ᱦᱚᱝᱠᱚᱝ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱦᱚᱝᱠᱚᱝ

ᱦᱚᱝᱠᱚᱝ ᱫᱚ ᱪᱟᱭᱱᱟ ᱥᱟᱶᱛᱮ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱠᱤᱥᱟᱹᱬ ᱟᱨ ᱩᱛᱱᱟᱣᱟᱜ ᱱᱟᱜᱟᱨ ᱠᱟᱱᱟ ᱾ ᱦᱚᱝᱠᱚᱝ ᱫᱚ ᱫᱚᱥᱟᱨ ᱡᱮᱜᱮᱛ ᱞᱟᱹᱰᱷᱟᱹᱭ ᱨᱮᱱᱟᱜ ᱜᱮᱞ ᱥᱮᱨᱢᱟ ᱛᱮᱜᱮ ᱟᱹᱰᱤ ᱴᱟᱴᱠᱟᱭ ᱦᱟᱨᱟᱭᱮᱱᱟ ᱾ ᱱᱤᱛᱚᱜ ᱱᱚᱣᱟ ᱫᱚ ᱡᱚᱛᱚ ᱠᱷᱚᱱ ᱧᱩᱛᱟᱢᱟᱱ ᱠᱟᱹᱣᱰᱤᱭᱟᱱ ᱛᱟᱞᱢᱟ ᱠᱟᱱᱟ ᱾
ᱦᱚᱝᱠᱚᱝ ᱨᱤᱱ ᱦᱚᱲ ᱠᱚᱣᱟᱜ ᱮᱞ ᱫᱚ ᱮᱭᱟᱭ ᱢᱤᱞᱤᱭᱚᱱ ᱠᱷᱚᱱ ᱦᱚᱸ ᱠᱚ ᱵᱟᱹᱲᱛᱤᱜᱼᱟ ᱾ ᱠᱟᱹᱣᱰᱤᱭᱟᱹᱨᱤ ᱫᱚ ᱟᱹᱰᱤ ᱞᱟᱜᱮ ᱦᱟᱨᱟᱭᱮᱱᱟ ᱵᱮᱯᱟᱨ ᱮᱢᱟᱱ ᱛᱮ ᱟᱨ ᱟᱹᱰᱤ ᱠᱤᱥᱟᱹᱬ ᱵᱮᱱᱟᱣᱮᱱᱟ ᱾
ᱠᱚᱝᱠᱚᱝ ᱫᱚ ᱓ ᱢᱩᱬ ᱦᱟᱹᱴᱤᱧ ᱨᱮ ᱦᱟᱴᱟᱬ ᱜᱟᱱᱚᱜᱼᱟ, ᱡᱮᱢᱚᱱ :-

  • ᱦᱚᱝᱠᱚᱝ ᱟᱭᱞᱮᱸᱰ
  • ᱠᱚᱣᱞᱳᱱ
  • ᱱᱤᱣ ᱴᱮᱨᱤᱴᱚᱨᱤᱡᱽ

ᱦᱚᱝᱠᱚᱝ ᱫᱚ ᱵᱨᱤᱴᱤᱥ ᱠᱚᱣᱟᱜ ᱠᱚᱞᱚᱱ ᱛᱟᱦᱮᱸ ᱠᱟᱱᱟ ᱑᱘᱔᱒ ᱠᱷᱚᱱ ᱑᱙᱙᱗ ᱪᱮᱫᱟᱜ ᱥᱮ ᱫᱚᱥᱟᱨ ᱚᱯᱤᱭᱚᱢ ᱞᱟᱹᱰᱷᱟᱭ ᱨᱮ ᱪᱟᱭᱱᱟ ᱫᱚᱭ ᱦᱮᱨᱟᱣ ᱞᱮᱱ ᱛᱟᱦᱮᱸᱫ ᱾ ᱪᱟᱞ ᱨᱩᱣᱟᱹᱲᱟᱫ ᱠᱚ ᱛᱟᱭᱚᱢ ᱦᱚᱝᱠᱚᱝ ᱫᱚ ᱪᱟᱭᱱᱟ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱞᱮᱨᱟᱛᱮ ᱛᱟᱦᱮᱸᱭᱮᱱᱟ ᱾

ᱦᱚᱭᱦᱤᱥᱤᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱝᱠᱚᱝ ᱫᱚ ᱴᱨᱚᱯᱤᱠᱟᱞ (tropical) ᱴᱷᱟᱶ ᱠᱟᱱᱟ ᱟᱨ ᱦᱮᱢᱟᱞ ᱦᱚᱭ ᱦᱤᱡᱩᱜᱼᱟ ᱾ ᱱᱚᱸᱰᱮ ᱫᱚ ᱨᱮᱭᱟᱲᱟ ᱟᱨ ᱚᱫᱟ ᱜᱮ ᱛᱟᱦᱮᱸᱱᱟ ᱨᱟᱵᱟᱝ ᱨᱤᱛᱩ ᱨᱮ ᱫᱚ ᱾ ᱞᱚᱞᱚ ᱟᱨ ᱡᱟᱹᱲᱤ ᱧᱚᱜᱟᱭ ᱱᱤᱨᱚᱱ ᱟᱨ ᱥᱤᱛᱩᱝ ᱨᱤᱛᱩ ᱨᱮ ᱫᱚ ᱾ ᱩᱨᱜᱩᱢ , ᱥᱤᱛᱩᱝ ᱟᱨ ᱨᱚᱦᱚᱲ ᱵᱩᱡᱷᱟᱹᱣᱜᱼᱟ ᱦᱮᱢᱟᱞ ᱨᱤᱛᱩ ᱨᱮ ᱫᱚ ᱾ ᱡᱟᱹᱯᱩᱫ ᱨᱤᱛᱩ ᱫᱚ ᱢᱮ ᱪᱟᱸᱫᱚ ᱠᱷᱚᱱ ᱥᱮᱯᱴᱮᱢᱵᱚᱨ ᱦᱟᱹᱵᱤᱡ ᱵᱩᱡᱷᱟᱹᱣᱜᱼᱟ ᱾ ᱥᱤᱛᱩᱝ ᱟᱨ ᱦᱮᱢᱟᱞ ᱨᱤᱛᱩ ᱨᱮᱱᱟᱜ ᱮᱦᱚᱵ ᱥᱮᱫ ᱨᱮ ᱫᱚ ᱦᱚᱭ-ᱵᱟᱺᱨᱰᱩ (typhoon) ᱦᱤᱡᱩᱜᱼᱟ ᱾

ᱦᱚᱲ ᱟᱨ ᱯᱟᱹᱨᱥᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱝᱠᱚᱝ ᱨᱤᱱ ᱦᱚᱲ ᱠᱚᱣᱟᱜ ᱮᱞ ᱫᱚ ᱮᱭᱟᱭ ᱢᱤᱞᱤᱭᱚᱱ ᱠᱚ ᱯᱟᱨᱚᱢ ᱟᱠᱟᱫᱼᱟ ᱒᱐᱐᱙ ᱥᱟᱞᱮ ᱨᱮ ᱾ ᱦᱚᱝᱠᱚᱝ ᱨᱮ ᱢᱮᱱᱟᱜ ᱠᱚ ᱡᱟᱹᱥᱛᱤ ᱜᱟᱱ ᱦᱚᱲ ᱜᱮ ᱪᱟᱭᱱᱤᱡᱽ ᱠᱟᱱᱟ ᱠᱚ ᱾ ᱦᱚᱝᱠᱚᱝ ᱫᱚ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱵᱷᱤᱲ ᱟᱱ ᱴᱷᱟᱶ ᱠᱟᱱᱟ ᱾ ᱞᱮᱠᱷᱟᱡᱚᱠᱷᱟ ᱢᱤᱫ ᱠᱤᱞᱚᱢᱩᱴᱮᱨ ᱚᱥᱟᱨ-ᱵᱤᱥᱟᱹᱨ (sq. km) ᱨᱮ ᱖᱓᱐᱐ ᱦᱚᱲ ᱠᱚ ᱵᱟᱥᱟᱜ ᱠᱟᱱᱟ ᱾
ᱦᱚᱝᱠᱚᱝ ᱨᱮ ᱡᱚᱛᱚ ᱠᱷᱚᱱ ᱠᱚᱢ ᱠᱚᱨᱟ ᱨᱮ ᱦᱚᱲ ᱠᱚ ᱡᱟᱱᱟᱢᱚᱜ ᱠᱟᱱᱟ ᱾
ᱦᱚᱝᱠᱚᱝ ᱨᱤᱱ ᱦᱚᱲ ᱫᱚ ᱵᱟᱹᱲᱛᱤ ᱠᱟᱛᱮ ᱠᱟᱱᱴᱚᱱᱤᱡᱽ ᱯᱟᱹᱨᱥᱤ ᱠᱚ ᱨᱚᱲᱟ ᱾ ᱟᱭᱢᱟ ᱦᱚᱲ ᱜᱮ ᱤᱝᱞᱤᱥ ᱠᱚ ᱪᱮᱫᱚᱜ ᱠᱟᱱᱟ ᱥᱟᱶᱛᱮ ᱯᱟᱹᱨᱥᱤ ᱞᱮᱠᱟᱛᱮ ᱾ ᱦᱚᱝᱠᱚᱝ ᱫᱚ ᱪᱟᱭᱱᱟ ᱨᱮᱱᱟᱜ ᱦᱟᱹᱴᱤᱧ ᱠᱟᱱ ᱛᱮ ᱟᱭᱢᱟ ᱦᱚᱲ ᱢᱟᱱᱰᱟᱨᱤᱱ ᱯᱟᱹᱨᱥᱤ ᱠᱚ ᱨᱚᱲᱟ ᱪᱮᱫᱟᱜ ᱥᱮ ᱢᱟᱱᱰᱟᱠᱤᱱ ᱫᱚ PRC ᱨᱮᱱᱟᱜ ᱥᱚᱨᱠᱟᱨᱤ ᱯᱟᱹᱨᱥᱤ ᱠᱟᱱᱟ ᱾ ᱯᱮᱭᱟ ᱯᱟᱹᱨᱥᱤ ᱯᱟᱲᱦᱟᱣᱜ ᱞᱟᱹᱜᱤᱫ ᱵᱷᱮᱜᱟᱨ ᱵᱷᱮᱜᱟᱨ ᱴᱨᱟᱠ ᱠᱚ ᱵᱮᱱᱟᱣ ᱟᱠᱟᱫᱼᱟ, ᱯᱟᱹᱴᱷᱣᱟᱹ ᱟᱡᱟᱜ ᱠᱩᱥᱤ ᱡᱟᱹᱱᱤ ᱯᱟᱹᱨᱥᱩᱭ ᱪᱮᱫ ᱫᱟᱲᱮᱭᱟᱜᱼᱟ ᱾

ᱫᱤᱥᱣᱟᱹ ᱰᱤᱜᱟᱹᱫᱤᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱝᱠᱚᱝ ᱨᱮ ᱫᱚ ᱑᱗ ᱜᱚᱴᱟᱝ ᱫᱤᱣᱟᱹ ᱰᱤᱜᱟᱹ ᱫᱤᱱ ᱛᱟᱦᱮᱸᱱ ᱠᱟᱱᱟ ᱾

  • ᱥᱮᱨᱢᱟ ᱮᱦᱚᱵ ᱦᱤᱞᱚᱜ
  • ᱪᱟᱭᱱᱤᱡᱽ ᱱᱟᱶᱟ ᱥᱮᱨᱢᱟ (᱑᱕ ᱫᱤᱱ ᱛᱟᱭᱚᱢ)
  • ᱠᱣᱤᱢᱤᱝ ᱯᱟᱨᱟᱵᱽ
  • ᱤᱥᱴᱚᱨ (᱓ ᱫᱤᱱ)
  • ᱠᱷᱟᱹᱴᱣᱟᱹ ᱢᱟᱦᱟᱸ
  • ᱵᱩᱫᱽᱫᱷᱚ ᱡᱟᱱᱟᱢ ᱢᱟᱦᱟᱸ
  • ᱫᱩᱣᱟᱱᱣᱩ ᱯᱟᱨᱟᱵᱽ
  • ᱮᱛᱚᱦᱚᱵ ᱡᱩᱞᱟᱭ (HKSR Day)
  • ᱡᱷᱚᱝᱠᱭ ᱯᱟᱨᱟᱵᱽ ᱫᱚᱥᱟᱨ ᱢᱟᱦᱟᱸ
  • ᱮᱛᱮᱦᱚᱵ ᱚᱠᱴᱚᱵᱚᱨ (ᱡᱟᱹᱛᱤᱭᱟᱹᱨᱤ ᱢᱟᱦᱟᱸ)
  • ᱪᱚᱝᱭᱟᱝ ᱯᱟᱨᱟᱵᱽ
  • ᱠᱨᱥᱴᱢᱟᱥ (᱒ ᱫᱤᱱ)

ᱠᱟᱹᱣᱰᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱸᱰᱮ ᱠᱚᱭᱮᱱ ᱠᱚ ᱢᱮᱱᱟᱜᱼᱟ ᱑᱐ ᱥᱮᱸᱴᱥ ᱠᱷᱚᱱ ᱑᱐ ᱦᱚᱝᱠᱚᱝ ᱰᱚᱞᱟᱨ ᱫᱷᱟᱹᱵᱤᱡ ᱟᱨ ᱵᱮᱸᱠ ᱠᱟᱜᱚᱡᱽ ᱠᱟᱹᱣᱰᱤ $᱑᱐ ᱠᱷᱚᱱ $᱑᱐᱐᱐ ᱫᱷᱟᱹᱵᱤᱡ ᱾ ᱢᱤᱫ ᱟᱢᱮᱨᱤᱠᱟᱱ ᱰᱚᱞᱟᱨ ᱫᱚ $᱗.᱗᱕ ᱥᱟᱶ ᱵᱟᱨᱟᱵᱟᱹᱨᱤ ᱟ ᱦᱚᱝᱠᱚᱝ ᱨᱮ ᱫᱚ ᱾

ᱦᱚᱝᱠᱚᱝ ᱨᱮᱱᱟᱜ ᱴᱷᱟᱶᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱦᱚᱝᱠᱚᱝ ᱰᱤᱥᱱᱤᱞᱮᱸᱰ
  • ᱵᱷᱩᱠᱴᱚᱨᱤᱭᱟ ᱯᱤᱠ
  • ᱚᱥᱮᱱ ᱯᱟᱨᱠ
  • ᱢᱟᱱ ᱢᱚ ᱴᱮᱢᱯᱩᱞ
  • ᱨᱤᱯᱩᱞᱥ ᱵᱮᱭ
  • ᱞᱚ ᱦᱟᱣᱩᱥ ᱢᱤᱣᱡᱤᱭᱚᱢ
  • ᱦᱚᱝᱠᱚᱝ ᱯᱟᱨᱠ
  • ᱥᱟᱢ ᱛᱩᱝ ᱤᱭᱩᱠᱮ
  • ᱪᱮᱝ ᱪᱟᱣ
  • ᱯᱷᱩᱝ ᱭᱤᱝ ᱥᱤᱱ ᱠᱳᱱ
  • ᱦᱚᱝᱠᱚᱝ ᱢᱤᱣᱡᱱᱭᱚᱢ ᱚᱯᱷ ᱦᱩᱥᱴᱚᱨᱤ

Hong Kong Skyline Panorama - Dec 2008

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Government
Trade

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]