ᱦᱳᱥᱚᱝᱜᱟᱵᱟᱫᱽ ᱦᱚᱱᱚᱛ
ᱦᱳᱥᱚᱝᱜᱟᱵᱟᱫᱽ ᱦᱚᱱᱚᱛ ᱱᱚᱨᱢᱟᱫᱟᱯᱩᱨᱚᱢ ᱦᱚᱱᱚᱛ | |
---|---|
ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱦᱚᱱᱚᱛ | |
ᱪᱮᱛᱟᱱ ᱞᱮᱸᱜᱟ ᱠᱷᱚᱱ ᱮᱛᱚᱢ ᱥᱮᱦᱮᱫ: ᱪᱚᱣᱨᱟᱜᱚᱲ ᱨᱮ ᱥᱚᱛᱯᱩᱲᱟ ᱨᱮᱸᱡᱽ,ᱟᱫᱚᱢᱜᱚᱲ ᱵᱩᱨᱩ, ᱦᱳᱥᱚᱝᱜᱟᱵᱟᱫᱽ ᱨᱮ ᱥᱮᱴᱷᱟᱱᱤ ᱜᱷᱟᱴ, ᱫᱷᱩᱯᱜᱚᱲ, ᱛᱚᱣᱟ ᱜᱟᱰᱟ | |
![]() ᱦᱳᱥᱚᱝᱜᱟᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱴᱷᱟᱶ ᱢᱚᱫᱷᱭᱚ ᱯᱨᱚᱫᱮᱥ ᱨᱮ | |
ᱫᱤᱥᱚᱢ | ![]() |
ᱯᱚᱱᱚᱛ | ᱢᱚᱫᱷᱭᱚ ᱯᱨᱚᱫᱮᱥ |
ᱠᱷᱚᱸᱰ | ᱱᱚᱨᱢᱟᱫᱟᱯᱩᱨᱚᱢ |
ᱦᱮᱰᱠᱩᱣᱟᱴᱚᱨ | ᱦᱳᱥᱚᱝᱜᱟᱵᱟᱫᱽ |
ᱛᱚᱦᱥᱤᱞ ᱠᱚ | ᱐᱘
᱐᱑ ᱤᱴᱟᱨᱥᱤ ᱐᱒ ᱦᱳᱥᱚᱝᱜᱟᱵᱟᱫᱽ ᱐᱓ ᱥᱤᱣᱱᱤ ᱢᱟᱞᱣᱟ ᱐᱔ ᱥᱳᱦᱟᱜᱽᱯᱩᱨ ᱐᱕ ᱵᱟᱵᱟᱭ ᱐᱖ ᱵᱚᱱᱠᱷᱮᱲᱤ ᱐᱗ ᱰᱳᱞᱨᱤᱭᱟ ᱐᱘ ᱯᱤᱯᱨᱤᱭᱟ |
ᱥᱚᱨᱠᱟᱨ | |
• ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱦᱳᱥᱚᱝᱜᱟᱵᱟᱫᱽ |
• ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱦᱳᱥᱚᱝᱜᱟᱵᱟᱫᱽ-ᱤᱴᱟᱨᱥᱤ |
ᱮᱨᱤᱭᱟ | |
• ᱜᱩᱴ | 5408 ᱠᱤᱢᱤ২ (2088 ᱜᱟᱺᱴ ᱢᱟᱭᱤᱞ) |
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
• ᱜᱩᱴ | ᱑,᱒᱔᱑,᱓᱕᱐ |
• ᱰᱮᱱᱥᱤᱴᱤ | 230/ᱠᱤᱢᱤ2 (590/ᱜᱟᱺᱴ ᱢᱟᱹᱭᱤᱞ) |
• ᱱᱟᱜᱟᱨ | ᱓᱕% |
ᱦᱚᱲ ᱮᱞ | |
• ᱥᱤᱠᱷᱱᱟᱹᱛ | ᱗᱖.᱕᱒% |
• ᱡᱟᱱᱟᱝ ᱡᱟᱹᱱᱤ | ᱙᱑᱒ ᱛᱤᱨᱞᱟᱹ ᱠᱚ/᱑᱐᱐᱐ ᱠᱚᱲᱟ ᱠᱚ |
IST (ᱭᱩᱴᱤᱥᱤ+᱐᱕:᱓᱐) | |
ᱢᱩᱬ ᱨᱟᱡᱽᱰᱟᱦᱟᱨ ᱠᱚ | NH69, SH15, SH19, SH19A, SH22 |
Average annual precipitation | 1006~1350 mm |
ᱣᱮᱵᱽᱥᱟᱭᱤᱴ | narmadapuram |
ᱦᱳᱥᱚᱝᱜᱟᱵᱟᱫᱽ ᱦᱚᱱᱚᱛ, ᱥᱚᱨᱠᱟᱨᱤ ᱞᱮᱠᱟᱛᱮ ᱱᱚᱨᱢᱟᱫᱟᱯᱩᱨᱚᱢ ᱦᱚᱱᱚᱛ ᱫᱚ ᱥᱤᱧᱚᱛ ᱨᱮᱱᱟᱜ ᱢᱚᱫᱷᱭᱚ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱢᱤᱫᱴᱟᱹᱝ ᱦᱚᱱᱚᱛ ᱠᱟᱱᱟ ᱟᱨ ᱦᱳᱥᱚᱝᱜᱟᱵᱟᱫᱽ ᱥᱚᱦᱚᱨ ᱫᱚ ᱦᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾
ᱚᱛᱱᱚᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱚᱱᱚᱛ ᱨᱮᱱᱟᱜ ᱚᱥᱟᱨ ᱵᱤᱥᱟᱹᱨ ᱫᱚ ᱕᱐᱔᱘.᱒᱓ ᱜᱟᱺᱴ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ ᱾ ᱦᱳᱥᱚᱝᱜᱟᱵᱟᱫᱽ ᱦᱚᱱᱚᱛ ᱠᱚᱧᱮ ᱨᱮ ᱨᱟᱭᱥᱮᱱ, ᱥᱟᱢᱟᱝ ᱨᱮ ᱱᱚᱨᱥᱤᱝᱯᱩᱨ, ᱮᱛᱚᱢ ᱥᱟᱢᱟᱝ ᱨᱮ ᱪᱷᱤᱸᱫᱽᱣᱟᱲᱟ, ᱮᱛᱚᱢ ᱨᱮ ᱵᱮᱛᱩᱞ, ᱯᱟᱪᱮ ᱨᱮ ᱦᱟᱨᱫᱟ ᱟᱨ ᱠᱚᱧᱮ ᱯᱟᱪᱮ ᱨᱮ ᱥᱤᱦᱳᱨ ᱛᱮ ᱜᱷᱮᱨᱟᱣ ᱟᱠᱟᱱᱟ ᱾ ᱑᱙᱙᱘ ᱥᱟᱞ ᱨᱮ, ᱦᱳᱥᱚᱝᱜᱟᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱯᱟᱪᱮ ᱴᱷᱟᱶ ᱫᱚ ᱵᱷᱮᱜᱟᱨ ᱠᱟᱛᱮ ᱦᱚᱨᱫᱟ ᱦᱚᱱᱚᱛ ᱵᱮᱱᱟᱣ ᱞᱮᱱᱟ ᱾[᱑]
ᱱᱚᱣᱟ ᱦᱚᱱᱚᱛ ᱫᱚ ᱱᱚᱨᱢᱚᱫᱟ ᱜᱟᱰᱟ ᱜᱷᱟᱹᱴᱤ ᱨᱮ ᱢᱮᱱᱟᱜᱼᱟ, ᱱᱚᱣᱟ ᱱᱚᱨᱢᱚᱫᱟ ᱦᱚᱱᱚᱛ ᱨᱮᱱᱟᱜ ᱠᱚᱧᱮ ᱥᱤᱢᱟᱹ ᱵᱮᱱᱟᱣᱟ ᱾ ᱦᱳᱥᱚᱝᱜᱟᱵᱟᱫᱽ ᱦᱚᱱᱚᱛ ᱫᱚ ᱱᱚᱨᱢᱚᱫᱟᱯᱩᱨᱚᱢ ᱦᱚᱱᱚᱛ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾ ᱛᱚᱣᱟ ᱜᱟᱰᱟ ᱫᱚ ᱱᱚᱨᱢᱚᱫᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱡᱟᱹᱥᱛᱤ ᱡᱤᱞᱤᱧ ᱜᱚᱲᱚ ᱜᱟᱰᱟ ᱠᱟᱱᱟ, ᱡᱟᱦᱟᱸ ᱫᱚ ᱮᱛᱚᱢ ᱨᱮ ᱥᱚᱛᱯᱩᱲᱟ ᱨᱮᱸᱡᱽ ᱠᱷᱚᱱ ᱚᱸᱰᱚᱠ ᱟᱠᱟᱱᱟ ᱟᱨ ᱠᱚᱧᱮ ᱥᱮᱫ ᱛᱮ ᱵᱟᱱᱫᱽᱨᱟᱵᱷᱟᱱ ᱟᱹᱛᱩ ᱨᱮ ᱱᱚᱨᱢᱚᱫᱟ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱛᱚᱣᱟ ᱡᱷᱤᱞ ᱫᱚ ᱦᱚᱱᱚᱛ ᱨᱮᱱᱟᱜ ᱮᱛᱚᱢ-ᱛᱟᱞᱢᱟ ᱴᱚᱴᱷᱟ ᱨᱮ ᱢᱮᱱᱟᱜᱼᱟ ᱾[᱑]
ᱦᱳᱥᱚᱝᱜᱟᱵᱟᱫᱽ ᱦᱚᱱᱚᱛ ᱨᱮ ᱯᱚᱪᱢᱚᱲᱤ ᱦᱚᱸ ᱢᱮᱱᱟᱜᱼᱟ, ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱮᱛᱚᱢ ᱥᱮᱦᱮᱫ ᱨᱮ ᱥᱚᱛᱯᱩᱲᱟ ᱵᱩᱨᱩ ᱨᱮ ᱢᱮᱱᱟᱜ ᱢᱤᱫ ᱦᱤᱞ ᱥᱴᱮᱥᱚᱱ ᱟᱨ ᱧᱩᱛᱩᱢᱟᱱ ᱧᱮᱧᱮᱞ ᱴᱷᱟᱶ ᱠᱟᱱᱟ ᱾ ᱯᱚᱪᱢᱚᱲᱤ ᱫᱚ ᱵᱨᱤᱴᱤᱥ ᱨᱟᱡᱽ ᱨᱮᱱᱟᱜ ᱢᱚᱫᱷᱭᱚ ᱯᱨᱚᱫᱮᱥ ᱟᱨ ᱵᱚᱨᱟᱨ ᱨᱮᱱᱟᱜ ᱥᱤᱛᱩᱝ ᱨᱟᱡᱽᱜᱟᱲ ᱛᱟᱦᱮᱸ ᱠᱟᱱᱟ ᱾
ᱯᱚᱪᱢᱚᱲᱤ ᱨᱟᱠᱷᱟ ᱵᱤᱨ (᱔᱖᱑.᱓᱗ ᱜᱟᱺᱴ ᱠᱤᱞᱚᱢᱤᱴᱚᱨ) ᱫᱚ ᱢᱟᱨᱟᱝ ᱯᱚᱪᱢᱚᱲᱤ ᱵᱟᱭᱚᱥᱯᱷᱤᱭᱚᱨ ᱨᱩᱠᱷᱤᱭᱟᱹ ᱴᱚᱴᱷᱟ ᱨᱮᱱᱟᱜ ᱢᱤᱫ ᱴᱷᱟᱶ ᱠᱟᱱᱟ, ᱡᱟᱦᱟᱸ ᱫᱚ ᱵᱟᱭᱛᱩᱞ ᱟᱨ ᱪᱷᱤᱸᱫᱽᱣᱟᱲᱟ ᱦᱚᱱᱚᱛ ᱨᱮ ᱯᱟᱥᱱᱟᱣ ᱟᱠᱟᱱᱟ ᱾
ᱨᱚᱡᱚᱛ ᱯᱨᱚᱯᱟᱛ ᱫᱚ ᱦᱳᱥᱚᱝᱜᱟᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱯᱚᱪᱢᱚᱲᱤ ᱨᱮ ᱢᱮᱱᱟᱜᱼᱟ ᱾ ᱧᱮᱞᱮ ᱡᱷᱟᱨᱱᱟ, ᱰᱚᱪᱮᱥ ᱡᱷᱟᱨᱱᱟ ᱟᱨ ᱥᱚᱛᱯᱩᱲᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱩᱥᱩᱞ ᱪᱮᱛᱟᱱ ᱫᱩᱯᱚᱫᱽᱨᱟᱡᱽ ᱯᱚᱪᱢᱚᱲᱤ ᱨᱮ ᱢᱮᱱᱟᱜᱼᱟ ᱾[᱒]
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱳᱥᱚᱝᱜᱟᱵᱟᱫᱽ ᱦᱚᱱᱚᱛ ᱫᱚ ᱢᱚᱫᱷᱭᱚ ᱯᱨᱚᱫᱮᱥ ᱟᱨ ᱵᱟᱨᱟᱨ ᱨᱮᱱᱟᱜ ᱱᱮᱨᱵᱩᱫᱽᱫᱟ (ᱱᱚᱨᱢᱚᱫᱟ) ᱰᱤᱵᱤᱡᱚᱱ ᱨᱮᱱᱟᱜ ᱢᱤᱫ ᱴᱷᱟᱶ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱑᱙᱔᱗ ᱥᱟᱞ ᱨᱮ ᱥᱤᱧᱚᱛ ᱯᱷᱩᱨᱜᱟᱹᱞ (ᱛᱟᱭᱚᱢ ᱢᱚᱫᱷᱭᱚ ᱯᱨᱚᱫᱮᱥ ᱯᱚᱱᱚᱛ) ᱵᱮᱱᱟᱣ ᱮᱱᱟ ᱾[᱓] ᱦᱳᱥᱚᱝᱜᱟᱵᱟᱫᱽ ᱫᱚ ᱱᱚᱨᱢᱚᱫᱟᱯᱩᱨᱚᱢ ᱦᱚᱸ ᱠᱚ ᱢᱮᱛᱟᱜᱼᱟ ᱪᱮᱫᱟᱜ ᱥᱮ ᱱᱚᱶᱟ ᱨᱮᱱᱟᱜ ᱧᱩᱛᱩᱢ ᱫᱚ ᱱᱚᱨᱢᱚᱫᱟ ᱜᱟᱰᱟ ᱨᱮᱱᱟᱜ ᱧᱩᱛᱩᱢ ᱛᱮ ᱫᱚᱦᱚ ᱞᱮᱱᱟ ᱛᱟᱦᱮᱸᱫ, ᱛᱟᱭᱚᱢ ᱛᱮ ᱱᱚᱣᱟ ᱨᱮᱱᱟᱜ ᱧᱩᱛᱩᱢ ᱫᱚ ᱢᱟᱞᱣᱟ ᱨᱤᱱᱤᱡ ᱥᱩᱞᱛᱟᱱ ᱦᱳᱥᱚᱝ ᱥᱟᱦ ᱟᱜ ᱧᱩᱛᱩᱢ ᱨᱮᱠᱚ ᱫᱚᱦᱚ ᱠᱮᱫᱼᱟ ᱾
ᱦᱚᱲ ᱮᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱚᱲ ᱮᱞᱥᱚᱝ ᱱᱟᱜᱟᱢ | ||
---|---|---|
ᱥᱮᱨᱢᱟ | ᱦᱚᱲ. | ±% ᱥᱮ.ᱯᱤ. |
᱑᱙᱐᱑ | ᱓᱒᱘,᱕᱙᱓ | — |
᱑᱙᱑᱑ | ᱓᱓᱗,᱖᱐᱑ | +0.27% |
᱑᱙᱒᱑ | ᱓᱒᱗,᱘᱙᱒ | −0.29% |
᱑᱙᱓᱑ | ᱓᱕᱘,᱙᱐᱘ | +0.91% |
᱑᱙᱔᱑ | ᱓᱕᱙,᱕᱒᱑ | +0.02% |
᱑᱙᱕᱑ | ᱓᱖᱓,᱗᱕᱘ | +0.12% |
᱑᱙᱖᱑ | ᱔᱓᱒,᱘᱓᱖ | +1.75% |
᱑᱙᱗᱑ | ᱕᱖᱗,᱓᱐᱕ | +2.74% |
᱑᱙᱘᱑ | ᱗᱐᱙,᱑᱐᱔ | +2.26% |
᱑᱙᱙᱑ | ᱘᱘᱖,᱔᱔᱙ | +2.26% |
᱒᱐᱐᱑ | ᱑,᱐᱘᱔,᱒᱖᱕ | +2.03% |
᱒᱐᱑᱑ | ᱑,᱒᱔᱑,᱓᱕᱐ | +1.36% |
source:[᱔] |
᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱦᱳᱥᱚᱝᱜᱟᱵᱟᱫᱽ ᱦᱚᱱᱚᱛ ᱨᱤᱱ ᱦᱚᱲ ᱮᱞ ᱫᱚ ᱑,᱒᱔᱑,᱓᱕᱐ ᱦᱚᱲ ᱢᱮᱱᱟᱜ ᱠᱚᱣᱟ,[᱖] ᱛᱨᱤᱱᱤᱫᱟᱫᱽ ᱟᱨ ᱴᱳᱵᱮᱜᱳ[᱗] ᱥᱮ ᱟᱢᱮᱨᱤᱠᱟ ᱨᱮᱱᱟᱜ ᱱᱤᱭᱩ ᱦᱮᱢᱯᱥᱟᱭᱟᱨ ᱯᱚᱱᱚᱛ ᱥᱟᱞᱟᱜ ᱠᱚ ᱵᱟᱨᱟᱵᱟᱹᱨᱤ ᱟ ᱾[᱘] ᱱᱚᱶᱟ ᱫᱚ ᱥᱤᱧᱚᱛ ᱨᱮ ᱓᱘᱗ ᱟᱱᱟᱜ (ᱜᱩᱴ ᱖᱔᱐ ᱦᱚᱱᱚᱛ ᱠᱷᱚᱱ ᱫᱚ) ᱨᱮᱸᱠᱤᱝ ᱨᱮ ᱢᱮᱱᱟᱜᱼᱟ ᱾[᱖] ᱦᱚᱱᱚᱛ ᱨᱮᱱᱟᱜ ᱦᱚᱲ ᱮᱞ ᱰᱮᱱᱥᱤᱴᱤ ᱫᱚ ᱑᱘᱕ ᱦᱚᱲ ᱜᱚᱴᱟ ᱜᱟᱺᱴ ᱠᱤᱞᱚᱢᱤᱴᱚᱨ (᱔᱘᱐ ᱜᱟᱺᱴ ᱢᱤᱞ) ᱢᱮᱱᱟᱜ ᱠᱚᱣᱟ ᱾[᱖] ᱒᱐᱐᱑-᱒᱐᱑᱑ ᱨᱮᱱᱟᱜ ᱜᱮᱞ ᱥᱮᱨᱢᱟ ᱨᱮ ᱱᱚᱸᱰᱮᱱᱟᱜ ᱦᱚᱲ ᱮᱞ ᱜᱨᱚᱛᱷ ᱫᱚᱨ ᱫᱚ ᱑᱔.᱔᱕% ᱛᱟᱦᱮᱸ ᱠᱟᱱᱟ ᱾[᱖] ᱦᱳᱥᱚᱝᱜᱟᱵᱟᱫᱽ ᱨᱮ ᱜᱚᱴᱟ ᱑᱐᱐᱐ ᱠᱚᱲᱟ ᱨᱮ ᱙᱑᱒ ᱛᱤᱨᱞᱟᱹ ᱭᱟᱜ ᱡᱟᱱᱟᱝ ᱢᱮᱱᱟᱜᱼᱟ,[᱖] ᱟᱨ ᱥᱮᱪᱮᱫ ᱫᱚᱨ ᱫᱚ ᱗᱖.᱕᱒% ᱢᱮᱱᱟᱜᱼᱟ ᱾[᱖] ᱓᱑.᱔᱒% ᱦᱚᱲ ᱮᱞ ᱫᱚ ᱥᱚᱦᱨᱤ ᱴᱚᱴᱷᱟ ᱨᱮ ᱠᱚ ᱛᱟᱦᱮᱸᱱᱟ ᱾ ᱵᱟᱝ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱫᱚ ᱑᱖.᱕᱑% ᱟᱨ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱫᱚ ᱑᱕.᱘᱙% ᱢᱮᱱᱟᱜᱼᱟ ᱾[᱖]
ᱯᱟᱹᱨᱥᱤ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱚᱠᱛᱚ ᱨᱮ, ᱦᱚᱱᱚᱛ ᱨᱮ ᱙᱖.᱐᱓% ᱦᱚᱲ ᱫᱚ ᱦᱤᱱᱫᱤ, ᱐.᱙᱗% ᱜᱳᱸᱰᱤ ᱟᱨ ᱐.᱙᱖% ᱠᱳᱨᱠᱩ ᱫᱚ ᱟᱡᱟᱜ ᱯᱩᱭᱞᱩ ᱯᱟᱹᱨᱥᱤ ᱞᱮᱠᱟᱛᱮ ᱠᱚ ᱨᱚᱲᱮᱫ ᱛᱟᱦᱮᱸᱫ ᱾[᱙]
ᱠᱟᱹᱣᱰᱤ ᱟᱹᱨᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱳᱥᱚᱝᱜᱟᱵᱟᱫᱽ ᱫᱚ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱩᱛᱷᱱᱟᱹᱣᱚᱜ ᱠᱟᱱ ᱦᱚᱱᱚᱛ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾
ᱪᱟᱥ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱴᱚᱴᱷᱟ ᱨᱮ ᱟᱹᱰᱤ ᱵᱟᱹᱲᱛᱤ ᱪᱟᱥ ᱠᱟᱹᱢᱤ ᱦᱚᱨᱟ ᱢᱮᱱᱟᱜᱼᱟ ᱾ ᱚᱛ ᱫᱚ ᱟᱹᱰᱤ ᱱᱟᱯᱟᱭ ᱜᱮᱭᱟ ᱟᱨ ᱪᱟᱹᱥᱤ ᱠᱚᱣᱟᱜ ᱛᱚᱣᱟ ᱰᱮᱢ ᱠᱷᱚᱱ ᱯᱩᱨᱟᱹᱣ ᱥᱮᱨᱢᱟ ᱞᱟᱹᱜᱤᱫ ᱠᱮᱱᱟᱞ ᱫᱟᱜ ᱛᱮ ᱪᱟᱥ ᱦᱩᱭᱩᱜᱼᱟ ᱾ ᱪᱟᱹᱥᱤ ᱠᱚ ᱪᱟᱥᱵᱟᱥ ᱨᱮᱱᱟᱜ ᱪᱚᱠᱨᱚ ᱠᱚ ᱟᱯᱱᱟᱨᱟ ᱟᱨ ᱩᱱᱠᱩᱣᱟᱜ ᱢᱩᱬ ᱟᱨᱡᱟᱣ ᱫᱚ ᱜᱩᱦᱩᱢ, ᱥᱳᱭᱟᱵᱤᱱ, ᱢᱩᱝᱜᱽ, ᱟᱺᱠ, ᱪᱷᱚᱞᱟ, ᱦᱳᱲᱳ ᱮᱢᱟᱱ ᱠᱚ ᱪᱟᱥ ᱟᱵᱟᱫᱽ ᱨᱮ ᱦᱤᱡᱩᱜᱼᱟ ᱾ ᱦᱳᱥᱚᱝᱜᱟᱵᱟᱫᱽ ᱫᱚ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱜᱩᱦᱩᱢ ᱵᱮᱱᱟᱣᱤᱡ ᱟᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱳᱭᱟᱵᱤᱱ ᱵᱮᱱᱟᱣᱤᱡ ᱦᱚᱱᱚᱛ ᱠᱟᱱᱟ ᱾[᱑᱐]
ᱠᱟᱹᱨᱜᱟᱲ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱸᱰᱮ ᱟᱹᱰᱤ ᱜᱟᱱ ᱢᱟᱨᱟᱝ ᱟᱨ ᱦᱩᱰᱤᱧ ᱠᱟᱹᱢᱤᱦᱚᱨᱟ ᱢᱮᱱᱟᱜᱼᱟ (ᱥᱩᱱᱩᱢ ᱢᱤᱞ, ᱪᱤᱱᱤ ᱢᱤᱞ, ᱥᱟᱦᱟᱱ, ᱤᱱᱡᱤᱱᱤᱭᱟᱨᱤᱝ ᱮᱢᱟᱱ) ᱾ ᱤᱴᱟᱨᱥᱤ ᱦᱚᱱᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱠᱟᱹᱣᱰᱤᱟᱹᱨᱤ ᱛᱟᱞᱢᱟ ᱟᱨ ᱞᱚᱡᱤᱥᱴᱤᱠ ᱦᱟᱵᱽ ᱠᱟᱱᱟ ᱾ ᱥᱤᱠᱭᱚᱨᱤᱴᱤ ᱯᱮᱯᱚᱨ ᱢᱤᱞ, ᱦᱳᱥᱚᱝᱜᱟᱵᱟᱫᱽ ᱟᱨ ᱚᱨᱰᱚᱱᱮᱥ ᱯᱷᱮᱠᱴᱨᱤ, ᱤᱴᱟᱨᱥᱤ ᱫᱚ ᱥᱤᱧᱚᱛ ᱥᱚᱨᱠᱟᱨᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱤᱱᱰᱟᱥᱴᱨᱤᱭᱟᱞ ᱭᱩᱱᱤᱴ ᱠᱟᱱᱟ ᱾
ᱧᱮᱞᱡᱚᱝ ᱴᱷᱟᱶ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱚᱪᱢᱚᱲᱤ ᱫᱚ ᱟᱡᱟᱜ ᱡᱟᱱᱟᱢ ᱫᱟᱨᱟ ᱥᱟᱪᱟᱨᱦᱮ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜᱼᱟ ᱾ ᱱᱚᱣᱟ ᱫᱚ ᱓,᱕᱕᱕ ᱯᱷᱩᱴ ᱩᱥᱩᱞ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱥᱚᱛᱯᱩᱲᱟ ᱵᱩᱨᱩ ᱛᱮ ᱜᱷᱮᱨᱟᱣ ᱟᱠᱟᱱᱟ ᱾ ᱥᱚᱛᱯᱩᱲᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱟᱨ ᱢᱚᱰᱟᱭ ᱴᱟᱭᱜᱚᱨ ᱨᱤᱡᱚᱨᱵᱽ ᱵᱤᱨ ᱡᱤᱵᱽ ᱡᱤᱭᱟᱹᱞᱤ ᱵᱟᱜᱟᱱ ᱠᱟᱱᱟ ᱾
ᱦᱮᱡ ᱥᱮᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱚᱲᱚᱠ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱫᱚ ᱮᱱ.ᱮᱪ.᱖᱙
- ᱯᱚᱱᱚᱛ ᱨᱟᱡᱽᱰᱟᱦᱟᱨ ᱫᱚ ᱮᱥ.ᱮᱪ.᱑᱕, ᱮᱥ.ᱮᱪ.᱑᱙, ᱮᱥ.ᱮᱪ.᱑᱙ᱮ, ᱮᱥ.ᱮᱪ.᱒᱒
ᱨᱮᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱤᱴᱟᱨᱥᱤ ᱡᱚᱸᱠᱥᱚᱱ ᱫᱚ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱟᱨ ᱟᱹᱰᱤ ᱠᱟᱹᱢᱤᱭᱟᱱ ᱨᱮᱞᱣᱮ ᱥᱴᱮᱥᱚᱱ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱥᱤᱧᱚᱛ ᱡᱟᱠᱟᱛ ᱞᱟᱹᱜᱤᱫ ᱒᱕᱐ ᱜᱚᱴᱟᱝ ᱨᱮᱞ ᱠᱚ ᱱᱚᱣᱟ ᱥᱴᱮᱥᱚᱱ ᱠᱷᱚᱱ ᱪᱟᱞᱟᱜᱼᱟ ᱾ ᱮᱴᱟᱜ ᱨᱮᱞᱣᱮ ᱥᱴᱮᱥᱚᱱ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱦᱳᱥᱚᱝᱜᱟᱵᱟᱫᱽ, ᱯᱤᱯᱚᱨᱤᱭᱟ, ᱵᱟᱱᱟᱯᱩᱨᱟ, ᱥᱳᱦᱟᱜᱽᱯᱩᱨ ᱟᱨ ᱵᱚᱱᱠᱷᱮᱲᱤ ᱾
ᱩᱰᱟᱹᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱚᱛᱚ ᱠᱷᱚᱱ ᱥᱩᱨ ᱩᱰᱟᱹᱱ ᱰᱟᱹᱦᱤ ᱫᱚ ᱨᱟᱡᱟ ᱵᱷᱳᱡᱽ ᱩᱰᱟᱹᱱ ᱰᱟᱹᱦᱤ ᱵᱷᱚᱯᱟᱞ ᱨᱮ ᱢᱮᱱᱟᱜᱼᱟ ᱾
ᱢᱤᱰᱤᱭᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱷᱚᱵᱚᱨ ᱠᱚ: ᱦᱳᱥᱚᱝᱜᱟᱵᱟᱫᱽ ᱨᱮ ᱫᱟᱭᱱᱤᱠ ᱵᱷᱟᱥᱠᱟᱨ ᱞᱮᱠᱟᱱ ᱠᱷᱚᱵᱚᱨ ᱠᱚ ᱢᱮᱱᱟᱜᱼᱟ ᱾
ᱴᱮᱞᱤᱵᱤᱡᱚᱱ: ᱤᱴᱟᱨᱥᱤ ᱯᱤᱯᱚᱨᱤᱭᱟ ᱟᱨ ᱯᱚᱪᱢᱚᱲᱤ ᱨᱮ ᱫᱩᱨᱫᱚᱨᱥᱚᱱ ᱵᱨᱚᱰᱠᱟᱥᱴᱤᱝ ᱥᱮᱱᱴᱟᱨ ᱾[᱑᱑]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱑.᱐ ᱑.᱑ "Hoshangabad". District administration. Retrieved 19 August 2010.
- ↑ "Rajat Prapat". india9. Retrieved 2010-07-01.
- ↑ Hunter, William Wilson, Sir, et al. (1908). Imperial Gazetteer of India, Volume 6. 1908-1931; Clarendon Press, Oxford
- ↑ Decadal Variation In Population Since 1901
- ↑ "Table C-01 Population By Religion: Madhya Pradesh". census.gov.in. Registrar General and Census Commissioner of India.
- ↑ ᱖.᱐ ᱖.᱑ ᱖.᱒ ᱖.᱓ ᱖.᱔ ᱖.᱕ ᱖.᱖ "District Census 2011". Census2011.co.in. 2011. Retrieved 2011-09-30.
- ↑ US Directorate of Intelligence. "Country Comparison:Population". Archived from the original on 2011-09-27. Retrieved 2011-10-01.
Trinidad and Tobago 1,227,505 July 2011 est.
- ↑ "2010 Resident Population Data". U. S. Census Bureau. Archived from the original on 2013-10-19. Retrieved 2011-09-30.
New Hampshire 1,316,470
- ↑ 2011 Census of India, Population By Mother Tongue
- ↑ "Wheat | District Hoshangabad, Government of Madhya Pradesh | India" (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 27 October 2021.
- ↑ "हिन्दू मंदिर परम्परा - Devasthal Monitoring Community".
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]![]() |
ᱥᱤᱦᱳᱨ ᱦᱚᱱᱚᱛ | ᱨᱟᱭᱥᱮᱱ ᱦᱚᱱᱚᱛ | ![]() | |
![]() |
ᱱᱚᱨᱥᱤᱝᱯᱩᱨ ᱦᱚᱱᱚᱛ | |||
![]() ![]() | ||||
![]() | ||||
ᱦᱚᱨᱫᱟ ᱦᱚᱱᱚᱛ | ᱵᱮᱛᱩᱞ ᱦᱚᱱᱚᱛ | ᱪᱷᱤᱸᱫᱽᱣᱟᱲᱟ ᱦᱚᱱᱚᱛ |