ᱥᱭᱟᱢ ᱥᱤᱹ ᱴᱩᱰᱩ
| ᱥᱭᱟᱢ ᱥᱤᱹ ᱴᱩᱰᱩ | |
|---|---|
 | |
| ᱡᱟᱱᱟᱢ | ᱮᱯᱨᱤᱞ ᱓, ᱑᱙᱘᱓ ᱫᱟᱵᱟᱝᱠᱤ, ᱯᱩᱨᱵᱤ ᱥᱩᱝᱵᱷᱩᱢ, ᱡᱟᱨᱠᱷᱟᱱᱰ, ᱥᱤᱧᱚᱛ |
| ᱠᱟᱹᱢᱤ | ᱜᱟᱢᱟᱢᱤᱭᱟᱹ, ᱢᱟᱪᱮᱫ ᱚᱱᱚᱞᱤᱭᱟᱹ |
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ  |
| ᱥᱮᱪᱮᱫ | ᱮᱞᱹᱵᱤᱹᱮᱥᱹᱮᱢᱹ ᱠᱚᱞᱮᱡᱽ, ᱡᱟᱢᱥᱮᱫᱽᱯᱩᱨ ᱠᱚᱞᱦᱟᱱ ᱡᱮᱜᱮᱫ ᱵᱤᱨᱫᱟᱹ ᱜᱟᱲ, ᱪᱟᱭᱵᱟᱥᱟ |
| ᱥᱟᱶᱦᱮᱫ ᱮᱱᱮᱢ | ᱡᱟᱞᱟ ᱫᱟᱜ |
| ᱡᱤᱭᱚᱱ ᱥᱚᱦᱮᱫ | ᱥᱩᱯᱨᱤᱭᱟ ᱦᱟᱸᱥᱫᱟᱜ |
| ᱦᱚᱯᱚᱱ | ᱱᱤᱨᱚᱱ ᱴᱩᱰᱩ ᱟᱨ ᱟᱨᱥᱟᱞ ᱴᱩᱰᱩ |
ᱥᱭᱟᱢ ᱥᱤᱹ ᱴᱩᱰᱩ (ᱤᱝᱨᱟᱹᱡᱤᱺ Shyam C Tudu) ᱫᱚ ᱥᱟᱱᱛᱟᱞᱤ ᱥᱟᱶᱦᱮᱫ ᱫᱩᱱᱤᱭᱟᱹ ᱨᱮᱱ ᱢᱤᱫ ᱧᱩᱢ ᱦᱟᱞᱟᱝ ᱡᱩᱶᱟᱹᱱ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱟᱹᱰᱤᱰᱷᱮᱨ ᱥᱟᱱᱛᱟᱞᱤ ᱯᱚᱛᱚᱵ ᱠᱚᱭ ᱚᱞ ᱟᱠᱟᱫᱟ᱾ ᱒᱐᱑᱒ ᱥᱮᱨᱢᱟ ᱨᱮ ᱡᱟᱞᱟ ᱫᱟᱜ ᱧᱩᱛᱩᱢᱟᱱ ᱚᱱᱚᱲᱦᱮ ᱯᱚᱛᱚᱵ ᱧᱩᱛᱩᱢ ᱛᱮ ᱥᱟᱦᱤᱛᱭᱚ ᱟᱠᱟᱫᱮᱢᱤ ᱡᱩᱶᱟᱹᱱ ᱥᱤᱨᱯᱟᱹᱭ ᱦᱟᱢᱮᱴ ᱟᱠᱟᱫᱟ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱭᱟᱢ ᱥᱤᱹ ᱴᱩᱰᱩᱣᱟᱜ ᱡᱟᱱᱟᱢ ᱫᱚ ᱮᱯᱨᱤᱞ ᱑᱙᱘᱓ ᱢᱟᱹᱦᱤᱛ ᱨᱮ ᱱᱟᱦᱟᱜ ᱡᱷᱟᱨᱠᱷᱟᱱᱰ ᱨᱮᱭᱟᱜ ᱥᱟᱢᱟᱝ ᱥᱤᱝᱵᱷᱩᱢ ᱡᱤᱞᱟᱹ ᱫᱟᱵᱟᱝᱠᱤ ᱟᱹᱛᱳ ᱨᱮ ᱦᱩᱭ ᱞᱮᱱᱟ᱾ ᱴᱩᱰᱩ ᱟᱡ ᱜᱚᱜᱚᱣᱟᱜ ᱧᱩᱛᱩᱢ ᱫᱚ ᱥᱟᱜᱮᱱ ᱴᱩᱰᱩ ᱟᱨ ᱵᱟᱵᱟᱣᱟᱜ ᱧᱩᱛᱩᱢ ᱫᱚ ᱠᱚᱸᱫᱟ ᱴᱩᱰᱩ ᱠᱟᱱᱟ᱾ ᱴᱩᱰᱩ ᱫᱚ ᱟᱡ ᱜᱚᱲᱚᱢᱟᱜ ᱧᱩᱛᱩᱢ ᱥᱭᱟᱢ ᱜᱮ ᱠᱚ ᱧᱩᱛᱩᱢ ᱟᱠᱟᱫᱮᱭᱟ ᱛᱟᱭᱚᱢ ᱛᱮ ᱪᱚᱨᱚᱱ ᱫᱚ ᱟᱡ ᱛᱮᱭ ᱞᱟᱜᱟᱣ ᱟᱠᱟᱫᱟ᱾ ᱱᱟᱦᱟᱜ ᱫᱚ ᱥᱭᱟᱢ ᱪᱚᱨᱚᱱ ᱴᱩᱰᱩ ᱵᱵᱚᱫᱚᱞ ᱥᱭᱟᱢ ᱪᱤᱹ ᱴᱩᱰᱩᱭ ᱚᱞ ᱮᱫᱟ᱾ ᱥᱭᱟᱢ ᱛᱟᱠᱤᱱ ᱫᱚ ᱵᱟᱨ ᱵᱚᱭᱦᱟ ᱟᱠᱤᱱ᱾ ᱵᱚᱭᱦᱟ ᱢᱩᱫᱽ ᱨᱮ ᱟᱡ ᱞᱟᱹᱴᱩ ᱦᱩᱰᱤᱧᱤᱡ ᱟᱡ ᱧᱩᱛᱩᱢ ᱫᱚ ᱥᱟᱢᱩ ᱴᱩᱰᱩ᱾ ᱥᱭᱟᱢ ᱴᱩᱰᱩ ᱫᱚ ᱒᱐᱑᱒ ᱥᱟᱞ ᱨᱮᱭᱮ ᱵᱟᱯᱞᱟ ᱮᱱᱟ᱾ ᱟᱡ ᱵᱟᱹᱦᱩᱣᱟᱜ ᱧᱩᱛᱩᱢ ᱫᱚ ᱥᱩᱯᱨᱤᱭᱟ ᱦᱟᱸᱥᱫᱟᱜ᱾ ᱩᱱᱠᱤᱱ ᱨᱮᱱ ᱵᱟᱨᱭᱟ ᱠᱚᱲᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱ ᱛᱟᱹᱠᱤᱱᱟᱹ ᱱᱤᱨᱚᱱ ᱴᱩᱰᱩ ᱟᱨ ᱟᱨᱥᱟᱞ ᱴᱩᱰᱩ᱾
ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱭᱟᱢ ᱥᱤᱹ ᱴᱩᱰᱩ ᱯᱟᱹᱦᱤᱞ ᱟᱠᱚ ᱟᱹᱛᱩ ᱫᱟᱵᱟᱝᱠᱤ ᱥᱠᱩᱞ ᱨᱮᱜᱮ ᱱᱟᱨᱥᱟᱨᱤ ᱠᱷᱚᱱ ᱑ ᱦᱟᱹᱵᱵᱤᱡ ᱫᱚᱭ ᱯᱟᱲᱟᱦᱟᱣ ᱞᱮᱫᱟ᱾ ᱒ ᱪᱟᱱᱟᱪ ᱠᱷᱚᱱ ᱓ ᱪᱟᱱᱟᱪ ᱫᱚ ᱪᱷᱚᱴᱟ ᱥᱤᱜᱽᱫᱤ ᱨᱮ, ᱔ ᱪᱟᱱᱟᱪ ᱠᱷᱚᱱ ᱑᱐ ᱪᱟᱱᱟᱪ ᱦᱟᱹᱵᱤᱡ ᱫᱚ ᱵᱷᱟᱨᱟᱛ ᱥᱮᱣᱟ ᱟᱥᱨᱟᱢ ᱥᱟᱝᱜᱷᱟ ᱯᱨᱟᱣᱟᱱᱟᱱᱫᱟ ᱵᱤᱫᱽᱭᱟ ᱢᱟᱱᱫᱤᱨ ᱥᱚᱱᱟᱨᱤ ᱨᱮᱭᱮ ᱯᱟᱲᱦᱟᱣ ᱞᱮᱫᱟ᱾ ᱑᱑-᱑᱒ ᱟᱨ ᱜᱨᱮᱡᱩᱣᱮᱥᱚᱱ ᱫᱚ ᱮᱞᱹᱵᱤᱹᱮᱥᱹᱮᱢᱹ ᱠᱚᱞᱮᱡᱽ ᱡᱟᱢᱥᱮᱫᱽᱯᱩᱨ ᱠᱷᱚᱱᱮ ᱠᱚᱨᱟᱣ ᱟᱠᱟᱫᱟ᱾ ᱮᱢᱹᱮᱹ ᱰᱤᱜᱽᱨᱤ ᱫᱚ ᱜᱷᱟᱴᱥᱤᱞᱟᱹ ᱠᱚᱞᱮᱡᱽ ᱜᱷᱟᱴᱥᱤᱞᱟᱹ ᱠᱷᱚᱱᱮ ᱦᱟᱢᱮᱴ ᱟᱠᱟᱫᱟ᱾
ᱠᱟᱹᱢᱤ ᱠᱟᱹᱥᱱᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱭᱟᱢ ᱥᱤᱹ ᱴᱩᱰᱩ ᱫᱚ ᱯᱟᱹᱥᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱭᱟᱜ ᱥᱟᱞᱵᱚᱱᱤ ᱨᱮ ᱜᱚᱵᱷᱚᱨᱢᱮᱱᱴ ᱡᱮᱱᱮᱨᱟᱞ ᱰᱤᱜᱽᱨᱤ ᱠᱚᱞᱮᱡᱽ ᱨᱮᱭᱟᱜ ᱥᱟᱱᱛᱟᱲᱤ ᱵᱤᱜᱷᱟᱜᱽ ᱨᱮ ᱥᱚᱦᱚᱫ ᱜᱟᱞᱚᱪᱤᱭᱟᱹ ᱞᱮᱠᱟ ᱒᱐᱑᱙ ᱥᱟᱞ ᱠᱷᱚᱱᱮ ᱠᱟᱹᱢᱤ ᱠᱟᱱᱟ᱾ ᱚᱱᱟ ᱪᱷᱟᱰᱟ ᱦᱚᱸ ᱥᱟᱱᱛᱟᱲᱤ ᱯᱚᱵᱚᱵ ᱪᱷᱟᱯᱟ ᱥᱚᱜᱫᱚᱨᱤᱡ ᱞᱮᱠᱟ ᱛᱮᱦᱚᱸᱭ ᱠᱟᱹᱢᱤ ᱜᱮᱭᱟ᱾
ᱥᱚᱫᱚᱨ ᱯᱚᱛᱚᱵᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱭᱟᱢ ᱥᱤᱹ ᱴᱩᱰᱩ ᱚᱞ ᱟᱠᱟᱫ ᱯᱚᱛᱚᱵ ᱠᱚ ᱨᱮᱭᱟᱜ ᱛᱟᱹᱞᱠᱟᱹ ᱱᱚᱜ-ᱚᱭ ᱞᱟᱛᱟᱨ ᱨᱮᱺ
| ᱮᱞ | ᱯᱚᱱᱚᱛ ᱧᱩᱛᱩᱢ | ᱥᱚᱫᱚᱨ | ᱛᱷᱚᱠ |
|---|---|---|---|
| ᱑ | ᱛᱟᱨᱟᱥ | ᱒᱐᱐᱒ | ᱚᱱᱚᱬᱦᱮ |
| ᱒ | ᱚᱞ ᱪᱤᱠᱤ ᱪᱮᱢᱮᱫ | ᱒᱐᱐᱓ | ᱚᱱᱚᱬᱦᱮ |
| ᱓ | ᱚᱞ ᱪᱤᱠᱤ ᱥᱤᱠᱷᱟ | ᱒᱐᱐᱔ | |
| ᱔ | ᱥᱤᱸᱜᱟᱹᱲ ᱵᱤᱡᱽᱞᱤ | ᱒᱐᱐᱔ | ᱥᱟᱭᱨᱤ |
| ᱕ | ᱚᱠᱟᱛᱮ | ᱒᱐᱐᱖ | ᱥᱟᱭᱨᱤ |
| ᱖ | ᱵᱩᱰᱷᱤ ᱯᱟᱨᱠᱚᱢ | ᱒᱐᱑᱐ | ᱜᱤᱫᱽᱨᱟᱹ ᱵᱟᱹᱣᱞᱤ |
| ᱗ | ᱡᱟᱞᱟ ᱫᱟᱜ | ᱒᱐᱑᱐ | ᱚᱱᱚᱬᱦᱮ |
| ᱘ | ᱩᱱᱤ ᱥᱮᱱ ᱛᱟᱭᱚᱢ | ᱒᱐᱑᱒ | ᱚᱱᱚᱬᱦᱮ |
| ᱙ | ᱥᱤᱥᱤᱨ ᱯᱚᱨᱟᱭᱱᱤ | ᱒᱐᱑᱕ | ᱜᱟᱢᱟᱢ |
| ᱑᱐ | ᱵᱤᱱᱤᱰ ᱜᱟᱛᱮ | ᱒᱐᱑᱖ | ᱢᱤᱥᱟᱢᱤᱥᱤ |
| ᱑᱑ | ᱟᱨ ᱢᱤᱫᱴᱮᱝ ᱩᱡᱟᱹᱲ | ᱒᱐᱑᱘ | ᱜᱟᱢᱟᱢ |
| ᱑᱒ | ᱦᱚᱯᱚᱱ ᱮᱨᱟ | ᱒᱐᱑᱘ | ᱜᱟᱢᱟᱢ |
| ᱑᱓ | ᱵᱤᱨ ᱵᱟᱹᱡᱟᱹᱞ ᱫᱚ ᱵᱟᱠᱚ ᱯᱟ,ᱥᱤ ᱞᱮᱫᱮᱭᱟ | ᱒᱐᱑᱘ | ᱜᱟᱢᱟᱢ |
| ᱑᱔ | ᱴᱩᱰᱩ ᱠᱚᱲᱟ ᱨᱩᱥᱤᱠᱟ | ᱒᱐᱑᱘ | ᱡᱤᱭᱚᱱᱤ |
| ᱑᱕ | ᱟᱨᱩᱱᱟᱪᱚᱞ ᱨᱮᱱ ᱟᱹᱫᱤᱵᱟᱹᱥᱤ | ᱒᱐᱑᱙ | |
| ᱑᱖ | ᱯᱟᱹᱨᱥᱤ ᱥᱟᱬᱮᱥ | ᱒᱐᱒᱐ | |
| ᱑᱗ | ᱥᱟᱶᱦᱮᱫ ᱥᱟᱹᱲᱤᱢ | ᱒᱐᱒᱐ | ᱥᱟᱶᱦᱮᱫ ᱛᱮᱛᱮᱫ |
| ᱑᱘ | ᱤᱧ ᱵᱟᱵᱟ ᱫᱚ ᱜᱚᱡ ᱦᱚᱲᱮ ᱥᱟᱢᱟᱜ ᱠᱚᱣᱟ | ᱒᱐᱒᱐ | ᱜᱟᱢᱟᱢ |
| ᱑᱙ | ᱠᱩᱞ ᱵᱮᱴᱟ | ᱒᱐᱒᱑ | ᱜᱤᱫᱽᱨᱟᱹ ᱠᱟᱹᱦᱱᱤ |
| ᱒᱐ | ᱟᱨ ᱢᱤᱫᱴᱮᱱ ᱦᱩᱞ | ᱒᱐᱒᱑ | ᱜᱟᱢᱟᱢ |
| ᱒᱑ | ᱧᱤᱱᱫᱟᱹ ᱪᱟᱱᱫᱚ ᱰᱤᱵᱟᱹ ᱢᱟᱨᱥᱟᱞ | ᱒᱐᱑᱗ | ᱚᱱᱚᱬᱦᱮᱸ |
| ᱒᱒ | ᱤᱧᱤᱧ ᱥᱮᱨᱮᱧ ᱚᱠᱛᱮ | ᱒᱐᱑᱙ | ᱚᱱᱚᱬᱦᱮᱸ |
| ᱒᱓ | ᱥᱟᱺᱜᱷᱟᱨᱺ ᱥᱟᱱᱛᱟᱲᱤ ᱟᱨ ᱢᱟᱦᱟᱞᱤ | ᱒᱐᱑᱙ | ᱚᱱᱚᱬᱦᱮᱸ |
| ᱒᱔ | ᱤᱥᱤ ᱢᱤᱫ ᱠᱟᱹᱦᱱᱤ | ᱒᱐᱒᱑ | ᱚᱱᱚᱬᱦᱮᱸ |
| ᱒᱕ | ᱯᱟᱸᱡᱟ | ᱒᱐᱐᱗ ᱠᱷᱚᱱ | ᱯᱟᱛᱷᱟᱢ |
| ᱒᱖ | ᱥᱮᱛᱟᱜ | ᱒᱐᱐᱘ ᱠᱷᱚᱱ | ᱯᱟᱛᱷᱟᱢ |
ᱢᱟᱱᱚᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱭᱟᱢ ᱥᱤᱹ ᱴᱩᱰᱩ ᱫᱚ ᱥᱟᱱᱛᱟᱲᱤ ᱯᱟᱹᱨᱥᱤ ᱥᱟᱶᱦᱮᱫ ᱟᱨ ᱞᱟᱠᱪᱟᱨ ᱨᱮ ᱩᱱᱤᱭᱟᱜ ᱮᱱᱮᱢ ᱠᱷᱟᱹᱛᱤᱨ ᱩᱱᱤ ᱫᱚ ᱟᱭᱢᱟ ᱥᱟᱶᱦᱮᱫ ᱟᱨ ᱞᱟᱠᱪᱟᱨ ᱜᱟᱶᱛᱟ ᱦᱚᱛᱮᱛᱮ ᱠᱚ ᱢᱟᱹᱱ ᱵᱮᱵᱷᱟᱨ ᱟᱠᱟᱫᱮᱭᱟ ᱾
- ᱥᱭᱟᱢ ᱥᱤᱹ ᱴᱩᱰᱩ ᱠᱚᱨᱚᱱᱰᱤ ᱡᱟᱦᱮᱨ ᱛᱷᱟᱱ ᱵᱟᱹᱭᱥᱤ ᱥᱮᱡ ᱠᱷᱚᱱ ᱒᱐᱐᱙ ᱥᱮᱨᱢᱟ ᱨᱮ Pt. Raghunath Murmu Literary Award ᱮ ᱦᱟᱢᱮᱴ ᱟᱠᱟᱫᱟ᱾
- Sahitya Akademi ᱱᱟᱶᱟ ᱫᱤᱞᱞᱤ ᱯᱟᱥᱴᱟ ᱠᱷᱚᱱ ᱡᱟᱞᱟ ᱫᱟᱜ ᱚᱱᱚᱬᱦᱮ ᱯᱚᱛᱚᱵ ᱧᱩᱛᱩᱢ ᱛᱮ ᱒᱐᱑᱒ ᱥᱮᱨᱢᱟ ᱡᱩᱶᱟᱹᱱ ᱥᱤᱨᱯᱟᱹ ᱛᱮᱠᱚ ᱢᱟᱱᱚᱛ ᱟᱠᱟᱫᱮᱭᱟ[᱑]
᱾