ᱥᱨᱤᱞᱚᱠᱥᱢᱤ ᱜᱳᱵᱚᱨᱫᱷᱚᱱᱚᱱ
| ᱥᱨᱤᱞᱚᱠᱥᱢᱤ ᱜᱳᱵᱚᱨᱫᱷᱚᱱᱚᱱ | |
|---|---|
| ᱢᱩᱬ ᱧᱩᱛᱩᱢ | ശ്രീലക്ഷ്മി ഗോവർധനൻ |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑ ᱡᱩᱱ ᱑᱙᱘᱐ ᱤᱨᱤᱧᱡᱥᱞᱟᱠᱩᱰᱟ, ᱛᱷᱨᱤᱥᱩᱨ,ᱠᱮᱨᱚᱲ, ᱥᱤᱧᱚᱛ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱠᱩᱪᱤᱯᱩᱰᱤ, ᱵᱟᱰᱚᱦᱤᱭᱟᱹ, ᱠᱚᱨᱤᱭᱚᱜᱽᱨᱟᱯᱷᱚᱨ ᱟᱨ ᱢᱟᱪᱮᱛ |
| ᱠᱟᱹᱢᱤ ᱚᱠᱛᱚ | ᱒᱐᱐᱑ ᱼ ᱱᱤᱛᱚᱜ |
ᱥᱨᱤᱞᱚᱠᱥᱢᱤ ᱜᱳᱵᱚᱨᱫᱷᱚᱱᱚᱱ ᱾ [᱑],[᱒] ᱫᱚ ᱵᱷᱟᱨᱚᱛ ᱫᱤᱥᱚᱢ ᱨᱤᱱᱤᱡ ᱢᱤᱫ ᱧᱩᱛᱩᱢᱟᱱ ᱠᱩᱪᱤᱯᱩᱰᱤ ᱮᱱᱮᱡ ᱵᱟᱰᱚᱦᱤ ᱠᱟᱱᱟᱭ ᱾ ᱥᱨᱤᱞᱚᱠᱥᱢᱤ ᱫᱚ ᱜᱩᱨᱩ ᱥᱨᱤ ᱯᱚᱥᱩᱢᱟᱨᱛᱷᱤ ᱨᱟᱴᱴᱟᱭᱤᱦᱟ ᱥᱟᱨᱢᱟ ᱤᱡ ᱪᱮᱠᱟᱭᱟ ᱛᱟᱦᱮᱸᱠᱟᱱᱟ ᱾ ᱥᱨᱤᱞᱚᱠᱥᱢᱤ ᱫᱚ ᱱᱟᱯᱟᱭ ᱮᱱᱮᱡ ᱥᱟᱶᱛᱮ ᱮᱱᱮᱡ ᱚᱠᱛᱮ ᱱᱟᱯᱟᱭ ᱡᱚᱠᱷᱟᱡᱟᱹᱱᱤ ᱠᱟᱴᱟ ᱢᱤᱞᱟᱹᱣ ᱠᱷᱟᱹᱛᱤᱨ ᱟᱹᱰᱤ ᱧᱩᱛᱩᱢ ᱛᱟᱭ ᱢᱮᱱᱟᱜᱼᱟ ᱾ [᱓] ᱜᱩᱨᱩ ᱥᱨᱤ ᱯᱚᱥᱩᱢᱟᱨᱛᱷᱤ ᱨᱟᱴᱴᱟᱭᱤᱦᱟ ᱥᱟᱨᱢᱟ , ᱥᱨᱤᱢᱚᱛᱤ ᱵᱤᱡᱚᱭᱚᱱᱛᱤ ᱠᱟᱥᱦᱤ ᱟᱨ ᱥᱨᱤᱢᱚᱛᱤ ᱢᱟᱱᱡᱩ ᱵᱷᱟᱨᱜᱚᱵᱤ ᱞᱮᱠᱟᱱ ᱧᱩᱛᱩᱢᱟᱱ ᱜᱩᱨᱩ ᱠᱚ ᱴᱷᱮᱱ ᱠᱩᱪᱤᱯᱩᱰᱤ ᱮᱱᱮᱡ ᱮ ᱪᱮᱫ ᱞᱮᱱᱟ ᱾
ᱥᱨᱤᱞᱚᱠᱥᱢᱤ ᱫᱚ ᱠᱩᱪᱤᱯᱩᱰᱤ ᱮᱱᱮᱡ ᱨᱮᱱᱟᱜ ᱜᱟᱹᱦᱤᱨ ᱛᱮᱫ ᱮ ᱥᱟᱵ ᱧᱟᱢ ᱞᱮᱜᱼᱟ [᱔] ᱟᱨ ᱚᱱᱟᱛᱮ ᱠᱩᱪᱤᱯᱩᱰᱤ ᱮᱱᱮᱢ ᱟᱹᱭᱩᱨᱤᱭᱟᱹ ᱥᱨᱤ ᱯᱚᱥᱩᱢᱟᱨᱛᱷᱤ ᱨᱟᱴᱴᱟᱭᱤᱦᱟ ᱥᱟᱨᱢᱟ ᱴᱷᱮᱱ ᱠᱷᱚᱱ ᱟᱭᱢᱟ ᱥᱟᱨᱦᱟᱣ ᱧᱟᱢ ᱞᱟᱹᱜᱤᱫ ᱟᱹᱰᱤ ᱵᱷᱟᱜᱽᱭᱚᱵᱟᱱ ᱱᱟᱪᱚᱱᱤ ᱛᱟᱦᱮᱸ ᱠᱟᱱᱟᱭ ᱾ ᱥᱨᱤᱞᱚᱠᱥᱢᱤ ᱜᱳᱵᱚᱨᱫᱷᱚᱱᱚᱱ ᱫᱚ ᱠᱮᱨᱟᱲᱟ ᱯᱚᱱᱚᱛ ᱨᱤᱱᱤᱡ ᱦᱩᱭ ᱠᱟᱛᱮ ᱦᱟᱨᱠᱮᱛ ᱠᱟᱛᱮ ᱟᱱᱫᱷᱨᱚ ᱯᱨᱚᱫᱮᱥ ᱦᱮᱡ ᱠᱟᱛᱮ ᱟᱱᱫᱷᱨᱚ ᱨᱮᱱᱟᱜ ᱠᱩᱪᱤᱯᱩᱰᱤ ᱮᱱᱮᱢ ᱮ ᱪᱮᱫ ᱞᱮᱱᱟ ᱾ ᱟᱱᱫᱷᱨᱚ ᱠᱩᱪᱤᱯᱩᱰᱤ ᱮᱱᱮᱢ ᱫᱚ ᱟᱹᱰᱤ ᱛᱮᱫ ᱮ ᱠᱩᱥᱤ ᱟᱜ ᱛᱟᱦᱮᱱ ᱚᱱᱟᱛᱮ ᱥᱨᱤᱞᱚᱠᱥᱢᱤ ᱜᱳᱵᱚᱨᱫᱷᱚᱱᱚᱱ ᱫᱚ ᱠᱩᱪᱤᱯᱩᱰᱤ ᱮᱱᱮᱢ ᱨᱮ ᱡᱤᱣᱤ ᱟᱞᱟᱭ ᱠᱟᱛᱮ ᱮᱱᱮᱡ ᱨᱮᱱᱟᱜ ᱥᱤᱵᱤᱞ ᱟᱨ ᱵᱟᱝ ᱨᱟᱹᱥᱠᱟᱹ ᱛᱮᱫ ᱮ ᱨᱟᱠᱟᱵ ᱞᱮᱜᱼᱟ ᱾ [᱕] ᱚᱱᱟᱛᱮ ᱥᱨᱤᱞᱚᱠᱥᱢᱤ ᱫᱚ ᱢᱤᱫ ᱱᱟᱪᱚᱱᱤᱭᱟᱹ ᱡᱟᱦᱟᱸᱭ ᱠᱩᱪᱤᱯᱩᱰᱤ ᱱᱟᱪᱚᱱᱤᱭᱟᱹ ᱨᱮᱱᱟᱜ ᱯᱩᱨᱟᱹᱣ ᱛᱮᱫ ᱞᱮᱠᱟ ᱠᱚ ᱧᱩᱢ ᱦᱟᱞᱟᱝ ᱮ ᱠᱟᱱ ᱛᱟᱦᱮᱱ ᱾[᱖] ᱥᱨᱤᱞᱚᱠᱥᱢᱤ ᱜᱳᱵᱚᱨᱫᱷᱚᱱᱚᱱ ᱫᱚ ᱠᱮᱨᱟᱲᱟ ᱥᱚᱸᱜᱤᱛ ᱱᱟᱴᱚᱠ ᱮᱠᱟᱰᱮᱢᱤ ᱯᱟᱦᱴᱟ ᱠᱷᱚᱱ ᱠᱟᱲᱟᱥᱨᱤ ᱢᱟᱹᱱ, ᱱᱟᱨᱚᱫᱚ ᱜᱚᱬᱚ ᱥᱚᱵᱷᱟ ᱪᱮᱱᱱᱟᱭᱤ ᱯᱟᱦᱴᱟ ᱠᱷᱚᱱ ᱵᱤᱱᱯᱷᱮᱭᱤᱞᱰ ᱮᱱᱰᱳᱣᱢᱮᱱᱴ ᱢᱟᱹᱱ ᱥᱟᱠᱟᱢ,ᱵᱷᱟᱨᱚᱛᱚᱢ ᱭᱩᱵᱚ ᱠᱟᱲᱟᱠᱟᱨ, ᱠᱟᱲᱟ ᱨᱚᱛᱱᱚ, ᱥᱤᱸᱜᱟᱨ ᱢᱚᱬᱤ, ᱱᱟᱴᱭᱚ ᱨᱚᱛᱱᱚ, ᱱᱟᱲᱚᱱᱫᱟ ᱱᱨᱤᱛᱭᱚ ᱱᱤᱯᱩᱬ ᱞᱮᱠᱟᱱ, ᱟᱹᱰᱤᱜᱚᱴᱟᱝ ᱢᱟᱹᱱ ᱥᱟᱠᱟᱢ ᱮ ᱧᱟᱢ ᱟᱠᱟᱫᱼᱟ ᱾ ᱥᱨᱤᱞᱚᱠᱥᱢᱤ ᱫᱚ ᱵᱷᱟᱨᱚᱛ ᱫᱤᱥᱚᱢ ᱨᱮᱱᱟᱜ ᱞᱟᱹᱭ ᱞᱟᱠᱪᱟᱨ ᱥᱮᱢᱞᱮᱫ ᱟᱨ ᱥᱟᱺᱜᱤᱧ ᱧᱮᱞᱮᱞᱚᱢ ᱨᱮᱱᱤᱡ ᱵᱟᱪᱷᱚᱱ ᱵᱷᱮᱜᱟᱨ ᱧᱩᱛᱩᱢᱟᱱ ᱵᱟᱰᱚᱦᱤᱭᱟᱹ ᱠᱟᱱᱟᱭ ᱾ ᱵᱷᱟᱨᱚᱛ ᱫᱤᱥᱚᱢ ᱨᱮᱱᱟᱜ ᱞᱮᱠᱟᱱ ᱞᱮᱠᱟᱱ ᱦᱮᱞᱢᱮᱞ ᱨᱮ ᱠᱩᱪᱤᱯᱩᱰᱤ ᱮᱱᱮᱢ ᱩᱫᱩᱜ ᱥᱚᱫᱚᱨ ᱥᱟᱶᱛᱮ ᱱᱮᱫᱟᱨᱞᱟᱱᱰ,ᱚᱥᱴᱨᱮᱞᱤᱭᱟ,ᱤᱴᱟᱞᱤ, ᱡᱮᱨᱢᱟᱱᱤ,ᱯᱷᱨᱟᱱᱥ,ᱥᱣᱤᱡᱮᱨᱞᱟᱱᱰ, ᱤᱭᱩᱱᱟᱤᱴᱮᱰ ᱠᱤᱝᱰᱳᱢ, ᱟᱢᱮᱨᱤᱠᱟ, ᱠᱳᱞᱳᱢᱵᱤᱭᱟ, ᱡᱳᱨᱰᱟᱱ ᱟᱨ ᱮᱢᱟᱱ ᱞᱮᱠᱟᱱ ᱜᱩᱞᱯᱷ ᱫᱤᱥᱚᱢ ᱠᱚᱨᱮ ᱮᱱᱮᱡ ᱮ ᱩᱫᱩᱜ ᱟᱠᱟᱜᱼᱟ ᱾ ᱥᱟᱞ ᱒᱐᱑᱕ ᱨᱮ ᱡᱮᱨᱢᱟᱱᱤ ᱨᱮᱱᱟᱜ ᱦᱟᱱᱳᱮᱨᱢᱮᱥᱮ ᱨᱮ ᱢᱮᱠ ᱤᱱ ᱤᱱᱰᱤᱟ ᱦᱮᱞᱢᱮᱞ ᱨᱮ ᱵᱷᱟᱨᱚᱛ ᱫᱤᱥᱚᱢ ᱢᱟᱨᱟᱝ ᱢᱚᱱᱛᱨᱤ ᱥᱟᱢᱱᱟ ᱨᱮ ᱠᱩᱪᱤᱯᱩᱰᱤ ᱮᱱᱮᱡ ᱮ ᱩᱫᱩᱜ ᱟᱠᱟᱜᱼᱟ ᱾ ᱥᱨᱤᱞᱚᱠᱥᱢᱤ ᱫᱚ ᱚᱵᱚᱱᱛᱤᱠᱟ ᱥᱯᱮᱥ ᱯᱷᱳᱨ ᱰᱟᱱᱥ ᱧᱩᱛᱩᱢ ᱮᱱᱮᱡ ᱪᱮᱫᱚᱜ ᱢᱮᱞᱟᱝᱠᱤ ᱵᱮᱱᱟᱣ ᱠᱟᱛᱮ ᱚᱱᱟᱨᱮᱱᱤᱡ ᱫᱤᱥᱟᱹ ᱩᱱᱩᱫᱩᱜ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟᱭ ᱾ ᱚᱸᱰᱮ ᱫᱚ ᱮᱱᱮᱡ ᱪᱮᱫᱚᱜ,ᱫᱮᱠᱷᱟᱣ ᱤᱫᱤ ᱠᱟᱛᱮ ᱠᱚ ᱠᱷᱚᱸᱫᱽᱨᱚᱝ ᱛᱟᱦᱮᱸᱫᱚᱜ ᱾ ᱢᱟᱞᱟᱭᱟᱞᱚᱢ ᱥᱤᱱᱮᱢᱟ ᱠᱟᱱᱭᱟᱠᱚ ᱴᱚᱠᱤᱡᱽ ᱟᱨ ᱯᱨᱤᱭᱟᱢᱟᱱᱚᱥᱚᱢ ᱨᱮ ᱮᱱᱮᱡ ᱰᱟᱦᱟᱨ ᱮ ᱩᱫᱩᱜ ᱥᱚᱫᱚᱨ ᱟᱠᱟᱜᱼᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Kaladharan, V. (29 October 2015). "Evocative expressions". Thehindu.com.
- ↑ https://www.thehindu.com/entertainment/dance/sreelakshmy-govardhanan-traces-her-journey-as-a-kuchipudi-dancer/article25390824.ece
- ↑ George, Liza (10 November 2011). "I exist because of Kuchipudi". Thehindu.com.
- ↑ George, Liza (10 November 2011). "I exist because of Kuchipudi". Thehindu.com.
- ↑ Naha, Abdul Latheef (28 June 2015). "Kuchipudi exponent enthrals students". Thehindu.com.
- ↑ Chakra, Shyamhari; Chakra, Shyamhari (1 August 2014). "Season of solos". Thehindu.com.