ᱥᱤᱧᱚᱛ ᱨᱮᱱ ᱠᱚᱲᱟ ᱠᱚᱣᱟᱜ ᱡᱟᱹᱛᱤᱭᱟᱹᱨᱤ ᱜᱚᱰᱟ ᱦᱚᱠᱤ ᱫᱚᱞ
ᱵᱷᱟᱨᱚᱛ ᱨᱮᱱ ᱠᱚᱲᱟ ᱠᱚᱣᱟᱜ ᱡᱟᱹᱛᱤᱭᱟᱹᱨᱤ ᱜᱚᱰᱟ ᱦᱚᱠᱤ ᱫᱚᱞ ᱡᱮᱜᱮᱫ ᱡᱟᱠᱟᱛ ᱜᱚᱰᱟ ᱦᱚᱠᱤ ᱦᱮᱯᱨᱟᱣ ᱨᱮ ᱵᱷᱟᱨᱚᱛ ᱨᱮᱱ ᱞᱮᱠᱟᱛᱮ ᱠᱚ ᱠᱷᱮᱞᱚᱸᱰᱟ ᱟᱨ ᱦᱚᱠᱤ ᱤᱱᱰᱤᱭᱟ ᱫᱟᱨᱟᱭ ᱛᱮ ᱪᱟᱪᱟᱞᱟᱣᱚᱜᱼᱟ᱾ ᱱᱚᱶᱟ ᱫᱚᱞ ᱫᱚ ᱢᱟᱲᱟᱝ ᱨᱮ ᱥᱤᱧᱚᱛᱤᱭᱟᱹ ᱦᱚᱠᱤ ᱯᱷᱮᱰᱟᱨᱮᱥᱚᱱ ᱟᱜ ᱥᱟᱢᱲᱟᱣ ᱨᱮ ᱛᱟᱦᱮᱸᱠᱟᱱᱟ᱾ ᱵᱷᱟᱨᱚᱛ [᱑] ᱯᱳᱭᱞᱳ ᱵᱮᱼᱤᱭᱩᱨᱳᱯᱤᱭᱟᱱ ᱫᱚᱞ ᱠᱟᱱᱟ ᱡᱟᱦᱟ ᱫᱚ ᱡᱮᱜᱮᱫ ᱡᱟᱠᱟᱛ ᱦᱚᱠᱤ ᱯᱷᱮᱰᱟᱨᱮᱥᱚᱱ ᱨᱮᱭᱟᱜ ᱦᱤᱸᱥ ᱦᱩᱭ ᱞᱮᱱᱟ᱾᱑᱙᱒᱘ ᱥᱮᱨᱢᱟ ᱨᱮ ᱜᱟᱫᱮᱞ ᱫᱚ ᱟᱭᱟᱜ ᱯᱳᱭᱞᱳ ᱚᱞᱤᱢᱯᱤᱠ ᱥᱳᱱᱟ ᱥᱤᱨᱯᱷᱟᱹ ᱮ ᱡᱤᱛᱠᱟᱹᱨ ᱞᱮᱱᱟ ᱟᱨ ᱑᱙᱖᱐ ᱫᱷᱟᱹᱵᱤᱡ ᱵᱷᱟᱨᱚᱛ ᱨᱮᱱ ᱠᱚᱲᱟ ᱜᱟᱫᱮᱞ ᱫᱚ ᱚᱞᱤᱢᱯᱤᱠ ᱨᱮ ᱵᱟᱝ ᱦᱤᱨᱟᱹᱣ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱢᱤᱫ ᱞᱮᱛᱟᱲ ᱛᱩᱨᱩᱭ ᱜᱚᱴᱟᱝ ᱥᱳᱱᱟ ᱥᱤᱨᱯᱷᱟᱹ ᱠᱚ ᱡᱤᱛᱠᱟᱹᱨ ᱞᱮᱱᱟ᱾ ᱑᱙᱒᱘ ᱥᱮᱨᱢᱟ ᱨᱮ ᱯᱳᱭᱞᱳ ᱜᱮᱢ ᱠᱷᱚᱱ ᱑᱙᱖᱐ ᱥᱮᱨᱢᱟ ᱨᱮ ᱥᱳᱱᱟ ᱢᱮᱰᱮᱞ ᱯᱷᱟᱭᱱᱟᱞ ᱦᱟᱹᱵᱤᱡ ᱜᱟᱫᱮᱞ ᱫᱚ ᱓᱐-᱐ ᱛᱮ ᱡᱤᱛᱠᱟᱹᱨ ᱨᱮᱭᱟᱜ ᱨᱮᱠᱳᱨᱰ ᱠᱚ ᱫᱚᱦᱚ ᱞᱮᱫᱟ᱾ ᱑᱙᱗᱕ ᱥᱮᱨᱢᱟ ᱨᱮ ᱵᱷᱟᱨᱚᱛ ᱡᱮᱜᱮᱫ ᱠᱟᱯ ᱡᱤᱛᱠᱟᱹᱨ ᱞᱮᱱᱟ᱾ ᱑᱙᱒᱘, ᱑᱙᱓᱒, ᱑᱙᱓᱖, ᱑᱙᱔᱘, ᱑᱙᱕᱒, ᱑᱙᱕᱖,᱑᱙᱖᱔, ᱟᱨ ᱑᱙᱘᱐ ᱥᱮᱨᱢᱟ ᱨᱮ ᱡᱚᱛᱚ ᱠᱷᱚᱱ ᱰᱷᱮᱨ ᱘ ᱜᱚᱴᱟᱝ ᱥᱳᱱᱟ ᱢᱮᱰᱮᱞ ᱦᱟᱢᱮᱴ ᱠᱟᱛᱮ ᱵᱷᱟᱨᱚᱛ ᱨᱮᱭᱟᱜ ᱦᱚᱠᱤ ᱫᱚᱞ ᱫᱚ ᱦᱩᱭᱩᱜ ᱠᱟᱱᱟ ᱚᱞᱤᱢᱯᱤᱠ ᱨᱮᱭᱟᱜ ᱡᱚᱛᱚ ᱠᱷᱚᱱ ᱥᱚᱨᱮᱥ ᱫᱚᱞ᱾ ᱑᱓᱔ ᱜᱚᱴᱟᱝ ᱢᱮᱪ ᱨᱮᱭᱟᱜ ᱘᱓ ᱜᱚᱴᱟᱝ ᱢᱮᱪ ᱡᱤᱛᱠᱟᱹᱨ ᱠᱟᱛᱮ ᱚᱞᱤᱢᱯᱤᱠ ᱱᱟᱜᱟᱢ ᱨᱮ ᱵᱷᱟᱨᱚᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱥᱚᱨᱮᱥ ᱡᱟᱣ ᱠᱷᱮᱞᱚᱸᱰ ᱦᱮᱯᱨᱟᱣ ᱨᱮᱭᱟᱜ ᱫᱟᱲᱮ ᱢᱮᱱᱟᱜ ᱛᱟᱭᱟ᱾ ᱩᱱᱠᱩ ᱫᱚ ᱚᱞᱤᱢᱯᱤᱠ ᱨᱮ ᱮᱴᱟᱜ ᱮᱴᱟᱜ ᱫᱚᱞ ᱠᱷᱚᱱ ᱡᱟᱹᱥᱛᱤ ᱜᱳᱞ ᱠᱚ ᱠᱚᱨᱟᱣ ᱟᱠᱟᱫᱟ᱾ ᱑᱙᱒᱘ [᱒] ᱟᱨ ᱑᱙᱕᱖ ᱥᱮᱨᱢᱟ ᱨᱮ ᱢᱤᱫᱴᱟᱝ ᱦᱚᱸ ᱜᱳᱞ ᱵᱟᱝ ᱡᱚᱢ ᱠᱟᱛᱮ ᱩᱱᱠᱩ ᱫᱚ ᱢᱤᱫᱴᱟᱝ ᱥᱩᱢᱩᱝ ᱫᱚᱞ ᱡᱟᱦᱟᱸᱭ ᱫᱚ ᱚᱞᱤᱢᱯᱤᱠ ᱡᱤᱛᱠᱟᱹᱨ ᱞᱮᱱᱟ᱾
ᱢᱮᱱ ᱤᱱ ᱵᱞᱩᱡᱽ ᱦᱚᱸ ᱮᱥᱤᱭᱟ ᱨᱮᱭᱟᱜ ᱥᱚᱨᱮᱥ ᱥᱤᱜᱤᱞ ᱜᱟᱫᱮᱞ ᱠᱟᱱᱟ ᱠᱚ᱾ ᱩᱱᱠᱩ ᱑᱙᱖᱖, ᱑᱙᱙᱘, ᱒᱐᱑᱔ ᱟᱨ ᱒᱐᱒᱒ ᱥᱮᱨᱢᱟ ᱨᱮ ᱯᱩᱱ ᱫᱷᱟᱣ ᱮᱥᱤᱭᱟᱱ ᱜᱮᱢᱥ ᱠᱚ ᱡᱤᱛᱠᱟᱹᱨ ᱞᱮᱱᱟ᱾ ᱒᱐᱐᱓, ᱒᱐᱐᱗ ᱟᱨ ᱒᱐᱑᱗ ᱥᱮᱨᱢᱟ ᱨᱮ ᱮᱥᱤᱭᱟ ᱠᱟᱯ ᱵᱷᱟᱨᱚᱛ ᱪᱮᱛᱟᱱ ᱨᱮᱭ ᱦᱮᱡ ᱞᱮᱱᱟ᱾ ᱮᱥᱤᱭᱟ ᱠᱟᱯ ᱨᱮ ᱕᱖ ᱜᱚᱴᱟᱝ ᱢᱮᱪ ᱨᱮᱭᱟᱜ ᱔᱓ ᱜᱚᱴᱟᱝ ᱢᱮᱪ ᱨᱮ ᱵᱷᱟᱨᱚᱛ ᱡᱤᱛᱠᱟᱹᱨ ᱟᱠᱟᱱᱟ ᱟᱨ ᱦᱮᱯᱨᱟᱣ ᱨᱮ ᱡᱚᱛᱚᱠᱷᱚᱱ ᱰᱷᱮᱨ ᱡᱤᱛᱠᱟᱹᱨ ᱟᱨ ᱥᱚᱨᱮᱥ ᱡᱤᱛᱠᱟᱹᱨ ᱥᱟᱭᱠᱟᱲᱟ ᱫᱚᱨ ᱨᱮᱭᱟᱜ ᱨᱮᱠᱚᱨᱰ ᱠᱚ ᱫᱚᱦᱚ ᱟᱠᱟᱫᱟ᱾ ᱩᱱᱠᱩ ᱫᱚ ᱮᱥᱤᱭᱟᱱ ᱪᱟᱢᱯᱤᱭᱚᱱᱥ ᱴᱨᱚᱯᱷᱤ ᱨᱮ ᱡᱚᱛᱚᱠᱷᱚᱱ ᱥᱤᱜᱤᱞ ᱜᱟᱫᱮᱞ ᱠᱟᱱᱟ ᱠᱚ, ᱡᱟᱦᱟᱸᱭ ᱫᱚ ᱒᱐᱑᱑, ᱒᱐᱑᱖, ᱒᱐᱑᱘ ᱟᱨ ᱒᱐᱒᱓ ᱥᱮᱨᱢᱟ ᱨᱮ ᱱᱚᱶᱟ ᱦᱮᱯᱨᱟᱣ ᱨᱮ ᱯᱩᱱ ᱫᱷᱟᱣ ᱡᱤᱛᱠᱟᱹᱨ ᱞᱮᱱᱟ᱾ ᱜᱩᱴ [᱓] ᱵᱷᱟᱨᱚᱛ ᱒᱙ ᱜᱚᱴᱟᱝ ᱥᱚᱨᱠᱟᱨᱤ ᱡᱮᱜᱮᱫ ᱡᱟᱠᱟᱛ ᱠᱷᱮᱞᱚᱸᱰ ᱠᱚ ᱡᱤᱛᱠᱟᱹᱨ ᱟᱠᱟᱱᱟ᱾
ᱵᱷᱟᱨᱚᱛ ᱫᱚ ᱯᱟᱠᱤᱥᱛᱟᱱ ᱥᱟᱞᱟᱜ ᱟᱹᱰᱤ ᱞᱟᱹᱲᱦᱟᱹᱭᱟᱱ ᱞᱮᱠᱟᱛᱮ ᱩᱯᱨᱩᱢ ᱟᱠᱟᱱᱟ, ᱡᱟᱦᱟᱸᱭ ᱠᱚ ᱥᱟᱞᱟᱜ ᱩᱱᱠᱩ ᱚᱞᱤᱢᱯᱤᱠ, ᱡᱮᱜᱮᱫ ᱠᱟᱯ, ᱮᱥᱤᱭᱟᱱ ᱜᱮᱢᱥ ᱟᱨ ᱮᱥᱤᱭᱟ ᱠᱟᱯ ᱞᱮᱠᱟᱱ ᱢᱟᱨᱟᱝ ᱴᱩᱨᱱᱟᱢᱮᱱᱴ ᱨᱮᱭᱟᱜ ᱯᱷᱟᱭᱱᱟᱞ ᱨᱮᱠᱚ ᱠᱷᱮᱞ ᱟᱠᱟᱫᱟ᱾ ᱱᱚᱶᱟ ᱥᱟᱱᱟᱢ ᱴᱩᱨᱱᱟᱢᱮᱱᱴ [᱔] ᱯᱷᱟᱭᱱᱟᱞ ᱨᱮ ᱯᱟᱠᱤᱥᱛᱟᱱ ᱠᱚ ᱦᱟᱨᱟᱣ ᱨᱮᱭᱟᱜ ᱢᱤᱫᱴᱟᱝ ᱮᱴᱟᱜ ᱨᱮᱠᱳᱨᱰ ᱢᱮᱱᱟᱜᱼᱟ ᱵᱷᱟᱨᱚᱛ ᱨᱮᱱᱟᱜ᱾
- ↑ "Hockey India". Archived from the original on 6 January 2015. Retrieved 7 January 2015.
- ↑ "Indian field hockey records". Archived from the original on 14 August 2021. Retrieved 14 August 2021.
- ↑ "Medal Tally". Retrieved 19 September 2022.
- ↑ "India vs Pakistan: Hockey's greatest rivalry in numbers". Archived from the original on 8 January 2022. Retrieved 8 January 2022.