ᱨᱚᱡᱚ
ᱨᱚᱡᱚ ᱯᱟᱨᱟᱵᱽ ᱫᱚ ᱳᱰᱤᱥᱟ ᱨᱮᱱᱟᱜ ᱢᱤᱫ ᱥᱟᱶᱛᱟᱨᱤ ᱯᱟᱨᱟᱵᱽ ᱠᱟᱱᱟ ᱟᱨ ᱯᱚᱱᱚᱛ ᱨᱮᱱᱟᱜ ᱢᱤᱫ ᱫᱤᱥᱣᱟᱹ ᱯᱟᱨᱟᱵᱽ ᱠᱟᱱᱟ ᱾ ᱱᱚᱶᱟ ᱫᱚ ᱯᱮ ᱢᱟᱦᱟᱸ ᱫᱷᱟᱹᱵᱤᱡ ᱠᱚ ᱢᱟᱱᱟᱣᱟ ᱾ ᱱᱚᱶᱟ ᱨᱮᱱᱟᱜ ᱫᱚᱥᱟᱨ ᱢᱟᱦᱟᱸ ᱠᱷᱚᱱ ᱡᱷᱮᱸᱴ ᱵᱚᱸᱜᱟ ᱮᱛᱚᱦᱚᱵᱚᱜ-ᱟ ᱟᱨ ᱱᱤᱭᱟᱹ ᱛᱟᱭᱚᱢ ᱫᱚ ᱡᱟᱹᱯᱩᱫ ᱨᱤᱛᱩ ᱮᱛᱚᱦᱚᱵᱚᱜ-ᱟ ᱾ ᱨᱚᱡᱚ ᱯᱟᱨᱟᱵᱽ ᱨᱮᱱᱟᱜ ᱯᱩᱭᱞᱩ ᱫᱤᱱ ᱫᱚ ᱯᱚᱦᱤᱞᱤ ᱨᱚᱡᱚ, ᱫᱚᱥᱟᱨ ᱦᱤᱞᱚᱜ ᱫᱚ ᱦᱩᱭᱩᱜ ᱠᱟᱱᱟ ᱨᱚᱡᱚ ᱥᱚᱝᱠᱨᱟᱱᱛᱤ, ᱛᱮᱥᱟᱨ ᱢᱟᱦᱟᱸ ᱦᱤᱞᱚᱜ ᱦᱩᱭᱩᱜ ᱠᱟᱱᱟ ᱚᱛ ᱫᱚᱦᱚᱱ ᱟᱨ ᱯᱩᱱᱟᱜ ᱟᱨᱵᱟᱝ ᱢᱩᱪᱟᱹᱫ ᱢᱟᱦᱟᱸ ᱦᱤᱞᱚᱜ ᱫᱚ ᱦᱩᱭᱩᱜ ᱠᱟᱱᱟ ᱵᱚᱥᱩᱢᱚᱛᱤ ᱛᱩᱯᱩᱱ ᱾ [᱑]
ᱱᱚᱶᱟ ᱫᱚ ᱪᱟᱥ ᱮᱛᱚᱦᱚᱵᱚᱜ ᱨᱮᱱᱟᱜ ᱮ ᱩᱫᱩᱜᱟ ᱾ ᱨᱚᱡᱚ ᱟᱹᱲᱟᱹ ᱨᱮᱱᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱨᱚᱡᱚᱵᱚᱛᱤ, ᱡᱟᱦᱟᱸ ᱫᱚ ᱫᱷᱟᱹᱨᱛᱤ ᱟᱭᱳ ᱞᱮᱠᱟᱛᱮ ᱩᱫᱩᱜ ᱠᱟᱛᱮ ᱡᱟᱹᱯᱩᱫ ᱦᱤᱡᱩᱜ ᱞᱟᱦᱟᱨᱮ ᱨᱚᱡᱚ ᱫᱚ ᱱᱟᱶᱟ ᱡᱚ ᱵᱤᱞᱤ ᱡᱟᱱᱟᱢᱚᱜ ᱨᱮᱱᱟᱜ ᱮᱸᱜᱮᱫ ᱮ ᱜᱚᱜ ᱠᱟᱜ-ᱟ ᱾ ᱱᱚᱶᱟ ᱢᱟᱦᱟᱸ ᱨᱮᱫᱚ ᱪᱟᱹᱥᱤ ᱠᱚ ᱱᱟᱦᱮᱞ ᱟᱨᱟᱬ ᱠᱚᱠᱚ ᱵᱚᱸᱜᱟ ᱵᱳᱨᱳᱣᱟᱜ ᱥᱟᱶ ᱥᱟᱶᱛᱮ ᱪᱟᱥ ᱠᱟᱹᱢᱤ ᱠᱷᱚᱱ ᱫᱚ ᱯᱮ ᱢᱟᱦᱟᱸ ᱞᱟᱹᱜᱤᱫ ᱡᱤᱨᱟᱹᱣ ᱠᱚ ᱦᱟᱛᱟᱣ ᱠᱟᱜ-ᱟ ᱾ ᱨᱚᱡᱚ ᱨᱮ ᱯᱚᱰᱚ ᱯᱤᱷᱟᱹ ᱟᱨ ᱯᱟᱱ ᱡᱚᱢ ᱥᱟᱶ ᱥᱟᱶᱛᱮ ᱠᱩᱲᱤ ᱜᱤᱫᱽᱨᱟ ᱠᱚ ᱞᱟᱹᱜᱤᱫ ᱫᱚ ᱡᱷᱤᱞᱣᱟᱹᱝ ᱟᱨ ᱯᱩᱪᱤ ᱠᱷᱮᱞ ᱥᱟᱶ ᱥᱟᱶᱛᱮ ᱠᱚᱲᱟ ᱜᱤᱫᱽᱨᱟᱹ ᱠᱚᱫᱚ ᱞᱩᱰᱚ, ᱛᱟᱥ, ᱮᱢᱟᱱ ᱠᱷᱮᱞ ᱠᱚ ᱠᱷᱮᱞᱚᱸᱰ ᱠᱟᱛᱮ ᱱᱚᱶᱟ ᱯᱟᱨᱟᱵᱽ ᱫᱚᱠᱚ ᱢᱟᱱᱟᱣᱟ ᱾
ᱵᱟᱹᱲᱛᱤ ᱠᱟᱛᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱥᱟᱲ ᱵᱚᱸᱜᱟ ᱫᱚ ᱯᱩᱱᱭᱟᱹ ᱵᱚᱸᱜᱟ ᱵᱽᱨᱚᱛᱚ ᱨᱮᱱᱟᱜ ᱯᱩᱭᱞᱩ ᱵᱚᱸᱜᱟ ᱠᱟᱱᱟ ᱾ ᱱᱚᱶᱟ ᱯᱩᱱᱭᱟᱹ ᱵᱚᱸᱜᱟ ᱫᱚ ᱢᱩᱱᱤ ᱨᱩᱥᱤ ᱟᱨ ᱥᱟᱫᱷᱚᱵᱽ ᱠᱚ ᱟᱠᱚᱣᱟᱜ ᱥᱟᱸᱜᱷᱟᱨ ᱵᱟᱹᱜᱤ ᱠᱟᱛᱮ ᱢᱤᱫ ᱴᱷᱟᱶ ᱨᱮ ᱴᱷᱟᱹᱣᱠᱟᱹ ᱥᱟᱹᱦᱤᱸᱡ ᱛᱟᱦᱮᱸ ᱠᱟᱛᱮ ᱠᱚ ᱥᱟᱫᱷᱱᱟᱭᱟ ᱾ ᱱᱚᱶᱟ ᱵᱚᱸᱜᱟ ᱫᱚ ᱛᱤᱨᱤᱡᱩᱨᱤ ᱡᱤᱭᱚᱱ ᱨᱮᱱᱟᱜ ᱫᱚ ᱡᱚᱛᱚ ᱠᱷᱚᱱ ᱱᱟᱯᱟᱭ ᱧᱟᱯᱟᱢᱚᱜ ᱵᱚᱸᱜᱟ ᱠᱟᱱᱟ ᱢᱮᱱᱛᱮ ᱠᱚ ᱟᱯᱱᱟᱨ ᱟᱠᱟᱫ-ᱟ ᱾ ᱪᱟᱥᱵᱟᱥ ᱢᱩᱬᱩᱛ ᱫᱤᱥᱚᱢ ᱞᱮᱠᱟᱛᱮ ᱧᱩᱛᱩᱢ ᱮ ᱟᱢᱮᱴ ᱟᱠᱟᱫ ᱟᱵᱚ ᱫᱤᱥᱚᱢ ᱨᱮᱱᱟᱜ ᱦᱟᱥᱟ ᱟᱭᱳ ᱫᱚ ᱟᱹᱰᱤ ᱞᱮᱠᱟᱱ ᱡᱚ ᱡᱟᱹᱞᱤ ᱚᱪᱚ ᱠᱟᱛᱮ ᱟᱵᱚᱣᱟᱜ ᱛᱤ ᱨᱮᱭ ᱟᱹᱬᱛᱤ ᱠᱟᱜ ᱠᱟᱱᱟ ᱾ ᱟᱭᱳ ᱡᱟᱦᱟᱸ ᱞᱮᱠᱟ ᱟᱭᱳ ᱵᱮᱱᱟᱣᱜ ᱞᱟᱦᱟᱨᱮ ᱡᱤᱨᱟᱹᱣ ᱞᱟᱹᱠᱛᱤ ᱟᱭ ᱠᱟᱱᱟ, ᱚᱱᱠᱟ ᱜᱮ ᱟᱭᱳ ᱵᱮᱱᱟᱣᱜ ᱨᱮᱭ ᱞᱟᱦᱟᱜ ᱠᱟᱱ ᱦᱟᱥᱟ ᱟᱭᱳ ᱦᱚᱸ ᱨᱚᱡᱚ ᱯᱮ ᱢᱟᱦᱟᱸ ᱫᱚ ᱡᱤᱨᱟᱹᱣ ᱵᱚᱱ ᱮᱢᱟᱦᱟᱭᱟ ᱢᱮᱱᱛᱮ ᱯᱟᱹᱛᱭᱟᱹᱣ ᱢᱮᱱᱟᱜ-ᱟ ᱾ ᱯᱩᱭᱞᱩ ᱨᱚᱡᱚ ᱨᱮᱜᱮ ᱮᱛᱚᱦᱚᱵᱚᱜ-ᱟ ᱯᱟᱨᱟᱵᱽ ᱨᱮᱱᱟᱜ ᱮᱛᱚᱦᱚᱵ ᱾ ᱯᱮ ᱢᱟᱦᱟᱸ ᱫᱷᱟᱹᱵᱤᱡ ᱫᱷᱟᱹᱨᱛᱤ ᱟᱭᱳ ᱫᱚ ᱡᱤᱨᱟᱹᱣ ᱵᱚᱱ ᱮᱢᱟᱦᱟᱭᱟ ᱾ ᱡᱟᱦᱟᱸ ᱠᱷᱟᱹᱛᱤᱨ ᱤᱱᱟᱹ ᱢᱟᱦᱟᱸᱨᱮ ᱚᱛ ᱞᱟ ᱫᱚ ᱢᱟᱱᱟ ᱜᱮᱭᱟ ᱾ ᱟᱭᱳ ᱡᱟᱹᱛᱤ ᱠᱚ ᱛᱟᱞᱟᱨᱮ ᱨᱟᱹᱥᱠᱟᱹ, ᱨᱚᱢᱚᱡᱽ, ᱟᱨ ᱱᱟᱶᱟ ᱫᱟᱲᱮ ᱥᱤᱨᱡᱟᱹᱣ ᱚᱪᱚᱭ ᱞᱟᱹᱜᱤᱫ ᱢᱟᱱᱟᱣ ᱦᱩᱭᱩᱜ-ᱟ ᱨᱚᱡᱚ ᱯᱟᱨᱟᱵᱽ ᱫᱚ ᱾ ᱠᱩᱲᱤ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱫᱚ ᱨᱚᱡᱚ ᱯᱟᱨᱟᱵᱽ ᱦᱩᱭᱩᱜ ᱠᱟᱱᱟ ᱥᱤᱠᱷᱱᱟᱹᱛ ᱮᱢᱚᱜ ᱯᱟᱨᱟᱵᱽ ᱾ ᱟᱥᱟᱲ ᱵᱚᱸᱜᱟ ᱨᱮᱱᱟᱜ ᱯᱩᱭᱞᱩ ᱡᱟᱹᱯᱩᱫ ᱨᱮ ᱦᱟᱥᱟ ᱟᱭᱳᱣᱟᱜ ᱡᱟᱱᱟᱢ ᱮᱢᱚᱜ ᱨᱮᱱᱟᱜ ᱫᱟᱲᱮ ᱥᱟᱨᱥᱟᱣᱜ-ᱟ ᱾ ᱚᱱᱟ ᱠᱷᱟᱹᱛᱤᱨ ᱜᱮ ᱫᱷᱟᱹᱨᱛᱤ ᱟᱭᱳ ᱫᱚ ᱨᱚᱡᱚᱥᱣᱚᱲᱟ ᱛᱤᱨᱞᱟᱹ ᱥᱟᱶᱮ ᱛᱩᱞᱟᱹᱡᱚᱠᱷᱟ ᱟᱠᱟᱱᱟ ᱾ ᱵᱟᱝ ᱡᱟᱶᱟᱭ ᱟᱠᱟᱱ ᱠᱩᱲᱤ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱱᱟᱶᱟᱡᱟᱹᱞᱤ ᱥᱟᱵ ᱞᱟᱹᱜᱤᱫ ᱫᱟᱲᱮ ᱟᱢᱮᱴ ᱨᱮᱱᱟᱜ ᱢᱤᱫ ᱮᱸᱜᱮᱫ ᱟᱱᱟᱜ ᱯᱟᱨᱟᱵᱽ ᱫᱚ ᱦᱩᱭᱩᱜ ᱠᱟᱱᱟ ᱨᱚᱡᱚ ᱾ ᱢᱤᱫ ᱛᱤᱨᱞᱟᱹ ᱞᱮᱠᱟᱛᱮ ᱫᱟᱨᱟᱭ ᱫᱤᱱ ᱨᱮ ᱥᱟᱱᱟᱢ ᱟᱺᱜᱤᱵᱷᱟᱨ ᱛᱚᱨᱟᱣ ᱦᱩᱭᱩᱜ-ᱟ, ᱚᱱᱟ ᱠᱩᱲᱤ ᱜᱤᱫᱽᱨᱟᱹ ᱠᱚ ᱪᱮᱫ ᱛᱮ ᱦᱩᱭ ᱟᱠᱚᱣᱟ ᱱᱚᱶᱟ ᱨᱚᱡᱚ ᱯᱟᱨᱟᱵᱽ ᱢᱟᱱᱟᱣ ᱚᱠᱛᱚᱨᱮ ᱾
ᱠᱩᱲᱤ ᱜᱤᱫᱽᱨᱟᱹ ᱠᱚᱫᱚ ᱨᱚᱡᱚ ᱯᱟᱨᱟᱵᱽ ᱨᱮᱱᱟᱜ ᱨᱟᱹᱥᱠᱟᱹ ᱨᱚᱢᱚᱡᱽ ᱛᱟᱞᱟ ᱨᱮᱜᱮ ᱢᱤᱫ ᱛᱤᱨᱞᱟᱹ ᱟᱜ ᱪᱟᱹᱭ ᱪᱚᱞᱚᱱ, ᱟᱪᱟᱨ ᱵᱮᱵᱷᱟᱨ, ᱨᱟᱭᱨᱤᱛ ᱫᱚᱠᱚ ᱢᱟᱱᱟᱣ ᱵᱟᱛᱟᱣ ᱠᱟᱫ-ᱟ ᱾ ᱟᱨ ᱟᱜᱟᱢ ᱫᱤᱱ ᱨᱮ ᱛᱤᱱ ᱡᱚᱦᱚᱜ ᱠᱩᱲᱤ ᱜᱤᱫᱽᱨᱟᱹ ᱛᱤᱨᱞᱟ ᱨᱩᱯ ᱨᱮᱭ ᱟᱬᱜᱚ ᱠᱟᱛᱮ ᱟᱡᱟᱜ ᱟᱺᱜᱤᱵᱷᱟᱨ ᱮ ᱛᱚᱨᱟᱣ ᱛᱟᱭᱟ, ᱱᱚᱶᱟ ᱟᱪᱟᱨ ᱵᱮᱵᱷᱟᱨ ᱠᱷᱚᱱ ᱜᱮ ᱜᱚᱲᱚ ᱥᱚᱦᱚᱫ ᱮ ᱧᱟᱢᱟ ᱾
ᱢᱟᱱᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱚᱶᱟ ᱯᱟᱨᱟᱵᱽ ᱢᱟᱱᱟᱣ ᱡᱚᱦᱚᱜ ᱫᱚ ᱚᱲᱟᱜ ᱨᱤᱱ ᱵᱟᱹᱦᱩ ᱠᱩᱲᱤ ᱠᱚᱫᱚ ᱫᱤᱱᱟᱹᱢ ᱠᱟᱹᱢᱤ ᱠᱷᱚᱱ ᱫᱚ ᱰᱤᱜᱟᱹ ᱦᱟᱛᱟᱣ ᱠᱟᱛᱮ ᱟᱹᱰᱤ ᱞᱮᱠᱟᱱ ᱮᱱᱮᱡ ᱨᱮᱠᱚ ᱵᱟᱹᱭ ᱠᱚᱜ-ᱟ ᱾ ᱠᱩᱲᱤ ᱜᱤᱫᱽᱨᱟᱹ ᱠᱚᱫᱚ ᱥᱟᱹᱲᱤ ᱠᱚ ᱵᱟᱸᱫᱮ ᱠᱟᱛᱮ ᱨᱚᱡᱚ ᱵᱷᱤᱞᱣᱟᱹᱝ, ᱯᱩᱪᱤ ᱮᱱᱮᱡ, ᱮᱢᱟᱱ ᱨᱮ ᱚᱠᱛᱚ ᱠᱚ ᱠᱷᱮᱢᱟᱣᱟ ᱾ᱞᱱᱤᱭᱟᱹ ᱢᱟᱦᱟᱸ ᱦᱤᱞᱚᱜ ᱫᱚ ᱫᱷᱟᱹᱨᱛᱤ ᱟᱭᱳᱣᱟᱜ ᱥᱚᱱᱢᱟᱱ ᱞᱟᱹᱜᱤᱫ ᱚᱠᱚᱭ ᱦᱚᱸ ᱚᱛ ᱪᱮᱛᱟᱱ ᱨᱮ ᱮᱠᱷᱮᱱ ᱡᱟᱸᱜᱟ ᱛᱮᱫᱚ ᱵᱟᱠᱚ ᱛᱟᱲᱟᱢᱟ ᱾[᱒]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Raja – One of the chief festivals of Odisha | Odia Express". odiaexpress.in. 2012. Archived from the original on 2 September 2012. Retrieved 14 June 2012.
First day of Raja is known as the Pahili Raja, then the middle day is Raja Sankranti...
- ↑ "Raja Sankranti". Archived from the original on 2020-02-19. Retrieved 2020-12-06.