ᱥᱟᱱᱛᱟᱲ ᱵᱟᱯᱞᱟ
ᱡᱟᱭᱛᱮᱫ - ᱵᱟᱯᱞᱟ ᱟᱹᱲᱟ ᱦᱟᱹᱤᱧ ᱞᱮᱠᱷᱟᱱ ᱵᱟᱨᱭᱟ ᱡᱚᱲ ᱟᱹᱲᱟᱹ ᱧᱟᱢᱚᱜᱼᱟ ᱾ ᱵᱟᱞᱟ ᱵᱟᱞᱟ ᱠᱷᱚᱱ ᱵᱟᱯᱞᱟ ᱦᱮᱡ ᱟᱠᱟᱱᱟ ᱾ ᱡᱩᱫᱟᱹ ᱡᱩᱫᱟᱹ ᱯᱟᱹᱨᱤᱥ ᱨᱤᱱ ᱵᱟᱨᱭᱟ ᱜᱷᱟᱨᱚᱸᱡᱽ ᱨᱤᱱ ᱟᱭᱳ ᱵᱟᱵᱟ ᱵᱟᱞᱟᱭᱟᱜ ᱜᱮ ᱵᱟᱯᱞᱟ ᱫᱚ ᱾ ᱢᱤᱫ ᱠᱚᱲᱟ ᱢᱤᱫ ᱠᱩᱲᱤ ᱜᱷᱟᱨᱚᱸᱡᱽ ᱞᱟᱹᱜᱤᱫ ᱡᱩᱨᱤ ᱠᱟᱹᱠᱤᱱ ᱨᱮᱱᱟᱜ ᱥᱟᱹᱜᱟᱹᱭ ᱜᱮ ᱵᱟᱯᱞᱟ ᱾
ᱵᱟᱯᱞᱟ ᱨᱮᱱᱟᱜ ᱞᱮᱠᱟᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱟᱯᱞᱟ ᱫᱚ ᱵᱟᱨ ᱞᱮᱠᱟᱱᱟ - ᱑ - ᱥᱟᱹᱜᱩᱱ ᱵᱟᱯᱞᱟ ᱾ ᱒ - ᱮᱨᱮᱲ ᱵᱟᱯᱞᱟ ᱾ ᱠᱩᱲᱤ ᱠᱚᱲᱟ ᱟᱭᱳ ᱵᱟᱵᱟ ᱢᱟᱺᱡᱷᱤ ᱢᱟᱸᱯᱟᱧᱡᱤ ᱠᱚᱣᱟᱜ ᱥᱩᱦᱤ ᱨᱮᱵᱮᱱ ᱛᱮ ᱡᱩᱨᱤᱜ ᱫᱚ ᱥᱟᱹᱜᱩᱱ ᱵᱟᱯᱞᱟ ᱵᱚ ᱢᱮᱛᱟᱜᱼᱟ ᱾ ᱟᱭᱳ ᱵᱟᱵᱟ ᱢᱟᱺᱡᱷᱤ ᱢᱟᱸᱯᱟᱧᱡᱤ ᱠᱚᱣᱟᱜ ᱵᱟᱝ ᱵᱟᱰᱟᱭ ᱨᱮ ᱠᱩᱲᱤ ᱠᱚᱲᱟ ᱥᱩᱢᱩᱝ ᱛᱮ ᱡᱩᱨᱤᱜ ᱫᱚ ᱮᱨᱮᱲ ᱵᱟᱯᱞᱟ ᱵᱚ ᱢᱮᱛᱟᱜᱼᱟ ᱾ ᱵᱟᱱᱟᱨ ᱞᱮᱠᱟᱱ ᱵᱟᱯᱞᱟ ᱜᱮ ᱥᱟᱶᱛᱟᱨᱮ ᱦᱟᱛᱟᱣᱜ ᱜᱮᱭᱟ ᱾ ᱱᱚᱶᱟ ᱠᱤᱱ ᱦᱚᱸ ᱦᱟᱹᱴᱤᱧ ᱟᱠᱟᱱᱟ ᱡᱟᱞᱮᱠ -
ᱥᱟᱹᱜᱩᱱ ᱵᱟᱯᱞᱟ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑ - ᱥᱟᱸᱜᱮ ᱵᱟᱹᱨᱭᱟᱹᱛ ᱾ ᱒ - ᱠᱩᱲᱤ ᱵᱟᱹᱨᱭᱟᱹᱛ/ᱫᱩᱣᱟᱹᱨ ᱵᱟᱯᱞᱟ ᱾ ᱓ - ᱴᱩᱝᱠᱤ ᱫᱤᱯᱤᱞ ᱾ ᱔ - ᱫᱩᱣᱟᱹᱨ ᱞᱮᱵᱮᱫ ᱾ ᱕ - ᱯᱟᱲᱟᱢ ᱵᱟᱹᱨᱭᱟᱹᱛ ᱾ ᱖ - ᱥᱟᱸᱜᱷᱟ ᱵᱟᱯᱞᱟ ᱾ ᱗ - ᱡᱚᱦᱟᱨ ᱢᱤᱫ ᱾ ᱘ - ᱦᱤᱨᱚᱢ/ᱪᱷᱩᱴᱠᱤ ᱡᱚᱝ ᱾
ᱮᱨᱮᱲ ᱵᱟᱯᱞᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑ - ᱠᱩᱲᱤ ᱠᱚᱲᱟ ᱜᱚᱨᱚᱡᱽ ᱛᱮ ᱾ ᱒ - ᱚᱨ ᱤᱛᱩᱫ ᱾ ᱓ - ᱥᱤᱠᱤᱲ ᱵᱟᱯᱞᱟ ᱾
ᱥᱟᱸᱜᱮ ᱵᱟᱹᱨᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱸᱜᱮ ᱵᱟᱹᱨᱭᱟᱹᱛ ᱵᱟᱯᱞᱟ ᱨᱮᱫᱚ ᱮᱠᱷᱮᱱ ᱠᱚᱲᱟ ᱥᱩᱢᱩᱝ ᱜᱮ ᱵᱟᱹᱨᱭᱟᱹᱛᱚᱜ ᱠᱚ ᱪᱟᱞᱟᱜᱼᱟ ᱾ ᱡᱟᱶᱟᱭ ᱠᱚᱲᱟ ᱫᱚ ᱵᱟᱠᱚ ᱤᱫᱤ ᱭᱮᱭᱟ ᱾ ᱠᱩᱲᱤ ᱚᱲᱟᱜ ᱯᱟᱦᱴᱟ ᱨᱤᱱ ᱠᱩᱞᱦᱤ ᱢᱩᱪᱟᱹᱫ ᱨᱮ ᱵᱟᱹᱨᱭᱟᱹᱛ ᱠᱚᱲᱟᱠᱚ ᱟᱛᱟᱝ ᱫᱟᱨᱟᱢ ᱠᱚᱣᱟ ᱾ ᱫᱚᱠᱛᱟ ᱯᱩᱸᱜᱤ ᱮᱢ ᱠᱟᱛᱮ ᱠᱚ ᱵᱮᱵᱷᱟᱨ ᱠᱚᱣᱟ ᱾ ᱵᱟᱨᱮᱛ ᱠᱚᱲᱟ ᱠᱚ ᱥᱟᱶ ᱢᱟᱯᱟᱧᱡᱤᱠᱚ ᱥᱟᱶᱛᱮ ᱵᱟᱹᱨᱭᱟᱛ ᱠᱚ ᱫᱚᱝ, ᱢᱟᱰᱣᱟᱨ, ᱠᱩᱫᱩᱢ, ᱜᱟᱢ ᱮᱢᱟᱱ ᱥᱮᱨᱮᱧ ᱨᱚᱯᱚᱲ ᱪᱷᱩᱛᱤ ᱨᱚᱲ ᱞᱟᱸᱫᱽ ᱠᱟᱛᱮ ᱠᱩᱲᱤ ᱚᱲᱟᱜ ᱠᱩᱞᱦᱤ ᱢᱩᱪᱟᱹᱫ ᱠᱷᱚᱱ ᱠᱚ ᱫᱟᱨᱟᱢ ᱤᱫᱤ ᱠᱚᱣᱟ ᱾ ᱟᱹᱛᱩ ᱢᱟᱰᱮᱨ ᱨᱮ ᱱᱟᱥᱮ ᱠᱚ ᱰᱮᱨᱟ ᱧᱚᱜ ᱠᱚᱣᱟ ᱾ ᱚᱸᱰᱮ ᱥᱮᱨᱮᱧ ᱠᱩᱫᱩᱢ ᱵᱤᱱᱛᱤ ᱮᱢᱟᱱ ᱠᱟᱹᱢᱤ ᱦᱩᱭᱩᱜᱼᱟ ᱾ ᱵᱟᱹᱨᱭᱟᱹᱛ ᱯᱟᱦᱴᱟ ᱨᱮᱱᱟᱜ ᱫᱟᱠᱟ ᱩᱛᱩ ᱠᱚᱦᱚᱸ ᱥᱟᱯᱲᱟᱣ ᱛᱚᱸᱜᱮ ᱠᱚᱜᱼᱟ ᱾ ᱛᱷᱩᱛᱤ ᱵᱤᱱᱛᱤ ᱪᱟᱵᱟ ᱞᱮᱱ ᱠᱷᱟᱱ ᱫᱟᱠᱟ ᱩᱛᱩ ᱡᱚᱢ ᱠᱟᱛᱮ ᱠᱩᱲᱤ ᱚᱲᱟᱜ ᱠᱚ ᱟᱹᱭᱩᱨ ᱤᱫᱤ ᱠᱚᱣᱟ ᱾ ᱚᱲᱟᱜ ᱨᱟᱪᱟ ᱨᱮ ᱯᱟᱴᱭᱟ ᱟᱴᱮᱫ ᱠᱟᱛᱮ ᱠᱚ ᱫᱩᱲᱩᱵ ᱠᱚᱣᱟ ᱾ ᱚᱸᱰᱮ ᱜᱚᱱ ᱯᱚᱱ ᱠᱚ ᱞᱮᱠᱷᱟᱭᱟ ᱾ ᱚᱱᱟ ᱛᱟᱭᱚᱢ ᱵᱟᱹᱦᱩ/ᱦᱚᱯᱚᱱ ᱮᱨᱟ ᱠᱚ ᱵᱤᱫᱟᱹᱭ ᱟᱠᱚᱣᱟ ᱾ ᱤᱛᱩᱫ ᱥᱤᱸᱫᱩᱨ ᱫᱚ ᱫᱚ ᱠᱚᱲᱟ ᱚᱲᱟᱜ ᱨᱮ ᱦᱩᱭᱩᱜᱼᱟ ᱾