ᱥᱤᱨᱚᱱ ᱢᱩᱨᱢᱩ
ᱥᱤᱨᱚᱱ ᱢᱩᱨᱢᱩ ᱜᱚᱢᱠᱮ ᱫᱚ ᱥᱩᱨᱮᱱ ᱧᱩᱛᱩᱢ ᱛᱮᱦᱚ ᱠᱚ ᱦᱚᱦᱚ ᱟᱭ ᱛᱟᱦᱮᱸᱫ᱾ ᱡᱟᱱᱟᱢ ᱢᱟᱹᱦᱤᱛ ᱐᱕/᱐᱒/᱑᱙᱔᱐. ᱨᱮ ᱩᱯᱷᱮᱞ ᱞᱮᱱᱟ ᱟᱨ ᱵᱚᱸᱜᱟᱛᱟᱞᱟ ᱟᱠᱟᱱᱟᱭ ᱑᱘/᱐᱗/᱒᱐᱐᱖ ᱥᱟᱞ ᱨᱮ ᱾ ᱩᱱᱤ ᱫᱚ ᱯᱟᱹᱲᱩᱨᱤᱭᱟᱹ ᱟᱹᱛᱩ ᱨᱮ ᱡᱟᱱᱟᱢ ᱞᱮᱱᱟ ᱡᱟᱦᱟ ᱫᱚ ᱰᱟᱠ ᱚᱲᱟᱜ ᱵᱷᱟᱸᱰᱨᱚ , ᱡᱤᱞᱟᱹ ᱯᱩᱪᱷᱤᱢ ᱢᱤᱫᱱᱤᱯᱩᱨ , ᱯᱩᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱾ ᱟᱯᱟᱛ ᱧᱩᱛᱩᱢ ᱫᱚ ᱵᱟᱹᱴᱠᱩ ᱢᱩᱨᱢᱩ ᱟᱨ ᱮᱸᱜᱟᱛ ᱧᱩᱛᱩᱢ ᱫᱚ ᱯᱷᱩᱞᱟᱹᱨᱤ ᱢᱩᱨᱢᱩ ᱟᱨ ᱟᱠᱤᱱᱤᱡ ᱮᱨᱟ ᱦᱟᱜ ᱧᱩᱛᱩᱢ ᱫᱚ ᱢᱚᱱᱤᱹᱢᱟ ᱾ ᱩᱱᱤ ᱫᱚ ᱥᱟᱱᱛᱟᱲᱤ ᱥᱟᱶᱦᱮᱫ ᱡᱮᱜᱮᱛ ᱨᱮ ᱢᱤᱫ ᱧᱩᱢ ᱧᱟᱢᱟᱱ ᱚᱱᱚᱞᱤᱭᱟᱹ ᱠᱟᱱᱟᱭ ᱾
ᱡᱤᱣᱚᱱ ᱠᱟᱛᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱚᱞᱚᱜ ᱯᱟᱲᱦᱟᱣ ᱫᱚ ᱟᱹᱛᱩ ᱤᱥᱠᱩᱞ ᱠᱷᱚᱱ ᱜᱮ ᱮᱛᱚᱦᱚᱵ ᱞᱮᱱ ᱛᱟᱭᱟ ᱚᱸᱰᱮ ᱯᱳᱱ ᱪᱟᱱᱟᱪ ᱫᱚ ᱠᱷᱩᱲᱠᱟᱹ ᱮᱛᱚᱦᱚᱵ ᱤᱥᱠᱤᱞ ᱠᱷᱚᱱ , ᱜᱮᱞ ᱪᱟᱱᱟᱪ ᱫᱚ ᱠᱟᱯᱜᱟᱹᱲᱤ ᱠᱷᱚᱱ ᱟᱨ ᱟᱭ.ᱮᱥ.ᱥᱮ ᱫᱚ ᱵᱤᱥᱱᱩᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱹᱲ ᱠᱷᱚᱱ ᱾ ᱪᱟᱹᱠᱨᱤ ᱫᱚ ᱢᱟᱨᱟᱝ ᱵᱷᱟᱨᱚᱛ ᱥᱚᱨᱠᱟᱨ ᱟᱜ ᱫᱚᱯᱛᱚᱨ ᱨᱮ ᱵᱟᱦᱟᱞ ᱞᱮᱱᱟ ᱚᱱᱟ ᱛᱟᱭᱚᱢ ᱫᱚ ᱠᱳᱞᱠᱟᱛᱟ ᱯᱳᱨᱴ ᱴᱨᱟᱥᱴ ᱨᱮ ᱢᱩᱪᱟᱹᱫ ᱫᱷᱟᱵᱤᱡ ᱮ ᱠᱟᱹᱢᱤ ᱞᱮᱫᱟ ᱾ ᱥᱮᱢᱞᱮᱫ ᱥᱟᱶ ᱡᱚᱯᱚᱲᱟᱣ ᱮ ᱛᱟᱦᱮ ᱞᱮᱱᱟ - ᱑᱙᱖᱘-᱖᱙ ᱥᱮᱨᱢᱟ ᱠᱷᱚᱱ ᱾ ᱥᱮᱪᱮᱫ ᱢᱟᱰᱮᱨ ᱨᱮᱱ ᱪᱮᱭᱟᱨᱢᱮᱱ ᱞᱮᱠᱟᱛᱮ ᱛᱟᱦᱮ ᱠᱟᱱᱟ ᱑᱙᱘᱐ ᱠᱷᱚᱱ , ᱥᱮᱢᱞᱮᱫ ᱟᱜ ᱟᱱ ᱠᱩᱢᱩᱰ (Law Committee) ᱨᱮ ᱪᱮᱭᱟᱨᱢᱮᱱ ᱞᱮᱠᱟᱛᱮ ᱛᱟᱦᱮ ᱠᱟᱱᱟ ᱑᱙᱙᱒ ᱥᱟᱞ ᱫᱷᱟᱵᱤᱡ᱾ ᱥᱟᱶᱛᱟ ᱠᱟᱢᱤ ᱨᱮ ᱡᱚᱯᱚᱲᱟᱣ- ᱪᱟᱠᱨᱤ ᱛᱩᱞᱩᱡ ᱜᱮ ᱵᱤᱱᱛᱤ , ᱵᱟᱠᱷᱮᱲ ᱮᱢᱟᱱ ᱠᱚ ᱪᱟᱨᱪᱟᱭ ᱛᱟᱦᱮᱸᱫ ᱾ ᱥᱟᱱᱟᱢ ᱦᱚᱲ ᱥᱟᱶᱛᱮ ᱢᱮᱥᱟ ᱠᱟᱛᱮ ᱥᱟᱶᱛᱟ ᱨᱮᱱᱟᱜ ᱠᱟᱢᱤ ᱦᱚᱨᱟ ᱠᱚ ᱞᱟᱦᱟ ᱤᱫᱤ ᱾ ᱟᱡᱟᱜ ᱯᱩᱛᱷᱤ ᱠᱚ ᱩᱪᱷᱟᱹᱱ ᱟᱠᱟᱱᱟ ᱼ ᱫᱟᱜ ᱵᱟᱦᱟ , ᱦᱚᱲ ᱨᱚᱲ ᱛᱮᱭᱟᱜ ᱵᱷᱮᱱᱛᱟ ᱨᱚᱲ ᱟᱨ ᱢᱮᱱᱠᱟᱛᱷᱟ , ᱚᱞ ᱦᱮᱣᱟ ᱮᱢᱟᱱ , ᱱᱚᱣᱟ ᱠᱚ ᱵᱮᱜᱟᱨ ᱯᱟᱛᱷᱟᱢ ᱠᱚᱨᱮ ᱚᱞ ᱟᱠᱟᱫᱟ ᱾ ᱚᱱᱟ ᱠᱚᱫᱚ ᱯᱩᱪᱷᱤᱢ ᱵᱟᱝᱞᱟ ᱟᱨ ᱥᱤᱸᱜᱟᱹᱨ ᱥᱟᱠᱣᱟ ᱠᱤᱱ ᱨᱮ ᱾ ᱢᱩᱨᱩᱢ ᱯᱟᱡᱟ ᱯᱟᱛᱷᱟᱢ ᱫᱚ ᱟᱡᱟᱜ ᱩᱫᱜᱟᱹᱣ ᱛᱮᱜᱮ ᱯᱟᱨᱥᱟᱞ ᱚᱜ ᱠᱟᱱ ᱛᱟᱦᱮᱫ ᱾ ᱢᱩᱨᱩᱢ ᱯᱟᱡᱟ ᱨᱮ ᱚᱞ ᱠᱚᱫᱚ, ᱟᱵᱚ ᱠᱷᱮᱨᱣᱟᱲ ᱫᱚ ᱚᱠᱟᱨᱮ , ᱵᱟᱹᱦᱩ ᱡᱟᱶᱟᱭ ᱧᱮᱞ ᱥᱮᱨᱣᱟ , ᱥᱤᱸᱫᱩᱨ ᱨᱮᱱᱟᱜ ᱪᱚᱞ , ᱠᱷᱮᱨᱣᱟᱲ ᱠᱚ ᱛᱟᱠᱟ ᱨᱮ ᱵᱚᱸᱜᱟ ᱥᱮᱵᱟ ᱮᱢᱟᱱ ᱚᱞ ᱾ ᱚᱞ ᱪᱤᱠᱤ ᱨᱮᱱᱟᱜ ᱨᱚᱱᱚᱲ ᱪᱮᱛᱟᱱ ᱨᱮ ᱟᱹᱰᱤ ᱫᱚᱠᱷᱚᱞ ᱛᱟᱦᱮ ᱠᱟᱱ ᱛᱟᱭᱟ ᱾ ᱟᱠᱟᱥᱵᱟᱱᱤ ᱥᱟᱶ ᱡᱚᱯᱚᱲᱟᱣ ᱦᱚᱭ ᱛᱟᱦᱮ ᱠᱟᱱᱟ ᱾ ᱵᱟᱹᱠᱷᱮᱲ ᱠᱚᱫᱚ ᱟᱰᱤ ᱱᱟᱯᱟᱭᱮ ᱜᱟᱱ ᱥᱟᱹᱛ ᱞᱟᱜ ᱟᱭ ᱾ ᱡᱟᱦᱟ ᱟᱵᱚ ᱢᱩᱨᱩᱢ ᱯᱟᱸᱡᱟ ᱨᱮᱵᱚᱱ ᱧᱮᱞ ᱧᱟᱢᱟᱠᱟᱫ ᱛᱟᱭᱟ ᱾ West Bengal ᱥᱚᱨᱠᱟᱨ ᱟᱜ Scert Syllabus ᱠᱩᱢᱩᱰ ᱨᱮᱱ ᱥᱚᱦᱚᱫ ᱦᱚᱭ ᱛᱟᱦᱮ ᱠᱟᱱᱟ ᱾ ᱞᱮᱦᱮ ᱫᱷᱟᱹᱨᱛᱤ ᱟᱨ ᱫᱟᱜ ᱵᱟᱦᱟ (Blooms of Cloud) ᱠᱷᱚᱱ ᱦᱟᱛᱟᱣ ᱟᱠᱟᱱᱟ᱾