ᱨᱚᱱᱚᱲ
ᱮᱛᱚᱦᱚᱵ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟ.ᱱᱢᱤ ᱜᱮ ᱫᱷᱟ.ᱨᱛᱤ ᱨᱮ ᱡᱷᱚᱛᱚ ᱠᱷᱚᱱ ᱥᱚᱨᱮᱥ ᱡᱤᱭᱟ.ᱞᱤ ᱠᱟᱱᱟ ᱠᱚ ᱥᱮ ᱥᱤᱨᱡᱚᱱ I ᱢᱟ.ᱱᱢᱤ ᱫᱚ ᱵᱚ ᱩᱭᱦᱟ.ᱨ ᱫᱟᱲᱮᱭᱟᱜᱼᱟ , ᱡᱟᱦᱟᱸᱱᱟᱜ ᱧᱮᱞ ᱠᱟᱛᱮ ᱵᱟᱝ ᱠᱷᱟᱱ ᱟᱸᱡᱚᱢ ᱠᱟᱛᱮ ᱵᱚ ᱥᱮᱬᱟ ᱫᱟᱲᱮᱭᱟᱜᱼᱟ I ᱟᱨ ᱡᱷᱚᱛᱚ ᱠᱷᱚᱱ ᱢᱟᱨᱟᱝ ᱠᱟᱛᱷᱟ ᱢᱟ.ᱱᱢᱤ ᱫᱚ ᱵᱚᱱ ᱨᱚᱲ ᱫᱟᱲᱮᱭᱟᱜᱟ I ᱱᱟᱱᱟ ᱦᱩᱱᱟ.ᱨ, ᱥᱮᱬᱟ,ᱨᱚᱲ ᱟᱨ ᱦᱟᱛᱟᱝ ᱫᱟᱲᱮ ᱛᱮᱜᱮ ᱢᱟ.ᱱᱢᱤ ᱫᱚ ᱮᱴᱟᱜ ᱡᱤᱭᱟ.ᱞᱤ ᱠᱷᱚᱱ ᱵᱚ ᱥᱚᱨᱮᱥ ᱟᱠᱟᱱᱟ I ᱢᱟ.ᱱᱢᱤ ᱵᱮᱜᱚᱨ ᱵᱚᱱᱟ ᱥᱮ ᱠᱤᱥᱱᱤ ᱪᱮᱬᱮ , ᱢᱟᱭᱱᱚ ᱢᱤᱨᱩ ᱮᱢᱟᱱ ᱪᱮᱬᱮ ᱫᱚ ᱦᱚᱲ ᱞᱮᱠᱟ ᱠᱚ ᱟᱲᱟᱝ ᱫᱟᱲᱮᱭᱟᱜ ᱟ I ᱢᱮᱱᱠᱷᱟᱱ ᱩᱱᱠᱩᱣᱟᱜ ᱚᱱᱟ ᱟᱲᱟᱝ ᱫᱚ ᱨᱚᱱᱚᱲ ᱟ.ᱨᱤ ᱞᱮᱠᱟᱛᱮ ᱯᱟ.ᱨᱥᱤ ᱫᱚ ᱵᱟᱝ ᱵᱚᱱ ᱢᱮᱱ ᱫᱟᱲᱮᱭᱟᱜ ᱟ I ᱪᱮᱫᱟᱜ ᱥᱮ ᱩᱱᱠᱩᱣᱟᱜ ᱚᱱᱟ ᱟᱲᱟᱝ ᱛᱮ ᱢᱚᱱᱮ ᱨᱮᱭᱟᱜ ᱟ.ᱭᱠᱟ.ᱣ ᱥᱮ ᱵᱷᱟᱵ ᱫᱚ ᱵᱟᱝ ᱯᱷᱚᱴᱮᱞᱚᱜ ᱟ I ᱩᱱᱠᱩ ᱫᱚ ᱮᱠᱷᱮᱱ ᱥᱮᱲᱟ ᱟᱠᱟᱫ ᱠᱟᱛᱷᱟ ᱜᱮ ᱠᱚ ᱞᱟ.ᱭ ᱫᱟᱲᱮᱭᱟᱜ ᱟ I ᱚᱱᱟ ᱛᱮ ᱩᱱᱠᱩᱣᱟᱜ ᱚᱱᱟ ᱨᱚᱲ ᱫᱚ ᱟᱯᱱᱟᱨᱟᱜ ᱯᱟ.ᱨᱥᱤ ᱵᱟᱝ ᱵᱚᱱ ᱢᱮᱛᱟᱜ ᱟ I ᱮᱰᱮᱠᱷᱟᱱ ᱯᱟ.ᱨᱤᱥ ᱫᱚ ᱚᱠᱟ ᱵᱚᱱ ᱢᱮᱛᱟᱜ ᱟ I ᱯᱟ.ᱨᱥᱤ ᱥᱮ ᱨᱚᱲ ᱫᱚ ᱚᱠᱟ ᱵᱚᱱ ᱞᱟ.ᱭ ᱟ I ᱚᱱᱟ ᱠᱚ ᱥᱮᱬᱟ ᱡᱟᱨᱩᱲᱟ I ᱨᱚᱱᱚᱲ
ᱨᱚᱲ ᱼ ᱢᱚᱱᱮᱨᱮ ᱛᱟᱨᱠᱚᱜ ᱠᱟᱱ ᱟᱨ ᱟᱹᱭᱠᱟᱣᱜ ᱠᱟᱱ ᱟᱹᱭᱟᱹᱛ ᱢᱮᱱᱮᱱ ᱟᱹᱭᱠᱟᱣ ᱛᱮᱫ ᱜᱮ ᱯᱚᱴᱮᱞ ᱚᱪᱚᱭ ᱞᱟᱹᱜᱤᱫ ᱢᱚᱪᱟ ᱨᱮᱭᱟᱜ ᱥᱟᱰᱮ ᱜᱮ ᱨᱚᱲ᱾ ᱨᱚᱱᱚᱲᱼ ᱨᱚᱲ ᱠᱚ ᱡᱩᱛ ᱥᱟᱹᱦᱤᱸᱡ ᱨᱚᱲ ᱜᱟᱱ ᱚᱪᱚᱭ ᱛᱮᱭᱟᱜ ᱫᱷᱟᱹᱲ ᱥᱩᱛᱩᱨ ᱜᱮ ᱨᱚᱲ᱾ ᱦᱚᱲ ᱠᱚ ᱢᱮᱱᱟ ᱨᱚᱲ ᱱᱚᱲ ᱪᱮᱫ ᱦᱚᱸ ᱵᱟᱭ ᱵᱟᱰᱟᱭᱼᱟ ᱦᱟᱱᱟ ᱱᱟᱶᱟᱭ ᱜᱟᱞᱢᱟᱨᱟᱣ ᱮᱫᱼᱟ ᱚᱱᱟ ᱨᱚᱲ ᱱᱚᱲ ᱨᱚᱲ ᱫᱚ ᱨᱚᱲ ᱜᱟᱱ ᱚᱪᱚᱭ ᱨᱮᱭᱟᱜ ᱫᱷᱟᱹᱲ ᱥᱩᱛᱩᱨ ᱜᱮ ᱠᱟᱱᱟ ᱚᱱᱠᱟ ᱛᱮ ᱨᱚᱲ ᱱᱚᱲ ᱠᱟᱛᱷᱟ ᱜᱮ ᱜᱷᱟᱴᱚ ᱨᱚᱲ ᱛᱮ ᱨᱚᱱᱚᱲ ᱦᱩᱭ ᱟᱠᱟᱱ Iᱡᱮᱞᱮᱠᱟ - ᱤᱧ ᱫᱟᱠᱟᱧ ᱡᱚᱢ ᱠᱮᱫᱟ , ᱮᱢᱟᱱ ᱠᱚᱫᱚ ᱨᱚᱲ ᱠᱚ ᱢᱮᱛᱟᱜ ᱟ I
ᱨᱚᱱᱚᱲ ᱠᱟᱛᱷᱟ (GRAMMAR SPEECH)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱵᱚ ᱥᱟᱱᱛᱟᱲᱟᱜ ᱟᱭᱳ ᱯᱟ.ᱨᱥᱤ ᱫᱚ ᱥᱟᱱᱛᱟᱲᱤ ᱠᱟᱱᱟ I ᱱᱚᱣᱟ ᱥᱟᱱᱛᱟᱲᱤ ᱫᱚ ᱟ.ᱰᱤ ᱢᱟᱨᱮ ᱯᱟ.ᱨᱥᱤ ᱠᱟᱱᱟ I ᱱᱚᱣᱟ ᱯᱟ.ᱨᱥᱤ ᱨᱮᱭᱟᱜ ᱱᱟᱜᱟᱢ ᱵᱚ ᱛᱚᱞᱟᱥ ᱞᱮᱠᱷᱟᱱ ᱧᱮᱞᱟ ᱵᱚᱱ ᱥᱟᱱᱛᱟᱲᱤ ᱫᱚ ᱠᱷᱮᱨᱣᱟᱲᱤ ᱯᱟ.ᱨᱥᱤ ᱜᱩᱴ ᱠᱷᱚᱱ ᱦᱮᱡ ᱟᱠᱟᱱᱟ I ᱥᱟᱱᱛᱟᱲᱤ ᱛᱮ ᱨᱚᱨᱚᱲ ᱦᱚᱲ ᱫᱚ ᱵᱷᱟᱨᱚᱛ ,ᱵᱟᱝᱞᱟᱫᱮᱥ , ᱱᱮᱯᱟᱞ ᱟᱨ ᱱᱚᱨᱭᱮ ᱫᱤᱥᱚᱢ ᱨᱮ ᱢᱮᱱᱟᱜ ᱠᱚᱣᱟ I ᱥᱟᱱᱛᱟᱲᱤ ᱫᱚ ᱢᱟᱨᱮ ᱯᱟ.ᱨᱥᱤ ᱠᱟᱱ ᱨᱮᱦᱚ ᱱᱚᱣᱟ ᱨᱮᱭᱟᱜ ᱚᱞ ᱥᱟᱶᱦᱮᱫ ᱫᱚ ᱛᱤᱞᱠᱟ. ᱢᱩᱨᱢᱩ ᱵᱤᱫᱟ.ᱞ ᱠᱷᱚᱱ ᱦᱮᱡ ᱟᱠᱟᱱᱟ I ᱮᱱᱦᱚ ᱱᱚᱣᱟ ᱱᱟᱦᱟᱜ ᱥᱟᱱᱛᱟᱲᱤ ᱯᱩᱛᱷᱤ ᱚᱞᱚᱜ ᱚᱠᱛᱚ ᱥᱟᱱᱛᱟᱲᱤ ᱥᱟᱶᱦᱮᱫ ᱵᱟᱜᱣᱟᱱ ᱫᱚ ᱱᱟᱯᱟᱭ ᱜᱮ ᱥᱟᱡᱟᱣ ᱟᱠᱟᱱᱟ I ᱢᱮᱱ ᱠᱷᱟᱱ ᱥᱟᱱᱛᱟᱲᱤ ᱯᱟ.ᱨᱥᱤ ᱥᱚᱜᱚᱲ ᱥᱟ.ᱦᱤᱡ ᱨᱚᱲ , ᱚᱞ ᱯᱟᱲᱦᱟᱣ ᱟᱨ ᱪᱟᱨᱪᱟᱣ ᱞᱟ.ᱜᱤᱫ ᱫᱚ ᱯᱟ.ᱨᱥᱤ ᱨᱮᱭᱟᱜ ᱫᱷᱟᱲ ᱥᱩᱛᱩᱨ ᱥᱳᱜᱳᱲ ᱟ.ᱨᱤᱠᱚ ᱥᱮᱬᱟ ᱡᱟᱨᱩᱲᱟ I ᱡᱟᱦᱟᱱ ᱯᱟ.ᱨᱥᱤ ᱜᱮ ᱴᱷᱤᱠᱟ . ᱞᱮᱠᱟ ᱵᱟᱰᱟᱭ ᱦᱩᱭᱩᱜ ᱠᱷᱟᱱ ᱚᱱᱟ ᱯᱟ.ᱨᱥᱤ ᱛᱮ ᱨᱚᱲ ᱚᱞ ᱟᱨ ᱯᱟᱲᱦᱟᱣ ᱨᱮᱭᱟᱜ ᱟ.ᱨᱤ ᱠᱚ ᱥᱮᱬᱟ ᱦᱩᱭᱩᱜ ᱟ I ᱡᱟ.ᱦᱟ ᱯᱷᱩᱛᱤ ᱨᱮ ᱡᱟᱦᱟ ᱯᱟ.ᱨᱥᱤ ᱛᱮ ᱨᱚᱲ ᱚᱞ ᱟᱨ ᱯᱟᱲᱦᱟᱣ ᱟ.ᱨᱤ ᱠᱚ ᱚᱞ ᱢᱮᱱᱟᱜ ᱟ ᱚᱱᱠᱟᱱ ᱯᱷᱩᱛᱤ ᱫᱚ ᱨᱚᱱᱚᱱ ᱥᱮ Grammar ᱠᱚ ᱢᱮᱛᱟᱜ- ᱟ I
ᱨᱚᱲ ᱯᱟ.ᱨᱥᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱚᱱᱮ ᱨᱮᱭᱟᱜ ᱟ.ᱭᱠᱟ.ᱣ ᱥᱮ ᱵᱷᱟᱵ ᱛᱮᱫ ᱯᱷᱚᱴᱮᱞ ᱦᱚᱪᱚᱭ ᱞᱟ.ᱜᱤᱫ ᱨᱚᱲᱠᱚ ᱢᱤᱫ ᱛᱮ ᱯᱟ.ᱨᱥᱤ ᱵᱚ ᱢᱮᱛᱟᱜ ᱟ I ᱢᱤᱢᱤᱫ ᱜᱩᱴ ᱦᱚᱲ ᱟᱜ ᱯᱟ.ᱨᱥᱤ ᱢᱤ ᱢᱤᱫ ᱞᱮᱠᱟᱱᱟ I ᱫᱷᱟ.ᱨᱛᱤ ᱨᱮ ᱟᱢᱫᱟ ᱫᱤᱥᱚᱢ ᱢᱮᱱᱟᱜ ᱟ ᱟᱨ ᱟᱢᱫᱟ ᱢᱟ.ᱱᱢᱤ ᱜᱩᱴ ᱦᱚ ᱦᱮᱱᱟᱜ ᱵᱚᱱᱟ I ᱱᱟᱱᱟ ᱦᱩᱱᱟ.ᱨ ᱢᱟ.ᱱᱢᱤ ᱜᱩᱴ ᱟᱜ ᱯᱟ.ᱨᱥᱤ ᱦᱚ ᱱᱟᱱᱟ ᱦᱩᱱᱟ.ᱨ ᱢᱮᱱᱟᱜ ᱟ I ᱵᱤᱦᱟᱨ , ᱵᱮᱝᱜᱚᱞ ,ᱳᱰᱤᱥᱟ ,ᱟᱥᱟᱢ ᱟᱨ ᱡᱷᱟᱲᱠᱷᱚᱱᱰ ᱮᱢᱟᱱ ᱯᱚᱱᱚᱛ ᱨᱮ ᱟᱨ ᱮᱴᱟᱜ ᱫᱤᱥᱚᱢ ᱨᱮ ᱢᱮᱱᱟᱜ ᱵᱚᱱ ᱥᱟᱱᱛᱟᱲᱟᱜ ᱟᱭᱳ ᱯᱟ.ᱨᱥᱤ ᱫᱚ ᱥᱟᱱᱛᱟᱲ ᱠᱟᱱᱟ I ᱱᱚᱝᱠᱟ ᱜᱮ ᱵᱟᱝᱜᱟᱞᱤᱭᱟᱜ ᱫᱚ ᱵᱟᱝᱞᱟ ᱟᱨ ᱤᱝᱨᱮ.ᱡᱟᱜ ᱫᱚ ᱤᱝᱨᱟᱡᱤ ᱜᱮ ᱡᱟᱱᱟᱢ ᱟᱲᱟᱝ ᱯᱟ.ᱨᱥᱤ ᱠᱟᱱᱟ I ᱡᱮᱞᱮᱠᱟ - "ᱦᱮᱥᱤ - ᱮᱱᱟ ᱠᱟᱨᱟᱢ ᱰᱟᱨ ,ᱟᱢ ᱫᱟᱨᱡᱤᱞᱤᱝ ᱮᱢ ᱧᱮᱞ ᱟᱠᱟᱫᱟ ᱥᱮ ᱵᱟᱝ ? ᱥᱤᱛᱟ - ᱵᱟᱝᱱᱟ ᱵᱟᱪᱪᱷᱟ, ᱱᱚᱣᱟ ᱪᱟᱠᱚᱞᱛᱟ.ᱲᱤ ᱪᱷᱟᱛᱟᱜᱮ ᱵᱟ.ᱧ ᱧᱮᱞ ᱟᱠᱟᱫᱟ ᱫᱟᱨᱡᱤᱞᱤᱝ ᱢᱟ ᱟ.ᱰᱤ ᱥᱟ:ᱜᱤᱧ ᱨᱮᱭᱟᱜ ᱠᱟᱛᱷᱟ" I
ᱨᱚᱱᱚᱲ ᱨᱮᱭᱟᱜ ᱰᱮᱯᱤᱱᱮᱥᱟᱱ/ Definition
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]"ᱡᱟᱦᱟ ᱯᱩᱛᱷᱤ ᱨᱮ ᱡᱟᱦᱟ ᱯᱟ.ᱨᱥᱤ ᱛᱮ ᱴᱷᱤᱠᱟ. ᱵᱩᱴᱟ. ᱨᱚᱲ, ᱚᱞ ᱟᱨ ᱯᱟᱲᱦᱟᱣ ᱨᱮᱭᱟᱜ ᱟ.ᱨᱤ ᱠᱚ ᱚᱞ ᱢᱮᱱᱟᱜ ᱟ,ᱚᱱᱟ ᱜᱮ ᱨᱚᱱᱚᱲ ᱠᱚ ᱢᱮᱛᱟᱜ ᱟ " I
ᱟᱨᱦᱚ ᱥᱟᱱᱛᱟᱲᱤ ᱨᱚᱱᱚᱲ ᱫᱚ ᱚᱠᱟ ᱵᱚ ᱞᱟ.ᱭ ᱟ, " ᱡᱟᱦᱟ ᱯᱩᱛᱷᱤᱨᱮ ᱨᱮ ᱥᱟᱱᱛᱟᱲᱤ ᱴᱷᱤᱠᱟ.ᱵᱩᱴᱟ. ᱨᱚᱲ ᱚᱞ ᱟᱨ ᱯᱟᱲᱦᱟᱣ ᱥᱮᱬᱟ ᱨᱮᱭᱟᱜ ᱟ.ᱨᱤ ᱠᱚ ᱚᱞ ᱢᱮᱱᱟᱜ ᱟ ᱚᱱᱟᱜᱮ ᱥᱟᱱᱛᱟᱲᱤ ᱨᱚᱱᱚᱲ ᱠᱚ ᱢᱮᱛᱟᱜ ᱟ " I ᱚᱱᱟ ᱫᱤᱥᱟ. ᱫᱚᱦᱚ ᱡᱟ.ᱨᱩᱲᱟ ᱵᱟᱝᱢᱟ ᱥᱟᱱᱛᱟᱲᱤ ᱨᱚᱱᱚᱲ ᱫᱚ ᱥᱟᱦᱮᱵ ᱜᱮ ᱯᱩᱭᱞᱩ ᱠᱚ ᱚᱞ ᱟᱠᱟᱫᱟ I 1852 ᱥᱟ ᱦᱤᱛ ᱨᱮ Rev.J .Phillips " An Introduction to the Santali Language" ᱧᱩᱛᱩᱢ ᱛᱮ ᱯᱩᱭᱞᱩ ᱥᱟᱱᱛᱟᱲᱤ ᱨᱚᱱᱚᱲ ᱮ ᱚᱞ ᱞᱮᱫᱟ I ᱚᱱᱟ ᱛᱟᱭᱚᱢ 1873 ᱥᱟᱞ ᱨᱮ Rev.L.O Skrefsrud ᱥᱟᱦᱮᱵ ᱦᱚ " A Grammar Of The.Santali Language " ᱧᱩᱛᱩᱢ ᱛᱮ ᱢᱤᱫ ᱴᱟᱝ ᱥᱟᱱᱛᱟᱲᱤ ᱨᱚᱱᱚᱲ ᱯᱩᱛᱷᱤ ᱵᱮᱱᱟᱨᱚᱥ ᱠᱷᱚᱱ ᱮ ᱪᱷᱟᱯᱟ ᱩᱪᱷᱟ.ᱱ ᱞᱮᱫᱟ I 1922 ᱥᱟᱞ ᱨᱮ Rev.P.O Bodding ᱥᱟᱦᱮᱵ ᱦᱚ " Materials for A Santali Grammar(i) mostly Phonetie " ᱧᱩᱛᱩᱢ ᱛᱮ ᱨᱚᱱᱚᱲ ᱮ ᱚᱞ ᱞᱮᱫᱟ I ᱚᱱᱟ ᱛᱟᱭᱚᱢ Rev.P.O Bodding ᱥᱟᱦᱮᱵ ᱫᱚ 1924 ᱥᱟᱞ ᱨᱮ ᱫᱚᱥᱟᱨ ᱩᱪᱷᱟ.ᱱ ᱠᱮᱫᱟ " Materials for A santali Grammar (ii)Mostly Morphological I ᱚᱱᱤ ᱜᱮ ᱟᱨᱢᱤᱫ Grammar ᱯᱩᱛᱷᱤ " A santali Grammar for Beginners" ᱧᱩᱛᱩᱢ ᱛᱮ ᱪᱷᱟ.ᱴᱭᱟ.ᱨ ᱠᱮᱫᱟ I 1948 ᱥᱟᱞ ᱨᱮ Rosenlund ᱥᱟᱦᱮᱵ ᱫᱚ " ᱦᱚᱲ ᱨᱚᱲ ᱨᱮᱭᱟᱜ ᱵᱮᱭᱮᱠᱚᱨᱚᱱ ᱜᱮ ᱨᱚᱱᱚᱲ " ᱧᱩᱛᱩᱢ ᱛᱮ ᱚᱞ ᱞᱮᱫᱟ I ᱥᱟᱦᱮᱵ ᱠᱚ ᱢᱩᱫ ᱨᱮ Dr. R.M Macphial ᱚᱞᱟᱜ " A Introduction to Santali " Part 1 ᱟᱨ 2 ᱜᱮ ᱢᱩᱪᱟᱹᱫ ᱥᱟᱱᱛᱟᱲᱤ ᱨᱚᱱᱚᱲ ᱞᱮᱠᱟᱛᱮ ᱩᱪᱷᱟ.ᱱ ᱞᱮᱱᱟ 1953 ᱥᱟᱞ ᱨᱮ I ᱞᱟᱦᱟ ᱫᱚ ᱡᱷᱚᱛᱚ ᱜᱮ ᱨᱚᱢᱟᱱ ᱟᱠᱷᱚᱨ ᱛᱮ ᱚᱞ ᱞᱮᱱᱟ I ᱚᱱᱟ ᱛᱟᱭᱛᱢ ᱯᱩᱭᱞᱩ ᱥᱟᱱᱛᱟᱲᱤ ᱚᱱᱚᱞᱤᱭᱟ. ᱞᱮᱠᱟᱛᱮ ᱯᱚᱱᱰᱤᱛ ᱨᱟ.ᱜᱷᱩᱱᱟᱛᱷ ᱢᱩᱨᱢᱩ ᱜᱮ 1976. ᱥᱟᱞ ᱨᱮ ᱥᱟᱱᱛᱟᱲᱤ ᱨᱚᱱᱚᱲ ᱮ ᱚᱞ ᱩᱪᱷᱟ.ᱱ ᱠᱮᱫᱟ I 1975 ᱥᱟᱞ ᱨᱮ ᱨᱚᱱᱚᱲ ᱨᱮᱭᱟᱜ ᱤᱛᱩᱱ ᱟᱥᱲᱟ ᱫᱩᱯᱲᱩᱵ ᱞᱮᱱᱟ ᱵᱟ.ᱨᱤᱯᱟᱫᱟ ᱟᱨ ᱨᱟᱭᱨᱚᱢᱯᱩᱨ ᱨᱮ I ᱚᱱᱟ ᱨᱮ ᱵᱤᱝᱜᱚᱞ ᱵᱤᱦᱟᱨ ᱳᱰᱤᱥᱟ ᱨᱮᱱ ᱟᱢᱫᱟ ᱥᱮᱢᱞᱮᱫ ᱥᱚᱦᱚᱫ ᱠᱚ ᱥᱮᱞᱮᱫ ᱞᱮᱱᱟ I ᱩᱱᱠᱩ ᱱᱚᱣᱟ ᱨᱚᱱᱚᱲ ᱨᱮᱭᱟᱜ ᱨᱚᱲ ᱠᱚ ᱠᱟᱛᱷᱟ ᱠᱚ ᱟᱨ ᱡᱟᱭ ᱛᱮᱫ ᱠᱚ ᱵᱟᱰᱟᱭ ᱧᱟᱢ ᱠᱟᱛᱮ ᱟ.ᱰᱤ ᱨᱟ.ᱥᱠᱟ. ᱠᱚ ᱟᱴᱠᱟᱨ ᱠᱮᱫᱟ I
(1) ᱚᱠᱟ ᱫᱟᱲᱮ ᱛᱮᱵᱚ ᱨᱚᱲ ᱠᱟᱱᱟ - ᱟᱵᱚ ᱢᱩ ᱟᱨ ᱢᱚᱪᱟ ᱛᱮ ᱦᱚᱭ ᱵᱚ ᱥᱟᱦᱮᱫ ᱟᱫᱮᱨ ᱮᱫᱟ , ᱨᱚᱲ ᱡᱚᱦᱚᱜ ᱚᱱᱟ ᱦᱚᱭ ᱢᱚᱪᱟ ᱥᱮᱫ ᱛᱮᱵᱚ ᱥᱟᱦᱮᱫ ᱩᱰᱩᱠ ᱮᱫᱟ I ᱩᱱ ᱡᱚᱦᱚᱜ ᱟᱞᱟᱝ ᱩᱞᱴᱟᱣ ᱟᱛᱮ ᱞᱩᱴᱤ ᱡᱚᱯᱚᱴᱮᱡ ᱟᱛᱮ ᱦᱩᱰᱤᱧ ᱢᱟᱨᱟᱝ ᱪᱟᱦᱟᱵ ᱠᱟᱛᱮ ᱢᱚᱪᱟ ᱨᱮᱱᱟᱜ ᱚᱱᱟ ᱦᱚᱭ ᱵᱚᱱ ᱛᱟ.ᱯᱤᱧ ᱦᱚᱪᱚ ᱮᱫᱟ ,ᱚᱱᱟ ᱫᱟᱲᱮ ᱛᱮᱵᱚ ᱨᱚᱲ ᱠᱟᱱᱟ I