ᱥᱤᱝ ᱢᱩᱱ ᱫᱤᱥᱚᱢ ᱵᱟᱜᱟᱱ
ᱥᱤᱝ ᱢᱩᱱ ᱫᱤᱥᱚᱢ ᱵᱟᱜᱟᱱ (᱒᱔ ᱡᱩᱱ ᱑᱙᱗᱗ ᱨᱮ ᱵᱮᱱᱟᱣ ᱞᱮᱱᱟ) ᱫᱚ ᱦᱚᱝᱠᱚᱝ ᱨᱮᱱᱟᱜ ᱢᱤᱫ ᱠᱟᱱᱴᱨᱤ ᱯᱟᱨᱠ ᱠᱟᱱᱟ, ᱡᱟᱦᱟᱸ ᱫᱚ ᱥᱤᱝ ᱢᱩᱱ ᱡᱷᱟᱨᱱᱟ ᱜᱷᱮᱨᱟᱣ ᱟᱠᱟᱱᱟ ᱾
ᱴᱚᱴᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱛᱟᱞᱢᱟ ᱱᱟᱣᱟ ᱴᱚᱴᱷᱟ ᱨᱮ ᱢᱮᱱᱟᱜᱼᱟ, ᱱᱚᱣᱟ ᱑᱔ ᱥᱠᱚᱭᱟᱨ ᱠᱤᱞᱚᱢᱤᱴᱚᱨ (᱕.᱔ ᱥᱠᱚᱭᱟᱨ ᱢᱟᱭᱤᱞ) ᱴᱚᱴᱷᱟ ᱨᱮ ᱯᱟᱥᱱᱟᱣ ᱟᱠᱟᱱᱟ ᱾ ᱱᱚᱶᱟ ᱫᱚ ᱮᱛᱚᱢ ᱨᱮ ᱞᱮᱸᱰ ᱢᱟᱭᱤᱱ ᱯᱟᱥ ᱠᱷᱚᱱ ᱠᱚᱧᱮ ᱨᱮ ᱥᱤᱝ ᱢᱩᱱ ᱰᱟᱦᱟᱨ ᱟᱨ ᱯᱟᱪᱮ ᱨᱮ ᱛᱟᱭ ᱢᱳ ᱥᱟᱱ ᱠᱷᱚᱱ ᱠᱚᱧᱮ ᱨᱮ ᱜᱨᱟᱥᱥᱤ ᱦᱤᱞ ᱟᱨ ᱱᱮᱰᱞ ᱦᱤᱞ ᱦᱟᱹᱵᱤᱡ ᱥᱮᱱ ᱟᱠᱟᱱᱟ ᱾
ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙᱗᱑ ᱥᱮᱨᱢᱟ ᱨᱮᱭᱟᱜ ᱮᱛᱚᱦᱚᱵ ᱨᱮ, ᱢᱤᱫ "ᱯᱟᱭᱞᱚᱴ ᱥᱠᱮᱢ" ᱮᱦᱚᱵ ᱞᱮᱱᱟ ᱟᱨ ᱥᱟᱨ ᱰᱮᱵᱷᱤᱰ ᱴᱨᱮᱱᱪ ᱯᱷᱚᱸᱰ ᱯᱷᱚᱨ ᱨᱮᱠᱨᱮᱥᱚᱱ ᱠᱷᱚᱱ ᱯᱷᱚᱸᱰ ᱵᱮᱵᱷᱟᱨ ᱠᱟᱛᱮ ᱯᱤᱠᱱᱤᱠ ᱵᱮᱵᱚᱥᱛᱟ ᱨᱮᱭᱟᱜ ᱯᱨᱳᱴᱳᱴᱟᱭᱯ ᱮᱢ ᱦᱩᱭ ᱞᱮᱱᱟ ᱾ ᱱᱚᱶᱟ ᱠᱚ ᱧᱮᱧᱮᱞᱤᱭᱟᱹ ᱠᱚ ᱟᱞᱜᱟ ᱛᱮᱠᱚ ᱦᱟᱛᱟᱣ ᱠᱮᱫᱟ ᱾ ᱑᱙᱗᱗ ᱥᱮᱨᱢᱟ ᱨᱮ ᱱᱚᱶᱟ ᱴᱚᱴᱷᱟ ᱫᱚ ᱫᱤᱥᱚᱢ ᱨᱮᱭᱟᱜ ᱯᱟᱨᱠ ᱞᱮᱠᱟᱛᱮ ᱵᱮᱱᱟᱣ ᱮᱱᱟ ᱾
ᱵᱷᱮᱡᱮᱴᱮᱥᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱫᱚᱥᱟᱨ ᱡᱮᱜᱮᱛ ᱞᱟᱹᱲᱦᱟᱹᱭ ᱨᱮ ᱡᱟᱯᱟᱱᱤ ᱠᱚ ᱦᱳᱝᱠᱚᱝ ᱠᱚ ᱟᱯᱱᱟᱨ ᱞᱮᱫ ᱚᱠᱛᱚ ᱨᱮ, ᱯᱟᱨᱠ ᱨᱮᱱ ᱡᱟᱹᱥᱛᱤ ᱜᱟᱱ ᱵᱟᱜᱟᱱ ᱠᱚ ᱵᱚᱸᱜᱟ ᱵᱩᱨᱩ ᱞᱮᱱᱟ ᱾ ᱞᱟᱹᱲᱦᱟᱹᱭ ᱛᱟᱭᱚᱢ ᱟᱹᱰᱤ ᱢᱟᱨᱟᱝ ᱦᱟᱹᱴᱤᱧ ᱨᱮ ᱵᱷᱮᱡᱟᱨ ᱦᱩᱭ ᱞᱮᱱᱟ ᱾ ᱢᱩᱬᱩᱛ ᱡᱟᱹᱛᱤ ᱫᱚ ᱯᱟᱭᱱᱚᱥ ᱢᱟᱥᱳᱱᱤᱭᱟᱱᱟ ᱛᱟᱦᱮᱸ ᱠᱟᱱᱟ, ᱚᱠᱟ ᱫᱚ ᱯᱟᱭᱱᱚᱥ ᱮᱞᱤᱭᱳᱴᱴᱤ, ᱞᱚᱯᱷᱳᱥᱴᱮᱢᱚᱱ ᱠᱚᱸᱯᱟᱨᱴᱩᱥ, ᱢᱮᱞᱟᱞᱮᱭᱩᱠᱟ ᱠᱣᱤᱱᱠᱮᱱᱮᱨᱵᱤᱭᱟ ᱟᱨ ᱮᱠᱟᱥᱤᱟ ᱠᱚᱱᱯᱷᱩᱥᱟ ᱛᱟᱭᱚᱢ ᱛᱮ ᱠᱚ ᱥᱮᱞᱮᱫ ᱞᱮᱫᱼᱟ ᱾ ᱱᱤᱛᱚᱜ ᱱᱚᱶᱟ ᱴᱚᱴᱷᱟ ᱫᱚ ᱦᱳᱝᱠᱚᱝ ᱨᱮᱱᱟᱜ ᱢᱩᱬᱩᱛ ᱵᱩᱨᱩ ᱡᱟᱭᱜᱟ ᱠᱷᱚᱱ ᱢᱤᱫᱴᱟᱹᱝ ᱴᱷᱟᱶ ᱠᱟᱱᱟ ᱾
ᱵᱤᱨ ᱡᱟᱱᱣᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱚᱶᱟ ᱯᱟᱨᱠ ᱫᱚ ᱛᱥᱩᱣᱮᱱ ᱣᱟᱱ ᱨᱮᱱᱟᱜ ᱟᱹᱰᱤ ᱥᱟᱸᱜᱮ ᱦᱚᱲ ᱮᱞ ᱟᱜ ᱥᱚᱦᱚᱨ ᱴᱚᱴᱷᱟ ᱥᱩᱨ ᱨᱮ ᱢᱮᱱᱟᱜᱼᱟ, ᱚᱱᱟᱛᱮ ᱱᱚᱸᱰᱮ ᱟᱹᱰᱤ ᱠᱚᱢ ᱜᱮ ᱵᱤᱨ ᱡᱟᱱᱣᱟᱨ ᱠᱚ ᱧᱮᱞᱚᱜᱼᱟ ᱾ ᱟᱭᱢᱟ ᱞᱮᱠᱟᱱ ᱥᱟᱨᱟ ᱡᱟᱱᱣᱟᱨ ᱠᱚ ᱵᱮᱜᱚᱨ ᱟᱨᱦᱚᱸ ᱮᱴᱟᱜ ᱡᱟᱱᱣᱟᱨ ᱠᱚ ᱡᱮᱞᱮᱠᱟ: ᱥᱠᱤᱣᱟᱨᱞ, ᱵᱷᱮᱞᱤᱝ ᱰᱟᱨᱠ, ᱵᱷᱤᱞᱤᱝ ᱵᱷᱳᱨᱥ ᱟᱨ ᱯᱟᱱᱜᱚᱞᱤᱱᱥ ᱠᱚ ᱧᱮᱞᱚᱜᱼᱟ ᱾ ᱠᱮᱢ ᱥᱟᱱ ᱠᱮᱸᱰᱨᱤ ᱯᱟᱨᱠ ᱠᱷᱚᱱ ᱠᱚ ᱦᱮᱡ ᱟᱠᱟᱱᱟ ᱢᱮᱱᱛᱮ ᱵᱟᱰᱟᱭᱚᱜᱼᱟ, ᱚᱠᱚᱭ ᱠᱚᱫᱚ ᱚᱠᱛᱚ- ᱚᱠᱛᱚ ᱵᱩᱨᱩ ᱰᱟᱦᱟᱨ ᱠᱚᱨᱮ ᱠᱚ ᱧᱟᱢᱚᱜᱼᱟ ᱾