ᱥᱤᱛᱟ ᱢᱚᱬᱤ ᱴᱩᱰᱩ

ᱥᱤᱛᱟ ᱢᱚᱬᱤ ᱴᱩᱰᱩ(Sitamani Tudu:English) ᱫᱚ ᱯᱩᱭᱩᱞᱩ ᱥᱟᱱᱛᱟᱲ ᱠᱟᱱᱟᱭ ᱡᱟᱦᱟᱸᱭ ᱥᱤᱧᱚᱛ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱵᱟᱥᱠᱮᱴ ᱵᱚᱞ ᱫᱚᱲ ᱨᱮ ᱴᱷᱟᱶ ᱮ ᱧᱟᱢ ᱞᱮᱫᱼᱟ ᱾

ᱡᱟᱱᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱛᱟᱢᱚᱬᱤ ᱴᱩᱰᱩ ᱑᱙᱙᱔ ᱥᱟᱞ ᱐᱔ ᱳᱠᱴᱳᱵᱚᱨ^[᱑] ᱨᱮ ᱟᱡ ᱵᱟᱵᱟ ᱜᱳᱯᱟᱞ ᱪᱚᱸᱫᱨᱚ ᱴᱩᱰᱩ ᱟᱨ ᱟᱡ ᱟᱭᱚ ᱡᱟᱹᱥᱢᱤ ᱴᱩᱰᱩ ᱦᱟᱜ ᱠᱚᱞᱮ ᱨᱮ ᱡᱟᱱᱟᱢ ᱞᱮᱱᱟᱭ^[᱒] ᱾ ᱟᱡᱟᱜ ᱡᱟᱱᱟᱢ ᱟᱹᱛᱩ ᱫᱚ ᱛᱤᱨᱤᱝ ᱛᱷᱟᱱᱟ ᱵᱚᱦᱚᱲᱫᱟ ᱵᱞᱚᱠ ᱵᱤᱱᱡᱷᱩᱣᱟᱹ ᱟᱹᱛᱩ ᱠᱟᱱᱟ^[᱓] ᱾ ᱟᱡ ᱵᱟᱵᱟ ᱫᱚ ᱥᱤᱧᱚᱛ ᱮᱱᱟᱜ ᱢᱤᱞᱤᱠᱴᱨᱤ ᱥᱮᱵᱟ ᱨᱮ ᱢᱮᱱᱟᱭᱟ ᱾ ᱟᱡ ᱵᱟᱵᱟ ᱴᱷᱮᱫ ᱠᱷᱚᱱ ᱜᱮ ᱟᱡ ᱠᱷᱮᱞᱚᱸᱫ ᱡᱤᱵᱚᱱ ᱮ ᱮᱛᱚᱦᱚᱵ ᱦᱟᱠᱟᱫᱼᱟ ᱾ ᱟᱡ ᱜᱤᱫᱨᱟᱹ ᱡᱚᱦᱚᱜ ᱵᱟᱵᱟ ᱥᱟᱶ ᱫᱤᱱᱟᱹᱢ ᱥᱮᱛᱟᱜ ᱮ ᱫᱟᱹᱲ ᱵᱟᱲᱟᱭ ᱛᱟᱦᱮᱸᱫ , ᱚᱱᱰᱮ ᱠᱷᱚᱥᱱ ᱟᱡᱟᱜ ᱠᱷᱮᱞ ᱞᱟᱹᱜᱤᱫ ᱨᱟᱹᱥᱠᱟᱹ ᱥᱤᱨᱡᱟᱹᱣ ᱮᱱ ᱛᱟᱭᱟ ᱾

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱞᱚᱜ ᱯᱟᱲᱦᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱛᱟᱢᱚᱬᱤ ᱴᱩᱰᱩ ᱯᱩᱭᱞᱩ ᱪᱟᱱᱚᱪ ᱠᱷᱚᱱ ᱛᱩᱨᱩᱭ ᱪᱟᱱᱚᱪ ᱒᱐᱐᱗ ᱥᱟᱞ ᱫᱷᱟᱹᱵᱤᱡ ᱟᱹᱛᱩ ᱟᱥᱲᱟ ᱵᱤᱱᱡᱷᱩᱣᱟᱹ ᱭᱩ ᱯᱤ ᱱᱳᱰᱟᱞ ᱟᱥᱲᱟ ᱨᱮ ᱯᱟᱲᱦᱟᱣ ᱮᱱᱟᱭ ᱾ ᱚᱱᱟ ᱥᱮᱨᱢᱟ ᱜᱮ ᱟᱠᱚ ᱵᱞᱚᱠ ᱵᱚᱦᱚᱲᱫᱟ ᱨᱮ ᱠᱷᱮᱞᱚᱱᱰᱤᱭᱟᱹ ᱵᱟᱪᱷᱚᱱ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ,ᱚᱱᱰᱮ ᱟᱡ ᱵᱟᱪᱷᱚ ᱮᱱ ᱛᱟᱭᱚᱢ ᱫᱚᱦᱲᱟ ᱵᱟᱹᱨᱤᱯᱟᱫᱟ ᱟᱨ ᱵᱷᱩᱵᱚᱱᱮ ᱥᱚᱨ ᱨᱮ ᱵᱟᱪᱷᱚᱱ ᱦᱩᱭ ᱮᱱᱟ, ᱚᱱᱰᱮ ᱦᱚᱸ ᱟᱡ ᱯᱚᱱᱚᱛ ᱡᱟᱠᱟᱛ ᱠᱷᱚᱱ ᱦᱮᱡ ᱦᱟᱠᱟᱱ ᱠᱷᱮᱞᱚᱱᱰᱤᱭᱟᱹ ᱥᱟᱶ ᱦᱮᱯᱨᱟᱣ ᱠᱟᱛᱮᱫ ᱵᱷᱩᱵᱱᱮᱥᱚᱨ ᱥᱚᱨᱠᱟᱨᱤ ᱥᱯᱚᱨᱴᱥ ᱦᱚᱥᱴᱮᱞ ᱞᱟᱹᱜᱤᱫ ᱮ ᱵᱟᱪᱷᱳᱱ ᱮᱱᱟ ᱾
᱒᱐᱑᱑ ᱥᱟᱞ ᱨᱮ ᱚᱱᱟ ᱥᱯᱳᱨᱴᱥ ᱦᱚᱥᱴᱮᱞ ᱨᱮ ᱛᱟᱦᱮᱸ ᱠᱟᱛᱮᱫ ᱵᱷᱩᱵᱚᱱᱮᱥᱚᱨ ᱨᱮᱱᱟᱜ ᱭᱩᱱᱤᱴ ᱔ ᱜᱟᱨᱞᱥ ᱦᱟᱭᱤᱥᱠᱩᱞ ᱨᱮ ᱢᱮᱴᱨᱤᱠ ᱫᱷᱟᱹᱵᱤᱡ ᱮ ᱯᱟᱲᱦᱟᱣ ᱮᱱᱟ ᱾ ᱢᱮᱴᱨᱤᱠ ᱯᱟᱥ ᱠᱮᱫ ᱛᱟᱭᱚᱢ ᱚᱱᱟ ᱥᱮᱢᱟ ᱜᱮ ᱵᱷᱩᱵᱱᱮᱥᱚᱨ ᱨᱮᱱᱟᱜ ᱵᱤᱡᱩ ᱯᱟᱴᱱᱟᱭᱮᱠ ᱠᱚᱞᱮᱡ ᱚᱯᱷ ᱟᱨᱴᱥ ᱟᱱᱰ ᱥᱟᱭᱤᱱᱥ ᱠᱚᱞᱮᱡ ᱨᱮ ᱤᱱᱴᱚᱨᱢᱤᱰᱤᱭᱮᱴ ᱚᱞᱚᱜ ᱞᱟᱹᱜᱤᱫ ᱮ ᱫᱟᱠᱷᱚᱞ ᱮᱱᱟᱭ ᱟᱨ ᱒᱐᱑᱓ ᱥᱟᱞ ᱨᱮ ᱯᱟᱥ ᱠᱮᱫᱼᱟᱭ ᱾ᱚᱱᱟ ᱥᱟᱞ ᱨᱮ ᱤᱥᱴᱚᱨᱱ ᱨᱮᱞᱵᱟᱭ ᱨᱮ ᱪᱟᱹᱠᱨᱤ ᱧᱟᱢ ᱠᱮᱫᱟᱭ ^[᱔]᱿ ᱪᱟᱹᱠᱨᱤ ᱛᱩᱞᱩᱡ ᱟᱡ ᱵᱷᱩᱵᱚᱱᱮᱥᱚᱨ ᱨᱮᱱᱟᱜ ᱵᱤ ᱡᱮ ᱵᱤ ᱠᱚᱞᱮᱡ ᱨᱮᱱᱟᱜ ᱤᱜᱱᱳ ᱠᱷᱚᱱ ᱥᱟᱺᱜᱤᱧ ᱯᱟᱲᱦᱟᱣ ᱛᱮ ᱒᱐᱑᱖ ᱥᱟᱞ ᱨᱮ ᱨᱟᱡᱟᱹᱨᱤ ᱥᱟᱬᱮᱥ ᱨᱮ ᱜᱨᱟᱡᱩᱮᱥᱚᱱ ᱮ ᱯᱟᱥ ᱠᱮᱫᱼᱟ

ᱠᱷᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱤᱭᱟᱹ ᱚᱞᱚᱜ ᱯᱟᱲᱦᱟᱣ ᱛᱟᱞᱟᱨᱮ ᱟᱡ ᱒᱐᱐᱙ ᱥᱟᱞ ᱨᱮ ᱡᱩᱱᱤᱭᱚᱨ ᱱᱮᱥᱱᱟᱞ ᱪᱷᱟᱢᱯᱭᱟᱱᱥᱤᱯ ᱠᱷᱮᱞ ᱞᱟᱹᱜᱤᱫ ᱳᱰᱤᱥᱟ ᱯᱚᱱᱚᱛ ᱯᱟᱦᱴᱟ ᱠᱷᱚᱱ ᱫᱟᱣ ᱮ ᱧᱟᱢ ᱠᱮᱫᱼᱟ ᱾ ᱚᱱᱟ ᱥᱮᱨᱢᱟ ᱜᱮ ᱡᱩᱱᱤᱭᱚᱨ ᱨᱮᱱᱟᱜ ᱠᱷᱮᱞ ᱧᱮᱞ ᱠᱟᱛᱮᱫ ᱥᱤᱱᱤᱭᱚᱨ ᱪᱚᱢᱯᱭᱟᱱᱥᱤᱯ ᱨᱮᱦᱚᱸ ᱠᱷᱮᱞ ᱞᱟᱹᱜᱤᱫ ᱫᱟᱣ ᱠᱚ ᱮᱢᱟ ᱦᱟᱫᱮᱭᱟ ᱿ ᱒᱐᱑᱓ ᱥᱟᱞ ᱨᱮ ᱟᱡ ᱤᱥᱴᱚᱨᱱ ᱨᱮᱞᱵᱟᱭ ᱨᱮ ᱪᱟᱹᱠᱨᱤ ᱧᱟᱢ ᱠᱮᱫᱟᱭ ,ᱪᱟᱹᱠᱨᱤ ᱛᱩᱞᱩᱡ ᱒᱐᱑᱕ ᱥᱟᱞ ᱨᱮ ᱯᱩᱭᱩᱞᱩ ᱫᱷᱟᱣ ᱥᱤᱧᱚᱛ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱫᱚᱲ ᱨᱮ ᱴᱷᱟᱶ ᱮᱧᱟᱢ ᱠᱮᱫᱼᱟ ᱟᱨ ᱪᱟᱭᱱᱟ ᱨᱮᱱᱟᱜ ᱩᱣᱟᱱ ᱨᱮ ᱯᱷᱤᱵᱟ ᱮᱥᱤᱭᱟ ᱠᱚᱯ ᱠᱷᱮᱞ ᱞᱟᱹᱜᱤᱫ ᱫᱟᱣ ᱮ ᱧᱟᱢ ᱠᱮᱫᱼᱟ^[᱕] br> ᱒᱐᱑᱔ ᱥᱟᱞ ᱠᱷᱚᱱ ᱒᱐᱑᱗ ᱥᱟᱞ ᱫᱷᱟᱹᱵᱤ ᱟᱡ ᱞᱮᱛᱟᱲ ᱡᱟᱹᱛᱤᱭᱟᱹᱨᱤ ᱫᱚᱲ ᱨᱮᱱᱟᱜ ᱠᱮᱢᱯ ᱨᱮ ᱥᱮᱞᱮᱫ ᱦᱮᱡ ᱦᱟᱠᱟᱱᱟᱭ ᱾ ᱱᱤᱛ ᱦᱚᱸ ᱟᱡᱟᱜ ᱠᱷᱮᱞ ᱨᱮᱞᱵᱟᱭ ᱯᱟᱦᱴᱟ ᱠᱷᱚᱱ ᱛᱚᱸᱜᱮ ᱢᱮᱱᱟᱜ ᱜᱮᱭᱟ ᱾

ᱠᱳᱪ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱐᱘ ᱠᱷᱚᱱ ᱒᱐᱑᱒ ᱫᱷᱟᱹᱵᱤᱡ ᱟᱡ ᱥᱯᱳᱨᱴᱥ ᱦᱚᱥᱴᱮᱞ ᱨᱮ ᱛᱟᱦᱮᱸ ᱞᱮᱱᱟᱭ ᱾ ᱵᱷᱩᱵᱱᱮᱥᱚᱨ ᱥᱯᱚᱨᱴᱥ ᱦᱚᱥᱴᱮᱞ ᱨᱮ ᱫᱚ ᱫᱟᱹᱲ ᱟᱨ ᱫᱚᱱ ᱞᱟᱹᱜᱤᱫ ᱮ ᱵᱟᱪᱷᱚᱱ ᱞᱮᱱ ᱛᱟᱦᱮᱸᱫ ᱾ ᱤᱠᱷᱟᱹᱱ ᱚᱱᱰᱮ ᱵᱷᱩᱨᱛᱤ ᱮᱱ ᱛᱟᱭᱚᱢ ᱟᱡ ᱨᱤᱱ ᱠᱳᱪ ᱥᱚᱨᱤᱛᱟ ᱥᱟᱢᱚᱱᱛᱚᱨᱟᱭ ᱟᱨ ᱨᱟᱡᱮᱥ ᱥᱤᱝ ᱛᱤᱠᱤᱱᱟᱜ ᱦᱩᱫᱤᱥ ᱛᱮ ᱟᱡᱟ ᱟᱡᱜ ᱠᱷᱮᱞ ᱫᱟᱹᱲ ᱫᱚᱱ ᱠᱷᱚᱱ ᱵᱟᱥᱠᱮᱴᱵᱚᱞ ᱛᱮ ᱵᱚᱫᱚᱞ ᱠᱮᱫᱼᱟᱭ ᱾ ᱥᱢᱚᱨᱤᱛᱟ ᱥᱟᱢᱚᱱᱛᱚᱨᱟᱭ, ᱨᱟᱡᱮᱥ ᱥᱤᱝ, ᱨᱟᱡᱮᱱᱫᱨᱚ ᱯᱟᱱᱤ ᱱᱩᱠᱩ ᱴᱷᱮᱫ ᱠᱷᱚᱱ ᱟᱡ ᱟᱡᱜᱟ ᱠᱷᱮᱞ ᱵᱤᱨᱫᱟᱹ ᱪᱮᱫ ᱦᱟᱠᱟᱱᱟᱭ ᱾

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱛᱟᱹ ᱢᱚᱬᱤ ᱦᱟᱜ ᱡᱤᱭᱚᱱ ᱪᱩᱨᱤᱛ ᱳᱨᱤ ᱥᱯᱳᱨᱴ ᱣᱮᱵᱥᱟᱭᱤᱴ ᱨᱮ

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

[1] ttps://www.fiba.basketball/asiawomen/2015/player/Sitamani-Tudu

[2] ttp://orisports.com/PersonDetails.aspx?pId=MTM4Mw==

[3] ttp://orisports.com/PersonDetails.aspx?pId=MTM4Mw==

[4] ttps://www.telegraphindia.com/1170401/jsp/t2/story_143789.jsp

[5] ttps://archive.fiba.com/pages/eng/fa/player/p/pid/124621/sid/8061/tid/301/tid2//_/2015_FIBA_Asia_Women_s_Championship/index.html

[᱑]

[᱒]

[᱓]

[᱔]

[᱕]