ᱥᱩᱥᱢᱤᱛᱟ ᱵᱟᱱᱚᱨᱡᱤ (ᱮᱱᱮᱡᱤᱡ)
ᱥᱩᱥᱢᱤᱛᱟ ᱵᱟᱱᱚᱨᱡᱤ ᱫᱚ ᱥᱤᱧᱚᱛ ᱨᱤᱱᱤᱡ ᱢᱤᱫ ᱠᱚᱛᱷᱚᱠ ᱮᱱᱮᱡ ᱪᱷᱟᱨᱟᱣᱤᱭᱟ ᱥᱟᱶ , ᱮᱱᱮᱡ ᱥᱟᱯᱲᱟᱣᱤᱡ ᱟᱨ ᱮᱱᱮᱡ ᱠᱳᱸᱫᱽᱨᱚᱸᱫᱤᱭᱟᱹ ᱠᱟᱱᱟᱭ ᱾ [᱑] ᱥᱩᱥᱢᱤᱛᱟ ᱯᱚᱱᱰᱤᱛ ᱵᱤᱡᱚᱭ ᱥᱚᱸᱠᱚᱨ ᱟᱨ ᱥᱨᱤᱢᱚᱛᱤ ᱢᱟᱭᱟ ᱪᱟᱴᱟᱨᱡᱤ ᱥᱟᱶ ᱯᱚᱱᱰᱤᱛ ᱵᱤᱨᱡᱩ ᱢᱚᱦᱟᱨᱟᱡᱽ ᱴᱷᱮᱫ ᱠᱷᱚᱱ ᱮᱱᱮᱡ ᱮ ᱟᱪᱮᱫ ᱟᱠᱟᱱᱟ ᱾.[᱒] ᱟᱡ ᱫᱚ ᱫᱩᱨᱫᱚᱨᱥᱚᱱ ᱨᱤᱱᱤᱡ ᱢᱤᱫ ᱜᱨᱮᱰᱮᱰ ᱢᱟᱱ ᱧᱟᱢ ᱟᱠᱟᱫ ᱵᱟᱰᱚᱦᱤ ᱠᱟᱱᱟᱭ ᱟᱨ ᱤᱱᱰᱤᱭᱟᱱ ᱠᱟᱣᱱᱥᱤᱞ ᱯᱷᱚᱨ ᱠᱚᱞᱪᱚᱨᱟᱞ ᱨᱤᱞᱮᱥᱚᱱ ᱨᱤᱱᱤᱡ ( Indian Council for Cultural Relations) ᱮᱢᱯᱟᱱᱮᱞᱞᱮᱰ ᱵᱟᱰᱚᱦᱤ ᱠᱟᱱᱟᱭ ᱾ ᱥᱩᱥᱢᱤᱛᱟ ᱯᱚᱫᱽᱢᱚ ᱵᱤᱵᱷᱩᱥᱚᱬ ᱯᱚᱱᱰᱤᱛ ᱵᱤᱨᱡᱩ ᱢᱚᱦᱟᱨᱟᱡᱽ-ᱟ ᱫᱤᱥᱟᱹ ᱩᱫᱩᱜ ᱛᱮ ᱠᱚᱛᱷᱚᱠ ᱨᱮᱱᱟᱜ ᱠᱚᱛᱷᱟ ᱥᱟᱦᱤᱞᱤ ᱩᱛᱱᱟᱹᱣ ᱨᱩᱣᱟᱲ ᱟᱠᱟᱫᱟᱭ ᱾.[᱒] ᱠᱚᱛᱷᱚᱠ ᱟᱨ ᱥᱤᱧᱚᱛ ᱥᱟᱥᱛᱨᱤᱭᱚ ᱮᱱᱮᱡ ᱨᱮ ᱟᱡᱜ ᱮᱱᱮᱢ ᱠᱷᱟᱹᱛᱤᱨ ᱥᱣᱟᱨᱛᱷᱢᱚᱨᱮ ᱠᱚᱞᱮᱡᱽ ᱨᱤᱱᱤᱡ ᱜᱟᱞᱚᱪᱤᱭᱟᱹ ᱯᱚᱞᱤᱵᱤ ᱪᱚᱠᱨᱚᱵᱚᱨᱛᱤ ᱭᱟᱜ ᱯᱚᱛᱚᱵᱽ ᱵᱮᱞᱥ ᱚᱯᱷ ᱪᱮᱱᱡᱽ ᱨᱮ ᱟᱡ ᱴᱷᱟᱶ ᱮ ᱧᱟᱢ ᱞᱮᱫᱟ ᱾ [᱓]
ᱯᱟᱲᱦᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱮᱱᱮᱡ ᱥᱮᱨᱮᱧ ᱨᱤᱱᱤᱡ ᱯᱟᱹᱨᱩᱠᱷᱤᱭᱟᱹ ᱥᱩᱥᱢᱤᱛᱟ ᱱᱵᱟᱱᱚᱨᱡᱤ ᱚᱞᱚᱜ ᱯᱟᱲᱦᱟᱣ ᱨᱮᱦᱚᱱᱭ ᱡᱩᱞᱩᱢ ᱜᱮᱭᱟ ᱾ ᱥᱩᱥᱢᱤᱛᱟ ᱟᱡᱟᱜ ᱰᱤᱜᱨᱤ ᱠᱳᱞᱠᱟᱛᱟ ᱨᱮᱱᱟᱜ ᱞᱳᱨᱮᱴᱳ ᱠᱚᱞᱮᱡᱽ ᱠᱷᱚᱱ ᱤᱸᱞᱤᱥ ᱥᱟᱶᱦᱮᱫ ᱨᱮ ᱥᱟᱹᱛ ᱟᱠᱟᱫᱟᱭ ᱾ ᱠᱚᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱦᱚᱸ ᱟᱡ ᱤᱸᱞᱤᱥ ᱥᱟᱶᱦᱮᱫ ᱨᱮ ᱟᱡ ᱢᱟᱥᱴᱚᱨ ᱰᱤᱜᱨᱤ ᱥᱟᱹᱛ ᱟᱠᱟᱫᱟᱭ ᱾ [᱔]
ᱠᱟᱹᱢᱤᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱩᱥᱢᱤᱛᱟ ᱥᱤᱧᱚᱛ ᱟᱨ ᱥᱤᱧᱚᱴ ᱵᱟᱦᱨᱮ ᱥᱮᱬᱟ ᱥᱮᱬᱟ ᱟᱨ ᱧᱩᱛᱩᱢᱟᱱ ᱴᱷᱟᱶ ᱨᱮ ᱟᱡᱟᱜ ᱦᱩᱱᱟᱹᱨ ᱮ ᱥᱚᱫᱚᱨ ᱟᱠᱟᱫᱟ ᱾᱒᱐᱐᱗ ᱨᱮ ᱟᱡ ᱴᱳᱠᱭᱳ ᱨᱮ ᱠᱟᱹᱢᱤ ᱞᱟᱹᱜᱤᱫ ᱭᱩᱱᱮᱥᱠᱳ ᱠᱷᱳᱱ ᱮᱱᱮᱡ ᱥᱟᱯᱲᱟᱣ(ᱠᱚᱨᱤᱭᱳᱜᱨᱟᱯᱷᱤ ) ᱞᱟᱹᱜᱤᱫ ᱱᱮᱣᱛᱟᱭ ᱧᱟᱢ ᱞᱮᱫ ᱛᱟᱦᱮᱱᱫ ᱾[᱕] ᱚᱱᱟ ᱞᱟᱦᱟ ᱨᱮ ᱑᱙᱙᱒-᱑᱙᱙᱓ ᱟᱡ ᱠᱚᱛᱷᱚᱠ ᱨᱮᱱᱟᱜ ᱢᱩᱽᱩᱛ ᱟᱨ ᱥᱟᱨᱤ , ᱠᱤᱥᱟᱹᱬ ᱡᱤᱱᱤᱥ ᱥᱚᱫᱚᱨ ᱞᱟᱹᱜᱤᱫ ᱟᱡ ᱡᱟᱯᱟᱱ ᱮ ᱪᱟᱞᱟᱣ ᱞᱮᱱ ᱛᱟᱦᱮᱸᱫ ᱾[᱕] ᱥᱩᱥᱢᱤᱛᱟ ᱟᱹᱰᱤᱜᱟᱱ ᱡᱮᱡᱟᱹᱛᱤᱭᱟᱹᱨᱤ ᱞᱟᱠᱪᱟᱨ ᱪᱷᱟᱢᱰᱟ ᱨᱮ ᱟᱡᱟᱜ ᱮᱱᱮᱡ ᱮ ᱥᱚᱫᱚᱨ ᱟᱠᱟᱫᱟ ᱡᱮᱢᱚᱱ:[᱖]
- ᱨᱤᱴᱵᱚᱨᱜ ᱢᱭᱩᱡᱤᱭᱚᱢ, ᱡᱩᱨᱤᱠ
- ᱩᱵᱮᱨᱥᱤ, ᱵᱨᱮᱢᱮᱱ
- ᱵᱮᱞᱜᱨᱮᱰ ᱴᱮᱞᱤᱵᱷᱤᱡᱚᱱ, ᱵᱮᱞᱜᱨᱮᱰ
- ᱵᱷᱚᱥᱚᱸᱛ ᱩᱛᱥᱚᱵ, ᱞᱟᱦᱟ ᱭᱩ ᱮᱥ ᱮᱥ ᱟᱨ
- ᱤᱱᱰᱳᱡᱽ ᱚᱯᱷ ᱫᱚ ᱣᱟᱨᱞᱰ, ᱵᱮᱭᱡᱤᱝ
- ᱯᱷᱮᱥᱴᱤᱵᱷᱟᱞ ᱚᱯᱷ ᱤᱱᱰᱤᱭᱟ, ᱵᱟᱝᱠᱚᱠ
- ᱱᱮᱦᱨᱩ ᱥᱮᱱᱚᱨ, ᱞᱚᱱᱰᱚᱱ
- ᱟᱨ ᱪᱤᱪ ᱪᱤ ᱟᱨ ᱴᱩᱨ, ᱢᱚᱥᱠᱟᱴ
- ᱨᱟᱢᱟᱭᱚᱬᱚ ᱠᱚᱱᱯᱷᱚᱨᱮᱱᱥ, ᱛᱨᱤᱱᱤᱫᱟᱫ ᱟᱨ ᱴᱳᱵᱟᱜᱳ
- ᱭᱩ ᱥᱤ ᱵᱮᱨᱠᱮᱞᱮ ᱭᱩᱥᱞᱟ,ᱵᱮᱨᱠᱮᱞᱤ ᱟᱨ ᱞᱚᱥ ᱟᱱᱡᱮᱞᱮᱥ
- ᱠᱟᱱᱥᱟᱥ ᱥᱴᱮᱴ ᱭᱩᱱᱤᱵᱷᱚᱨᱥᱤᱴᱤ, ᱢᱟᱱᱦᱚᱛᱚᱱ
- ᱨᱟᱢᱟᱭᱚᱱ ᱠᱚᱱᱯᱷᱚᱨᱮᱱᱥ, ᱰᱚᱨᱵᱟᱱ
- ᱵᱟᱞᱤ ᱟᱨᱴᱥ ᱯᱷᱮᱥᱤᱵᱷᱟᱞ, ᱵᱟᱞᱤ
ᱢᱟᱪᱮᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱳᱞᱠᱟᱛᱟ ᱨᱮ ᱢᱮᱱᱟᱜ ᱥᱩᱥᱢᱤᱛᱟ ᱵᱟᱱᱚᱨᱡᱤ ᱦᱟᱜ ᱜᱩᱨᱩᱠᱩᱲ ᱨᱮ ᱡᱮᱜᱮᱛ ᱨᱮᱱᱟᱜ ᱟᱭᱢᱟ ᱴᱚᱴᱷᱟ ᱡᱮᱢᱚᱱ ᱡᱚᱨᱢᱟᱱᱤ, ᱠᱩᱣᱮᱛ, ᱥᱣᱤᱡᱚᱨᱞᱮᱸᱰ, ᱨᱚᱥᱤᱭᱟ, ᱥᱯᱮᱱ ᱟᱨ ᱦᱚᱞᱟᱱᱰ ᱠᱷᱚᱱ ᱟᱪᱮᱫᱤᱭᱟᱹ ᱠᱚ ᱟᱪᱮᱫᱚᱜ ᱠᱚ ᱥᱮᱴᱮᱨᱚᱜ ᱠᱟᱱ ᱛᱟᱦᱮᱸᱫ ᱾[᱗] ᱥᱩᱥᱢᱤᱛᱟ ᱟᱡᱨᱤᱱ ᱡᱮᱱᱮᱵᱷᱟᱨᱮᱱᱟᱜ ᱟᱴᱮᱞᱤᱭᱮᱨᱥ ᱰᱤ ᱮᱛᱷᱱᱳᱢᱩᱥᱤᱠᱳᱞᱳᱜᱤ ᱨᱤᱱ ᱟᱪᱮᱫᱤᱭᱟᱹ ᱠᱚ ᱥᱟᱶ ᱢᱮᱥᱟ ᱠᱟᱛᱮᱫ ᱡᱮᱱᱮᱵᱷᱟ ᱟᱨ ᱪᱮᱱᱟᱭ ᱨᱮ ᱟᱹᱰᱤᱜᱟᱱ ᱟᱠᱷᱲᱟ ᱠᱚ ᱥᱚᱫᱚᱨ ᱟᱠᱟᱫᱟ ᱾ [᱘] ᱥᱩᱥᱢᱤᱛᱟ ᱦᱟᱞᱮ ᱜᱮ ᱠᱮᱨᱚᱞᱟ ᱜᱷᱚᱨᱟᱱᱟ ᱧᱩᱛᱩᱢ ᱛᱮ ᱢᱤᱫ ᱪᱷᱟᱢᱰᱟᱭ ᱵᱮᱨᱮᱫ ᱟᱠᱟᱫᱟ ᱡᱟᱦᱟᱸᱨᱮ ᱥᱤᱧᱚᱛ ᱨᱮᱱᱟᱜ ᱥᱟᱥᱛᱨᱤᱭᱚ ᱮᱱᱮᱡ ᱟᱨ ᱞᱟᱠᱪᱟᱨ ᱪᱮᱫᱚᱜ ᱟᱪᱮᱫᱚᱜ ᱟᱨ ᱦᱟᱹᱴᱤᱧ ᱞᱟᱹᱜᱤᱫ ᱛᱟᱠ ᱮ ᱮᱢᱚᱜ-ᱟ ᱾[᱑] ᱥᱩᱥᱢᱤᱛᱟ ᱞᱟᱠᱪᱟᱨ ᱜᱟᱶᱛᱟ SPICMACAY ᱥᱟᱞᱟᱜ ᱦᱚᱸ ᱱᱟᱯᱟᱭ ᱥᱟᱹᱜᱟᱹᱭ ᱢᱮᱱᱟᱜ ᱛᱟᱭᱟ ᱾ ᱟᱡ ᱥᱤᱧᱚᱛ ᱨᱮᱱᱟᱜ ᱟᱭᱢᱟ ᱥᱠᱩᱞ ,ᱠᱚᱞᱮᱡ, ᱡᱮᱜᱮᱛ ᱵᱤᱨᱫᱟᱹᱜᱟᱲ ᱞᱮᱠᱟᱱᱟᱜ ᱯᱚᱲᱦᱚᱱ ᱚᱱᱩᱥᱴᱷᱟᱱ ᱠᱚᱨᱮ ᱟᱱᱮᱡ ᱪᱮᱛᱟᱱ ᱨᱮ ᱠᱟᱹᱢᱤ ᱥᱟᱲᱟᱭ ᱛᱚᱨᱟᱣ ᱟᱠᱟᱫᱟ ᱾SPICMACAY ᱨᱮ ᱡᱚᱲᱟᱣ ᱮᱱ ᱠᱷᱟᱹᱛᱤᱨ ᱟᱡ ᱥᱤᱧᱚᱛ ᱨᱮᱱᱟᱜ ᱟᱭᱢᱟ ᱴᱷᱟᱶ ᱨᱮ ᱟᱥᱚᱠᱟᱭ ᱜᱩᱬ ᱢᱮᱱᱟᱜ ᱜᱤᱫᱽᱨᱟᱹᱠᱚ ᱥᱟᱶ ᱮ ᱠᱟᱹᱢᱤ ᱫᱟᱲᱮ ᱞᱮᱫ-ᱟ ᱾ [᱙]
ᱢᱟᱱ ᱥᱟᱨᱦᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱩᱥᱢᱤᱛᱟ ᱵᱟᱱᱚᱨᱡᱤ ᱟᱹᱰᱤᱜᱟᱱ ᱟᱭᱟᱢ ᱢᱟᱱ ᱟᱨ ᱥᱟᱨᱦᱟᱣ ᱟᱡᱟᱜ ᱠᱟᱹᱢᱤ ᱵᱤᱫᱟᱹᱞ ᱛᱮ ᱧᱟᱢ ᱟᱠᱟᱫᱟᱭ ᱚᱱᱟᱠᱚ ᱦᱩᱭᱩᱜ ᱠᱟᱱᱟ ᱺ
- ᱮᱢᱮᱨᱤᱴᱚᱥ ᱯᱷᱮᱞᱳᱥᱤᱯ- ᱞᱟᱠᱪᱟᱨ ᱟᱨ ᱢᱟᱱᱣᱟ ᱥᱚᱢᱵᱚᱲ ᱢᱚᱱᱛᱨᱚᱲᱟᱲᱚᱭ, ᱥᱤᱧᱚᱛ ᱥᱚᱨᱠᱟᱨ[᱑᱐]
- ᱥᱨᱤᱸᱜᱟᱨᱢᱚᱬᱤ ᱟᱣᱟᱨᱰ - ᱥᱩᱨ ᱥᱨᱤᱸᱜᱟᱨ ᱥᱚᱸᱥᱚᱫ, ᱢᱩᱢᱵᱟᱭ
- ᱟᱨᱭᱚ ᱱᱟᱴᱭᱚ ᱥᱚᱢᱟᱡᱽ - ᱯᱟᱪᱮ ᱵᱮᱸᱜᱚᱞ
- ᱱᱨᱤᱛᱭᱚ ᱥᱟᱫᱷᱚᱱᱟ ᱯᱩᱨᱚᱥᱠᱟᱨ -ᱚᱠᱷᱤᱞ ᱵᱷᱟᱨᱚᱛᱤᱭᱚ ᱥᱟᱱᱥᱠᱨᱩᱛᱤᱠ ᱥᱚᱸᱜᱷ, ᱯᱩᱱᱮ [᱔]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ ᱑.᱐ ᱑.᱑ "Charting the course of a tradition called Kathak". The New Indian Express. Archived from the original on 2015-12-22. Retrieved 2016-01-01.
- ↑ ᱒.᱐ ᱒.᱑ "Kathak show floors airmen". The Hindu (in Indian English). 2010-09-06. ISSN 0971-751X. Retrieved 2016-01-01.
- ↑ Pallabi, Chakrevorty (2008). Bells of Change - Kathak Dance, Women and Modernity In India. University of Chicago Press. ISBN 978-1905422487.
- ↑ ᱔.᱐ ᱔.᱑ "Profile". www.sushmitabanerjee.com. Retrieved 2016-01-01.
- ↑ ᱕.᱐ ᱕.᱑ "The Telegraph - Calcutta : Metro". www.telegraphindia.com. Retrieved 2016-01-01.
- ↑ "artsnetworkasia". www.artsnetworkasia.org. Retrieved 2016-01-01.
- ↑ "A voyage of excellence". The Hindu (in Indian English). 2014-09-11. ISSN 0971-751X. Retrieved 2016-01-01.
- ↑ "Nathalie Masson Kathak". Nathalie Masson Kathak. Retrieved 2016-01-01.
- ↑ "Kathak danseuse mesmerises children". The Hindu (in Indian English). 2010-12-01. ISSN 0971-751X. Retrieved 2016-01-01.
- ↑ "Merging time, motion and emotions ..." The New Indian Express. Archived from the original on 2016-02-05. Retrieved 2016-01-01.