ᱥᱩᱠᱚᱱᱭᱟ ᱨᱚᱦᱢᱟᱱ
ᱥᱩᱠᱚᱱᱭᱟ ᱨᱚᱦᱢᱟᱱ ᱫᱚ ᱢᱤᱫ ᱥᱤᱧᱚᱛ ᱠᱞᱟᱥᱤᱠᱟᱞ ᱰᱮᱱᱥᱚᱨ,ᱚᱱᱚᱞᱤᱭᱟ.,ᱵᱷᱤᱡᱩᱣᱟᱞ ᱟᱨᱴᱤᱥᱴ ᱠᱟᱱᱟᱭ ᱾ ᱟᱡᱟᱜ ᱯᱚᱛᱚᱵ ᱰᱟᱱᱥᱤᱝ ᱤᱱ ᱫᱤ ᱯᱷᱮᱢᱤᱞᱤ (Dancing in the family) ᱨᱮ ᱯᱮᱭᱟ ᱠᱩᱲᱤ ᱦᱚᱯᱚᱱ ᱠᱚᱣᱟᱜ ᱩᱭᱦᱟ.ᱨ ᱡᱷᱚᱞᱚᱠ,ᱟᱭᱢᱟ ᱦᱚᱲ ᱠᱚᱣᱟᱜ ᱢᱚᱱ ᱨᱤᱡᱷᱟ.ᱣ ᱟᱠᱟᱫ-ᱟᱭ ᱾ ᱟᱡᱟᱜ ᱯᱮᱱᱴᱤᱝ ᱟᱨ ᱠᱚᱞᱮᱡᱽ ᱠᱟ.ᱢᱤ ᱦᱩᱱᱟ.ᱨᱠᱚ ᱫᱚᱥᱚᱢ ᱟᱨ ᱫᱤᱥᱚᱢ ᱵᱟᱦᱨᱮ ᱩᱫᱮᱞᱟ ᱠᱚᱨᱮ ᱩᱫᱩᱜ-ᱥᱚᱫᱚᱨ ᱟᱠᱟᱱᱟ ᱾ ᱟᱡᱟᱜ ᱚᱱᱟ ᱛᱤᱢᱤᱱ ᱜᱟᱱ ᱠᱟ.ᱢᱤ ᱠᱚᱫᱚ ᱣᱤᱞᱤᱭᱚᱢ ᱢᱤᱸᱣᱡᱤᱭᱚᱢ ᱳᱯᱷ ᱟᱨᱴ (en:William Benton Museum of Art), ᱫᱤ ᱟᱨᱴᱥ ᱠᱳᱢᱞᱮᱥ ᱢᱤᱸᱣᱡᱤᱭᱚᱢ (The Arts Complex Museum), {ᱫᱤ ᱯᱞᱟᱣᱟᱨ ᱢᱤᱸᱣᱡᱤᱭᱚᱢ (The Fowler Museum), ᱞᱳᱥ ᱟᱱᱜᱮᱞᱥ(Los Angeles)} ᱠᱚᱨᱮ ᱴᱷᱟ.ᱣᱠᱟ.ᱱ ᱟᱠᱟᱱᱟ ᱾
ᱡᱤᱭᱚᱱ ᱠᱟᱛᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱩᱠᱚᱱᱭᱟ ᱫᱚ ᱑᱙᱔᱖ ᱥᱟᱞ,ᱠᱚᱞᱠᱟᱛᱟ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱫᱚ ᱥᱤᱧᱚᱛ ᱟᱨᱠᱤᱴᱮᱴ (ᱵᱟᱵᱟ) ᱦᱚᱵᱤᱵᱽ ᱨᱚᱦᱢᱟ (Habib Rahman) ᱟᱨ ᱠᱞᱟᱥᱤᱠᱟᱞ ᱥᱤᱧᱚᱛᱤᱭᱟ. ᱰᱮᱱᱥᱚᱨ ᱤᱱᱫᱨᱟᱬᱤ ᱨᱚᱢᱟᱱ (en:Indrani Rahman) ᱣᱤᱡ ᱦᱚᱯᱚᱱ-ᱮᱨᱟ ᱟᱨ ᱥᱤᱧᱚᱛ ᱰᱮᱱᱥᱚᱨ ᱟ.ᱜᱩᱣᱟ.ᱱᱤᱭᱟ. ᱨᱟᱜᱤᱬᱤ ᱫᱮᱵᱤ ᱟᱡ ᱜᱚᱲᱚᱢ-ᱵᱩᱰᱷᱤ ᱠᱟᱱᱟᱭ ᱾ ᱟᱡ ᱫᱚ ᱪᱤᱛᱟ.ᱨ ᱜᱚᱲᱦᱚᱱ ᱠᱚᱞᱮᱡᱽ ᱳᱯᱷ ᱟᱨᱴ (College of Art),ᱫᱤᱞᱞᱤ ᱨᱮ ᱯᱚᱲᱦᱚᱱ ᱟᱠᱟᱱᱟᱭ ᱾ ᱑᱙᱖᱕ ᱥᱟᱞ ᱨᱮ, ᱯᱷᱨᱟᱱᱥ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱮᱠᱳᱞ ᱱᱮᱥᱳᱱᱮᱞ ᱫᱮᱥ ᱵᱤᱣᱮᱠᱥ ᱟᱨᱴᱥ (en:École Nationale des Beaux Arts),ᱯᱭᱟᱨᱤᱥ ᱨᱮ ᱯᱚᱲᱦᱚᱱᱚᱜ ᱞᱟ.ᱜᱤᱫ ᱥᱠᱳᱞᱟᱨᱥᱤᱯ ᱧᱟᱢ ᱞᱮᱫᱟᱭ ᱾ ᱟᱡ ᱫᱚ ᱛᱷᱤᱭᱮᱴᱚᱨ ᱫᱤᱥᱟ.-ᱩᱫᱩᱜᱤᱡ,ᱜᱟᱭᱟᱱ ᱚᱱᱚᱞᱤᱭᱟ. ᱟᱨ ᱯᱨᱳᱰᱳᱥᱚᱨ ᱯᱷᱨᱟᱸᱠ ᱣᱤᱠᱥ (Frank Wicks) ᱥᱟᱶᱮ ᱵᱟᱯᱞᱟ ᱞᱮᱱᱟ ᱾ ᱟ.ᱠᱤᱱ ᱨᱤᱱ ᱫᱚ ᱵᱟᱨᱭᱟ ᱠᱚᱲᱟ ᱜᱤᱫᱟ.ᱨ ᱢᱮᱱᱟᱜ ᱠᱤᱱᱟ ᱾ ᱢᱤᱫ ᱫᱚ ᱦᱚᱵᱤᱵᱽ ᱣᱤᱠᱥ (Habib Wicks) ᱟᱨ ᱢᱤᱫ ᱫᱚ ᱣᱟᱨᱫᱨᱮᱛᱷ ᱣᱤᱠᱥ (Wardreath Wicks) ᱾
ᱠᱮᱨᱤᱭᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱩᱠᱚᱱᱭᱟ ᱫᱚ ᱟᱡ ᱟᱭᱚ ᱟᱨ ᱜᱚᱲᱚᱢ-ᱵᱩᱰᱷᱤ ᱛᱤᱠᱤᱱ ᱴᱷᱮᱱ ᱠᱷᱚᱱ ᱮᱱᱮᱡ ᱥᱮᱬᱟ ᱞᱮᱜ-ᱟᱭ ᱾ ᱯᱩᱭᱞᱩ ᱡᱤᱭᱚᱱ ᱨᱮ ᱟᱡ ᱟᱭᱚ ᱴᱷᱮᱱ ᱠᱷᱚᱱ ᱮᱱᱮᱡ ᱴᱨᱮᱱᱤᱝ ᱞᱮᱱᱟᱭ ᱾ ᱟᱢᱮᱨᱤᱠᱟᱱ ᱱᱟᱦᱟᱜ ᱮᱱᱮᱡ ᱵᱟᱠᱷᱨᱟ ᱥᱠᱳᱞᱟᱨᱥᱤᱯ ᱧᱟᱢ ᱞᱮᱫᱟᱭ ᱟᱨ ᱚᱸᱰᱮᱱᱟᱜ ᱱᱭᱩᱭᱚᱨᱠ ᱨᱮ ᱢᱟᱨᱛᱷᱟ ᱜᱨᱟᱦᱚᱢ (en:Martha Graham) ᱣᱟᱜ ᱛᱟ.ᱨᱤᱨᱮ ᱥᱮᱬᱟ ᱞᱮᱜ-ᱟᱭ ᱟᱨ ᱤᱱᱟ. ᱛᱟᱭᱚᱢ ᱥᱤᱧᱚᱛ ᱮᱱᱮᱡ ᱨᱮ ᱠᱮᱨᱤᱭᱚᱨ ᱵᱮᱱᱟᱣ ᱞᱮᱜ-ᱟᱭ ᱾ ᱟᱡ ᱟᱭᱚ ᱪᱷᱟᱰᱟ ᱠᱟᱛᱮ ᱟᱡ ᱨᱤᱱ ᱜᱩᱨᱩ ᱯᱟᱱᱰᱟᱞᱞᱩᱨ ᱪᱳᱠᱟᱞᱤᱝᱜᱟᱢ ᱯᱤᱞᱟᱭᱤ, ᱛᱟᱱᱡᱳᱨ ᱠᱤᱛᱛᱟᱯᱯᱟ ᱯᱤᱞᱟᱭᱤ, ᱫᱮᱵᱚ ᱯᱨᱚᱥᱟᱫᱽ ᱫᱟᱥ ᱟᱨ ᱨᱟᱡᱟ ᱨᱮᱰᱰᱤ ᱠᱚᱴᱷᱮᱱ ᱠᱷᱚᱱ ᱮᱱᱮᱡ ᱥᱮᱬᱟ ᱥᱟᱶᱛᱮ ᱵᱤᱫᱮᱥ ᱠᱚᱦᱚᱸᱭ ᱫᱟᱬᱟ ᱟᱠᱟᱫᱟ ᱾
ᱩᱫᱮᱞᱟᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟᱡᱟᱜ ᱠᱟ.ᱢᱤ ᱦᱩᱱᱟ.ᱨ ᱠᱚᱫᱚ ᱥᱤᱧᱚᱛ ᱫᱤᱥᱚᱢ ᱟᱨ ᱵᱟᱦᱨᱮ ᱫᱤᱥᱚᱢ ᱨᱮᱭᱟᱜ ᱟᱭᱢᱟ ᱩᱫᱮᱞᱟ ᱜᱭᱟᱞᱮᱨᱤ ᱟᱨ ᱢᱤᱸᱣᱡᱤᱭᱚᱢ ᱠᱚᱨᱮ ᱩᱫᱩᱜ-ᱥᱚᱫᱚᱨ ᱟᱠᱟᱱ ᱛᱟᱭᱟ ᱾ ᱚᱱᱟ ᱴᱷᱟᱶ ᱠᱚᱫᱚ ᱦᱩᱭᱩᱜ ᱠᱟᱱᱟ,
- ᱒᱐᱑᱕ ᱥᱟᱞ ᱱᱚᱵᱷᱮᱢᱵᱚᱨ ᱨᱮ, ᱢᱮᱸᱫ ᱞᱟ.ᱲᱦᱟ.ᱭ: ᱥᱤᱧᱚᱛ ᱡᱮ-ᱡᱟ.ᱛᱤᱭᱟᱨᱤ ᱥᱮᱱᱴᱚᱨ ᱟᱱᱱᱮᱠᱥ ᱜᱭᱟᱞᱮᱨᱤ (Eye Movement: India International Centre Annexe Gallery),
- ᱑᱙᱘᱙ ᱥᱟᱞ ᱨᱮ, ᱫᱤ ᱥᱚᱦᱢᱟᱛ ᱠᱳᱞᱞᱮᱠᱴᱤᱵᱷ:ᱟᱨᱴ ᱟᱱᱰ ᱟᱠᱴᱤᱵᱷᱤᱡᱤᱢ ᱤᱱ ᱤᱱᱰᱤᱭᱟ (The Sahmat Collective: Art and Activism in India) ᱾