ᱦᱩᱣᱟᱴᱥᱟᱯ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱦᱩᱣᱟᱴᱥᱟᱯ

ᱦᱩᱣᱟᱴᱥᱟᱯ ᱫᱚ ᱢᱤᱫ ᱴᱟᱴᱠᱟ ᱠᱷᱚᱵᱚᱨ ᱮᱯᱮᱢᱟᱱᱟᱜ ᱛᱟᱱᱟᱞᱟ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱜᱚᱲᱚ ᱛᱮ ᱦᱩᱣᱟᱴᱥᱟᱯ ᱵᱮᱵᱷᱟᱨᱤᱭᱟᱹ ᱟᱨ ᱵᱮᱵᱷᱟᱨᱤᱭᱟᱹ ᱴᱷᱮᱱ ᱠᱟᱛᱷᱟ ᱚᱞ ᱠᱟᱛᱮ, ᱪᱤᱛᱟᱹᱨ ᱞᱮᱠᱟᱛᱮ, ᱧᱮᱱᱮᱞ (video) ᱞᱮᱠᱟᱛᱮ ᱟᱰᱤ ᱟᱞᱜᱟ ᱛᱮ ᱠᱩᱞ ᱫᱟᱲᱮᱭᱟᱜ-ᱟ ᱾ ᱒᱐᱑᱕ ᱨᱮᱱᱟᱜ ᱞᱮᱠᱷᱟ ᱞᱮᱠᱟᱛᱮ ᱟᱨᱮᱜᱮ ᱥᱟᱭ ᱥᱟᱝᱜᱮ ᱥᱟᱥᱟᱭ (90 crore) ᱦᱚᱲ ᱦᱩᱣᱟᱴᱥᱟᱯ ᱠᱚ ᱵᱮᱵᱷᱟᱨ ᱮᱫᱟ ᱟᱨ ᱫᱚᱥᱟᱨ ᱵᱟᱹᱲᱛᱤ ᱵᱮᱵᱷᱟᱨᱟᱱᱟᱜ ᱠᱟᱛᱷᱟ ᱮᱯᱮᱢ ᱟᱯᱯ ᱢᱮᱱᱛᱮ ᱢᱟᱱᱚᱛᱮ ᱧᱟᱢ ᱟᱠᱟᱫᱟ ᱾ ᱯᱷᱮᱥᱵᱩᱠ ᱤᱱᱥ ᱑᱙ ᱯᱷᱮᱵᱽᱨᱩᱣᱟᱨᱤ ᱒᱐᱑᱔ ᱥᱟᱞᱮᱨᱮ ᱦᱩᱣᱟᱴᱥᱟᱯ ᱫᱚ ᱑᱙ ᱟᱨᱚᱵᱽ ᱰᱚᱞᱟᱨ ᱛᱮ ᱠᱤᱨᱤᱧ ᱞᱮᱫ ᱛᱟᱦᱮᱸᱫ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱩᱣᱟᱴᱥᱟᱯ ᱨᱚᱯᱚᱲ

ᱵᱨᱟᱭᱮᱱ ᱚᱠᱴᱚᱱ ᱟᱨ ᱡᱟᱱ ᱠᱚᱣᱩᱢ ᱒᱐᱐᱙ ᱥᱟᱞᱮᱨᱮ ᱠᱤᱱ ᱛᱮᱭᱟᱨ ᱞᱮᱫ ᱛᱟᱦᱮᱸᱫ ᱾ ᱵᱨᱟᱭᱮᱱ ᱚᱠᱴᱚᱱ ᱟᱨ ᱡᱟᱱ ᱠᱟᱣᱩᱢ ᱫᱚ ᱭᱟᱦᱩ ᱨᱤᱱ ᱠᱟᱹᱢᱤᱭᱟᱹ ᱠᱤᱱ ᱛᱟᱦᱮᱸᱠᱟᱱᱟ ᱾ ᱥᱮᱯᱴᱮᱢᱵᱚᱨ ᱒᱐᱐᱗ ᱥᱟᱞᱮᱨᱮ ᱭᱟᱦᱩ ᱨᱮ ᱠᱟᱹᱢᱤ ᱠᱷᱚᱱ ᱡᱤᱨᱟᱹᱣ ᱠᱟᱛᱮ ᱠᱚᱧᱡᱮ ᱟᱢᱮᱨᱤᱠᱟ ᱠᱤᱱ ᱥᱮᱱ ᱞᱮᱱᱟ ᱾ ᱩᱱ ᱡᱷᱚᱜ ᱩᱱᱠᱤᱱ ᱯᱷᱮᱥᱵᱩᱠ ᱨᱮ ᱠᱟᱹᱢᱤ ᱞᱟᱹᱜᱤᱫ ᱦᱚᱸ ᱠᱤᱱ ᱨᱤᱠᱟᱹ ᱞᱮᱫᱟ, ᱢᱮᱱᱠᱷᱟᱱ ᱫᱟᱣ ᱵᱟᱹᱠᱤᱱ ᱧᱟᱢ ᱞᱮᱜ-ᱟ ᱾ ᱡᱟᱱᱩᱣᱟᱨᱤ ᱒᱐᱐᱙ ᱨᱮ ᱩᱱᱤ ᱢᱤᱫ ᱟᱭ ᱯᱷᱚᱱ ᱮ ᱠᱤᱨᱤᱧ ᱞᱮᱜ-ᱟ ᱟᱨ ᱚᱱᱟᱨᱮ ᱵᱟᱹᱲᱛᱤᱜ ᱠᱟᱱ ᱟᱯᱯ ᱵᱮᱯᱟᱨ ᱤᱫᱤ ᱠᱟᱛᱮ ᱟᱹᱰᱤ ᱜᱮ ᱦᱟᱦᱟᱲᱟ ᱞᱮᱱ ᱛᱟᱦᱮᱸᱫ ᱾ ᱩᱱᱠᱤᱱ ᱟᱞᱮᱠᱥ ᱯᱷᱤᱥᱢᱮᱱ ᱥᱟᱶ ᱢᱮᱥᱟ ᱠᱟᱛᱮ ᱟᱭ ᱯᱷᱚᱱ ᱨᱤᱱᱱᱤᱡ ᱢᱤᱫ ᱞᱟᱦᱟᱱᱛᱤᱭᱟᱹ ᱥᱟᱶ ᱜᱚᱯᱚᱲᱚ ᱛᱮ ᱦᱩᱣᱟᱴᱥᱟᱯ ᱠᱚ ᱛᱮᱭᱟᱨ ᱞᱮᱫ ᱛᱟᱦᱮᱸᱫ ᱾ ᱒᱔ ᱯᱷᱮᱵᱽᱨᱩᱣᱟᱨᱤ ᱒᱐᱐᱙ ᱥᱟᱞᱮᱨᱮ ᱠᱟᱞᱤᱯᱷᱚᱨᱱᱤᱭᱟ ᱨᱮ ᱱᱚᱶᱟ ᱫᱚ ᱠᱚ ᱩᱪᱷᱟᱹᱱ ᱞᱮᱫ ᱛᱟᱦᱮᱸᱫ ᱾ ᱢᱮᱱᱠᱷᱟᱱ ᱮᱦᱚᱵ ᱨᱮ ᱫᱚ ᱦᱩᱣᱟᱴᱥᱟᱯ ᱩᱱᱟᱹᱨ ᱵᱷᱟᱹᱜᱤ ᱫᱚ ᱵᱟᱝ ᱯᱟᱨᱪᱟᱣ ᱞᱮᱱ ᱛᱟᱦᱮᱸᱫ ᱾ ᱡᱩᱱ ᱒᱐᱐᱙ ᱥᱟᱞᱮᱨᱮ ᱟᱯᱚᱞᱟᱜ ᱯᱩᱥ ᱱᱚᱴᱤᱯᱷᱤᱠᱮᱥᱚᱱ ᱥᱤᱨᱤᱡᱮᱱ ᱛᱟᱭᱚᱢ ᱦᱩᱣᱟᱴᱥᱟᱯᱟᱜ ᱫᱚᱥᱟᱨ ᱨᱩᱯ ᱒.᱐ ᱩᱪᱷᱟᱹᱱ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱥᱚᱶᱛᱮ ᱱᱚᱶᱟ ᱨᱤᱱ ᱵᱮᱵᱷᱟᱨᱤᱭᱟᱹ ᱠᱚ ᱒᱕ ᱥᱟᱥᱟᱭ ᱛᱮ ᱠᱚ ᱰᱮᱦᱮᱨ ᱞᱮᱱ ᱛᱟᱦᱮᱸᱫ ᱾ ᱭᱟᱦᱩ ᱨᱤᱱ ᱛᱤᱢᱤᱱ ᱜᱟᱱ ᱠᱟᱹᱢᱩᱭᱟᱹ ᱠᱚᱣᱟ ᱜᱚᱯᱚᱲᱚ ᱛᱮ ᱱᱚᱵᱷᱮᱢᱵᱚᱨ ᱒᱐᱐᱙ ᱥᱟᱞᱮᱨᱮ ᱱᱚᱶᱟ ᱟᱯᱚᱞ ᱟᱯᱯ ᱟᱠᱷᱲᱟ ᱞᱟᱹᱜᱤᱫ ᱠᱚ ᱛᱮᱭᱟᱨ ᱡᱩᱛ ᱞᱮᱫ ᱛᱟᱦᱮᱸᱫ ᱾ ᱠᱚᱣᱩᱢ ᱟᱡᱤᱡ ᱜᱟᱛᱮ ᱠᱨᱤᱥ ᱯᱷᱤᱥᱢᱮᱱ ᱥᱟᱶ ᱜᱟᱞᱚᱪ ᱠᱟᱛᱮ ᱵᱟᱨ ᱪᱟᱸᱫᱚ ᱛᱟᱞᱟᱨᱮ ᱵᱞᱟᱠᱵᱮᱨᱤ ᱞᱟᱹᱜᱤᱫ ᱟᱯᱯ ᱠᱤᱱ ᱛᱮᱭᱟᱨ ᱞᱮᱫ ᱛᱟᱦᱮᱸᱫ ᱾ 

ᱦᱩᱣᱟᱴᱥᱟᱯ ᱣᱮᱵᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱩᱣᱟᱴᱥᱟᱯ ᱟᱨᱫᱟᱥᱤᱭᱟᱹ ᱞᱮᱠᱟᱛᱮ ᱠᱚᱢᱯᱩᱴᱚᱨ ᱨᱮ ᱢᱤᱫ ᱣᱮᱵᱽ ᱠᱞᱟᱭᱮᱸᱴ ᱦᱩᱣᱟᱴᱥᱟᱯ ᱣᱮᱵ ᱧᱩᱛᱩᱢ ᱛᱮ ᱪᱚᱞᱚᱛ ᱟᱹᱜᱩᱜ ᱠᱟᱱᱟ ᱾ ᱱᱟᱶᱟ ᱫᱚ ᱥᱟᱺᱜᱤᱧ ᱜᱟᱱᱟᱞ ᱨᱮᱱᱟᱜ ᱟᱭᱟᱨ ᱨᱩᱯ ᱠᱟᱱᱟ ᱾ ᱥᱟᱺᱜᱤᱧ ᱜᱟᱱᱟᱞ ᱨᱮᱜᱮ ᱡᱚᱛᱚ ᱥᱟᱹᱠᱷᱭᱟᱹᱛ ᱫᱚ ᱛᱟᱦᱮᱸᱱᱟ ᱾ ᱥᱩᱢᱩᱝ ᱠᱚᱢᱯᱩᱴᱚᱨ ᱫᱟᱨᱟᱭ ᱛᱮ ᱚᱱᱟ ᱨᱮᱱᱟᱜ ᱠᱟᱹᱢᱤ ᱛᱚᱨᱟᱣ-ᱟ ᱾

ᱦᱩᱣᱟᱴᱥᱟᱯ ᱧᱮᱞᱮᱞ ᱜᱟᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱩᱣᱟᱴᱥᱟᱯ ᱤᱱᱠᱨᱤᱯᱴ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱚᱱᱛᱚᱨ ᱵᱮᱵᱷᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Whatspapp Official Website