ᱥᱩᱱᱟᱭᱚᱱᱟ ᱦᱚᱡᱟᱨᱤᱞᱟᱞ
| Sunayana Hazarilal | |
|---|---|
 In 2004 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | Mumbai, Maharashtra, India |
| ᱠᱟᱹᱢᱤ | Kathak dancer |
| ᱥᱤᱨᱯᱷᱟᱹ | Padma Shri Sangeet Natak Akademi Award Abhinayan Kala Saraswati Maharashtra Gaurav Award |
| ᱣᱮᱵᱽᱥᱟᱭᱤᱴ | Official web site |
ᱥᱩᱱᱟᱭᱚᱱᱟ ᱦᱚᱡᱟᱨᱤᱞᱟᱞ ᱚᱜᱽᱚᱨᱚᱣᱟᱞ ᱫᱚ ᱥᱤᱧᱚᱛᱤᱭᱟ. ᱠᱞᱟᱥᱤᱠᱟᱞ ᱮᱱᱮᱡᱤᱭᱟ. ᱠᱟᱱᱟᱭ ᱾ ᱟᱡ ᱠᱚᱛᱷᱚᱠ ᱮᱱᱮᱡ ᱨᱮ ᱯᱩᱨᱠᱟ.ᱛ ᱢᱮᱱᱟᱜ ᱟᱠᱟᱫᱮᱭᱟ ᱟᱨ ᱱᱚᱣᱟᱜᱮ ᱟᱡᱟᱜ ᱩᱯᱨᱩᱢ ᱾ ᱵᱮᱣᱨᱟ ᱡᱟ.ᱱᱤ,ᱟᱡᱜᱮ ᱡᱟᱱᱚᱠᱤ ᱯᱨᱚᱥᱟᱫᱽ ᱜᱷᱚᱨᱟᱱᱟ ᱨᱤᱱ ᱡᱤᱣᱤᱫ ᱢᱮᱱᱟᱭ ᱯᱩᱨᱠᱷᱟ.ᱛᱤᱭᱟ. ᱠᱟᱱᱟᱭ,ᱡᱟᱦᱟᱸ ᱫᱚ ᱵᱚᱱᱟᱨᱚᱥ ᱜᱷᱚᱨᱟᱱᱟ ᱦᱸᱠᱚ ᱢᱮᱛᱟᱜ ᱠᱟᱱᱟ ᱾ ᱒᱐᱑᱑ ᱥᱟᱞ ᱨᱮ ᱵᱷᱟᱨᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱯᱚᱫᱽᱢᱚᱥᱨᱤ ᱥᱤᱨᱯᱷᱟ.ᱭ ᱟᱢᱮᱴ ᱟᱠᱟᱫᱟ ᱾
ᱯᱩᱭᱞᱩ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱩᱱᱟᱭᱚᱱᱟ ᱫᱚ ᱑᱙᱓᱙ ᱥᱟᱞ,ᱵᱚᱞᱮᱨᱤ (Bareilly), ᱩᱛᱚᱨ ᱯᱨᱚᱫᱮᱥ ᱨᱮ ᱡᱟᱱᱟᱢ ᱟᱠᱟᱱᱟᱭ ᱾ ᱟᱡ ᱫᱚ ᱦᱚᱡᱟᱨᱤᱞᱟᱞ ᱠᱩᱢᱵᱷᱟᱨᱚ (Hazarilal Kumbharam) ᱣᱟᱜ ᱛᱟ.ᱨᱤᱨᱮ ᱠᱚᱛᱷᱚᱠ ᱮᱱᱮᱡ ᱥᱮᱬᱟ ᱞᱮᱜ-ᱟᱭ ᱾ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱫᱚ ᱪᱚᱱᱫᱨᱚᱥᱮᱠᱷᱚᱨ ᱯᱤᱞᱟᱭᱤ (Chandrashekhar Pillay) ᱣᱟᱜ ᱛᱟ.ᱨᱤᱨᱮ ᱪᱮᱫ ᱞᱮᱱᱟᱭ ᱟᱨ ᱥᱮᱨᱮᱧ ᱫᱚ ᱥᱨᱤ ᱡᱤ.ᱰᱤ ᱟᱜᱽᱱᱤ (Shri G.D. Agni) ᱟᱨ ᱥᱨᱤ ᱥᱚᱨᱚᱛ ᱪᱚᱱᱫᱨᱚ ᱟᱨᱳᱞᱠᱟᱞ (Shri Sharat Chandra Arolkar) ᱛᱤᱠᱤᱱ ᱴᱷᱮᱱ ᱠᱷᱚᱱ ᱥᱮᱬᱟ ᱞᱮᱜ-ᱟᱭ ᱾
ᱡᱤᱭᱚᱱ ᱠᱟᱛᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱩᱱᱟᱭᱚᱱᱟ ᱫᱚ ᱢᱩᱢᱵᱟᱭ ᱨᱮ ᱢᱤᱫ ᱨᱮᱞᱣᱮ ᱚᱯᱷᱤᱥᱚᱨ ᱚᱲᱟᱜ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱟᱡ ᱫᱚ ᱟᱬᱜᱟᱛ ᱩᱢᱮᱨ ᱠᱷᱚᱱᱜᱮ ᱮᱱᱮᱡ ᱪᱮᱫᱚᱜ ᱫᱚᱭ ᱮᱦᱚᱵ ᱞᱮᱫᱟ ᱾ ᱟᱡ ᱵᱟᱵᱟ ᱦᱟᱜ ᱪᱟ.ᱠᱨᱤ ᱵᱩᱫᱽᱞᱤ ᱭᱮᱱ ᱛᱟᱭᱟ,ᱟᱡ ᱫᱚ ᱢᱩᱢᱵᱟᱭ ᱵᱟᱦᱨᱮ ᱵᱟᱭ ᱥᱮᱱᱚᱜ-ᱟ ᱢᱮᱱᱛᱮ ᱞᱟ.ᱭ ᱞᱫᱟᱭ ᱾ ᱚᱱᱟᱛᱮ ᱟᱡ ᱫᱚ ᱚᱱᱟ ᱢᱩᱢᱵᱟᱭ ᱨᱮᱜᱮ ᱜᱩᱨᱩ ᱦᱚᱡᱟᱨᱤᱞᱟᱞ ᱣᱟᱜ ᱛᱟ.ᱨᱤᱨᱮ ᱮᱱᱮᱡ ᱥᱮᱬ ᱛᱚᱝᱜᱮ ᱞᱮᱜ-ᱟᱭ ᱾
ᱱᱤᱛᱚᱝ, ᱥᱩᱱᱟᱭᱚᱱᱟ ᱫᱚ ᱱᱟᱴᱚᱣᱟᱨᱤ ᱰᱮᱱᱥ ᱮᱠᱟᱰᱮᱢᱤ (Natawari Dance Academy) ᱨᱤᱱ ᱰᱟᱭᱨᱮᱠᱴᱚᱨ ᱞᱮᱠᱟᱛᱮ ᱠᱟ.ᱢᱤ ᱠᱟᱱᱟᱭ ᱾ ᱟᱡ ᱫᱚ ᱦᱤᱜᱨᱤ ᱜᱟᱞᱚᱪᱤᱭᱟ. ᱞᱮᱠᱟᱛᱮ ᱟᱭᱢᱟ ᱤᱱᱥᱴᱤᱪᱩᱴ ᱠᱚᱭ ᱦᱤᱨᱤ ᱟᱠᱟᱫᱟ ᱾ ᱟᱡ ᱫᱚ ᱟᱢᱮᱨᱤᱨᱠᱟ ᱨᱮᱭᱟᱜ ᱱᱭᱩᱭᱳᱨᱠ, ᱥᱟᱱᱯᱷᱨᱟᱱᱥᱤᱠᱳ ᱟᱨ ᱨᱚᱞᱤ ᱨᱮ ᱟᱭᱢᱟ ᱠᱟ.ᱢᱤ-ᱥᱟᱲᱟ ᱠᱚᱭ ᱥᱟᱯᱲᱟᱣ ᱟᱠᱟᱫᱟ ᱾ ᱚᱱᱟ ᱥᱟᱶᱛᱮ ᱤᱴᱟᱞᱤ,ᱡᱚᱨᱢᱟᱱᱤ, ᱵᱮᱞᱡᱤᱭᱚᱢ ᱫᱤᱥᱚᱢ ᱠᱚᱭ ᱫᱟᱬᱟ ᱦᱮᱡ ᱟᱠᱟᱱᱟ ᱾ ᱑᱙᱙᱐ ᱥᱟᱞ, ᱠᱟᱞᱤᱯᱷᱳᱨᱱᱤᱭᱟ ᱡᱮᱜᱮᱛ-ᱵᱤᱨᱫᱟᱜᱟᱲ, ᱞᱳᱥ ᱟᱱᱡᱮᱞᱥ (en:University of California, Los Angeles) ᱦᱤᱜᱨᱤ ᱜᱟᱞᱚᱪᱤᱭᱟ. ᱞᱮᱠᱟᱛᱮ ᱵᱟᱦᱟᱞ ᱞᱮᱱᱟᱭ ᱾ ᱟᱡ ᱫᱤ ᱡᱟᱱᱚᱠᱤᱯᱨᱚᱥᱟᱫᱽ ᱜᱷᱚᱨᱟᱱᱟ ᱪᱮᱛᱟᱱ ᱨᱮ ᱟᱭᱢᱟ ᱠᱷᱚᱸᱫᱽᱨᱚᱫᱽ ᱠᱟᱛᱮ,ᱚᱱᱟᱠᱚ ᱢᱤᱢᱤᱫ ᱜᱚᱴᱟᱝ ᱚᱱᱚᱞ ᱥᱟᱯᱲᱟᱣ ᱠᱟᱛᱮ ᱯᱩᱛᱷᱤ,ᱯᱟᱛᱷᱟᱢ,ᱠᱷᱚᱵᱚᱨ ᱠᱟᱜᱚᱡ ᱠᱚᱨᱮ ᱩᱪᱷᱟ.ᱱ ᱞᱮᱱ ᱛᱟᱭᱟ ᱾ ᱯᱮ-ᱜᱮᱞᱟᱝ ᱥᱮᱨᱢᱟ ᱠᱷᱚᱱ ᱦᱚᱸ ᱵᱟ.ᱲᱛᱤᱜᱮ ᱱᱚᱣᱟ ᱠᱚᱛᱷᱚᱠ ᱠᱞᱟᱥᱤᱠᱟᱞ ᱮᱱᱮᱡ ᱨᱮ ᱡᱩᱲᱟᱣ ᱢᱮᱱᱟᱜ ᱟᱠᱟᱫᱮᱭᱟ ᱾ ᱟᱡ ᱫᱚ ᱥᱤᱧᱚᱛ ᱫᱤᱥᱚᱢ ᱟᱨ ᱵᱟᱦᱨᱮ ᱫᱤᱥᱚᱢ ᱠᱚᱨᱮ ᱟᱭᱢᱟ ᱢᱮᱞᱟᱝᱠᱤ ᱨᱮ ᱩᱫᱩᱜ-ᱥᱚᱫᱚᱨ ᱟᱠᱟᱫᱟᱭ ᱾ ᱑᱙᱗᱔ ᱥᱟᱞ ᱠᱷᱚᱱ ᱫᱚ ᱜᱤᱫᱟ.ᱨᱠᱚ ᱵᱷᱟᱨᱚᱛᱤᱭᱚ ᱵᱤᱫᱽᱭᱟ ᱵᱷᱚᱵᱚᱱ,ᱢᱩᱢᱵᱟᱭ (Bharatiya Vidya Bhavan, Mumbai) ᱨᱮ ᱮᱱᱮᱡ ᱴᱨᱮᱱᱤᱝ/ᱯᱚᱲᱦᱚᱱ ᱮᱫ ᱠᱚᱣᱟᱭ ᱾ ᱱᱚᱴᱣᱟᱨᱤ ᱤᱱᱥᱴᱤᱪᱩᱴ (Natwari, the institution) ᱨᱮᱦᱚᱸ ᱴᱨᱮᱱᱤᱝ ᱮᱫ ᱠᱚᱣᱟᱭ,ᱡᱟᱦᱟᱸ ᱫᱚ ᱟᱡ ᱡᱟᱶᱟᱭ ᱦᱚᱨᱤᱞᱟᱞ (Hazarilal) ᱵᱮᱨᱮᱫ ᱞᱮᱫ ᱛᱟᱦᱮᱸᱱ ᱾
ᱥᱤᱨᱯᱷᱟ.ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱒᱐᱐᱓ ᱥᱟᱞ ᱨᱮ, ᱥᱚᱝᱜᱤᱛ ᱱᱟᱴᱚᱠ ᱮᱠᱟᱰᱮᱢᱤ ᱥᱤᱨᱯᱷᱟ.
- ᱚᱵᱷᱤᱱᱚᱚᱱ ᱠᱚᱞᱟ ᱥᱚᱨᱚᱥᱣᱚᱛᱤ ᱥᱤᱨᱯᱷᱟ.(Abhinayan Kala Saraswati) ᱫᱚ ᱵᱟᱞᱟ ᱥᱩᱵᱨᱚᱢᱚᱱᱭᱚᱢ (Bala Subramanya) ᱾
- ᱑᱙᱙᱙ ᱥᱟᱞ ᱨᱮ, ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱢᱟ.ᱱ ᱦᱚᱸᱭ ᱧᱟᱢ ᱟᱠᱟᱫᱟ ᱾
ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
https://sangeetnatak.gov.in/sna/citation_popup.php?id=686&at=2