ᱥᱣᱚᱯᱱᱟ ᱵᱚᱨᱢᱚᱱ
 ᱥᱤᱧᱚᱛ ᱨᱮᱱ ᱥᱣᱚᱯᱱᱟ ᱵᱚᱨᱢᱚᱱ | |||||||||||||||||||||||||||||
| ᱠᱷᱮᱞᱚᱸᱰᱤᱭᱟᱹ ᱩᱯᱩᱨᱩᱢ | |||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| ᱡᱟᱱᱟᱢ | ᱒᱙ ᱚᱠᱴᱚᱵᱚᱨ ᱑᱙᱙᱖[᱑] ᱜᱷᱳᱥᱯᱟᱨᱟ, ᱡᱚᱞᱯᱟᱭᱜᱩᱲᱤ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ | ||||||||||||||||||||||||||||
| ᱴᱚᱴᱷᱟ ᱱᱟᱜᱟᱨ | ᱜᱷᱳᱥᱯᱟᱨᱟ, ᱡᱚᱞᱯᱟᱭᱜᱩᱲᱤ, ᱯᱚᱪᱷᱤᱢ ᱵᱟᱝᱞᱟ | ||||||||||||||||||||||||||||
| ᱠᱷᱮᱞᱚᱸᱰ | |||||||||||||||||||||||||||||
| ᱫᱤᱥᱚᱢ |  ᱥᱤᱧᱚᱛ | ||||||||||||||||||||||||||||
| ᱠᱷᱮᱞ | ᱮᱛᱷᱞᱮᱴᱤᱠᱥ | ||||||||||||||||||||||||||||
| ᱵᱤᱵᱷᱟᱜᱽ(ᱠᱚ) | ᱦᱮᱯᱴᱟᱛᱷᱞᱚᱱ | ||||||||||||||||||||||||||||
| ᱢᱟᱹᱱ ᱟᱨ ᱥᱤᱨᱯᱷᱟᱹ | |||||||||||||||||||||||||||||
| ᱯᱟᱨᱥᱚᱱᱟᱞ ᱥᱚᱨᱮᱥ(s) | ᱖᱐᱒᱖ ᱯᱚᱭᱮᱱᱴ (ᱡᱟᱠᱟᱨᱛᱟ ᱒᱐᱑᱘) | ||||||||||||||||||||||||||||
ᱥᱤᱨᱯᱷᱟᱹ ᱨᱮᱭᱟᱜ ᱠᱟᱛᱷᱟ
| |||||||||||||||||||||||||||||
| 27 April 2019 ᱢᱟᱹᱦᱤᱛ ᱟᱯᱰᱮᱰ ᱟᱠᱟᱱᱟ | |||||||||||||||||||||||||||||
ᱥᱣᱚᱯᱱᱟ ᱵᱚᱨᱢᱚᱱ (ᱡᱟᱱᱟᱢ ᱒᱙ ᱚᱠᱴᱚᱵᱚᱨ ᱑᱙᱙᱖) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱦᱮᱯᱴᱟᱛᱷᱞᱤᱴ ᱠᱟᱱᱟᱭ᱾ ᱩᱱᱤ ᱫᱚ ᱒᱐᱑᱘ ᱮᱥᱤᱭᱟᱱ ᱜᱮᱢᱥ ᱨᱮ ᱥᱚᱱᱟ ᱢᱮᱰᱟᱞ ᱡᱤᱛᱠᱟ.ᱨ ᱟᱠᱟᱫᱟ ᱟᱨ ᱒᱐᱑᱗ ᱮᱥᱤᱭᱟᱱ ᱮᱛᱷᱞᱮᱴᱤᱠᱥ ᱪᱟᱢᱯᱤᱭᱟᱱᱥᱤᱯ ᱨᱮ ᱦᱮᱯᱴᱟᱛᱷᱞᱚᱱ ᱨᱮ ᱯᱩᱭᱞᱩ ᱴᱷᱟᱶ ᱮ ᱟᱢᱮᱴ ᱟᱠᱟᱫᱟ᱾[᱒] ᱟᱜᱚᱥᱴ ᱒᱐᱑᱙ ᱨᱮ ᱩᱱᱤ ᱫᱚ ᱚᱨᱡᱩᱱ ᱟᱨᱟᱰ ᱛᱮᱭ ᱢᱟᱹᱱ ᱟᱠᱟᱱᱟ᱾[᱓] ᱒᱐᱒᱒ ᱥᱮᱨᱢᱟ ᱨᱮ ᱡᱟᱹᱛᱤᱭᱟᱹᱨᱤ ᱠᱷᱮᱞᱚᱸᱰ ᱨᱮ ᱦᱮᱯᱴᱟᱛᱷᱞᱚᱱ ᱟᱨ ᱦᱟᱭ ᱡᱟᱢᱯ ᱨᱮ ᱥᱚᱱᱟ ᱢᱮᱰᱟᱞ ᱮ ᱟᱢᱮᱴ ᱞᱮᱫᱟ᱾
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱚᱨᱢᱚᱱ ᱫᱚ ᱑᱙᱙᱖ ᱥᱮᱨᱢᱟ ᱨᱮ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱱᱟᱜ ᱡᱚᱞᱯᱟᱭᱜᱩᱲᱤ ᱥᱩᱨ ᱜᱷᱳᱥᱯᱟᱨᱟ ᱟᱹᱛᱩ ᱨᱮ ᱢᱤᱫ ᱨᱮᱸᱜᱮᱡ ᱨᱟᱡᱽᱵᱚᱝᱥᱤ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ᱾[᱔] ᱵᱟᱱᱟᱨ ᱠᱟᱴᱟ ᱨᱮ ᱛᱩᱨᱩᱭ ᱜᱚᱴᱟᱱ ᱠᱟᱛᱮ ᱠᱟᱹᱴᱩᱵ ᱛᱟᱦᱮᱱ ᱫᱚ ᱱᱩᱭ ᱞᱟᱹᱜᱤᱫ ᱦᱟᱦᱟᱲᱟ ᱜᱮ᱾[᱕] ᱟᱡᱤᱡ ᱟᱭᱳ ᱵᱟᱥᱚᱱᱟ ᱫᱚ ᱢᱤᱫ ᱪᱟ ᱵᱟᱜᱟᱱ ᱨᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱟᱨ ᱟᱡ ᱵᱟᱵᱟ ᱯᱚᱧᱪᱟᱱᱚᱱ ᱵᱚᱨᱢᱚᱱ ᱫᱚ ᱢᱤᱫ ᱨᱤᱠᱥᱟᱰᱟᱭᱵᱷᱚᱨ ᱠᱟᱱᱟᱭ᱾[᱕] ᱟᱨ ᱒᱐᱑᱓ ᱨᱮ ᱤᱥᱴᱨᱚᱠ ᱦᱩᱭ ᱞᱮᱱ ᱛᱟᱭᱚᱢ ᱟᱡ ᱨᱮᱱ ᱯᱩᱱᱭᱟ ᱜᱤᱫᱽᱨᱟᱹ ᱞᱟᱹᱜᱤᱫ ᱡᱤᱭᱚᱱ ᱫᱚ ᱟᱹᱰᱤ ᱟᱱᱟᱴ ᱨᱮᱭ ᱧᱩᱨ ᱞᱮᱫᱟ᱾ ᱩᱱᱤ ᱫᱚ ᱵᱷᱟᱜᱮ ᱡᱚᱢᱟᱜ ᱧᱟᱢ ᱨᱮ ᱫᱚ ᱟᱹᱰᱤ ᱱᱟᱪᱟᱨ ᱜᱮᱭ ᱛᱟᱦᱮᱸ ᱠᱟᱱᱟ ᱟᱨ ᱟᱡᱟᱜ ᱵᱟᱹᱲᱛᱤ ᱠᱟᱹᱴᱩᱵ ᱠᱷᱟᱹᱛᱤᱨ ᱫᱟᱹᱲ ᱛᱮᱦᱚᱸ ᱦᱟᱹᱥᱩᱭ ᱫᱮ ᱛᱟᱦᱮᱸᱫ ᱪᱮᱫᱟᱜ ᱥᱮ ᱩᱱᱤ ᱫᱚ ᱟᱡ ᱞᱟᱹᱜᱤᱫ ᱵᱷᱮᱜᱟᱨ ᱫᱟᱹᱫᱟᱹᱲ ᱯᱟᱱᱟᱦᱤ ᱵᱟᱭ ᱦᱟᱛᱟᱣ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱫ᱾[᱕] ᱥᱣᱚᱯᱱᱟ ᱫᱚ ᱟᱡᱟᱜ ᱥᱤᱨᱯᱷᱟᱹ ᱨᱮᱭᱟᱜ ᱠᱟᱹᱣᱰᱤ ᱜᱷᱟᱨᱚᱸᱡᱽ ᱪᱟᱞᱟᱣ ᱨᱮᱭ ᱵᱮᱵᱷᱟᱨᱮᱫ ᱛᱟᱦᱮᱸᱫ, ᱱᱩᱠᱩ ᱫᱚ ᱯᱟᱠᱟ ᱚᱲᱟᱜ ᱫᱚ ᱵᱟᱝ ᱛᱟᱦᱮ ᱠᱟᱱ ᱛᱟᱠᱚᱣᱟ᱾[᱖] ᱒᱐᱑᱖ ᱥᱟᱞᱮ ᱨᱮ ᱩᱱᱤ ᱫᱚ ᱟᱛᱷᱞᱮᱴᱤᱠᱥ ᱨᱮ ᱟᱡᱟᱜ ᱮᱱᱮᱢ ᱞᱟᱹᱜᱤᱫ ᱛᱮ ᱑,᱕᱐,᱐᱐᱐ ᱴᱟᱠᱟ ᱥᱠᱳᱞᱟᱨᱥᱤᱯ ᱡᱤᱛᱠᱟᱹᱨ ᱠᱮᱫᱼᱟ᱾ ᱩᱱᱤ ᱫᱚ ᱠᱚᱞᱠᱟᱛᱟ ᱨᱮ ᱥᱤᱧᱚᱛ ᱥᱯᱳᱴᱥ ᱚᱛᱷᱚᱨᱤᱴᱤ ᱨᱮᱭᱟᱜ ᱠᱟᱢᱯᱟᱥ ᱨᱮ ᱴᱨᱮᱱᱤᱝ ᱮᱫᱟ᱾[᱕]
᱒᱐᱑᱖ ᱥᱟᱞᱮ ᱨᱮ, ᱩᱱᱤ ᱫᱚ ᱜᱳᱥᱯᱚᱨᱴᱥ ᱯᱷᱚᱣᱩᱱᱰᱮᱥᱚᱱ ᱦᱚᱛᱮᱛᱮ ᱨᱟᱦᱩᱞ ᱰᱨᱟᱵᱷᱤᱰ ᱟᱛᱷᱞᱮᱴ ᱢᱮᱱᱴᱚᱨᱥᱤᱯ ᱯᱨᱚᱜᱨᱟᱢ (Rahul Dravid Athlete Mentorship Programme) ᱫᱟᱨᱟᱭ ᱛᱮ ᱥᱚᱦᱚᱫ ᱮ ᱧᱟᱢ ᱞᱮᱫ-ᱟ᱾
᱒᱐᱑᱘ ᱮᱥᱤᱭᱟᱱ ᱠᱷᱮᱞᱚᱸᱰ ᱨᱮ ᱵᱟᱨᱢᱟᱱ ᱫᱚ ᱥᱤᱨᱯᱷᱟᱹᱭ ᱟᱢᱮᱴ ᱠᱮᱫᱼᱟ᱾ ᱩᱱᱤ ᱫᱚ ᱢᱟᱹᱥᱠᱩᱲᱟ ᱵᱟᱡᱟᱣ ᱛᱩᱞᱩᱪ ᱦᱚᱸ ᱱᱚᱣᱟ ᱡᱤᱛᱠᱟᱹᱨ ᱞᱮᱱᱟ᱾ ᱒᱐᱑᱗ ᱮᱥᱤᱭᱟᱱ ᱟᱛᱷᱞᱮᱴᱤᱠᱥ ᱪᱟᱢᱯᱤᱭᱟᱱᱥᱤᱯ–ᱛᱤᱨᱞᱟᱹ ᱦᱮᱯᱴᱟᱛᱷᱞᱚᱱ ᱨᱮ ᱩᱱᱤᱭᱟᱜ ᱢᱚᱱ ᱵᱷᱟᱸᱜᱟᱣ ᱞᱮᱱ ᱛᱟᱭᱟ ᱪᱮᱫᱟᱜ ᱥᱮ ᱘᱐᱐ ᱢᱤᱴᱟᱨ ᱮ ᱨᱮ ᱩᱱᱤ ᱫᱚ ᱯᱩᱱᱟᱜ ᱴᱷᱟᱶ ᱮ ᱦᱟᱢᱮᱴ ᱞᱮᱫᱟ᱾ ᱢᱮᱱᱠᱷᱟᱱ ᱵᱟᱨᱢᱟᱱ ᱟᱡᱟᱜ ᱟᱭᱢᱟ ᱯᱚᱨᱥᱚᱱᱟᱞ ᱨᱮᱠᱚᱨᱰ ᱠᱚᱭ ᱨᱟᱹᱯᱩᱫ ᱞᱮᱫ ᱛᱟᱦᱮᱸᱫ ᱟᱨ ᱩᱱᱤ ᱫᱚ ᱯᱩᱭᱞᱩ ᱖ ᱜᱚᱴᱟᱝ ᱠᱷᱮᱞᱚᱸᱰ ᱠᱷᱚᱱ ᱥᱚᱱᱟ ᱥᱤᱨᱯᱷᱟᱹᱭ ᱟᱢᱮᱴ ᱞᱟᱹᱜᱤᱫ ᱞᱟᱹᱠᱛᱤᱭᱟᱱ ᱯᱚᱭᱮᱱᱴ ᱮ ᱦᱟᱹᱨ ᱞᱮᱫᱟ᱾
᱒᱐᱒᱐ ᱨᱮ ᱩᱱᱤᱭᱟᱜ ᱠᱟᱹᱣᱰᱤ ᱜᱚᱲᱚ ᱧᱟᱢ ᱵᱚᱱᱫᱚ ᱮᱱ ᱛᱟᱭᱟ ᱢᱮᱱᱠᱷᱟᱱ ᱩᱱᱤ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱡᱚᱞᱯᱟᱭᱜᱩᱲᱤ ᱨᱮ ᱟᱡᱟᱜ ᱚᱲᱟᱜ ᱨᱮ ᱴᱨᱮᱱᱤᱝ ᱮ ᱪᱟᱞᱟᱣ ᱤᱫᱤᱭᱟ ᱢᱮᱱᱛᱮᱭ ᱵᱟᱲᱟᱭ ᱚᱪᱚ ᱟᱠᱟᱫᱟ᱾
ᱩᱱᱤ ᱫᱚ ᱒᱐᱒᱑ ᱯᱷᱮᱰᱮᱨᱮᱥᱚᱱ ᱠᱚᱯ ᱥᱤᱱᱤᱭᱚᱨ ᱟᱛᱷᱞᱮᱴᱤᱠᱥ ᱪᱟᱢᱯᱤᱭᱟᱱᱥᱤᱯ ᱨᱮ ᱦᱮᱯᱴᱮᱞᱚᱱ ᱨᱮ ᱥᱚᱱᱟ ᱥᱤᱨᱯᱷᱟᱹᱭ ᱟᱢᱮᱴ ᱠᱮᱫᱼᱟ ᱟᱨ ᱒᱐᱒᱒ ᱨᱮ ᱩᱱᱤ ᱫᱚ ᱦᱮᱯᱴᱮᱞᱚᱱ ᱨᱮ ᱡᱟᱹᱛᱤᱭᱟᱹᱨᱤ ᱠᱷᱮᱞ ᱨᱮ ᱥᱮᱞᱮᱫ ᱞᱮᱱᱟᱭ᱾ ᱩᱱᱤ ᱫᱚ ᱑.᱘᱓ ᱢᱤᱴᱚᱨ ᱩᱥᱩᱞ ᱫᱚᱱ ᱠᱟᱛᱮ ᱩᱥᱩᱞ ᱫᱚᱱ ᱠᱷᱮᱞᱚᱸᱰ ᱨᱮᱠᱚᱨᱰ ᱵᱷᱟᱸᱜᱟᱣ ᱠᱟᱛᱮ ᱢᱤᱫ ᱵᱟᱝ ᱟᱸᱥ ᱟᱱ ᱥᱚᱱᱟᱭ ᱦᱟᱢᱮᱴ ᱠᱮᱫᱼᱟ᱾ ᱩᱱᱤ ᱫᱚ ᱡᱟᱵᱷᱞᱤᱱ ᱟᱨ ᱑᱐᱐ ᱢᱤᱴᱚᱨ ᱦᱚᱨᱰᱮᱞᱥ ᱨᱮ ᱯᱩᱭᱞᱩ ᱨᱮ ᱛᱟᱦᱮᱸ ᱠᱟᱱᱟᱭ᱾ ᱩᱱᱤ ᱫᱚ ᱦᱮᱯᱴᱟᱛᱷᱚᱞᱚᱱ ᱨᱮ ᱥᱚᱱᱟ ᱡᱤᱛᱠᱟ.ᱨ ᱠᱮᱫᱟ ᱟᱨ ᱩᱱᱤ ᱢᱮᱱ ᱠᱮᱫᱟ ᱡᱮ ᱩᱱᱤ ᱫᱚ ᱥᱯᱚᱱᱥᱟᱨ ᱠᱟᱹᱢᱤᱭᱟᱹ ᱠᱚᱣᱟᱜ ᱞᱟᱹᱭ ᱥᱠᱚᱨ ᱠᱷᱚᱱ ᱦᱚᱸ ᱵᱟᱹᱲᱛᱤ ᱥᱠᱳᱨ ᱮ ᱠᱚᱨᱟᱣ ᱫᱟᱲᱮᱭᱟᱜᱼᱟ᱾[᱗]
ᱦᱟᱢᱮᱴ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱥᱮᱨᱢᱟ | ᱴᱷᱟᱶ | ᱜᱷᱚᱴᱚᱱ | ᱯᱚᱭᱮᱱᱴ | ᱚᱨᱡᱚ |
|---|---|---|---|---|
| ᱒᱐᱑᱗ | ᱠᱚᱞᱤᱝᱜᱚ ᱥᱴᱮᱰᱤᱭᱟᱢ, ᱵᱷᱩᱢᱱᱮᱥᱣᱚᱨ | ᱦᱮᱯᱴᱟᱛᱷᱞᱚᱱ | ᱕᱙᱔᱒ | ᱥᱚᱱᱟ |
| ᱒᱐᱑᱙ | ᱠᱷᱟᱞᱤᱯᱷᱟ ᱡᱮᱡᱟᱹᱛᱤᱭᱟᱹᱨᱤ ᱥᱴᱮᱰᱤᱭᱟᱢ, ᱫᱳᱦᱟ | ᱦᱮᱯᱴᱟᱛᱷᱞᱚᱱ | ᱕᱙᱙᱓ | ᱨᱩᱯᱟᱹ |
ᱯᱷᱮᱰᱟᱨᱮᱥᱟᱱ ᱠᱟᱯ
| ᱥᱮᱨᱢᱟ | ᱴᱷᱟᱶ | ᱜᱷᱚᱴᱟᱱ | ᱯᱚᱭᱮᱱᱴ | ᱚᱨᱡᱚ |
|---|---|---|---|---|
| ᱒᱐᱑᱗ | ᱡᱚᱦᱚᱨᱞᱟᱞ ᱱᱮᱦᱮᱨᱩ ᱥᱴᱮᱰᱤᱭᱟᱢ, ᱱᱟᱶᱟ ᱫᱤᱞᱞᱤ | ᱦᱮᱯᱴᱟᱛᱷᱞᱚᱱ | ᱕᱘᱙᱗ | ᱥᱚᱱᱟ |
ᱮᱥᱤᱭᱟᱱ ᱜᱮᱢᱥ
| ᱥᱮᱨᱢᱟ | ᱴᱷᱟᱶ | ᱜᱷᱚᱴᱚᱱ | ᱯᱚᱭᱮᱱᱴ | ᱚᱨᱡᱚ |
|---|---|---|---|---|
| ᱒᱐᱑᱔ | ᱤᱱᱪᱮᱣᱚᱱ ᱮᱥᱤᱭᱟᱰ ᱢᱮᱱ ᱥᱴᱮᱰᱤᱭᱟᱢ | ᱦᱮᱯᱴᱟᱛᱷᱞᱚᱱ | ᱕᱑᱗᱘ | ᱕ ᱟᱱ ᱴᱷᱟᱶ |
| ᱒᱐᱑᱘ | ᱡᱮᱞᱳᱨᱟ ᱵᱩᱝ ᱠᱟᱨᱱᱳ ᱥᱴᱮᱰᱤᱭᱟᱢ | ᱦᱮᱯᱴᱟᱛᱷᱞᱚᱱ | ᱖᱐᱒᱖ | ᱥᱚᱱᱟ |
᱒᱑᱐᱘ ᱜᱮᱢᱥ ᱨᱮ ᱥᱚᱱᱟ ᱡᱤᱛᱠᱟᱹᱨ ᱞᱟᱹᱜᱤᱫ ᱥᱤᱨᱯᱷᱟᱹ
- ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱠᱷᱚᱱ
10 ᱞᱟᱠᱷ (US$᱑᱓,᱙᱐᱐) ᱴᱟᱠᱟ᱾ [᱘]
ᱵᱟᱨᱦᱮ ᱡᱚᱱᱚᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱛᱩᱢᱟᱹᱞ ᱦᱩᱲᱟᱹᱜ:Invalid
<ref>tag; no text was provided for refs namediaaf - ↑ ᱛᱩᱢᱟᱹᱞ ᱦᱩᱲᱟᱹᱜ:Invalid
<ref>tag; no text was provided for refs namedindex - ↑ "Dream come true, says heptathlete Swapna Barman on being choosen [sic] for Arjuna Award". Yahoo! News. 28 August 2019. Archived from the original on 28 August 2019. Retrieved 28 August 2019.
- ↑ Aishik Chnada (31 August 2018). "Mother and coach behind Swapna Barman's gold in Asian games". The New Indian Express. Retrieved 30 April 2019.
- ↑ ᱕.᱐ ᱕.᱑ ᱕.᱒ ᱕.᱓ "Swapna Barman Receives GSI Sports Scholarship - Company CSR | Largest CSR News Network - Social Responsibilities Give Better World". Company CSR | Largest CSR News Network. 25 January 2016. Retrieved 17 July 2017.
- ↑ Sarkar, Sujata (24 August 2017). "Swapna Barman on comeback wins gold, pledges for a job to run her ailing family". Oneindia. Retrieved 17 July 2017.
- ↑ "Swapna Barman wins double gold at National Games 2022". Khel Now (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2022-12-11.
- ↑ PTI (30 August 2018). "West Bengal government announces cash award of Rs 10 lakh for Swapna Barman". Sportstar. Kolkata. Retrieved 30 April 2019.