ᱥᱟᱱᱛᱷᱤ ᱥᱚᱣᱳᱱᱫᱚᱨᱚᱡᱚᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱥᱟᱱᱛᱷᱤ ᱥᱚᱣᱳᱱᱫᱚᱨᱚᱡᱚᱱ
ᱟᱯᱱᱟᱨᱟᱜ ᱠᱟᱛᱷᱟ
ᱡᱟᱹᱛᱤᱭᱟᱹᱵᱷᱟᱨᱚᱛᱤᱭᱚ
ᱡᱟᱱᱟᱢ᱑᱗ ᱚᱯᱨᱮᱞ ᱑᱙᱘᱑
ᱠᱚᱛᱷᱟᱠᱠᱩᱨᱤᱪᱤ, ᱛᱟᱢᱤᱞᱱᱟᱰᱩ, ᱵᱷᱟᱨᱚᱛ
ᱵᱟᱥᱟᱠᱚᱛᱷᱟᱠᱠᱩᱨᱤᱪᱤ, ᱯᱩᱫᱩᱠᱠᱳᱴᱴᱟᱭᱤ ᱡᱮᱞᱞᱟ
Alma materᱱ.ᱤ.ᱥ., ᱥᱯᱳᱴᱥ ᱚᱛᱷᱚᱨᱤᱴᱤ ᱚᱯᱷ ᱤᱱᱰᱤᱭᱟ(ᱥ.ᱚ.ᱤ.), ᱵᱟᱝᱜᱟᱞᱳᱨ
ᱩᱥᱩᱞ᱑ᱹ᱗᱐ ᱢᱤᱴᱚᱨ
ᱦᱟᱢᱟᱞ᱖᱔ ᱠᱤᱞᱳ
ᱠᱷᱮᱞᱚᱸᱰ
ᱠᱷᱮᱞᱫᱟ.ᱲ
ᱵᱤᱵᱷᱟᱜᱽ(ᱠᱚ)᱘᱐᱐ ᱢᱤᱴᱚᱨ, ᱑᱕00 ᱢᱤᱴᱚᱨ
ᱢᱟᱹᱱ ᱟᱨ ᱥᱤᱨᱯᱷᱟᱹ
ᱯᱟᱨᱥᱚᱱᱟᱞ ᱥᱚᱨᱮᱥ(s)᱘00 ᱢᱤᱴᱚᱨ: ᱑:᱕᱕.᱔᱕
᱑᱕00 ᱢᱤᱴᱚᱨ: ᱔:᱑᱑.᱖᱖
ᱱᱮᱥᱱᱟᱞ ᱨᱮᱠᱚᱰ ᱓000 ᱢᱤᱴᱚᱨ: ᱑0:᱔᱔.᱖᱕
ᱣᱟᱨᱞᱰ ᱯᱤᱥ ᱥᱯᱳᱴᱥ ᱯᱷᱮᱥᱴᱤᱵᱷᱟᱞ ᱟᱢᱵᱟᱥᱮᱰᱚᱨ -᱒᱐᱐᱓, ᱠᱳᱨᱤᱭᱟ [᱑] ᱚᱞ ᱤᱱᱰᱤᱭᱟ ᱤᱱᱴᱚᱨ ᱭᱩᱱᱤᱵᱷᱚᱨᱥᱤᱴᱤ ᱨᱮᱠᱚᱰ ᱦᱳᱞᱰᱚᱨ ᱘00 ᱢᱤᱴᱚᱨ: ᱒:0᱗.᱖᱘

ᱥᱟᱱᱛᱷᱤ ᱥᱚᱣᱳᱱᱫᱚᱨᱚᱡᱚᱱ (ᱱᱚᱝᱠᱟ ᱦᱚᱸ ᱠᱚ ᱚᱞ ᱜᱮᱭᱟ ᱥᱟᱱᱛᱷᱤ ᱥᱚᱣᱳᱱᱫᱚᱨᱟᱨᱚᱡᱚᱱ,Tamil: சாந்தி சௌந்திரராஜன்,ᱡᱟᱱᱟᱢ ᱑᱗ ᱚᱯᱨᱮᱞ ᱑᱙᱘᱑) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱴᱨᱟᱠ ᱮᱸᱰ ᱯᱷᱤᱞᱰ ᱟᱛᱷᱞᱮᱴ ᱠᱟᱱᱟᱭ ᱾ ᱱᱩᱭ ᱫᱚ ᱵᱷᱟᱨᱚᱛ ᱞᱟ.ᱜᱤᱱ ᱢᱤᱫ ᱜᱮᱞ ᱵᱟᱨᱭᱟ ᱤᱱᱴᱚᱨᱱᱮᱥᱱᱟᱞ ᱢᱮᱰᱟᱞ ᱟᱨ ᱕᱐ ᱜᱚᱴᱟᱝ ᱢᱮᱰᱟᱞ ᱟᱡᱟᱜ ᱯᱚᱱᱚᱛ ᱛᱟᱢᱤᱞᱱᱟᱰᱩ ᱞᱟ.ᱜᱤᱱ ᱡᱤᱛᱠᱟ.ᱨ ᱠᱟᱱᱟᱭ ᱾ ᱮᱟᱤᱭᱟᱱ ᱜᱮᱢᱥ ᱠᱷᱚᱱ ᱢᱮᱰᱟᱞ ᱦᱟᱛᱟᱣ ᱨᱤᱱᱤᱡ ᱱᱩᱭ ᱫᱚ ᱯᱩᱭᱞᱩ ᱛᱟᱢᱤᱞᱤ ᱛᱤᱨᱞᱟ. ᱦᱚᱯᱚᱱ ᱠᱟᱱᱟᱭ ᱾ [᱒] ᱢᱤᱰᱤᱞ ᱰᱤᱥᱴᱟᱱᱥ ᱴᱨᱟᱠ ᱤᱵᱷᱮᱸᱴ ᱠᱚᱨᱮ ᱵᱷᱟᱜᱽ ᱠᱚᱭ ᱦᱟᱛᱟᱣ ᱮᱢᱟᱱ ᱞᱮᱭᱟ ᱾ ᱥᱟᱱᱛᱷᱤ-ᱭᱟᱜ ᱛᱤᱨᱞᱟ. ᱠᱚ ᱵᱤᱫᱟ.ᱞ ᱨᱮ ᱠᱷᱮᱞ ᱞᱟ.ᱜᱤᱱ ᱥᱮᱠᱥ ᱵᱷᱮᱨᱤᱯᱦᱤᱠᱮᱥᱚᱱ ᱴᱮᱥᱴ ᱦᱟᱛᱟᱣ ᱛᱟᱭᱚᱢ ᱒᱐᱐᱖ ᱮᱥᱤᱭᱟᱱ ᱜᱮᱢᱥ ᱨᱮ ᱨᱩᱯᱟ. ᱢᱮᱰᱟᱞ ᱡᱳᱛᱠᱟ.ᱨ ᱠᱟᱱᱟᱭ ᱾ [᱓]

ᱯᱩᱭᱞᱩ ᱟᱨ ᱠᱟᱢᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱟᱨᱚᱛ ᱫᱤᱥᱚᱢ ᱛᱟᱢᱤᱞᱱᱟᱰᱩ ᱨᱟᱭᱟᱜ ᱯᱩᱰᱩᱠᱳᱴᱴᱟᱭᱤ ᱡᱮᱞᱞᱟ ᱠᱚᱛᱷᱟᱠᱩᱨᱤᱪᱤ ᱟᱢᱛᱩ ᱨᱮ ᱥᱟᱱᱛᱷᱤ ᱝᱴᱫᱚ ᱑᱙᱘᱑ ᱥᱟᱞ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱥᱟᱱᱛᱷᱤ ᱫᱚ ᱥᱚᱲᱚᱠ ᱫᱷᱟᱨᱮ ᱢᱤᱫ ᱨᱮᱱᱜᱮᱡ,ᱦᱩᱰᱤᱧ ᱦᱩᱰᱤᱧ ᱚᱲᱟᱜ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱱᱩᱠᱩ ᱚᱲᱟᱜ ᱨᱮᱫᱚ ᱜᱤᱫᱨᱟ. ᱵᱮᱲᱟ ᱚᱠᱛᱚ ᱵᱤᱡᱞᱤ, ᱫᱟᱜ, ᱥᱮ ᱛᱩᱯᱩᱱ ᱚᱲᱟᱜ ᱦᱚᱸ ᱵᱟᱝ ᱛᱟᱦᱮᱸ ᱠᱟᱱᱟ ᱾ ᱟᱡ ᱵᱟᱵᱟ-ᱟᱭᱳ ᱫᱚ ᱤᱴᱟ. ᱵᱷᱟᱴᱟ ᱨᱮ ᱠᱤᱱ ᱠᱟ.ᱢᱤ ᱠᱟᱱ ᱛᱟᱦᱮᱸᱫ ᱟᱨ ᱱᱩᱠᱩ ᱫᱚ ᱠᱚ ᱢᱚᱬᱮ ᱵᱚᱭᱦᱟ-ᱜ ᱛᱟᱦᱮᱸᱫ ᱾ ᱱᱩᱭ ᱡᱚᱠᱷᱚᱱ ᱮᱥᱤᱭᱟᱱ ᱜᱮᱢᱥ, ᱫᱳᱦᱟ ᱨᱮ ᱠᱷᱮᱞ ᱥᱮᱱ ᱞᱟᱱᱮ ᱱᱩᱠᱩ ᱚᱲᱟᱜ ᱨᱮ ᱴᱤᱵᱷᱤ ᱦᱚᱸ ᱵᱟᱝ ᱛᱟᱦᱮᱸ ᱠᱟᱱᱟ ᱛᱚᱵᱮ ᱱᱩᱠᱩ ᱚᱲᱟᱜ ᱦᱚᱲ ᱫᱚ ,ᱥᱩᱯᱩᱨ ᱚᱲᱟᱜ ᱨᱮᱱ ᱦᱚᱲ ᱴᱷᱮᱱ ᱠᱚ ᱧᱮᱞ ᱞᱮᱭᱟ ᱾ [᱔] ᱟᱡ ᱵᱟᱵᱟ ᱛᱤᱠᱤᱱ ᱫᱚ ᱥᱟ.ᱜᱤᱧ ᱵᱟᱡᱟᱨ ᱤᱴᱟ. ᱠᱟ.ᱢᱤ ᱠᱤᱱ ᱥᱮᱱ ᱮᱱᱟ ᱾ ᱚᱱᱰᱮ ᱩᱱᱠᱤᱱ ᱦᱟᱯᱛᱟ ᱨᱮ $4 ᱟᱢᱮᱨᱤᱠᱟᱱ ᱴᱟᱠᱟ ᱠᱤᱱ ᱟᱨᱡᱟᱣ ᱛᱟᱦᱮᱸᱫ ᱾ ᱛᱚᱵᱮ ᱥᱚᱱᱛᱷᱤ ᱫᱚ ᱡᱷᱚᱛᱚ ᱠᱷᱚᱱ ᱥᱮᱬᱟ ᱜᱮ ᱠᱷᱟ.ᱛᱤᱨ ᱟᱡ ᱨᱮᱱ ᱠᱟ.ᱴᱳᱡ ᱵᱚᱭᱦᱟ ᱠᱚᱣᱟᱜ ᱠᱷᱮᱭᱟᱞ,ᱡᱚᱛᱚᱱ ᱦᱟᱛᱟᱣ ᱛᱟᱦᱮᱸᱫ ᱾ ᱟᱡ ᱜᱚᱲᱚᱢ ᱦᱟᱲᱟᱢ ᱛᱟᱞᱟ ᱨᱮ ᱛᱟᱞᱟ ᱨᱮ ᱥᱟᱱᱛᱷᱤ ᱜᱚᱲᱚ ᱵᱟᱲᱟ-ᱟᱭ ᱛᱟᱦᱮᱸᱫ ᱾ ᱑᱓ ᱥᱟᱞ ᱩᱢᱮᱨ ᱨᱮ ᱱᱩᱭ ᱜᱮ ᱫᱟ.ᱲ ᱫᱚ ᱪᱮᱫ ᱟᱭ ᱞᱮᱫᱮᱭᱟ ᱟᱨ ᱢᱤᱫ ᱡᱳᱛᱟ-ᱭ ᱠᱤᱨᱤᱧ ᱟᱫᱮ ᱛᱟᱦᱮᱸᱫ ᱾

ᱟᱡᱟᱜ ᱥᱠᱩᱞ ᱡᱤᱭᱚᱱ ᱨᱮ ᱯᱩᱭᱞᱩ ᱠᱷᱮᱞ ᱚᱠᱛᱚ ᱥᱟᱱᱛᱷᱤ ᱢᱤᱫ ᱴᱤᱱ ᱠᱚᱯ ᱫᱟᱲᱮ ᱞᱮᱱᱟᱭ ᱾ ᱱᱩᱭ ᱫᱚ ᱟᱡᱟᱜ ᱥᱠᱩᱞ ᱡᱤᱭᱚᱱ ᱨᱮ ᱑᱓ ᱜᱚᱴᱟᱝ ᱢᱮᱰᱟᱞ ᱠᱚ ᱫᱟᱲᱮ ᱠᱟᱱᱟᱭ ᱾ ᱟᱡᱟᱜ ᱠᱷᱮᱞ ᱠᱚ ᱧᱮᱞ ᱟᱛᱮ ᱟᱠᱚ ᱨᱤᱱ ᱥᱯᱳᱴᱥ ᱠᱳᱪ ᱦᱚᱦᱚ ᱤᱫᱤ ᱠᱟᱛᱮ ᱴᱨᱮᱱᱤᱝ ᱮᱢᱟᱫᱮᱭᱟ ᱟᱨ ᱴᱭᱩᱥᱚᱱ,ᱭᱩᱱᱤᱯᱷᱚᱨᱢ, ᱟᱨ ᱱᱟᱯᱟᱭ ᱱᱟᱯᱟᱭ ᱡᱚᱢᱟᱜ ᱠᱚ ᱮᱢᱟᱫᱮᱭᱟ ᱾ ᱛᱚᱵᱮ ᱥᱟᱱᱛᱷᱤ ᱫᱚ ᱱᱚᱣᱟ ᱜᱮ ᱟᱡᱟᱜ ᱡᱤᱭᱚᱱ ᱨᱮ ᱯᱩᱭᱞᱩ ᱫᱷᱟᱣ ᱫᱤᱱ ᱨᱮ ᱯᱮ ᱚᱠᱛᱚ ᱡᱚᱢᱟᱜ ᱧᱟᱢ ᱠᱮᱭᱟ ᱾

ᱟᱡᱟᱜ ᱥᱠᱩᱞ ᱚᱞᱚᱜ ᱚᱠᱛᱚ ᱨᱮ ᱥᱟᱱᱛᱷᱤ, ᱟᱨᱴᱥ ᱠᱚᱞᱮᱡ ᱯᱩᱰᱩᱠᱳᱴᱴᱟᱭᱤ ᱠᱷᱚᱱ ᱥᱠᱚᱞᱟᱨᱥᱤᱯ ᱧᱟᱢ‌ᱞᱮᱭᱟ ᱾ ᱚᱱᱟ ᱥᱮᱨᱢᱟ ᱜᱮ ᱥᱟᱱᱛᱷᱤ ᱫᱚ ᱪᱮᱱᱱᱟᱭ ᱨᱮᱭᱟᱜ ᱢᱤᱫ ᱠᱚᱞᱮᱡ ᱠᱚ ᱴᱨᱟᱱᱥᱯᱷᱚᱨ ᱠᱮᱫᱮᱭᱟ ᱾ ᱒᱐᱐᱕ ᱨᱮ ᱱᱩᱭ ᱫᱚ ᱥᱟᱣᱳᱛᱷ ᱠᱳᱨᱤᱭᱟ ᱨᱮ ᱮᱟᱤᱭᱟᱱ ᱟᱛᱷᱞᱮᱴᱤᱠᱥ ᱪᱟᱢᱯᱤᱭᱟᱱᱥᱤᱯ ᱨᱮ ᱵᱷᱟᱜᱽ ᱦᱟᱛᱟᱣ ᱞᱮᱭᱟ ᱟᱨ ᱨᱩᱯᱟ. ᱢᱮᱰᱟᱞ ᱫᱟᱲᱮ ᱞᱮᱱᱟᱭ ᱾ ᱒᱐᱐᱖ ᱨᱮ ᱥᱟᱱᱛᱷᱤ ᱮᱥᱤᱭᱟᱱ ᱜᱮᱢᱥ ᱨᱮ ᱵᱷᱟᱜᱽ ᱦᱟᱛᱟᱣ ᱞᱟ.ᱜᱤᱱ ᱠᱚ ᱵᱟᱪᱷᱣᱟ ᱞᱮᱫᱮᱭᱟ ᱾ ᱚᱱᱰᱮ ᱘᱐᱐ ᱢᱤᱴᱚᱨ ᱨᱮᱭᱟᱜ ᱫᱟ.ᱲ ᱨᱮ ᱥᱟᱱᱛᱷᱤ ᱒ ᱢᱤᱱᱤᱴ ᱓ᱹ᱑᱖ ᱥᱮᱠᱮᱸᱰ ᱨᱮ ᱢᱩᱪᱟ.ᱫ ᱟᱛᱮ ᱨᱩᱯᱟ. ᱢᱮᱰᱟᱞ ᱫᱟᱲᱮ ᱞᱮᱱᱟᱭ ᱾ [᱕]

᱒᱐᱐᱔ ᱨᱮ ᱛᱟᱢᱤᱞᱱᱟᱰᱩ ᱨᱤᱱᱤᱡ ᱢᱩᱠᱷᱚ ᱢᱚᱱᱛᱨᱤ ᱡᱚᱭ ᱞᱚᱲᱤᱛᱟ ᱴᱷᱮᱱ ᱠᱷᱚᱱ ᱢᱤᱫ ᱞᱟᱠᱥᱷ ᱴᱟᱠᱟ ᱥᱤᱨᱯᱷᱟ. ᱞᱮᱠᱟᱭ ᱧᱟᱢ ᱞᱮᱭᱟ ᱾ [᱖]

ᱥᱟᱱᱛᱷᱤ-ᱭᱟᱜ ᱱᱮᱥᱱᱟᱞ ᱛᱤᱨᱞᱟ. ᱨᱮᱠᱚᱰ ᱓000 ᱢᱤᱴᱚᱨ ᱥᱴᱮᱯᱚᱞ ᱪᱮᱡ ᱨᱮ ᱑0:᱔᱔.᱖᱕ ᱥᱮᱠᱮᱸᱰ ᱨᱮ ᱵᱮᱱᱟᱣ ᱞᱮᱭᱟ ᱾ ᱡᱤᱞᱟᱭ ᱒᱐᱐᱕ ᱵᱟᱝᱜᱟᱞᱳᱨ ᱨᱮ ᱥᱟᱱᱛᱷᱤ ᱘00 ᱢ., ᱑,᱕00 ᱢ. ᱟᱨ ᱓000 ᱢ. ᱠᱚᱭ ᱫᱟᱲᱮ ᱠᱟᱱᱟ ᱾ ᱥᱟᱣᱳᱛᱷ ᱠᱳᱨᱤᱭᱟ ᱤᱱᱪᱤᱭᱳᱱ ᱨᱮᱭᱟᱜ ᱒00᱕ ᱮᱟᱤᱭᱟᱱ ᱪᱟᱢᱯᱤᱭᱟᱱᱥᱤᱯ ᱨᱮ ᱘00 ᱢ. ᱫᱟ.ᱲ ᱨᱮ ᱨᱩᱯᱟ. ᱢᱮᱰᱟᱞ ᱫᱟᱲᱮ ᱠᱟᱱᱟᱭ ᱾

ᱱᱚᱣᱟ ᱠᱚ ᱧᱮᱞᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Soundarajan Shanti | Profile". Iaaf.org. Retrieved 2016-08-02.
  2. "Poll ticket, crowd-funded academy on Santhi's agenda – The Times of India". The Times Of India.
  3. "Santhi 'medal should be returned'". BBC News. 14 September 2009.
  4. "Santhi scandal an insult to all Tamils | Zee News". Zeenews.india.com. 2006-12-20. Retrieved 2016-08-02.
  5. "Failed gender test forces Olympian to redefine athletic career – ESPN The Magazine". Espn.go.com. 2012-08-01. Retrieved 2016-08-02.
  6. 5 Dec 2016 (2016-12-05). "Gopi Shankar Madurai on Twitter: "Cannot believe she is no more #RipAmma #Jayalalitha is a legacy "". Twitter. Retrieved 2017-03-02.