ᱥᱟᱭᱠᱮᱞ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱥᱟᱭᱠᱮᱞ

ᱥᱟᱭᱠᱮᱞ (cycle) ᱥᱮ ᱵᱟᱭ-ᱥᱟᱭᱠᱮᱞ (bicycle) ᱥᱮ ᱵᱟᱭᱤᱠ (bike) ᱫᱚ ᱦᱩᱭᱩᱜ ᱠᱟᱱᱟ ᱢᱟᱱᱣᱟ ᱦᱚᱛᱮ ᱛᱮ ᱪᱟᱞᱟᱜ ᱟᱨᱵᱟᱝ ᱢᱚᱴᱚᱨ ᱦᱚᱛᱮ ᱛᱮ ᱪᱟᱞᱟᱜ, ᱯᱮᱰᱮᱞ ᱞᱮᱵᱮᱫ ᱠᱟᱛᱮᱜ ᱪᱟᱞᱟᱜ ᱢᱤᱫ ᱥᱟᱜᱟᱲ ᱠᱟᱱᱟ| ᱱᱤᱭᱟᱹ ᱨᱮᱭᱟᱜ ᱯᱷᱨᱮᱢ ᱥᱟᱢ ᱥᱟᱶ ᱵᱟᱨᱭᱟ ᱪᱟᱠᱟ ᱥᱟᱢᱟᱝ ᱟᱨ ᱛᱟᱭᱚᱢ ᱠᱚ ᱞᱟᱜᱟᱣ ᱟᱠᱟᱫᱟ| ᱥᱟᱭᱠᱮᱞ ᱪᱟᱞᱟᱣ ᱦᱚᱲ ᱫᱳ ᱥᱟᱭᱠᱮᱞ ᱪᱟᱞᱟᱣᱤᱭᱟᱹ, ᱥᱮ ᱥᱟᱭᱠᱮᱞᱤᱥᱴ ᱥᱮ ᱵᱟᱭᱮᱠᱤᱥᱴ ᱠᱚ ᱢᱮᱛᱟᱣᱟ ᱠᱚᱣᱟ|

᱑᱙ ᱥᱟᱭ ᱟᱱᱟᱜ ᱥᱮᱨᱢᱟ ᱠᱚ ᱨᱮ ᱭᱩᱨᱚᱯ ᱨᱮ ᱯᱟᱹᱦᱤᱞ ᱫᱷᱟᱣ ᱞᱟᱹᱜᱤᱫ ᱥᱟᱭᱠᱮᱞ ᱧᱮᱞ ᱧᱟᱢ ᱞᱮᱱᱟ, ᱟᱨ ᱒᱑ ᱥᱟᱭ ᱟᱱᱟᱜ ᱥᱮᱨᱢᱟ ᱠᱚ ᱨᱮ ᱢᱤᱫ ᱠᱚᱴᱤ ᱠᱷᱚᱱ ᱦᱚᱸ ᱵᱟᱹᱲᱛᱤ ᱥᱟᱭᱠᱮᱞ ᱧᱮᱞ ᱧᱟᱢ ᱞᱮᱱᱟ| ᱫᱷᱟᱹᱨᱛᱤ ᱨᱮᱭᱟᱜ ᱟᱭᱢᱟ ᱴᱷᱟᱺᱭ ᱠᱚ ᱨᱮ ᱜᱮ ᱥᱟᱭᱠᱮᱞ ᱫᱚ ᱦᱩᱭᱩᱜ ᱠᱟᱱᱟ ᱥᱟᱜᱟᱲᱚᱢ ᱢᱤᱫ ᱱᱟᱯᱟᱭ ᱦᱚᱨᱟ|ᱥᱟᱭᱠᱮᱞ ᱫᱚ ᱨᱟᱹᱥᱠᱟᱹ ᱨᱚᱢᱚᱡᱽ, ᱥᱮ ᱜᱤᱫᱽᱨᱟᱹ ᱠᱚᱣᱟᱜ ᱠᱷᱮᱞᱟ ᱡᱤᱱᱤᱥ,ᱦᱚᱲᱢᱚ ᱵᱮᱭᱟᱢ, ᱯᱷᱟᱹᱫᱽ ᱥᱮᱣᱟ ᱠᱟᱹᱢᱤ ᱨᱮ, ᱠᱚᱨᱤᱭᱟᱨ ᱥᱮᱣᱟ ᱠᱟᱹᱢᱤ ᱨᱮ, ᱥᱟᱭᱠᱮᱞ ᱪᱟᱞᱟᱣ ᱦᱟᱯᱟᱨᱟᱣ ᱨᱮ, ᱟᱨ ᱥᱟᱭᱠᱮᱞ ᱫᱚ ᱟᱹᱰᱤ ᱥᱟᱸᱦᱚᱸᱥ ᱨᱮᱭᱟᱜ ᱠᱷᱤᱞᱚᱱᱰ ᱨᱮ ᱠᱚ ᱞᱟᱲᱪᱟᱲ ᱮᱫᱟ|

ᱟᱹᱲᱟᱹ ᱚᱢᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱭ-ᱥᱟᱭᱠᱮᱞ ᱟᱹᱲᱟᱹ ᱫᱚ ᱯᱟᱹᱦᱤᱞ ᱫᱷᱟᱣ ᱑᱘᱖᱘ ᱥᱮᱨᱢᱟ ᱨᱮ ᱞᱟᱲᱪᱟᱲ ᱞᱮᱱᱟ, ᱫᱭᱚ ᱰᱮᱞᱤ ᱱᱤᱣᱩᱡᱽ ᱧᱩᱛᱩᱢ ᱟᱱ ᱤᱝᱨᱟᱹᱡᱤ ᱵᱮᱣᱨᱟ ᱥᱟᱠᱟᱢ ᱨᱮ| ᱱᱤᱭᱟᱹ ᱫᱚ ᱥᱚᱫᱚᱨ ᱞᱮᱱᱟ ᱥᱮᱢᱯᱥ ᱤᱞᱤᱥᱤᱥ ᱮᱱᱰ ᱵᱚᱭᱥ ᱰᱤ ᱵᱟᱜᱽᱱᱤ ᱵᱩᱡᱷᱟᱹᱣ ᱚᱪᱚ ᱞᱟᱹᱜᱤᱫ|ᱟᱨᱦᱚᱸ ᱱᱤᱭᱟᱹ ᱟᱹᱲᱟᱹ ᱯᱟᱹᱦᱤᱞ ᱫᱷᱟᱣ ᱞᱟᱲᱪᱟᱲ ᱞᱮᱱᱟ ᱢᱤᱫᱴᱮᱱ ᱯᱷᱚᱨᱟᱥᱤ ᱥᱚᱱᱚᱫᱚᱨ ᱨᱮ; ᱢᱤᱫ ᱟᱹᱱᱟᱹᱲᱤ ᱵᱟᱨ ᱪᱟᱠᱟᱣᱟᱱ ᱥᱟᱜᱟᱲ (ᱟᱢᱫᱟᱡᱽ ᱵᱟᱨ ᱪᱟᱠᱟᱣᱟᱱ ᱡᱤᱱᱤᱥ ᱤᱫᱤ ᱟᱹᱜᱩ ᱥᱟᱜᱟᱲ ᱵᱩᱡᱷᱟᱹᱣ ᱚᱪᱚ ᱞᱟᱹᱜᱤᱫ) ᱵᱩᱡᱷᱟᱹᱣ ᱚᱪᱚ ᱞᱟᱹᱜᱤᱫ| ᱥᱟᱭᱠᱮᱞ ᱨᱮᱭᱟᱜ ᱢᱚᱰᱮᱞ ᱫᱚ ᱛᱟᱸᱦᱮᱸ ᱠᱟᱱᱟ ᱵᱷᱮᱞ ᱥᱤᱯᱰ ᱨᱮᱭᱟᱜ ᱱᱟᱦᱟᱜ ᱩᱪᱷᱟᱹᱱ, ᱡᱩᱫᱤ ᱦᱚᱸ ᱟᱫᱚᱢ ᱚᱠᱛᱮ ᱪᱮᱛᱟᱱ ᱪᱮᱛᱟᱱ ᱛᱮ ᱞᱟᱲᱪᱟᱲᱚᱜ ᱠᱟᱱ ᱛᱟᱸᱦᱮᱱᱟ|

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱱᱣᱟ ᱥᱟᱜᱟᱲ ᱞᱟᱹᱜᱤᱫ ᱵᱮᱱᱟᱣ ᱞᱮᱱ ᱱᱚᱣᱟ ᱵᱟᱨᱪᱟᱠᱟᱣᱟᱱ ᱥᱟᱜᱟᱲ ᱫᱚ ᱦᱩᱭᱩᱜ ᱠᱟᱱᱟ ᱰᱮᱱᱰᱤ ᱦᱚᱨᱥ ᱚᱠᱟ ᱫᱚ ᱰᱨᱮᱭᱥᱤᱭᱮᱱ ᱥᱮ ᱞᱚᱯᱷᱚᱢᱮᱥᱟᱭᱱ ᱦᱚᱸ ᱠᱚ ᱢᱮᱛᱟᱣᱟᱜ ᱠᱟᱱᱟᱟ᱾ ᱟᱨ ᱚᱠᱟ ᱨᱮ ᱫᱚ ᱵᱟᱨ ᱪᱟᱠᱟ ᱞᱟᱜᱟᱣ ᱢᱮᱱᱟᱜ ᱛᱟᱸᱦᱮᱸ ᱟᱠᱟᱱ᱾ ᱚᱱᱟ ᱫᱚᱭ ᱵᱮᱱᱟᱣ ᱞᱮᱫᱟ ᱡᱟᱨᱢᱟᱱᱤ ᱨᱮᱱ ᱵᱮᱨᱚᱱ ᱠᱟᱨᱞ ᱰᱚᱱ ᱰᱨᱮᱭᱥᱮᱱᱚᱣᱟ ᱫᱚ ᱱᱟᱦᱟᱜ ᱵᱟᱭ-ᱥᱟᱭᱠᱮᱞ ᱨᱮᱱ ᱨᱟᱡᱽ ᱜᱳᱰᱤᱛ ᱠᱚ ᱢᱮᱛᱟᱣᱟᱜ ᱠᱟᱱᱟ᱾ ᱰᱨᱮᱭᱥᱮ ᱫᱚ ᱱᱚᱣᱟ ᱥᱟᱜᱟᱲ ᱑᱘᱑᱗ ᱥᱮᱨᱢᱟ ᱨᱮ ᱜᱽᱨᱤᱢᱥ ᱢᱮᱭᱱᱦᱮᱭᱢᱚᱨ ᱨᱮ ᱫᱚᱵᱷᱟᱹᱴᱤᱭᱟᱹ ᱴᱷᱟᱺᱭ ᱨᱮ ᱟᱨ ᱑᱘᱑᱘ ᱥᱮᱨᱢᱟ ᱨᱮᱭᱮ ᱩᱫᱩᱜ ᱥᱚᱫᱚᱨ ᱞᱮᱫ ᱟᱭ᱾ ᱟᱢᱫᱟᱡᱽ, ᱡᱚᱱᱛᱨᱚ ᱛᱮ ᱪᱟᱞᱟᱜ ᱠᱟᱱ ᱯᱟᱹᱦᱤᱞ ᱵᱟᱨ ᱪᱟᱠᱟ ᱣᱟᱱ ᱥᱟᱜᱟᱲ ᱫᱚ ᱵᱮᱱᱟᱣ ᱞᱮᱱᱟ ᱑᱘᱓᱙ ᱥᱮᱨᱢᱟ ᱨᱮ ᱠᱟᱨᱯᱚᱨᱴᱨᱤᱠ ᱢᱮᱠᱢᱤᱞᱟᱱ, ᱥᱠᱚᱴᱞᱮᱱᱰ ᱨᱮᱱ ᱢᱤᱫᱴᱮᱱ ᱠᱟᱢᱟᱨ ᱦᱚᱛᱮ ᱛᱮ|ᱢᱮᱠᱢᱤᱞᱟᱱ ᱨᱮᱭᱟᱜ ᱧᱩᱛᱩᱢ ᱫᱚ ᱥᱟᱭᱠᱮᱞ ᱪᱟᱞᱟᱣ ᱨᱮᱭᱟᱜ ᱯᱟᱦᱤᱞ ᱚᱯᱟᱨᱟᱫᱦ ᱥᱮᱞᱮᱫ ᱡᱚᱲᱟᱣ ᱟᱠᱟᱱ ᱛᱟᱸᱦᱮᱸ ᱠᱟᱱᱟ|ᱛᱤᱱ ᱨᱮ ᱑᱘᱔᱒ ᱥᱮᱨᱢᱟ ᱨᱮ ᱢᱤᱫ ᱴᱮᱱ ᱜᱽᱞᱟᱥᱜᱚ ᱧᱩᱛᱩᱢ ᱟᱱ ᱵᱮᱣᱨᱟ ᱥᱟᱠᱟᱢ ᱨᱮ, ᱱᱚᱝᱠᱟ ᱞᱮᱠᱟ ᱠᱚ ᱚᱞ ᱞᱮᱫᱟ, ᱢᱤᱫᱴᱮᱱ ᱠᱳᱥᱚᱞᱤ ᱢᱩᱴᱷᱟᱹᱱ ᱛᱮ ᱵᱮᱱᱟᱣ ᱟᱠᱟᱱ ᱵᱷᱮᱞᱚᱥᱤᱯᱮᱰ ᱨᱮ ᱫᱩᱲᱩᱵ ᱟᱠᱟᱱ ᱰᱟᱢᱯᱷᱨᱤᱥᱮᱥ ᱥᱟᱭᱟᱨ ᱢᱤᱫᱴᱮᱱ ᱟᱹᱱᱟᱹᱲᱤ ᱵᱷᱚᱫᱽᱨᱚ ᱦᱚᱲ ᱫᱚ ᱜᱽᱞᱟᱥᱜᱚ ᱨᱮ ᱢᱤᱫᱴᱮᱱ ᱦᱩᱰᱤᱧ ᱠᱩᱲᱤ ᱜᱤᱫᱽᱨᱟᱹ ᱴᱷᱚᱠᱚᱨ ᱛᱮ ᱚᱴᱚ ᱠᱟᱫᱮᱭᱟ ᱟᱨ ᱩᱱᱤ ᱫᱚ ᱯᱟᱥ ᱥᱤᱞᱤᱝ ᱨᱮ ᱠᱚ ᱰᱟᱱᱰᱚᱢ ᱠᱮᱫᱮᱭᱟ ᱑᱘᱖᱐ ᱥᱮᱨᱢᱟ ᱨᱮ, ᱱᱟᱦᱟᱜ ᱯᱷᱚᱨᱟᱥᱤ ᱦᱚᱲ ᱯᱤᱭᱟᱨᱤ ᱢᱤᱛᱷᱚᱠᱥ ᱞᱮᱞᱮᱢᱮᱱᱴᱮ ᱫᱚ ᱵᱟᱭᱥᱟᱠᱮᱞ ᱨᱮᱭᱟᱜ ᱜᱚᱲᱦᱚᱱ ᱨᱮ ᱥᱟᱢᱟᱝ ᱱᱟᱠᱷᱟ ᱨᱮᱭᱟᱜ ᱪᱟᱠᱟ ᱨᱮ ᱢᱟᱨᱟᱝ ᱪᱟᱠᱟᱭ ᱵᱮᱱᱟᱣ ᱞᱮᱫᱟ, ᱚᱱᱟ ᱨᱮᱭᱟᱜ ᱯᱮᱰᱮᱞ ᱨᱮ ᱠᱨᱮᱝᱠ ᱰᱨᱟᱭᱵᱽ ᱡᱚᱱᱛᱨᱚᱭ ᱞᱟᱜᱟᱣ ᱞᱮᱰᱟ| ᱚᱠᱟ ᱫᱚ ᱥᱟᱭᱠᱮᱞ ᱨᱮᱭᱟᱜ ᱢᱟᱲᱟᱝ ᱢᱩᱴᱷᱟᱹᱱ ᱠᱷᱚᱱ ᱱᱟᱣᱟ ᱢᱟᱛᱨᱟᱭ ᱮᱢᱟᱣ ᱫᱟᱜ ᱛᱟᱸᱦᱮᱱᱟ|

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]