ᱥᱳᱵᱷᱟᱱᱟᱛᱷ ᱵᱮᱥᱨᱟ
ᱧᱩᱛᱩᱢᱟᱱ ᱠᱟᱦᱱᱤ ᱟᱨ ᱚᱱᱚᱬᱦᱮ ᱚᱞᱤᱡ ᱢᱟᱹᱱ ᱥᱳᱵᱷᱟᱱᱟᱛᱷ ᱵᱮᱥᱨᱟ ᱫᱚ ᱑᱙᱓᱖ ᱥᱟᱹᱦᱤᱛ ᱨᱮᱭᱟᱜ ᱕ ᱚᱠᱴᱚᱵᱚᱨ ᱦᱤᱞᱚᱜ ᱱᱟᱦᱟᱜ ᱡᱷᱟᱨᱠᱷᱚᱱᱰ ᱯᱚᱱᱚᱛ ᱨᱮᱭᱟᱜ ᱥᱤᱝᱵᱷᱩᱢ ᱡᱤᱞᱟᱹ ᱵᱟᱠᱩᱲᱟᱜ ᱢᱳᱫᱟ , ᱱᱤᱨᱢᱤᱥᱚᱨᱤ ᱨᱮ ᱡᱟᱱᱟᱢ ᱞᱮᱱᱟ᱾ ᱟᱯᱟᱛ ᱧᱩᱛᱩᱢ ᱫᱚ ᱥᱩᱱᱟᱹᱨᱟᱢ ᱵᱮᱥᱨᱟ ᱟᱨ ᱛᱚᱣᱟᱸ ᱫᱟᱨᱮ ᱫᱚ ᱵᱟᱞᱦᱤ ᱾[᱑] ᱟᱹᱛᱩ ᱤᱥᱠᱩᱞ ᱠᱷᱚᱱ ᱜᱮ ᱚᱞ ᱚᱜ ᱡᱤᱭᱚᱱ ᱫᱚ ᱮᱛᱚᱦᱚᱵ ᱞᱮᱱᱟ ᱾ ᱚᱱᱟ ᱛᱟᱭᱚᱢ ᱵᱚᱦᱚᱲᱟᱜᱳᱲᱟ ᱠᱚᱞᱮᱡ ᱠᱷᱚᱱ ᱑᱙᱖᱗ ᱥᱟᱹᱦᱤᱛ ᱨᱮ ᱵᱤ.ᱮ ᱯᱟᱥ ᱞᱮᱫᱟ ᱾ ᱚᱱᱟ ᱛᱟᱭᱚᱢ ᱨᱟᱣᱩᱞᱠᱮᱞᱞᱟ ᱥᱴᱤᱞ ᱯᱞᱮᱱᱢ ᱨᱮ ᱠᱟᱹᱢᱤᱭᱟᱹ ᱞᱮᱠᱟᱛᱮ ᱥᱮᱞᱮᱫ ᱮᱱᱟ ᱾ ᱠᱟᱹᱢᱤ ᱚᱠᱛᱚ ᱜᱮ ᱑᱙᱘᱘ ᱥᱟᱹᱦᱤᱛ ᱨᱮ ᱨᱟᱸᱪᱤ ᱡᱮᱜᱮᱫ ᱵᱤᱫᱽᱫᱷᱟᱹᱜᱟᱲ ᱠᱷᱚᱱ ᱥᱟᱱᱛᱟᱲᱤ ᱛᱮ M.A ᱠᱮᱫᱟ ᱾
ᱠᱟᱹᱢᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱳᱵᱷᱟᱱᱟᱛᱷ ᱵᱮᱥᱨᱟ ᱜᱚᱢᱠᱮ ᱫᱚ ᱚᱞᱚᱜ ᱡᱤᱭᱚᱱ ᱠᱷᱚᱱ ᱜᱮ ᱥᱟᱱᱛᱟᱲᱤ ᱥᱟᱶᱦᱮᱫ ᱪᱟᱨᱪᱟᱣ ᱫᱚ ᱮᱦᱚᱵ ᱞᱮᱫᱟ ᱾ ᱟᱡᱟᱜ ᱚᱞ ᱠᱚ ᱢᱩᱫᱽ ᱨᱮ - ᱪᱤᱠᱤ ᱪᱤᱭᱟᱹ (᱑᱙᱗᱖) ᱥᱟᱹᱦᱤᱛ ᱨᱮ , ᱯᱮᱼᱡᱚᱲ ᱠᱟᱹᱦᱱᱤ (᱑᱙᱗᱗/᱘᱓), ᱢᱟᱱᱛᱟᱨ (᱑᱙᱙᱑) ᱟᱨ ᱒᱐᱐᱗ ᱥᱮᱨᱢᱟ ᱨᱮ ᱥᱟᱣᱚᱱᱦᱮᱛ ᱥᱟᱡᱚᱱᱟ ᱫᱚ ᱢᱤᱫ ᱠᱷᱚᱸᱫᱽᱨᱚᱸᱫᱽ ᱯᱩᱛᱷᱤ ᱞᱮᱠᱟᱛᱮ ᱩᱪᱷᱟᱹᱱ ᱟᱠᱟᱫᱟ ᱾ ᱑᱙᱘᱘ ᱥᱟᱹᱦᱤᱛ ᱠᱷᱚᱱ ᱱᱟᱦᱟᱜ ᱯᱟᱛᱷᱟᱢ ᱧᱩᱛᱩᱢ ᱛᱮ ᱩᱪᱷᱟᱹᱱ ᱛᱟᱦᱮᱠᱟᱱᱟ ᱾ ᱥᱟᱱᱛᱟᱲ ᱥᱟᱶᱦᱮᱫ ᱨᱮ ᱟᱭᱢᱟ ᱮᱱᱮᱢ ᱢᱮᱱᱟᱜ ᱠᱷᱟᱹᱛᱤᱨ ᱮ ᱟᱹᱰᱤ ᱞᱮᱠᱟᱱ ᱥᱤᱨᱯᱟᱹᱭ ᱧᱟᱢ ᱠᱮᱫᱟ ᱾
ᱢᱟᱹᱱ ᱟᱨ ᱥᱤᱨᱯᱷᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱟᱹᱫᱤᱵᱟᱹᱥᱤ ᱥᱟᱶᱛᱟ-ᱥᱮᱪᱮᱫ ᱟᱨ ᱞᱟᱠᱪᱟᱨ ᱥᱮᱢᱞᱮᱫ, ᱳᱰᱤᱥᱟ (᱑᱙᱘᱐) ᱥᱟᱞᱮ ᱨᱮ ᱢᱤᱫ "ᱯᱨᱚᱞᱤᱯᱷᱤᱠ ᱚᱱᱚᱞᱤᱭᱟᱹ" ᱞᱮᱠᱟᱛᱮᱭ ᱠᱚ ᱢᱟᱹᱱ ᱟᱠᱟᱫᱮᱭᱟ ᱾
- ᱚᱞ ᱤᱱᱰᱤᱭᱟ ᱥᱟᱱᱛᱟᱲᱤ ᱨᱟᱭᱴᱚᱨᱥ ᱮᱥᱳᱥᱤᱭᱮᱥᱚᱱ (᱑᱙᱘᱘) ᱨᱮ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ ᱟᱡᱟᱜ ᱟᱹᱰᱤ ᱢᱟᱨᱟᱝ ᱮᱱᱮᱢ ᱞᱟᱹᱜᱤᱫ ᱛᱮ ᱥᱤᱨᱯᱷᱟᱹᱭ ᱧᱟᱢ ᱟᱠᱟᱝ-ᱟ ᱾
- ᱯᱚᱸᱰᱮᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ ᱯᱷᱮᱞᱳᱥᱤᱯ (᱒᱐᱐᱔) ᱮᱢ ᱠᱟᱛᱮ ᱠᱚ ᱥᱟᱨᱦᱟᱣ ᱠᱮᱫᱼᱟ ᱾
- ᱚᱞ ᱤᱱᱰᱤᱭᱟ ᱵᱷᱟᱥᱟ ᱢᱳᱨᱪᱟ, ᱡᱟᱢᱥᱮᱫᱽᱯᱩᱨ (᱒᱐᱐᱕)
- ᱨᱟᱣᱩᱨᱠᱮᱞᱟ ᱟᱥᱮᱠᱟ ᱒᱐᱐᱖ ᱟᱨ ᱒᱐᱐᱘ ᱥᱮᱨᱢᱟ ᱨᱮ ᱵᱟᱨ ᱫᱷᱟᱣ ᱥᱤᱨᱯᱷᱟ. ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Sahitya Akademi Recipient Sobhanath Beshra Is Revolutionising Santhali Literature". Youth Ki Awaaz. 2020-10-17. Retrieved 2024-04-16.