ᱨᱚᱛᱷᱤᱱ ᱠᱤᱥᱠᱩ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱨᱚᱛᱷᱤᱱ ᱠᱤᱥᱠᱩ
Rathin Kisku
ᱨᱚᱛᱷᱤᱱ ᱠᱤᱥᱠᱩ (Rathin Kisku).jpg
ᱨᱚᱛᱷᱤᱱ ᱠᱤᱥᱠᱩ (Rathin Kisku)
ᱡᱟᱱᱟᱢ ᱟᱨ ᱡᱟᱱᱟᱢ ᱴᱷᱟᱶ ᱒᱒ ᱢᱟᱨᱪ ᱑᱙᱘᱔ (1984-03-22) (᱓᱖ ᱥᱮᱨᱢᱟ)
ᱜᱳᱯᱟᱞᱱᱚᱜᱚᱨ, ᱵᱤᱨᱵᱷᱩᱢ, ᱯᱟᱹᱪᱷᱤᱢ ᱵᱟᱝᱞᱟ, ᱥᱤᱧᱚᱛ
ᱫᱤᱥᱚᱢᱤᱭᱟᱹ ᱵᱷᱟᱨᱚᱛᱤᱭᱳ
ᱠᱟᱹᱢᱤ
ᱥᱤᱨᱯᱷᱟᱹ
  • ᱞᱟᱞ ᱥᱩᱠᱨᱟ ᱥᱤᱨᱯᱟᱹ ᱒᱐᱐᱘, ᱯᱟᱹᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ
  • ᱵᱤᱨᱵᱷᱩᱢ ᱡᱤᱞᱟᱹ ᱵᱟᱹᱣᱞ ᱥᱤᱨᱯᱟᱹ ᱒᱐᱐᱙
  • ᱥᱟᱱᱛᱟᱞᱤ ᱯᱷᱞᱤᱢ ᱯᱷᱮᱭᱟᱨ ᱥᱤᱨᱯᱟᱹ ᱒᱐᱑᱐

ᱨᱚᱛᱷᱤᱱ ᱠᱤᱥᱠᱩ (᱒᱒ ᱢᱟᱨᱪ ᱑᱙᱘᱔, ᱜᱳᱯᱟᱞᱱᱚᱜᱚᱨ, ᱵᱤᱨᱵᱷᱩᱢ) ᱫᱚ ᱥᱤᱧᱚᱛ ᱫᱤᱥᱟᱹᱢ ᱨᱮᱱ ᱢᱤᱫᱴᱮᱱ ᱵᱟᱹᱣᱞ ᱜᱟᱭᱱᱟᱦᱟ ᱠᱟᱱᱟᱭ᱾ ᱨᱚᱛᱷᱤᱱ ᱠᱤᱥᱠᱩ ᱟᱜ ᱚᱲᱟᱜ ᱫᱚ ᱠᱚᱵᱤ ᱜᱩᱨᱩ ᱨᱚᱵᱤᱱᱫᱨᱚᱱᱟᱛᱷ ᱴᱷᱟᱠᱩᱨᱟᱜ ᱥᱟᱱᱛᱤᱱᱤᱠᱮᱛᱚᱱ ᱠᱷᱚᱱ ᱒᱐ ᱠᱤᱞᱳᱢᱤᱴᱟᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ᱾ ᱵᱟᱹᱣᱞ ᱥᱮᱹᱨᱮᱹᱧ ᱵᱟᱫᱽ ᱠᱟᱛᱮ ᱦᱚᱸ ᱥᱟᱱᱛᱟᱲᱤ ᱥᱮᱹᱨᱮᱹᱧ ᱠᱷᱟᱹᱛᱤᱨ ᱛᱮ ᱨᱚᱛᱷᱤᱱ ᱠᱤᱥᱠᱩ ᱟᱜ ᱧᱩᱛᱩᱢ ᱥᱤᱧᱚᱛ ᱫᱤᱥᱟᱹᱢ ᱟᱨ ᱫᱤᱥᱟᱹᱢ ᱵᱟᱨᱦᱮ ᱦᱚᱸ ᱯᱟᱥᱱᱟᱣ ᱟᱠᱟᱱᱟ᱾ ᱩᱱᱤ ᱨᱮᱱ ᱯᱩᱭᱞᱩ ᱜᱩᱨᱩ ᱫᱚᱭ ᱛᱟᱸᱦᱮᱸᱠᱟᱱᱟ ᱚᱵᱷᱚᱭ ᱵᱷᱚᱴᱴᱟᱪᱟᱨᱡᱚ᱾ ᱤᱱᱟᱹ ᱛᱟᱭᱚᱢ ᱥᱤᱣᱲᱤ ᱨᱮᱱ ᱱᱤᱛᱟᱭ ᱫᱟᱥ ᱵᱟᱹᱣᱞ ᱴᱷᱮᱱ ᱦᱚᱸᱭ ᱪᱮᱫ ᱟᱠᱟᱫᱟ᱾ ᱥᱟᱱᱛᱤᱱᱤᱠᱮᱛᱚᱱ ᱨᱮᱱ ᱥᱮᱹᱨᱮᱹᱧ ᱢᱟᱪᱮᱛ ᱫᱤᱞᱤᱯ ᱠᱚᱨᱢᱚᱠᱟᱨ ᱴᱷᱮᱱ ᱫᱚ ᱩᱪᱪᱟᱝᱜᱚ ᱥᱮᱹᱨᱮᱹᱧ ᱮ ᱪᱮᱫ ᱟᱠᱟᱫᱟ᱾[᱑]

ᱮᱛᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱚᱛᱷᱤᱱ ᱠᱤᱥᱠᱩ ᱫᱚ ᱵᱮᱲᱜᱨᱟᱢ ᱦᱟᱭ ᱤᱥᱠᱩᱞ ᱨᱮ ᱙ ᱠᱞᱟᱥ ᱫᱷᱟᱹᱵᱤᱡ ᱯᱟᱲᱦᱟᱣ ᱠᱟᱛᱮ ᱵᱟᱹᱜᱤ ᱞᱮᱫᱟ᱾ ᱤᱱᱟᱹ ᱛᱟᱭᱚᱢ ᱵᱟᱹᱣᱞ ᱥᱮᱹᱨᱮᱹᱧ ᱪᱤᱫ ᱮ ᱫᱷᱩᱨᱟᱹᱣ ᱱᱟ᱾ ᱠᱤᱪᱷᱩ ᱫᱤᱱ ᱪᱤᱫ ᱠᱟᱛᱮ ᱜᱮ ᱦᱟᱱᱛᱮ ᱱᱟᱛᱮ ᱵᱟᱹᱣᱞ ᱟᱨ ᱥᱟᱱᱛᱟᱲᱤ ᱥᱮᱹᱨᱮᱹᱧ ᱯᱚᱨᱚᱵᱽ ᱠᱚᱨᱮ ᱥᱮᱹᱨᱮᱹᱧ ᱮ ᱫᱷᱩᱨᱟᱹᱣ ᱱᱟ᱾ ᱯᱟᱹᱪᱷᱤᱢ ᱵᱟᱝᱞᱟ, ᱡᱷᱟᱲᱠᱷᱚᱸᱰ, ᱳᱲᱤᱥᱥᱟ, ᱫᱤᱞᱞᱤ ᱮᱢᱟᱱᱛᱮᱭᱟᱜ ᱡᱟᱜᱟ ᱠᱚᱨᱮᱭ ᱫᱟᱬᱟ ᱟᱹᱪᱩᱨ ᱠᱮᱫᱟ᱾ ᱒᱐᱐᱔ ᱥᱮᱨᱢᱟ ᱨᱮ ᱥᱟᱱᱛᱤᱱᱤᱠᱮᱛᱚᱱ ᱨᱮᱱᱟᱜ ᱥᱮᱹᱨᱮᱹᱧ ᱵᱤᱵᱷᱟᱜᱽ ᱨᱮ ᱵᱷᱟᱨᱚᱛᱤᱭᱳ ᱠᱞᱟᱥᱤᱠᱟᱞ ᱵᱷᱳᱠᱟᱞ ᱥᱮᱹᱨᱮᱹᱧ ᱪᱤᱫ ᱮ ᱫᱷᱩᱨᱟᱹᱣ ᱱᱟ᱾ ᱟᱨ ᱚᱱᱟ ᱥᱮᱨᱢᱟ ᱜᱮ ᱵᱟᱨᱦᱮ ᱪᱷᱟᱛᱨᱚ ᱦᱤᱥᱟᱹᱵᱛᱮ ᱑᱐ ᱠᱞᱟᱥ ᱨᱮᱱᱟᱜ ᱵᱤᱱᱤᱰ ᱮ ᱮᱢ ᱠᱮᱫᱟ᱾

᱒᱐᱐᱕ ᱥᱮᱨᱢᱟ ᱨᱮ ᱡᱟᱨᱢᱟᱱ ᱨᱮ ᱢᱤᱫ ᱪᱟᱸᱫᱚᱭ ᱛᱟᱦᱮᱸᱠᱟᱱᱟ᱾ ᱩᱱ ᱡᱚᱠᱷᱚᱡ ᱢᱟᱨᱴᱤᱱ ᱠᱟᱢᱪᱮᱱ ᱧᱩᱛᱩᱢᱟᱱ ᱢᱤᱫ ᱦᱚᱲᱟᱜ ᱠᱩᱨᱩᱢᱩᱴᱩᱛᱮ ᱡᱟᱨᱢᱟᱱᱭ ᱨᱮᱱᱟᱜ ᱞᱟᱹᱴᱩ ᱞᱟᱹᱴᱩ ᱥᱚᱦᱚᱨ ᱠᱟᱨᱮᱭ ᱥᱮᱹᱨᱮᱹᱧ ᱟᱠᱟᱫᱼᱟ᱾[᱒] ᱚᱸᱰᱮ ᱠᱷᱚᱱ ᱨᱩᱣᱟᱹᱲ ᱦᱮᱡ ᱠᱟᱛᱮ ᱟᱭᱢᱟ ᱴᱤᱵᱷᱤ ᱪᱮᱱᱮᱞ ᱨᱮᱱᱟᱜ ᱟᱭᱚᱡᱚᱱ ᱨᱮᱭ ᱥᱮᱞᱮᱫ ᱟᱠᱟᱱᱟ᱾ ᱤ ᱴᱤᱵᱷᱤ ᱨᱮ ᱠᱚᱵᱤ ᱜᱩᱨᱩ ᱨᱚᱵᱤᱱᱫᱨᱚᱱᱟᱛᱷ ᱴᱷᱟᱠᱩᱨ ᱵᱟᱠᱷᱨᱟ ᱚᱱᱩᱥᱴᱷᱟᱱ, ᱮᱥᱴᱟᱨ ᱟᱱᱚᱱᱫᱚ ᱨᱮ ᱯᱳᱥ ᱢᱮᱞᱟ ᱚᱱᱩᱥᱴᱷᱟᱱ, ᱫᱩᱨᱚᱫᱚᱨᱥᱚᱱ, ᱟᱠᱟᱥ ᱵᱟᱱᱤ ᱠᱳᱞᱠᱟᱛᱟ ᱨᱮ ᱨᱮᱰᱤᱭᱳ ᱚᱱᱩᱥᱴᱷᱟᱱ, ᱥᱩᱭᱤᱥ ᱨᱮᱰᱤᱭᱳ ᱨᱮ ᱚᱱᱩᱥᱴᱷᱟᱱ ᱟᱠᱟᱫᱟᱭ᱾

ᱥᱮᱹᱨᱮᱹᱧ ᱵᱟᱵᱚᱛ ᱫᱤᱥᱟᱹᱢ ᱫᱟᱲᱟᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱨᱢᱟᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱒᱐᱐᱕ ᱥᱮᱨᱢᱟ ᱨᱮ ᱯᱩᱭᱞᱩ ᱫᱷᱟᱣ ᱡᱟᱨᱢᱟᱱ ᱥᱮᱱ ᱠᱟᱛᱮ ᱢᱤᱫ ᱪᱟᱸᱫᱚ ᱨᱮ ᱡᱟᱨᱢᱟᱱ ᱨᱮ ᱞᱟᱹᱴᱩ ᱞᱟᱹᱴᱩ ᱟᱭᱢᱟ ᱥᱚᱦᱚᱨ ᱨᱮ ᱥᱮᱹᱨᱮᱹᱧ ᱟᱠᱟᱫᱟᱭ᱾
  • ᱒᱐᱐᱘ ᱨᱮ ᱡᱩᱞᱟᱭ ᱪᱟᱸᱫᱚ ᱨᱮᱱᱟᱜ ᱑᱒ ᱛᱟᱹᱨᱤᱠ ᱠᱷᱚᱱ ᱟᱜᱚᱥᱴ ᱨᱮᱱᱟᱜ ᱓᱐ ᱫᱷᱟᱹᱵᱤᱡ ᱜᱟᱨᱢᱟᱱᱤ ᱟᱨ ᱚᱥᱴᱨᱤᱭᱟ ᱨᱮᱱᱟᱜ ᱥᱚᱦᱚᱨ (ᱵᱟᱨᱞᱤᱱ, ᱯᱷᱨᱟᱝᱠᱯᱷᱨᱩᱴ, ᱰᱨᱮᱥᱰᱮᱱ, ᱞᱮᱭᱤᱯᱡᱤᱜᱽ, ᱜᱳᱴᱤᱱᱜᱮᱱ, ᱢᱟᱨᱵᱟᱨᱜᱽ, ᱥᱟᱞᱡᱽᱵᱟᱨᱜᱽ, ᱵᱷᱤᱭᱮᱱᱟ) ᱠᱚᱨᱮᱭ ᱥᱮᱹᱨᱮᱹᱧ ᱟᱠᱟᱫᱟ᱾

ᱵᱟᱝᱞᱟᱫᱮᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱒᱐᱐᱗ ᱥᱮᱨᱢᱟ ᱨᱮᱱᱟᱜ ᱚᱠᱴᱚᱵᱚᱨ ᱪᱟᱸᱫᱚ ᱨᱮ ᱵᱟᱝᱞᱟᱫᱮᱥ ᱨᱮᱱᱟᱜ ᱨᱟᱡᱽᱜᱟᱲ ᱰᱷᱟᱠᱟ ᱨᱮ ᱠᱚᱱᱥᱟᱨᱴ᱾ ᱚᱱᱟ ᱠᱚᱱᱥᱟᱨᱴ ᱨᱮ ᱟᱱᱩᱥᱟᱦ ᱥᱟᱶᱛᱮᱭ ᱥᱮᱹᱨᱮᱹᱧ ᱞᱮᱫᱟ᱾
  • ᱒᱐᱑᱐ ᱟᱨ ᱒᱐᱑᱒ ᱥᱮᱨᱢᱟ ᱨᱮ ᱨᱟᱡᱽᱥᱟᱦᱤ ᱡᱤᱞᱟᱹ ᱨᱮ ᱥᱮᱹᱨᱮᱹᱧ ᱯᱚᱨᱚᱵᱽ᱾
  • ᱒᱐᱑᱗ ᱥᱮᱨᱢᱟ ᱨᱮ ᱢᱟᱨᱪ ᱪᱟᱸᱫᱚ ᱫᱤᱱᱟᱡᱽᱯᱩᱨ ᱡᱤᱞᱟᱹ ᱨᱮᱱᱟᱜ ᱯᱟᱨᱵᱳᱛᱤᱯᱩᱨ ᱛᱷᱟᱱᱟ ᱨᱮᱱᱟᱜ ᱵᱟᱨᱳᱠᱚᱱᱟ ᱨᱮ ᱵᱟᱦᱟ ᱯᱚᱨᱚᱵᱽ ᱨᱮᱭ ᱥᱮᱞᱮᱫ ᱞᱮᱱᱟ᱾
  • ᱒᱐᱑᱘ ᱥᱮᱨᱢᱟ ᱨᱮ ᱒᱒ ᱚᱠᱴᱚᱵᱚᱨ ᱫᱤᱡᱟᱽᱯᱩᱨ ᱡᱤᱞᱟᱹ ᱨᱮᱱᱟᱜ ᱠᱟᱦᱟᱨᱳᱞ ᱛᱷᱟᱱᱟ ᱨᱮ ᱥᱤᱫᱩ-ᱠᱟᱹᱱᱩ ᱟᱜ ᱢᱩᱨᱛᱤ ᱩᱪᱷᱟᱹᱱ ᱚᱱᱩᱥᱴᱷᱟᱱ ᱨᱮᱭ ᱥᱮᱞᱮᱫᱽ ᱞᱮᱱᱟ᱾

ᱠᱟᱹᱢᱤᱠᱳ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱡᱟᱱᱩᱣᱟᱨᱤ, ᱒᱐᱐᱗ - 'ᱥᱟᱱᱛᱤᱱᱤᱠᱮᱛᱚᱱ ᱪᱮᱛᱟᱱ ᱨᱮ ᱥᱟᱱᱛᱟᱲᱤ ᱥᱮᱹᱨᱮᱹᱧ' ᱨᱮᱱᱟᱜ ᱯᱩᱭᱞᱩ ᱮᱞᱵᱟᱢ ᱳᱰᱳᱠ᱾
  • ᱟᱜᱚᱥᱴ, ᱒᱐᱐᱗ - 'ᱯᱨᱟᱱ ᱵᱷᱳᱨᱮ ᱜᱟᱭ', ᱯᱩᱭᱞᱩ ᱠᱚᱢᱟᱨᱪᱤᱭᱟᱞ ᱥᱤᱰᱤ, ᱥᱟᱨᱮᱜᱟᱢᱟ ᱵᱮᱱᱟᱨ ᱛᱮ᱾
  • ᱒᱐᱐᱙ - 'ᱵᱟᱦᱟ' ᱵᱷᱤᱰᱤᱭᱳ ᱥᱮᱹᱨᱮᱹᱧ ᱮᱞᱵᱟᱢ᱾ 'ᱢᱚᱱᱮ ᱢᱮᱱᱟ ᱦᱟᱯᱮ ᱨᱮ ᱦᱟᱯᱮ' ᱵᱷᱤᱰᱤᱭᱳ ᱥᱮᱹᱨᱮᱹᱧ ᱮᱞᱵᱟᱢ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱮᱰᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱟᱹᱨᱤᱪᱟᱹᱞᱤ ᱡᱟᱸᱦᱟᱸᱨᱮ ᱡᱟᱸᱦᱟᱸ ᱞᱮᱠᱟ, ᱒᱔ ᱰᱤᱥᱮᱢᱵᱚᱨ ᱒᱐᱑᱑, ᱟᱱᱚᱱᱫᱚᱵᱟᱡᱟᱨ ᱯᱚᱛᱨᱤᱠᱟ
  2. ᱵᱟᱹᱣᱞ ᱜᱟᱭᱱᱟᱦᱟ ᱨᱚᱛᱷᱤᱱ ᱠᱤᱥᱠᱩ