱢ ᱜᱮ ᱫᱤᱞᱞᱤ ᱨᱤᱱᱤᱡ ᱢᱤᱫ ᱯᱟ.ᱴᱷᱩᱣᱟ. ᱛᱤᱨᱞᱟ. ᱢᱤᱨᱟ ᱨᱟᱡᱽᱯᱩᱛ ᱥᱟᱶ ᱮ ᱵᱟᱯᱞᱟ ᱞᱮᱱᱟ ᱟᱨ ᱟ.ᱠᱤᱱ ᱨᱤᱱ ᱨᱚᱝᱼᱪᱷᱩᱸᱜᱤᱭᱟ. ᱵᱟᱨᱭᱟ ᱜᱤᱫᱽᱨᱟᱹ ᱥᱟᱶ ᱢᱩᱪᱟ.ᱫᱽ ᱡᱤᱭᱚᱱ ᱠᱷᱟᱸᱰᱟᱣ ᱨᱮᱠᱤᱱ ᱫᱷᱩᱨᱟ.ᱣ ᱮᱱᱟ ᱾᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟ.ᱲᱛᱤ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]