ᱥᱴᱤᱵᱷ ᱡᱚᱵᱽᱥ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱥᱴᱤᱵᱷᱮᱱ ᱯᱚᱣᱞ ᱡᱚᱵᱽᱥ ᱫᱚ ᱢᱤᱫ ᱟᱢᱮᱨᱤᱠᱤᱭᱟᱹ ᱠᱚᱢᱯᱩᱴᱚᱨ ᱥᱟᱢᱮᱬᱥᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱟᱯᱚᱞ ᱠᱚᱢᱯᱟᱹᱱᱤ ᱨᱤᱱᱤᱡ ᱡᱚᱜᱚ ᱵᱩᱱᱤᱭᱟᱹᱫᱤᱭᱟᱹ ᱟᱨ ᱢᱩᱬ ᱪᱟᱪᱞᱟᱣᱤᱭᱟᱹ ᱞᱮᱠᱟᱛᱮ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱯᱤᱠᱥᱟᱨ ᱟᱱᱤᱢᱮᱥᱚᱱ ᱥᱴᱩᱰᱤᱭᱚ (pixar animation studios)[᱑] ᱨᱤᱱᱤᱡ ᱢᱩᱬ ᱪᱟᱪᱞᱟᱣᱤᱭᱟᱹ ᱟᱨ ᱣᱟᱞᱴ ᱰᱤᱥᱱᱤ ᱠᱚᱢᱯᱟᱹᱱᱤ (the Walt Disney company) ᱥᱟᱢᱵᱽᱲᱟᱣ ᱢᱟᱸᱰᱣᱟ ᱨᱤᱱᱤᱡ ᱥᱚᱦᱮᱫ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ NeXT.inc ᱨᱤᱱᱤᱡ ᱥᱤᱨᱡᱚᱱᱤᱭᱟᱹ ᱟᱨ ᱢᱩᱬ ᱪᱟᱪᱞᱟᱣᱤᱭᱟᱹ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱦᱚᱢᱥᱴᱮᱰ ᱩᱥᱩᱞ ᱵᱤᱨᱫᱟᱹᱜᱟᱲ (Homestead highschool) ᱨᱤᱱᱤᱡ ᱟᱪᱮᱫᱤᱭᱟᱹ ᱠᱟᱱᱟᱭ ᱾ ᱚᱱᱟ ᱛᱟᱭᱚᱢ Reed college ᱠᱷᱚᱱ ᱥᱮᱪᱮᱫ ᱢᱩᱪᱟᱹᱫ ᱠᱟᱛᱮ ᱑᱙᱗᱒ ᱨᱮ ᱵᱤᱫᱟᱹᱭ ᱤᱫᱤ ᱞᱮᱫ ᱛᱟᱦᱮᱸᱫ ᱾ ᱡᱚᱵᱽᱥ ᱫᱚ ᱑᱙᱗᱔ ᱨᱮ ᱥᱤᱧᱚᱛ ᱮ ᱦᱮᱡ ᱞᱮᱱ ᱛᱟᱦᱮᱸᱫ ᱵᱚᱣᱫᱦ ᱫᱷᱚᱨᱚᱢ ᱵᱟᱵᱚᱫᱽ ᱵᱟᱹᱲᱛᱤ ᱵᱟᱰᱟᱭ ᱞᱟᱹᱜᱤᱫ ᱾

ᱡᱚᱵᱽᱥ ᱯᱤᱠᱥᱟᱨ ᱠᱚᱢᱯᱟᱹᱱᱤ ᱥᱟᱶ ᱢᱮᱥᱟ ᱠᱟᱛᱮ ᱑᱙᱘᱖ ᱨᱮ ᱯᱩᱭᱞᱩ ᱠᱚᱢᱯᱩᱴᱚᱨ ᱟᱱᱤᱢᱮᱴᱮᱰ ᱯᱷᱤᱞᱢ[᱒] ᱮ ᱛᱮᱭᱟᱨ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱴᱚᱭ ᱥᱴᱚᱨᱭ (toy story) ᱢᱮᱱᱛᱮ ᱵᱚᱠᱱᱟᱹᱣ ᱞᱮᱱᱟ ᱾ ᱑᱙᱙᱗ ᱨᱮ ᱟᱯᱚᱞ ᱠᱚᱢᱯᱟᱹᱱᱤ NeXT.inc ᱠᱤᱨᱤᱧ ᱠᱟᱛᱮ ᱡᱚᱵᱽᱥ ᱫᱚ ᱟᱨᱫᱚᱲᱦᱟ ᱟᱯᱚᱞ ᱨᱤᱱᱤᱡ ᱢᱩᱬ ᱪᱟᱪᱞᱟᱣᱤᱭᱟᱹ ᱠᱚ ᱵᱮᱱᱟᱣ ᱞᱮᱫᱮᱭᱟ, ᱠᱚᱢᱯᱟᱹᱱᱤ ᱨᱮᱱᱟᱜ ᱞᱟᱦᱟᱱᱛᱤ ᱞᱟᱹᱜᱤᱫ ᱛᱮ ᱾ ᱑᱙᱙᱗ ᱨᱮ ᱡᱚᱵᱽᱥ ᱛᱦᱤᱸᱠ ᱰᱤᱯᱷᱚᱨᱮᱸᱴ (think different) ᱧᱩᱛᱩᱢ ᱛᱮ ᱞᱟᱲᱟᱣᱱᱟᱭ ᱮᱦᱚᱵ ᱞᱮᱫ ᱛᱟᱦᱮᱸᱫ ᱟᱨ ᱱᱚᱶᱟ ᱥᱟᱶᱛᱮ ᱡᱚᱱᱟᱛᱷᱚᱱ ᱤᱵᱮ (Jonathan lve) ᱥᱟᱶ ᱠᱟᱹᱢᱤ ᱞᱟᱹᱜᱤᱫ ᱫᱟᱣ ᱮ ᱧᱟᱢ ᱞᱮᱫᱼᱟ ᱟᱨ ᱥᱟᱶᱛᱟ ᱨᱮ ᱱᱚᱶᱟ ᱠᱚᱢᱯᱟᱹᱱᱤ ᱨᱮᱱᱟᱜ ᱠᱩᱥᱤ ᱥᱟᱢᱴᱟᱣ ᱞᱮᱫᱼᱟ ᱾

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱱᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱚᱵᱽᱥ ᱟᱡ ᱡᱮᱴᱷᱟ ᱟᱯᱟᱛ ᱯᱚᱣᱞ ᱨᱮᱭᱤᱱ ᱦᱚᱞᱰ ᱡᱚᱵᱽᱥ ᱢᱤᱫ ᱫᱷᱟᱨᱢᱤᱠ ᱜᱷᱟᱨᱚᱡᱽ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱠᱞᱟᱨᱟ ᱥᱟᱶᱛᱮ ᱵᱟᱯᱞᱟ ᱞᱮᱱ ᱛᱟᱦᱮᱸᱫ, ᱢᱮᱱᱠᱷᱟᱱ ᱱᱟᱱᱟ ᱦᱩᱱᱟᱹᱨ ᱟᱡᱟᱨᱠᱷᱟᱹᱛᱤᱨ ᱟᱹᱠᱤᱱ ᱨᱤᱱ ᱜᱤᱫᱽᱨᱟᱹ ᱫᱚ ᱵᱟᱝᱠᱚ ᱚᱢᱚᱱ ᱞᱮᱱ ᱛᱟᱦᱮᱸᱫ ᱾ ᱱᱩᱠᱤᱱ ᱫᱚ ᱡᱚᱨᱢᱟᱱ ᱱᱟᱜᱽᱨᱟᱦᱟ ᱣᱤᱥᱠᱚᱢᱥᱤᱱ (German town Wisconsin) ᱨᱮ ᱢᱤᱫ ᱯᱷᱟᱨᱢ ᱚᱲᱟᱜ ᱨᱮ ᱠᱤᱱ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ ᱚᱠᱚᱨᱤᱱ ᱜᱷᱟᱨᱚᱡᱽ ᱦᱚᱲ ᱥᱟᱶ ᱾[᱓] ᱡᱚᱵᱽᱥ ᱟᱡ ᱮᱸᱜᱟᱛ ᱥᱠᱤᱵᱚᱞ ᱑᱙᱕᱔ ᱨᱮ ᱯᱮᱨᱮᱡ ᱦᱚᱲᱢᱚ ᱞᱮᱱ ᱛᱟᱦᱮᱸᱫ | ᱩᱱᱤ ᱟᱨ ᱡᱚᱱᱫᱟᱞᱤ ᱥᱤᱛᱩᱝ ᱨᱤᱛᱩ ᱨᱮ ᱟᱠᱤᱱᱨᱤᱱ ᱜᱷᱟᱨᱚᱡᱽ ᱥᱟᱶ ᱚᱠᱛᱚ ᱠᱷᱮᱢᱟᱣ ᱞᱟᱹᱜᱤᱫ ᱦᱚᱢᱥ ᱛᱮ ᱫᱟᱬᱟᱱ ᱠᱚ ᱪᱟᱞᱟᱣᱟ ᱾ ᱡᱚᱱᱫᱟᱞᱤ ᱫᱚ ᱟᱡ ᱵᱟᱹᱦᱩ ᱟᱹᱰᱤ ᱫᱩᱞᱟᱹᱲᱮ ᱛᱟᱦᱮᱸᱫ ᱢᱮᱱᱠᱷᱟᱱ ᱥᱠᱤᱵᱚᱞ ᱟᱡ ᱟᱯᱟᱛ ᱱᱚᱶᱟ ᱫᱚᱭ ᱵᱤᱨᱩᱫᱮᱫ ᱛᱟᱦᱮᱸᱫᱮ ᱾ ᱚᱱᱟᱛᱮ ᱵᱚᱲᱦᱮ ᱠᱟᱛᱮ ᱱᱤᱡᱚᱨ ᱜᱤᱫᱽᱨᱟᱹ ᱫᱚ ᱡᱮᱴᱷᱟ ᱟᱹᱥᱩᱞ ᱞᱟᱹᱜᱤᱫ ᱮ ᱮᱢᱟᱫ ᱠᱚ ᱛᱟᱦᱮᱸᱫ ᱾[᱔] ᱚᱱᱟ ᱚᱠᱛᱚ ᱨᱮ ᱥᱠᱤᱵᱚᱞ ᱟᱡ ᱟᱯᱟᱛ ᱫᱚᱭ ᱵᱚᱝᱜᱟ ᱛᱟᱞᱟ ᱞᱮᱱ ᱛᱟᱦᱮᱸᱫ ᱾ ᱩᱱ ᱚᱠᱛᱚ ᱨᱮ ᱵᱟᱱᱟ ᱦᱚᱲᱟᱜ ᱒᱓ ᱵᱚᱪᱷᱚᱨ ᱵᱚᱭᱚᱥ ᱠᱤᱱ ᱦᱩᱭ ᱟᱠᱟᱱ ᱛᱮ ᱵᱟᱯᱞᱟ ᱫᱚ ᱮᱨᱮᱲ ᱨᱮᱱᱟᱜ ᱠᱤᱱ ᱴᱷᱟᱹᱣᱠᱟᱹ ᱞᱮᱫᱼᱟ ᱟᱨ ᱡᱩᱢᱤᱫ ᱯᱚᱱᱚᱛ (United States) ᱨᱮ ᱤᱛᱟᱹ ᱨᱟᱹᱯᱩᱫ (abortion) ᱫᱚ ᱵᱮᱻᱱᱤᱭᱚᱢ ᱛᱟᱦᱮᱸ ᱠᱟᱱᱟ ᱾ ᱥᱠᱤᱵᱚᱞ ᱫᱚ ᱡᱚᱱᱫᱟᱞᱤ ᱵᱟᱝ ᱞᱟᱹᱭ ᱠᱟᱛᱮ ᱜᱮ ᱥᱟᱱ ᱯᱷᱨᱟᱱᱥᱤᱥᱠᱚᱭ ᱪᱟᱞᱟᱣ ᱞᱮᱱ ᱛᱟᱦᱮᱸᱫ ᱟᱨ ᱚᱸᱰᱮ ᱜᱮ ᱡᱚᱵᱽᱥ ᱟᱜ ᱡᱟᱱᱟᱢ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱟᱠᱚᱣᱟᱜ ᱜᱷᱟᱨᱚᱡᱽ ᱫᱚ ᱵᱟᱝ ᱵᱚᱫᱽᱱᱟᱢ ᱥᱟᱱᱟᱭ ᱠᱟᱱ ᱛᱟᱦᱮᱸᱫ ᱾ ᱚᱸᱰᱮ ᱢᱤᱫ ᱰᱟᱠᱛᱚᱨ ᱥᱟᱶ ᱧᱟᱯᱟᱢ ᱦᱩᱭ ᱞᱮᱱ ᱛᱟᱦᱮᱸᱫ, ᱡᱟᱦᱟᱸᱭ ᱫᱚ ᱯᱮᱨᱮᱡ ᱦᱚᱲᱦᱚ ᱠᱩᱲᱤ ᱠᱚᱭ ᱚᱯᱚᱨᱮᱥᱚᱱ ᱠᱚ ᱛᱟᱦᱮᱸᱫ ᱟᱨ ᱵᱤᱱ ᱠᱟᱹᱣᱰᱤ ᱛᱮ ᱡᱮᱴᱷᱟ ᱜᱤᱫᱽᱨᱟᱹ ᱠᱚ ᱫᱚᱦᱚ ᱨᱮᱱᱟᱜ ᱦᱚᱸ ᱵᱮᱵᱚᱥᱛᱟ ᱛᱟᱦᱮᱸ ᱞᱮᱱᱟ ᱾ ᱡᱚᱵᱽ ᱫᱚ ᱑᱙᱕᱕ ᱯᱷᱮᱵᱽᱨᱩᱣᱟᱨᱤ ᱒᱔ ᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱟᱨ ᱟᱡᱤᱡ ᱱᱤᱡᱚᱨ ᱮᱸᱜᱟᱛ ᱢᱤᱫ ᱠᱤᱥᱟᱹᱬ ᱚᱲᱟᱜ ᱨᱮ ᱱᱩᱭ ᱜᱤᱫᱽᱨᱟᱹ ᱮᱢ ᱨᱮᱱᱟᱜ ᱮ ᱴᱷᱟᱹᱣᱠᱟᱹ ᱠᱮᱫᱼᱟ ᱾ ᱚᱱᱟ ᱛᱟᱭᱚᱢ Bay Area blue collar ᱨᱤᱱ ᱢᱤᱫ ᱡᱩᱨᱤ-ᱯᱟᱹᱨᱤ ᱯᱚᱣᱞ ᱟᱨ ᱠᱞᱟᱨᱟ ᱱᱩᱭ ᱜᱤᱫᱽᱨᱟᱹ ᱫᱚᱦᱚᱭ ᱨᱮᱱᱟᱜ ᱠᱤᱱ ᱦᱟᱛᱟᱣ ᱠᱮᱫᱼᱟ ᱾ ᱢᱮᱱᱠᱷᱟᱱ ᱱᱩᱠᱤᱱ ᱴᱷᱮᱱ ᱥᱮᱪᱮᱫ ᱰᱤᱜᱽᱨᱤ ᱵᱟᱝ ᱛᱟᱦᱮᱸᱠᱱᱟ ᱛᱮ ᱮᱸᱜᱟᱛ ᱫᱚ ᱮᱢᱚᱜ ᱮ ᱢᱟᱱᱭᱮᱫ ᱛᱟᱦᱮᱸᱫ ᱟᱨ ᱚᱱᱟ ᱛᱟᱭᱚᱢ ᱢᱚᱠᱚᱨᱫᱚᱢᱟ ᱠᱟᱛᱮ ᱢᱤᱫ ᱥᱩᱦᱤ ᱥᱟᱠᱟᱢ ᱠᱚ ᱵᱮᱱᱟᱣ ᱞᱮᱫ ᱛᱟᱦᱮᱸᱫ, ᱪᱤ ᱩᱱᱠᱤᱱ ᱟᱹᱠᱤᱱᱟᱜ ᱰᱤᱜᱽᱨᱤ ᱥᱮᱪᱮᱫ ᱠᱱ ᱮᱦᱚᱵᱟ ᱟᱨ ᱩᱱᱤ ᱜᱤᱫᱽᱨᱟᱹ (ᱡᱚᱵᱽᱥ) ᱠᱤᱱ ᱤᱫᱤᱭᱮᱭᱟ ᱢᱮᱱᱛᱮ ᱾

ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. D'Onfro, Jillian (March 22, 2015). "Why execs from other companies wanted to meet with Steve Jobs on Fridays". Business Insider. Retrieved 2015-09-11.
  2. Smith, Alvy Ray. "Pixar Founding Documents". Alvy Ray Smith Homepage. Archived from the original on April 27, 2005. Retrieved January 11, 2011. {{cite web}}: Unknown parameter |deadurl= ignored (help)
  3. Foremski, Tom. "The Steve Jobs way: Exploring the intersection of psychedelics and technology | ZDNet". ZDNet. Retrieved 2016-02-24.
  4. Staff (August 27, 2011). "Dad waits for Jobs to iPhone". New York Post. Retrieved June 27, 2015.