ᱥᱮᱢᱞᱮᱫ (ASECA)

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱥᱮᱢᱞᱮᱫ ( ASECA)

ᱟ.ᱫᱤᱵᱟ.ᱥᱤ ᱥᱟᱶᱛᱟ ᱥᱮᱪᱮᱫ ᱞᱟᱠᱪᱟᱨ ᱥᱮᱢᱞᱮᱫ (ᱟ. ᱥ. ᱥ. ᱞ. ᱥ. ) ᱟᱨᱵᱟᱝ Adivasi Socio Educational and Cultural Association (ASECA) ᱫᱚᱵᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱫᱚ ᱟᱵᱚ ᱥᱟᱶᱛᱟ ᱨᱮᱭᱟᱜ ᱢᱟᱨᱟᱝ ᱜᱟᱶᱛᱟ ᱠᱟᱱᱟ ᱾ ᱩᱰᱤᱥᱟ ᱡᱟᱠᱟᱛ, ᱵᱮᱸᱜᱚᱞ ᱡᱟᱠᱟᱛ, ᱡᱷᱟᱨᱠᱷᱚᱸᱰ ᱡᱟᱠᱟᱛ ᱟᱨ ᱟᱥᱟᱢ ᱡᱟᱠᱟᱛ ᱵᱷᱮᱜᱟᱨ ᱵᱷᱮᱜᱟᱨ ᱥᱮᱢᱞᱮᱫ ᱢᱮᱱᱟᱜᱼᱟ ᱾

ᱥᱮᱢᱞᱮᱫ ᱨᱮᱭᱟᱜ ᱛᱷᱟᱯᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱟᱭᱨᱚᱝᱯᱩᱨ, ᱵᱷᱚᱸᱡᱽ, ᱩᱰᱤᱥᱟ ᱨᱮᱭᱟᱜ ᱥᱮᱢᱞᱮᱫ ᱫᱚ ᱢᱟᱺ ᱑. ᱖. ᱑᱙᱖᱔ ᱦᱤᱛ ᱨᱮ ᱛᱷᱟᱯᱚᱱ ᱟᱠᱟᱱᱟ ᱾

ᱪᱟ.ᱠᱩᱲᱤᱭᱟ., ᱥᱤᱝᱵᱷᱩᱢ, ᱡᱷᱟᱨᱠᱷᱚᱸᱰ ᱨᱮᱭᱟᱜ ᱥᱮᱢᱞᱮᱫ ᱫᱚ ᱢᱟᱺ ᱒᱐. ᱑. ᱑᱙᱖᱖ ᱦᱤᱛ ᱦᱤᱞᱚᱜ ᱛᱷᱟᱯᱚᱱ ᱟᱠᱟᱱᱟ ᱾

ᱠᱩᱰᱞᱮᱱ, ᱠᱚᱞᱠᱟᱛᱟ, ᱯᱩ. ᱵᱟᱸᱜᱽᱞᱟ ᱨᱮᱭᱟᱜ ᱥᱮᱢᱞᱮᱫ ᱫᱚ ᱢᱟᱺ ᱑᱗. ᱖. ᱑᱙᱖᱗ ᱦᱤᱛ ᱨᱮ ᱛᱷᱟᱯᱚᱱ ᱟᱠᱟᱱᱟ ᱾

ᱨᱚᱨ ᱯᱚᱛᱷᱚᱨ, ᱥᱤᱵᱽ ᱱᱚᱜᱚᱨ, ᱟᱥᱟᱢ ᱨᱮᱭᱟᱜ ᱥᱮᱢᱞᱮᱫ ᱫᱚ ᱢᱟᱺ ᱗. ᱙. ᱑᱙᱘᱑ ᱦᱤᱛ ᱨᱮ ᱛᱷᱟᱯᱚᱱ ᱟᱠᱟᱱᱟ ᱾

ᱟᱵᱚᱣᱟᱜ ᱫᱚ ᱱᱚᱶᱟ ᱜᱮ ᱥᱚᱢᱵᱤᱫᱷᱟᱱ ᱥᱮ ᱨᱟᱡᱽᱫᱷᱟᱱᱤ ᱞᱮᱠᱟ ᱾ ᱱᱚᱶᱟ ᱦᱚᱛᱮᱛᱮ ᱥᱟᱱᱟᱢ ᱞᱮᱠᱟᱱ ᱵᱷᱟ.ᱞᱟ.ᱭ ᱦᱩᱭᱩᱜ ᱛᱟᱵᱚᱱᱟ ᱾ ᱱᱚᱶᱟ ᱥᱮᱢᱞᱮᱫ ᱨᱮ ᱵᱷᱮᱜᱟᱨ ᱵᱷᱮᱜᱟᱨ ᱠᱟ.ᱢᱤ ᱠᱩᱢᱩᱴ ᱢᱮᱱᱟᱜᱼᱟ ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ :- ᱟ.ᱫᱤᱵᱟ.ᱥᱤ "ᱥᱟᱶᱛᱟ", "ᱥᱮᱪᱮᱫ", "ᱞᱟᱠᱪᱟᱨ", ᱥᱮᱢᱞᱮᱫ ᱮᱢᱟᱱ ᱾ ᱢᱩᱲᱩᱛ ᱫᱚ ᱯᱮᱭᱟ ᱢᱟᱰᱣᱟ ᱢᱮᱱᱟᱜᱼᱟ, ᱚᱱᱟ ᱫᱚ ᱦᱩᱭᱩᱜ ᱠᱟᱱᱟ :-

᱑. ᱥᱟᱶᱛᱟ ᱢᱟᱰᱣᱟ

᱒. ᱥᱮᱪᱮᱫ ᱢᱟᱰᱣᱟ

᱓. ᱞᱟᱠᱪᱟᱨ ᱢᱟᱰᱣᱟ

ᱟ.ᱫᱤᱵᱟ.ᱥᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱫᱽ ᱠᱚᱦᱚᱸ ᱢᱮᱱᱟᱜ ᱟᱠᱟᱫ ᱠᱚ ᱱᱚᱶᱟ ᱫᱤᱥᱚᱢ ᱨᱮ ᱵᱚᱥᱠᱚᱫ ᱠᱟᱛᱮ ᱾ ᱡᱮᱜᱮᱛ ᱨᱤᱱ ᱢᱩᱲ ᱢᱟ.ᱱᱢᱤ, ᱟ.ᱫᱤᱢ ᱠᱷᱮᱨᱣᱟᱲ ᱩᱱᱠᱩ ᱜᱮ ᱟ.ᱫᱤᱵᱟ.ᱥᱤ ᱫᱚ ᱵᱚ ᱢᱮᱛᱟ ᱠᱚ ᱠᱟᱱᱟ ᱾

ᱥᱟᱶᱛᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱵᱚ ᱥᱟᱱᱛᱟᱲ ᱫᱚ ᱮᱠᱞᱟ ᱛᱚᱠᱞᱟ ᱵᱟᱝ ᱛᱟᱦᱮᱸ ᱠᱟᱛᱮ ᱥᱟᱶᱼᱥᱟᱶ ᱵᱚᱱ ᱛᱟᱦᱮᱸᱱᱟ ᱾ ᱚᱱᱟ ᱥᱟᱶᱼᱥᱟᱶ ᱛᱟᱦᱮᱸᱱ ᱜᱮ ᱥᱟᱶᱛᱟ ᱫᱚᱵᱚᱱ ᱡᱮᱛᱟᱜ ᱠᱟᱱᱟ ᱾ ᱱᱚᱶᱟ ᱢᱟᱰᱣᱟ ᱨᱮᱫᱚ ᱥᱟᱶᱛᱟ ᱨᱮᱭᱟᱜ ᱞᱮᱠᱟᱱᱼᱞᱮᱠᱟᱱ ᱵᱤᱪᱟ.ᱨ ᱟᱪᱟᱨ ᱦᱩᱭᱩᱜᱼᱟ ᱾

ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱟᱛᱷᱟ ᱠᱚ ᱵᱷᱟ.ᱜᱤ ᱞᱮᱠᱟ ᱪᱮᱫ ᱡᱚᱝ ᱟᱨ ᱫᱷᱚᱨᱚᱢ ᱠᱚᱨᱚᱢ ᱠᱟᱛᱷᱟ ᱠᱚ ᱪᱮᱫᱚᱜ ᱛᱮᱭᱟᱜ ᱜᱮ ᱥᱮᱪᱮᱫ ᱫᱚᱵᱚᱱ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱢᱟᱰᱣᱟ ᱨᱮᱫᱚ ᱤᱛᱩᱱ ᱟᱥᱲᱟ ᱟᱨᱵᱟᱝ ᱚᱞᱚᱜ ᱠᱚ ᱟᱨᱵᱟᱝ ᱥᱮᱪᱮᱫ ᱠᱚ ᱚᱠᱟ ᱞᱮᱠᱟᱛᱮ ᱩᱛᱱᱟ.ᱣᱜᱼᱟ ᱚᱱᱟ ᱨᱮᱭᱟᱜ ᱮ ᱠᱟ.ᱢᱤᱭᱟ ᱾

ᱞᱟᱠᱪᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱞᱟ.ᱠᱛᱤ ᱞᱮᱠᱟᱱ ᱟᱪᱟᱨ ᱵᱮᱵᱷᱟᱨ ᱟᱨ ᱞᱮᱼᱟᱪᱟᱨ ᱠᱚ ᱪᱮᱫᱚᱜ ᱛᱮᱭᱟᱜ ᱜᱮ ᱞᱟᱠᱪᱟᱨ ᱫᱚ ᱵᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱢᱟᱰᱣᱟ ᱨᱮᱫᱚ ᱟᱵᱟ ᱥᱟᱶᱛᱟ ᱨᱮᱭᱟᱜ ᱵᱚᱸᱜᱟ ᱵᱳᱨᱳ ᱠᱚ ᱟᱨ ᱯᱟᱨᱟᱵᱽ ᱯᱩᱱᱟ.ᱭ ᱠᱚ ᱟᱨ ᱥᱟᱶᱛᱟ ᱮᱱᱮᱡ ᱥᱮᱨᱮᱧ ᱠᱚ ᱚᱠᱟ ᱞᱮᱠᱟᱛᱮ ᱱᱟᱯᱟᱭ ᱛᱮ ᱞᱟᱦᱟᱜᱼᱟ ᱚᱱᱟ ᱠᱚᱭ ᱠᱟ.ᱢᱤᱭᱟ ᱾

ᱥᱮᱢᱞᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱵᱚ ᱥᱟᱱᱟᱢ ᱟ.ᱫᱤᱢ ᱠᱟ ᱥᱟᱢᱴᱟᱣ ᱢᱤᱫᱩᱜ ᱛᱮᱭᱟᱜ ᱜᱮ ᱥᱮᱢᱞᱮᱫ ᱫᱚᱵᱚ ᱢᱮᱱᱟ ᱟᱨᱵᱟᱝ ᱟᱵᱚ ᱠᱚ ᱡᱩᱢᱤᱫᱚᱜ ᱛᱮᱭᱟᱜ ᱜᱮ ᱥᱮᱢᱞᱮᱫ ᱫᱚᱵᱚ ᱢᱮᱱᱟ ᱾

ᱥᱮᱢᱞᱮᱫ ᱟᱜ ᱠᱟ.ᱢᱤᱦᱚᱨᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑. ᱚᱞ ᱪᱤᱠᱤ ᱛᱮ ᱤᱛᱩᱱᱚᱜ ᱞᱟ.ᱜᱤᱫ ᱛᱮ ᱟᱨ ᱥᱮᱪᱮᱫ ᱞᱟᱦᱟᱭ ᱞᱟ.ᱜᱮᱫ ᱛᱮ ᱥᱮᱢᱞᱮᱫ ᱠᱷᱚᱱ ᱚᱞ ᱪᱤᱠᱤ ᱯᱚᱛᱚᱵ ᱠᱚᱭ ᱪᱷᱟᱯᱟᱭᱟ ᱟᱨ ᱜᱤᱨᱟ. ᱠᱚᱭ ᱪᱷᱤᱛᱭᱟ.ᱣ ᱟᱲᱟᱜᱟ ᱾

᱒. ᱟ.ᱛᱩ ᱫᱤᱥᱚᱢ ᱨᱤᱱ ᱢᱟᱺᱡᱷᱤ ᱯᱟᱨᱜᱟᱱᱟ ᱠᱚ ᱥᱮᱢᱞᱮᱫ ᱯᱟᱦᱴᱟ ᱨᱮᱭᱟᱜ ᱨᱟᱭᱨᱤᱛ ᱤᱫᱤ ᱠᱟᱛᱮ ᱟ.ᱛᱩ ᱫᱤᱥᱚᱢ ᱠᱚ ᱱᱟᱯᱟᱭ ᱛᱮ ᱛᱚᱨᱟᱣᱜ ᱞᱟ.ᱜᱤᱫ ᱫᱤᱥ ᱟᱨ ᱩᱫᱤᱥ ᱠᱚᱭ ᱪᱟᱞ ᱟᱠᱚᱣᱟ ᱾

᱓. ᱢᱟᱺᱡᱷᱤ ᱯᱟᱨᱜᱟᱱᱟ ᱠᱚ ᱟ.ᱛᱩ ᱫᱤᱥᱚᱢ ᱨᱮ ᱵᱟ.ᱲᱤᱡᱟᱜ ᱠᱚ ᱥᱟᱦᱟ ᱠᱟᱛᱮ ᱱᱟᱯᱟᱭᱟᱜ ᱠᱚ ᱤᱫᱤ ᱠᱟᱛᱮ ᱟ.ᱛᱩ ᱫᱤᱥᱚᱢ ᱠᱚ ᱱᱟᱯᱟᱭ ᱛᱮᱭ ᱪᱟᱞᱟᱣ ᱚᱪᱚ ᱠᱚᱣᱟ ᱾

᱔. ᱴᱷᱟᱺᱭᱼᱴᱷᱟᱺᱭ ᱨᱮ ᱥᱮᱪᱮᱫᱚᱜ ᱞᱟ.ᱜᱤᱫ ᱛᱮ ᱤᱛᱩᱱ ᱟᱥᱲᱟ ᱠᱚᱭ ᱵᱮᱨᱮᱫᱟ ᱾

᱕. ᱥᱟᱶᱛᱟ ᱨᱮᱭᱟᱜ ᱞᱟᱠᱪᱟᱨ ᱵᱟᱧᱪᱟᱣ ᱫᱚᱦᱚᱨ ᱞᱟ.ᱜᱤᱫ ᱛᱮ ᱛᱤᱱᱟ.ᱝ ᱜᱟᱱ ᱴᱚᱴᱷᱟ ᱴᱷᱟᱶ ᱠᱚᱨᱮ ᱮᱱᱮᱡ ᱥᱮᱨᱮᱧ ᱠᱚᱭ ᱩᱫᱩᱜ ᱩᱫᱮᱞᱟ ᱾