ᱫᱷᱟᱹᱨᱛᱤ

ᱥᱟᱺᱜᱤᱧ ᱦᱤᱥᱟᱹᱵᱽ ᱛᱮᱫᱚ ᱟᱵᱚ ᱫᱷᱟᱹᱨᱛᱤ ᱟᱜ ᱴᱷᱟᱶ ᱫᱚ ᱛᱮᱥᱟᱨ ᱴᱷᱟᱶ ᱨᱮ ᱾ ᱱᱚᱶᱟ ᱫᱷᱟᱹᱨᱛᱤ ᱫᱚ ᱢᱤᱫ ᱜᱨᱚᱦᱚ (planet) ᱠᱟᱱᱟ, ᱱᱚᱶᱟ ᱫᱚ ᱜᱩᱞᱟᱹᱭ ᱜᱮᱭᱟ ᱾ ᱱᱚᱶᱟ ᱨᱮᱱᱟᱜ ᱮᱛᱚᱢ ᱟᱨ ᱠᱚᱧᱮ ᱯᱟᱦᱴᱟ ᱱᱟᱥᱮ ᱪᱚᱯᱚᱫ ᱜᱮᱭᱟ ᱾ ᱱᱚᱶᱟ ᱜᱩᱞᱟᱹᱭ ᱫᱷᱟᱹᱨᱛᱤ ᱫᱚ ᱟᱵᱚ ᱜᱚᱴᱟᱯᱟᱲᱟ ᱥᱚᱱᱟᱱ ᱜᱮᱵᱚᱱ ᱧᱮᱞ ᱧᱟᱢᱟ ᱾ ᱪᱮᱫᱟᱜ ᱥᱮ ᱟᱹᱰᱤ ᱢᱟᱨᱟᱝ ᱜᱮ ᱠᱷᱟᱹᱛᱤᱨ ᱟᱵᱚ ᱫᱷᱟᱹᱨᱛᱤ ᱨᱮᱱᱟᱜ ᱟᱹᱰᱤ ᱠᱟᱹᱡ ᱚᱝᱜᱚᱥ ᱵᱚᱱ ᱧᱮᱞ ᱧᱟᱢᱟ ᱾ ᱚᱱᱟᱛᱮ ᱫᱷᱟᱹᱨᱛᱤ ᱪᱮ ᱚᱛ ᱨᱮᱱᱟᱜ ᱡᱟᱦᱟᱸ ᱛᱤᱱᱟᱹᱜ ᱵᱷᱟᱜᱽ ᱟᱵᱚ ᱢᱤᱫ ᱫᱷᱟᱣ ᱛᱮᱵᱚ ᱧᱮᱞᱟ, ᱚᱱᱟ ᱫᱚ ᱥᱚᱢᱟᱱ ᱜᱮᱵᱚ ᱧᱮᱞᱟ ᱾

ᱥᱮᱫᱟᱭ ᱦᱟᱯᱲᱟᱢ ᱠᱚᱫᱚ ᱫᱷᱟᱹᱨᱛᱤ ᱥᱚᱢᱟᱱ ᱜᱮᱭᱟ ᱢᱮᱱᱛᱮ ᱠᱚ ᱵᱷᱟᱹᱵᱤ ᱞᱮᱜᱼᱟ ᱾ ᱢᱮᱱᱠᱷᱟᱱ ᱚᱱᱟ ᱛᱟᱭᱚᱢ ᱟᱹᱰᱤ ᱜᱟᱱ ᱥᱟᱬᱮᱥᱤᱭᱟᱹ ᱠᱚ ᱫᱟᱹᱭᱠᱟᱹ ᱮᱢ ᱠᱟᱛᱮ ᱫᱷᱟᱹᱨᱛᱤ ᱫᱚ ᱜᱩᱞᱟᱹᱭ ᱜᱮᱭᱟ ᱢᱮᱱᱛᱮ ᱠᱚ ᱞᱟᱹᱭ ᱠᱮᱜᱼᱟ ᱾ ᱚᱱᱟ ᱛᱟᱭᱚᱢ ᱥᱮᱨᱢᱟ ᱥᱟᱬᱮᱥᱤᱭᱟᱹ ᱠᱚ ᱥᱮᱨᱢᱟ ᱠᱷᱚᱱ ᱫᱷᱟᱹᱨᱛᱤ ᱠᱚ ᱯᱷᱚᱴᱚ ᱠᱮᱫ ᱛᱮ ᱥᱟᱹᱠᱷᱤ ᱠᱚ ᱮᱢ ᱠᱮᱜᱼᱟ ᱡᱮ ᱫᱷᱟᱹᱨᱛᱤ ᱫᱚ ᱜᱩᱞᱟᱹᱭ ᱜᱮᱭᱟ ᱾

ᱱᱤᱛ ᱫᱷᱟᱹᱵᱤᱡ ᱡᱟᱦᱟᱸ ᱵᱟᱰᱟᱭ ᱟᱠᱟᱱᱟ, ᱫᱷᱟᱹᱨᱛᱤ ᱨᱮ ᱥᱩᱢᱩᱝ ᱜᱮ ᱢᱟᱹᱱᱢᱤ, ᱡᱟᱱᱣᱟ, ᱡᱤᱵᱽ ᱡᱤᱭᱟᱹᱞᱤ, ᱫᱟᱨᱮ ᱱᱟᱺᱬᱤ ᱮᱢᱟᱱ ᱫᱚ ᱢᱮᱱᱟᱜᱼᱟ ᱾ ᱚᱱᱟᱛᱮ ᱱᱚᱶᱟ ᱚᱣᱟᱝᱨᱮ ᱫᱷᱟᱹᱨᱛᱤ ᱨᱮᱱᱟᱜ ᱫᱚ ᱟᱹᱰᱤ ᱢᱟᱨᱟᱝ ᱴᱷᱟᱶ ᱢᱮᱱᱟᱜᱼᱟ ᱾

ᱱᱚᱶᱟ ᱫᱷᱟᱹᱨᱛᱤ ᱨᱮᱱᱟᱜ ᱥᱤᱨᱡᱚᱱ ᱤᱫᱤ ᱠᱟᱛᱮ ᱥᱟᱬᱮᱥᱤᱭᱟᱹ ᱠᱚ ᱟᱹᱰᱤ ᱞᱮᱠᱟᱱ ᱢᱚᱱᱚᱛ ᱠᱚ ᱮᱢ ᱟᱠᱟᱜᱼᱟ ᱾ ᱡᱮᱢᱚᱱ ᱡᱟᱨᱢᱟᱱ ᱥᱟᱬᱮᱥᱤᱭᱟᱹ ᱠᱮᱸᱴ ᱟᱨ ᱯᱷᱨᱟᱱᱥ ᱥᱟᱬᱮᱥᱤᱭᱟᱹ ᱞᱟᱯᱞᱟᱥ ᱛᱤᱠᱤᱱᱟᱜ ᱢᱚᱱᱚᱛ ᱛᱮ ᱱᱚᱶᱟ ᱚᱶᱟᱝᱨᱮ ᱢᱤᱫᱴᱟᱹᱝ ᱟᱹᱰᱤ ᱢᱟᱨᱟᱝ ᱡᱩᱞᱩᱜ ᱠᱟᱱ ᱠᱮᱴᱮᱡ ᱡᱤᱱᱤᱥ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱫᱚ ᱟᱹᱰᱤ ᱢᱟᱨᱟᱝ ᱟᱨ ᱟᱹᱰᱤ ᱡᱩᱨ ᱛᱮ ᱟᱹᱪᱩᱨᱚᱜ ᱠᱟᱱ ᱛᱟᱦᱮᱸᱱ ᱾ ᱟᱹᱰᱤ ᱥᱮᱨᱢᱟ ᱟᱹᱪᱩᱨ ᱛᱟᱭᱚᱢ ᱱᱚᱶᱟ ᱨᱮᱱᱟᱜ ᱵᱟᱦᱨᱮ ᱯᱟᱦᱴᱟ ᱵᱟᱹᱭ-ᱵᱟᱹᱭ ᱛᱮ ᱨᱮᱭᱟᱲ ᱮᱱᱛᱮ ᱠᱮᱴᱮᱡ ᱮᱱᱟ ᱾ ᱛᱟᱭᱚᱢ ᱚᱸᱰᱮ ᱠᱷᱚᱱ ᱚᱱᱟ ᱠᱷᱚᱱ ᱵᱷᱮᱜᱟᱨ ᱮᱱᱛᱮ ᱛᱟᱭᱚᱢ ᱵᱤᱫᱟᱹᱞ ᱢᱤᱫ ᱠᱮᱴᱮᱡ ᱚᱝᱜᱚᱥ ᱵᱮᱱᱟᱣ ᱮᱱᱟ ᱾ ᱚᱱᱟ ᱢᱟᱺᱫᱽ ᱠᱷᱚᱱ ᱫᱷᱟᱹᱨᱛᱤ ᱫᱚ ᱢᱤᱫᱴᱟᱹᱝ ᱾

ᱟᱨ ᱟᱫᱷᱟᱱ ᱥᱟᱬᱮᱥᱤᱭᱟᱹ ᱠᱚᱣᱟᱜ ᱢᱚᱱᱚᱛ ᱛᱮ ᱱᱚᱶᱟ ᱚᱣᱟᱝᱨᱮ ᱵᱟᱨᱭᱟ ᱠᱮᱴᱮᱡ ᱡᱩᱞᱩᱜ ᱰᱷᱤᱯ ᱛᱟᱦᱮᱸ ᱠᱟᱱᱟ ᱾ ᱚᱱᱠᱟ ᱚᱱᱠᱟ ᱛᱮ ᱢᱤᱫᱴᱟᱹᱝ ᱫᱚ ᱯᱚᱥᱟᱜ ᱮᱱᱛᱮ ᱠᱷᱟᱺᱰᱤᱡ ᱪᱟᱵᱟ ᱮᱱᱟ ᱾ ᱟᱨ ᱚᱱᱟ ᱴᱩᱠᱨᱟᱹ ᱠᱚ ᱦᱟᱱᱟ ᱢᱟᱬᱟᱝ ᱟᱜ ᱴᱷᱮᱱ ᱟᱹᱪᱩᱨ ᱮᱱᱟ ᱾ ᱛᱟᱭᱚᱢ ᱵᱤᱫᱟᱹᱞ ᱱᱚᱶᱟ ᱠᱚ ᱨᱮᱭᱟᱲ ᱮᱱᱛᱮ ᱢᱤ-ᱢᱤᱫᱴᱟᱹᱝ ᱠᱚ ᱵᱮᱱᱟᱣ ᱮᱱᱟ, ᱟᱵᱚ ᱫᱷᱟᱹᱨᱛᱤ ᱫᱚ ᱚᱱᱟ ᱠᱚ ᱢᱟᱺᱫᱽᱨᱮ ᱢᱤᱫᱴᱟᱹᱝ ᱾

ᱫᱷᱟᱹᱨᱛᱤ ᱨᱮᱭᱟᱜ ᱞᱟᱲᱟᱣᱱᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱫᱷᱟᱹᱨᱛᱤ ᱫᱚ ᱛᱤᱸᱜᱩ ᱛᱷᱤᱨ ᱟᱠᱟᱱ ᱞᱮᱠᱟ ᱵᱚᱱ ᱟᱹᱭᱠᱟᱹᱣᱟ ᱾ ᱢᱮᱱᱠᱷᱟᱱ ᱱᱚᱶᱟ ᱫᱷᱟᱹᱨᱛᱤ ᱫᱚ ᱢᱤᱫ ᱞᱮᱛᱟᱲ ᱞᱟᱲᱟᱣ ᱟᱠᱟ ᱢᱮᱱᱟᱜᱼᱟ ᱾ ᱚᱱᱟ ᱞᱟᱲᱟᱣᱱᱟ ᱫᱚ ᱵᱟᱨ ᱞᱮᱠᱟᱱᱟ ᱾ ᱢᱤᱫ ᱫᱚ ᱜᱩᱞᱟᱹᱭᱟᱹᱪᱩᱨ (rotation) ᱟᱨ ᱢᱤᱫ ᱫᱚ ᱵᱮᱲᱦᱟᱭᱟᱹᱪᱩᱨ (revolution).

ᱜᱩᱞᱟᱹᱭᱟᱹᱪᱩᱨ (rotation)[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱣ ᱜᱮ ᱥᱤᱧ ᱛᱟᱭᱚᱢ ᱧᱤᱸᱫᱟᱹ ᱟᱨ ᱧᱤᱸᱫᱟᱹ ᱛᱟᱭᱚᱢ ᱥᱤᱧ ᱦᱩᱭᱩᱜᱼᱟ ᱾ ᱫᱤᱱᱟᱹᱢ ᱜᱮ ᱯᱩᱨᱩᱵᱽ ᱥᱮᱦᱮᱫ ᱨᱮ ᱪᱟᱸᱫᱚᱭ ᱨᱟᱠᱟᱵᱼᱟ ᱟᱨ ᱯᱟᱪᱷᱮ ᱥᱮᱦᱮᱜ ᱨᱮᱭ ᱦᱟᱺᱥᱩᱨᱚᱜᱼᱟ ᱾ ᱫᱷᱟᱹᱨᱛᱤ ᱨᱮᱱᱟᱜ ᱜᱩᱞᱟᱹᱪᱩᱨ (rotation) ᱠᱷᱟᱹᱛᱤᱨ ᱱᱚᱝᱠᱟ ᱫᱚ ᱦᱩᱭᱩᱜᱼᱟ ᱾ ᱢᱮᱱᱠᱷᱟᱱ ᱟᱵᱚ ᱵᱚ ᱵᱷᱟᱹᱵᱤᱭᱟ ᱡᱮ ᱫᱷᱟᱹᱨᱛᱤ ᱫᱚ ᱛᱤᱸᱜᱩ ᱛᱷᱤᱨ ᱢᱮᱱᱟᱜᱼᱟ ᱟᱨ ᱥᱤᱧ ᱪᱟᱸᱫᱚ ᱜᱮᱭ ᱟᱹᱪᱩᱨᱚᱜ ᱠᱟᱱᱟ ᱾ ᱱᱚᱶᱟ ᱫᱷᱟᱹᱨᱛᱤ ᱫᱚ ᱟᱡᱟᱜ ᱢᱤᱫᱴᱟᱹᱝ ᱯᱟᱹᱴᱨᱤ (axis) ᱢᱮᱱᱟᱜᱼᱟ ᱾ ᱡᱮᱢᱚᱱ ᱞᱩᱴᱷᱩ ᱟᱹᱪᱩᱨᱚᱜᱼᱟ ᱚᱱᱠᱟ ᱜᱮ ᱫᱷᱟᱹᱨᱛᱤ ᱦᱚᱸ ᱞᱩᱴᱷᱩ ᱞᱮᱠᱟ ᱜᱮ ᱟᱡ ᱛᱮᱜᱮ ᱟᱡ ᱴᱷᱮᱱ ᱟᱹᱪᱩᱨᱚᱜᱼᱟ ᱾ ᱱᱚᱶᱟ axis ᱫᱚ ᱦᱚᱲ ᱩᱭᱦᱟᱹᱨ ᱜᱟᱨ ᱞᱮᱠᱟᱱᱟᱜ ᱠᱟᱱᱟ ᱾ ᱱᱚᱶᱟ ᱯᱟᱹᱴᱨᱤ ᱟᱹᱪᱩᱨ ᱯᱩᱨᱟᱹᱣ ᱵᱟᱠᱷᱨᱟ ᱫᱚ ᱫᱷᱟᱹᱨᱛᱤ ᱫᱚ ᱒᱔ ᱴᱟᱲᱟᱝ ᱚᱠᱛᱚᱭ ᱤᱫᱤᱭᱟ ᱾ ᱚᱱᱟᱛᱮ ᱟᱵᱚ ᱒᱔ ᱴᱟᱲᱟᱝ ᱨᱮ ᱢᱤᱫ ᱥᱤᱧ ᱟᱨ ᱢᱤᱫ ᱧᱤᱸᱫᱟᱹ ᱵᱚ ᱧᱟᱢᱟ ᱾ ᱱᱚᱜ ᱱᱚᱶᱟ ᱜᱮ rotation ᱫᱚᱵᱚᱱ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱫᱷᱟᱹᱨᱛᱤ ᱫᱚ ᱟᱡᱟᱜ axis ᱨᱮᱱᱟᱜ ᱵᱮᱲᱦᱟᱭ ᱪᱟᱸᱫᱚ ᱦᱟᱺᱥᱩᱨ ᱠᱷᱚᱱ ᱪᱟᱸᱫᱚ ᱨᱟᱠᱟᱵ ᱥᱮᱫ ᱟᱹᱪᱩᱨᱚᱜ ᱠᱟᱱᱟ ᱾ ᱚᱱᱟᱛᱮ ᱟᱵᱚ ᱯᱩᱨᱩᱵᱽ ᱥᱮᱫ ᱨᱮ ᱥᱤᱧ ᱪᱟᱸᱫᱚ ᱨᱟᱠᱟᱵ ᱟᱨ ᱯᱩᱪᱷᱤᱢ ᱥᱮᱫ ᱨᱮ ᱥᱤᱧ ᱪᱟᱸᱫᱚ ᱦᱟᱺᱥᱩᱨᱚᱜ ᱵᱚᱱ ᱧᱮᱞᱮᱜᱼᱟ ᱾

ᱵᱮᱲᱦᱟᱭᱟᱹᱪᱩᱨ (revolution)[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱷᱟᱹᱨᱛᱤ ᱫᱚ ᱟᱡᱟᱜ ᱦᱚᱨ ᱨᱮ ᱟᱹᱪᱩᱨᱚᱜ ᱛᱩᱞᱩᱡ ᱜᱮ ᱥᱤᱧ ᱪᱟᱸᱫᱚ ᱨᱮᱭᱟᱜ ᱵᱮᱲᱦᱟᱭ ᱮ ᱟᱹᱪᱩᱨᱚᱜ ᱠᱟᱱᱟ ᱾ ᱱᱚᱶᱟ ᱜᱮ ᱵᱮᱲᱦᱟᱭᱟᱹᱪᱩᱨ (revolution) ᱵᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱟᱹᱪᱩᱨᱚᱜ ᱨᱮ ᱫᱷᱟᱹᱨᱛᱤ ᱫᱚ ᱓᱖᱕ ᱢᱟᱸᱦᱟ ᱖ ᱴᱟᱲᱟᱝ ᱚᱠᱛᱚ ᱞᱟᱜᱟᱣ ᱟᱭᱟ ᱾ ᱟᱨ ᱱᱚᱶᱟ revolution ᱠᱷᱟᱹᱛᱤᱨ ᱜᱮ ᱨᱤᱛᱩ ᱠᱚ ᱵᱚᱫᱚᱞᱚᱜ ᱠᱟᱱᱟ ᱾ ᱡᱮᱢᱚᱱ ᱥᱤᱛᱤᱝ ᱠᱷᱚᱱ ᱡᱟᱹᱯᱩᱫ ᱟᱨ ᱡᱟᱹᱯᱩᱫ ᱠᱷᱚᱱ ᱨᱟᱵᱟᱝ ᱮᱢᱟᱱ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

National Geographic encyclopedic entry about Earth
Earth – Profile – Solar System Exploration – NASA
Earth – Climate Changes Cause Shape to Change – NASA
United States Geological Survey – United States Geological Survey|USGS
Earth – Astronaut Photography Gateway – NASA
Earth Observatory – NASA
Earth – Audio (29:28) – Cain/Gay – Astronomy Cast (2007)
Earth – Videos – International Space Station:
- Video (01:02) – Earth (time-lapse)
- Video (00:27) – Earth and Aurora (astronomy)|Auroras (time-lapse)