ᱥᱨᱤ ᱨᱟᱢᱠᱨᱤᱥᱱᱚ ᱥᱤᱞᱯᱟ ᱵᱤᱫᱽᱭᱟᱯᱤᱴᱷ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱥᱨᱤ ᱨᱟᱢᱠᱨᱤᱥᱱᱚ ᱥᱤᱞᱯᱟ ᱵᱤᱫᱽᱭᱟᱯᱤᱴᱷ
ᱛᱷᱟᱯᱚᱱ᱑᱙᱕᱓
ᱞᱮᱠᱟᱱᱯᱚᱞᱤᱴᱮᱠᱱᱤᱠ ᱠᱚᱞᱮᱡᱽ
ᱴᱷᱟᱶᱥᱤᱣᱲᱤ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ
ᱠᱮᱢᱯᱚᱥᱵᱟᱡᱟᱨ ᱨᱮ
ᱣᱮᱵᱽᱥᱟᱭᱤᱴwww.srsv.in
ᱥᱨᱤ ᱨᱟᱢᱠᱨᱤᱥᱱᱚ ᱥᱤᱞᱯᱟ ᱵᱤᱫᱽᱭᱟᱯᱤᱴᱷ is located in ᱯᱚᱪᱷᱤᱢ ᱵᱟᱝᱞᱟ
ᱥᱨᱤ ᱨᱟᱢᱠᱨᱤᱥᱱᱚ ᱥᱤᱞᱯᱟ ᱵᱤᱫᱽᱭᱟᱯᱤᱴᱷ
ᱥᱨᱤ ᱨᱟᱢᱠᱨᱤᱥᱱᱚ ᱥᱤᱞᱯᱟ ᱵᱤᱫᱽᱭᱟᱯᱤᱴᱷ is located in India
ᱥᱨᱤ ᱨᱟᱢᱠᱨᱤᱥᱱᱚ ᱥᱤᱞᱯᱟ ᱵᱤᱫᱽᱭᱟᱯᱤᱴᱷ

ᱥᱨᱤ ᱨᱟᱢᱠᱨᱤᱥᱱᱚ ᱥᱤᱞᱯᱟ ᱵᱤᱫᱽᱭᱟᱯᱤᱴᱷ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱵᱤᱨᱵᱷᱩᱢ ᱦᱚᱱᱚᱛ, ᱥᱤᱣᱲᱤ ᱨᱮ ᱢᱮᱱᱟᱜ ᱢᱤᱫ ᱥᱚᱨᱠᱟᱨᱤ ᱯᱚᱞᱤᱴᱮᱠᱱᱤᱠ ᱠᱚᱞᱮᱡᱽ ᱠᱟᱱᱟ᱾ ᱒᱙᱕᱓ ᱨᱮ ᱛᱷᱟᱯᱚᱱ ᱟᱠᱟᱱ ᱱᱚᱣᱟ ᱠᱚᱞᱮᱡᱽ ᱫᱚ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱴᱮᱠᱱᱤᱠᱮᱞ ᱮᱰᱩᱠᱮᱥᱚᱱ ᱠᱟᱭᱩᱱᱥᱤᱞ ᱥᱟᱶ ᱡᱚᱯᱲᱟᱣ ᱢᱮᱱᱟᱜᱼᱟ[᱑] ᱟᱨ ᱮ.ᱟᱭ.ᱥᱤ.ᱴᱤ.ᱤ ᱱᱟᱣᱟ ᱫᱤᱞᱞᱤ ᱦᱚᱛᱮᱛᱮ ᱢᱟᱹᱱ ᱮᱢ ᱢᱮᱱᱟᱜᱼᱟ᱾ ᱱᱚᱣᱟ ᱯᱚᱞᱤᱴᱮᱠᱱᱤᱠ ᱠᱚᱞᱮᱡᱽ ᱨᱮᱫᱚ ᱥᱤᱵᱷᱤᱞ, ᱤᱞᱮᱠᱴᱨᱤᱠᱟᱞ, ᱢᱮᱠᱟᱱᱤᱠᱮᱞ ᱟᱨ ᱯᱷᱟᱨᱢᱟᱥᱤ ᱪᱮᱛᱟᱱ ᱨᱮ ᱰᱤᱯᱞᱳᱢᱟ ᱠᱳᱨᱥ ᱯᱟᱲᱦᱟᱣ ᱦᱩᱭᱩᱜ ᱠᱟᱱᱟ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱚᱥᱟᱨ ᱢᱚᱬᱮ-ᱥᱮᱨᱢᱟ ᱯᱞᱮᱱ ᱚᱠᱛᱮ, ᱫᱤᱥᱚᱢ ᱞᱟᱦᱟ ᱤᱫᱤ ᱞᱟᱹᱜᱤᱫ ᱵᱩᱱᱤᱭᱟᱹᱫᱤ ᱩᱛᱷᱱᱟᱹᱣ ᱞᱟᱹᱜᱤᱫ ᱟᱹᱰᱤ ᱟᱭᱢᱟ ᱟᱹᱠᱤᱞᱟᱱ ᱦᱚᱲᱫᱟᱲᱮ ᱨᱮᱭᱟᱜ ᱞᱟᱹᱠᱛᱤ ᱯᱟᱲᱟᱣ ᱞᱮᱱᱟ᱾ ᱴᱷᱟᱠᱩᱨ ᱥᱚᱛᱭᱚᱱᱚᱱᱚᱫᱚ ᱫᱮᱵᱽ, ᱥᱨᱤ ᱥᱚᱛᱭᱚᱱᱟᱨᱟᱭᱚᱱ ᱪᱚᱴᱴᱚᱟᱫᱽᱫᱟᱭ, ᱥᱨᱤ ᱥᱚᱛᱭᱚᱱᱟᱨᱟᱭᱚᱱ ᱵᱚᱱᱫᱷᱚᱯᱟᱫᱽᱫᱷᱟᱭ, ᱥᱨᱤ ᱠᱚᱢᱚᱫᱟ ᱠᱤᱝᱠᱚᱨ ᱢᱩᱠᱷᱟᱨᱡᱤ ᱮᱢ.ᱮᱞ.ᱥᱤ, ᱰᱨ. ᱠᱟᱞᱤᱜᱚᱛᱤ ᱵᱚᱱᱫᱷᱚᱯᱟᱫᱽᱫᱷᱟᱭ ᱞᱮᱠᱟᱱ ᱟᱹᱠᱤᱞᱢᱟᱱ ᱠᱚ ᱟᱸᱜᱚᱡᱽ ᱧᱟᱢ ᱠᱮᱫᱟ ᱡᱮ, ᱡᱟᱹᱛᱤᱭᱟᱹᱨᱤ ᱩᱛᱷᱱᱟᱹᱣ ᱨᱮ ᱜᱚᱲᱚ ᱮᱢ ᱞᱟᱹᱜᱤᱫ ᱵᱤᱨᱵᱷᱩᱢ ᱨᱮᱦᱚᱸ ᱴᱮᱠᱱᱤᱠᱮᱞ ᱥᱮᱪᱮᱫ ᱟᱥᱲᱟ ᱨᱮᱭᱟᱜ ᱞᱟᱹᱠᱛᱤ ᱢᱮᱱᱟᱜᱼᱟ ᱟᱨ ᱚᱱᱟ ᱛᱮ ᱢᱤᱫ ᱴᱮᱠᱱᱤᱠᱮᱞ ᱟᱥᱲᱟ ᱠᱚ ᱵᱮᱨᱮᱫ ᱨᱟᱠᱟᱵ ᱞᱮᱫᱟ᱾ ᱥᱤᱣᱲᱤ ᱨᱮᱭᱟᱜ ᱢᱤᱭᱩᱱᱤᱥᱮᱯᱟᱞᱤᱴᱤ ᱛᱤᱨᱞᱟᱹ ᱵᱤᱨᱫᱟᱹᱜᱟᱲ ᱥᱩᱨ ᱫᱚᱛᱛᱚᱯᱩᱠᱩᱨ ᱨᱮ ᱢᱤᱭᱩᱱᱤᱥᱮᱯᱟᱞ ᱜᱳᱰᱟᱭᱩᱱ ᱨᱮ ᱱᱚᱣᱟ ᱴᱮᱠᱱᱤᱠᱮᱞ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱛᱟᱲᱟᱢ ᱰᱟᱦᱟᱨ ᱮᱛᱚᱦᱚᱵ ᱞᱮᱱᱟ᱾ ᱱᱚᱣᱟ ᱴᱮᱠᱱᱤᱠᱮᱞ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱟᱠᱷᱲᱟ ᱩᱰᱟᱹᱣ ᱥᱟᱹᱜᱩᱱ ᱫᱚ ᱑᱗ ᱱᱚᱵᱷᱮᱢᱵᱚᱨ ᱑᱙᱕᱒ ᱨᱮ ᱩᱱ ᱚᱠᱛᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱱ ᱯᱚᱱᱚᱛ ᱜᱚᱢᱠᱮ ᱦᱚᱨᱮᱫᱽᱨᱚ ᱠᱩᱢᱟᱨ ᱢᱩᱠᱷᱟᱨᱡᱤ ᱦᱚᱛᱮᱛᱮ ᱦᱩᱭ ᱥᱟᱹᱛ ᱞᱮᱱᱟ᱾ ᱮᱛᱚᱦᱚᱵ ᱥᱮᱫ, ᱱᱚᱸᱰᱮ ᱫᱚ ᱠᱷᱟᱹᱞᱤ ᱥᱤᱵᱷᱤᱞ ᱤᱧᱡᱤᱱᱤᱭᱚᱨᱤᱝ ᱨᱮ ᱞᱟᱭᱥᱮᱱᱥᱤᱭᱮᱴ (ᱮᱞ.ᱥᱤ.ᱤ) ᱟᱨ ᱰᱨᱟᱯᱷᱴᱢᱮᱱᱥᱤᱯ ᱠᱳᱨᱥ ᱠᱚᱨᱟᱣ ᱦᱩᱭᱩᱜ ᱠᱟᱱ ᱛᱟᱸᱦᱮᱱᱟ, ᱟᱨ ᱚᱱᱟ ᱛᱮᱜᱮ ᱥᱨᱤ ᱨᱟᱢᱠᱨᱤᱥᱱᱚ ᱥᱤᱞᱯᱟ ᱵᱤᱫᱽᱭᱟᱯᱤᱴᱷ ᱫᱚ ᱛᱤᱦᱤᱧ-ᱜᱟᱯᱟ ᱦᱚᱸ ᱮᱞ.ᱥᱤ ᱠᱚᱞᱮᱡᱽ ᱧᱩᱛᱩᱢ ᱛᱮ ᱵᱟᱲᱟᱭᱚᱜᱼᱟ᱾ ᱥᱤᱣᱲᱤ ᱨᱮᱭᱟᱜ ᱥᱨᱤ ᱨᱟᱢᱠᱨᱤᱥᱱᱚ ᱥᱤᱞᱯᱟ ᱵᱤᱫᱽᱭᱟᱯᱤᱴᱷ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱢᱟᱨᱮ ᱥᱚᱨᱠᱟᱨᱤ ᱯᱚᱞᱤᱴᱮᱠᱱᱤᱠ ᱠᱚ ᱢᱩᱸᱫᱽ ᱨᱮ ᱞᱮᱠᱷᱟᱜ ᱠᱟᱱᱟ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱟᱹᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Affiliated Polytechnic with the West Bengal State Council of Technical Education".