ᱦᱟᱭᱫᱽᱨᱟᱵᱟᱫᱽ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱦᱟᱭᱫᱽᱨᱟᱵᱟᱫᱽ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱛᱮᱞᱮᱝᱜᱟᱱᱟ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱱᱚᱶᱟ ᱫᱚ ᱢᱮᱴᱨᱚᱯᱚᱞᱤᱴᱟᱱ (metropolitan) ᱱᱟᱜᱟᱨ ᱠᱟᱱᱟ ᱾ ᱦᱚᱱᱚᱛ ᱨᱤᱱᱤᱡ ᱢᱩᱠᱷᱤᱭᱟᱹ ᱫᱚ ᱠᱚᱞᱮᱠᱴᱚᱨ (collector), ᱡᱟᱦᱟᱸᱭ ᱫᱚ ᱟᱭᱮᱥ (IAS) ᱟᱨ ᱯᱚᱱᱚᱛ ᱥᱚᱨᱠᱟᱨ ᱦᱚᱛᱮᱛᱮ ᱟᱹᱪᱩ ᱠᱚᱜᱼᱟ ᱾ ᱱᱚᱶᱟ ᱦᱚᱱᱚᱛ ᱫᱚ ᱛᱮᱞᱮᱝᱜᱟᱱᱟ ᱯᱚᱱᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱦᱩᱰᱤᱧ ᱦᱚᱱᱚᱛ ᱠᱟᱱᱟ ᱾ ᱱᱚᱶᱟ ᱦᱚᱱᱚᱛ ᱫᱚ ᱱᱟᱜᱟᱨ ᱦᱚᱱᱚᱛ ᱠᱟᱱᱟ, ᱚᱱᱟᱛᱮ ᱱᱚᱶᱟ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱵᱟᱹᱱᱩᱜᱼᱟ ᱾ ᱱᱚᱶᱟ ᱢᱤᱫ ᱱᱤᱨᱟᱹᱭ ᱴᱷᱟᱶ ᱠᱟᱱᱟ, ᱡᱟᱦᱟᱸ ᱨᱮ ᱦᱤᱱᱫᱩ ᱟᱨ ᱢᱩᱥᱞᱟᱹ ᱢᱤᱫ ᱡᱩᱢᱤᱫᱽ ᱠᱟᱛᱮ ᱠᱚ ᱛᱟᱦᱮᱸᱱ ᱠᱟᱱᱟ ᱾


ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱟᱭᱫᱽᱨᱟᱵᱟᱫᱽ ᱦᱚᱱᱚᱛ ᱫᱚ ᱑᱙᱔᱘ ᱥᱟᱞᱮ ᱨᱮ ᱵᱮᱱᱟᱣ ᱞᱮᱱ ᱛᱟᱦᱮᱸᱫ, ᱟᱛᱨᱟᱯᱷ-ᱤ-ᱵᱟᱞᱫᱟ ᱦᱚᱱᱚᱛ ᱟᱨ ᱵᱟᱜᱷᱟᱴ ᱦᱚᱱᱚᱛ ᱢᱮᱥᱟᱭᱮᱱ ᱛᱟᱭᱚᱢ ᱾ ᱵᱟᱜᱷᱟᱛ ᱫᱚ ᱞᱟᱦᱟ ᱛᱮ ᱟᱛᱨᱟᱯᱷ-ᱤ-ᱵᱟᱞᱫᱟ ᱦᱚᱱᱚᱛ ᱨᱮ ᱛᱟᱦᱮᱸ ᱠᱟᱱᱟ ᱟᱨ ᱑᱙᱓᱑-᱓᱔ ᱥᱟᱞᱮ ᱨᱮ ᱵᱷᱮᱜᱟᱨ ᱦᱚᱱᱚᱛ ᱵᱮᱱᱟᱣ ᱮᱱᱟ ᱾ ᱛᱮᱞᱩᱜᱩ ᱦᱚᱲ ᱠᱚ ᱛᱟᱦᱮᱸᱱᱠᱟᱱ ᱮᱞᱟᱠᱟ ᱠᱚ ᱢᱮᱥᱟ ᱠᱟᱛᱮ ᱟᱱᱫᱷᱨᱚ ᱯᱨᱚᱫᱮᱥ ᱵᱮᱱᱟᱣᱮᱱ ᱛᱟᱭᱚᱢ ᱜᱩᱞᱵᱟᱨᱟ ᱦᱚᱱᱚᱛ ᱫᱚ ᱦᱟᱭᱫᱽᱨᱟᱵᱟᱫᱽ ᱦᱚᱱᱚᱛ ᱨᱮ ᱢᱮᱥᱟ ᱭᱮᱱᱟ, ᱥᱟᱶᱛᱮ ᱢᱮᱦᱵᱩᱵᱽᱱᱟᱜᱟᱨ ᱦᱚᱱᱚᱛ ᱨᱮᱱᱟᱜ ᱯᱟᱨᱤᱠᱤ ᱛᱟᱞᱩᱠ, ᱢᱮᱰᱟᱠ ᱦᱚᱱᱚᱛ ᱨᱮᱱᱟᱜ ᱵᱤᱠᱨᱟᱵᱟᱫᱽ ᱦᱚᱸ ᱦᱟᱭᱫᱽᱨᱟᱵᱟᱫᱽ ᱦᱚᱱᱚᱛ ᱨᱮ ᱢᱮᱥᱟᱭᱮᱱᱟ ᱾[᱑] ᱑᱙᱗᱘ ᱥᱟᱞᱮ ᱨᱮ ᱦᱟᱭᱽᱨᱟᱵᱟᱫᱽ ᱦᱚᱱᱚᱛ ᱫᱚ ᱵᱟᱨ ᱦᱟᱹᱴᱤᱧ ᱮᱱᱟ ᱦᱟᱭᱫᱽᱨᱟᱵᱟᱫᱽ ᱱᱟᱜᱟᱨ ᱦᱚᱱᱚᱛ ᱟᱨ ᱦᱟᱭᱫᱽᱨᱟᱵᱟᱫᱽ ᱟᱹᱛᱩ ᱦᱚᱱᱚᱛ (Hyderabad Urban District) ᱧᱩᱛᱩᱢ ᱛᱮ ᱾ ᱦᱟᱭᱫᱽᱨᱟᱵᱟᱫᱽ ᱟᱹᱛᱩ ᱦᱚᱱᱚᱛ ᱫᱚ ᱪᱟᱨᱢᱤᱱᱟᱨ, ᱜᱚᱞᱠᱚᱱᱰᱟ, ᱢᱩᱥᱤᱨᱟᱵᱟᱫᱽ ᱟᱨ ᱥᱤᱠᱚᱱᱫᱮᱨᱟᱵᱟᱫᱽ ᱮᱢᱟᱱ ᱔ ᱜᱚᱴᱟᱝ ᱛᱟᱞᱩᱠ ᱢᱮᱥᱟ ᱠᱟᱛᱮ ᱵᱮᱱᱟᱣ ᱞᱮᱱᱟ, ᱛᱟᱭᱚᱢ ᱛᱮ ᱱᱚᱶᱟ ᱫᱚ ᱨᱟᱝᱜᱟ ᱨᱮᱰᱤ ᱦᱚᱱᱚᱛ ᱠᱚ ᱧᱩᱢ ᱟᱨᱩ ᱠᱮᱫᱼᱟ ᱾[᱒]

ᱰᱮᱢᱚᱜᱨᱟᱯᱷᱤᱠ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱟᱞᱮ ᱥᱤᱧᱚᱛ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱦᱟᱭᱫᱽᱨᱟᱵᱟᱫᱽ ᱦᱚᱱᱚᱛ ᱨᱮ ᱓,᱙᱔᱓,᱓᱒᱓ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱢᱩᱸᱫᱽ ᱠᱷᱚᱱ ᱕᱑ᱹ᱔᱕ % ᱫᱚ ᱦᱤᱱᱫᱩ, ᱔᱓ᱹ᱘᱙ % ᱫᱚ ᱢᱩᱥᱞᱟᱹ, ᱒ᱹ᱒᱒ % ᱠᱤᱨᱤᱥᱛᱟᱱ, ᱐ᱹ᱕ % ᱡᱮᱭᱱ ᱫᱷᱚᱨᱚᱢ, ᱐ᱹ᱒᱙ % ᱥᱤᱠᱷ ᱫᱚᱷᱨᱚᱢ ᱟᱨ ᱐ᱹ᱐᱓ % ᱵᱩᱣᱫᱷ ᱫᱷᱚᱨᱚᱢ ᱨᱤᱱ ᱦᱚᱲ ᱢᱮᱱᱟᱜ ᱠᱚᱣᱟ[᱓] ᱟᱨ ᱑ᱹ᱕᱘ % ᱦᱚᱲ ᱫᱚ ᱚᱠᱟ ᱫᱷᱚᱨᱚᱢ ᱨᱮᱦᱚᱸ ᱵᱟᱝ ᱠᱚ ᱥᱮᱱᱚᱜ ᱠᱟᱱᱟ ᱾[᱔] ᱱᱚᱸᱰᱮ ᱨᱤᱱ ᱦᱚᱲ ᱮᱞᱥᱚᱝ ᱫᱚ ᱞᱤᱵᱮᱨᱤᱭᱟ ᱫᱤᱥᱚᱢ[᱕] ᱟᱨᱵᱟᱝ ᱡᱩᱢᱤᱫᱽ ᱯᱚᱱᱚᱛ (US) ᱚᱨᱮᱜᱟᱶ ᱨᱤᱱ ᱦᱚᱲ ᱮᱞᱥᱚᱝ ᱥᱟᱶ ᱥᱩᱨᱥᱩᱯᱩᱨ ᱠᱚ ᱦᱩᱭᱩᱜᱼᱟ[᱖]

ᱱᱯᱶᱟ ᱥᱤᱧᱚᱛ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱢᱩᱸᱫᱽ ᱠᱷᱚᱱ ᱕᱗ ᱟᱱᱟᱜ ᱨᱮᱸᱠ ᱨᱮ ᱢᱮᱱᱟᱜᱼᱟ ᱾[᱗] ᱱᱚᱶᱟ ᱦᱚᱱᱚᱛ ᱨᱮᱱᱟᱜ ᱦᱚᱲ ᱵᱟᱹᱰ ᱫᱚᱨ ᱫᱚ ᱦᱩᱭᱩᱜ ᱠᱟᱱᱟ ᱔ᱹ᱗᱑ % ᱛᱟᱦᱮᱸ ᱠᱟᱱᱟ ᱒᱐᱐᱑-᱒᱐᱑᱑ ᱥᱟᱞᱮ ᱢᱩᱸᱫᱽ ᱨᱮ ᱾ ᱡᱟᱱᱟᱝ ᱡᱟᱹᱱᱤ ᱫᱚ ᱙᱔᱓ ᱠᱩᱲᱤ ᱨᱮ ᱑᱐᱐᱐ ᱠᱚᱲ ᱟᱢᱮᱱᱟᱜ ᱠᱚᱣᱟ ᱟᱨ ᱥᱮᱪᱮᱫ ᱫᱚᱨ ᱫᱚ ᱘᱐ᱹ᱙᱖ % ᱾[᱗]

ᱦᱚᱲ ᱮᱞᱥᱚᱝ ᱱᱟᱜᱟᱢ
YearPop.±% p.a.
1901᱔᱙᱙,᱐᱘᱒—    
1911᱖᱒᱗,᱗᱒᱐+2.32%
1921᱕᱕᱖,᱙᱑᱓−1.19%
1931᱕᱘᱘,᱒᱑᱗+0.55%
1941᱘᱑᱐,᱗᱙᱐+3.26%
1951᱑,᱐᱘᱓,᱖᱓᱔+2.94%
1961᱑,᱑᱙᱑,᱖᱖᱘+0.95%
1971᱑,᱖᱘᱒,᱒᱘᱔+3.51%
1981᱒,᱒᱕᱑,᱐᱐᱙+2.96%
1991᱓,᱑᱔᱕,᱙᱓᱙+3.40%
2001᱓,᱘᱒᱙,᱗᱕᱓+1.99%
2011᱓,᱙᱔᱓,᱓᱒᱓+0.29%
source:[᱘]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Hyderabad Legislative Assembly". ECI. AP Legislature. Archived from the original on 4 ᱚᱜᱚᱥᱴ 2013. Retrieved 14 ᱚᱠᱴᱚᱵᱚᱨ 2014. 
  2. Law, Gwillim (2011-09-25). "Districts of India". Statoids. Retrieved 2011-10-11. 
  3. [᱑] Hyderabad District Religion Census 2011
  4. "C-1 Population By Religious Community". Government of India, Ministry of Home Affairs. Retrieved 11 ᱢᱮ 2016.  On this page, select "Andhra Pradesh" from the download menu. "District – Hyderabad" is at line 672 of the excel file.
  5. US Directorate of Intelligence. "Country Comparison:Population". Retrieved 2011-10-01. Liberia 3,786,764 July 2011 est. 
  6. "2010 Resident Population Data". U. S. Census Bureau. Archived from the original on 2013-10-19. Retrieved 2011-09-30. Oregon 3,943,323 
  7. ᱗.᱐ ᱗.᱑ "District Census 2011". Census2011.co.in. 2011. Retrieved 2011-09-30. 
  8. Decadal Variation In Population Since 1901

ᱵᱟᱨᱦᱮ ᱡᱚᱱᱚᱲ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]