ᱥᱤᱧ ᱪᱟᱸᱫᱚ
![]() |
Objects |
---|
Lists |
Planets |
![]() ![]() |
ᱥᱤᱧ ᱪᱟᱸᱫᱚ ᱥᱮ ᱵᱮᱲᱟ (ᱪᱤᱱᱦᱟᱹ: ) ᱫᱚ ᱢᱤᱫᱴᱟᱝ ᱮᱸᱜᱮᱞ ᱠᱟᱱᱟᱭ ᱾ ᱱᱩᱭ ᱫᱚ ᱥᱤᱧ ᱪᱟᱸᱫᱚ ᱡᱮᱜᱮᱛ ᱨᱮᱱᱟᱝ ᱛᱟᱞᱟ ᱨᱮ ᱢᱮᱱᱟᱭᱟ ᱾ ᱱᱚᱶᱟ ᱫᱚ ᱥᱩᱯᱩᱨ ᱥᱩᱯᱩᱨ ᱜᱩᱞᱟᱹᱭᱟᱜ ᱟᱨ ᱟᱹᱰᱤ ᱞᱚᱞᱚ ᱦᱚᱭ (ᱯᱞᱟᱡᱽᱢᱟ) ᱛᱮ ᱵᱮᱱᱟᱣ ᱟᱠᱟᱱᱟ ᱾
[᱑][᱒]
ᱱᱚᱶᱟ ᱨᱮᱭᱟᱜ ᱯᱟᱹᱨᱤᱥᱤᱢᱟᱹ ᱫᱚ ᱑,᱓᱙᱒,᱐᱐᱐ ᱠᱤᱞᱚ ᱢᱤᱴᱚᱨ, ᱱᱚᱶᱟ ᱱᱚᱶᱟ ᱚᱛ ᱨᱮᱭᱟᱜ ᱑᱐᱙ ᱜᱩᱱ ᱾ ᱱᱚᱶᱟ ᱨᱮᱭᱟᱜ ᱦᱟᱢᱟᱞ ᱫᱚ ᱒×᱑᱐᱓᱐ ᱠᱤᱞᱚ ᱜᱨᱟᱢ ᱜᱟᱱ, ᱱᱚᱶᱟ ᱫᱚ ᱚᱛ ᱨᱮᱭᱟᱜ ᱓᱓᱐,᱐᱐᱐ ᱜᱩᱱ ᱾ ᱥᱤᱧ ᱪᱟᱸᱫᱚ ᱡᱮᱜᱮᱛ ᱨᱮᱭᱟᱜ ᱦᱟᱢᱟᱞ ᱠᱷᱚᱱ ᱙᱙.᱘᱖% ᱫᱚ ᱥᱤᱧ ᱪᱟᱸᱫᱚᱣᱟᱜ ᱠᱟᱱᱟ ᱾
[᱓]
ᱥᱤᱧ ᱪᱟᱸᱫᱚᱣᱟᱜ ᱔ ᱵᱷᱟᱜᱽ ᱠᱷᱚᱱ ᱓ ᱵᱷᱟᱜᱽ ᱫᱚ ᱩᱫᱽᱡᱟᱱ ᱟᱨ ᱥᱟᱨᱮᱡ ᱵᱷᱟᱜᱽ ᱫᱚ ᱦᱤᱞᱤᱭᱚᱢ, ᱦᱟᱢᱟᱞ ᱠᱚᱱᱤᱠᱟ ᱡᱮᱢᱚᱱ-ᱚᱢᱚᱲᱡᱟᱱ, ᱚᱝᱜᱟᱨᱠᱟᱢᱚᱲ, ᱢᱮᱬᱦᱮᱫ ᱟᱨ ᱱᱤᱭᱚᱱ ᱮᱢᱟᱱ ᱛᱮ ᱛᱮᱭᱟᱨ ᱟᱠᱟᱱᱟ ᱾
[᱔][᱕]
ᱟᱵᱚ ᱫᱚ ᱵᱟᱥᱠᱮ ᱥᱤᱧ ᱪᱟᱸᱫᱚ ᱵᱚ ᱧᱮᱞᱮ ᱠᱟᱱᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱡᱟᱦᱟᱸ ᱡᱤᱱᱤᱥ ᱠᱷᱚᱱ ᱜᱮ ᱢᱟᱨᱥᱟᱞ ᱛᱟᱹᱠᱤᱡ ᱨᱩᱣᱟᱹᱲ ᱠᱟᱛᱮ ᱟᱵᱚᱣᱟᱜ ᱢᱮᱫ ᱨᱮ ᱥᱮᱴᱮᱨ ᱞᱮᱱ ᱠᱷᱟᱱ ᱚᱱᱟ ᱡᱤᱱᱤᱥ ᱵᱚ ᱧᱮᱞᱧᱟᱢᱟ᱾ ᱚᱱᱟ ᱡᱤᱱᱤᱥ ᱠᱷᱚᱱ ᱢᱟᱨᱟᱥᱟᱞ ᱟᱵᱚᱣᱟᱜ ᱢᱮᱫ ᱛᱮ ᱥᱮᱴᱮᱨᱚᱜ ᱞᱟᱹᱜᱤᱫ ᱠᱤᱪᱷᱩ ᱚᱠᱛᱚᱭ ᱦᱟᱛᱟᱣᱟ᱾ ᱪᱮᱫᱟᱜ ᱪᱮ ᱢᱟᱨᱟᱥᱟᱞ ᱨᱮᱭᱜ ᱴᱷᱟᱹᱣᱠᱟᱹ ᱵᱮᱜᱽ ᱢᱮᱱᱟᱜᱼᱟ᱾ ᱢᱟᱨᱥᱟᱞ ᱫᱚ ᱑ ᱴᱤᱯᱤᱡ (second) ᱨᱮ ᱓ ᱞᱟᱠ ᱠᱤᱞᱚ ᱢᱤᱴᱚᱨ ᱮ ᱥᱮᱱ ᱠᱮᱭᱟ᱾ ᱥᱟᱨᱤ ᱞᱟᱹᱭ ᱞᱮᱠᱷᱟᱱ ᱟᱞᱵᱚᱨᱴ ᱟᱭᱤᱱᱥᱴᱟᱭᱤᱱ'ᱟᱜ ᱞᱟᱹᱭ ᱞᱮᱠᱟᱛᱮ ᱢᱟᱨᱥᱟᱞᱟᱜ ᱵᱮᱜᱽ ᱡᱚᱛᱚ ᱠᱷᱚᱱ ᱰᱷᱮᱨᱟ᱾ ᱥᱤᱧ ᱪᱟᱸᱫᱚ ᱠᱷᱚᱱ ᱟᱵᱚᱣᱟᱜ ᱫᱷᱟᱹᱨᱛᱤ ᱫᱚ ᱑᱕ ᱠᱚᱨᱚᱲ (crore) ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧᱟ᱾ ᱚᱱᱟ ᱛᱮ ᱥᱤᱧ ᱪᱟᱸᱫᱚ ᱠᱷᱚᱱ ᱢᱟᱨᱥᱟᱞ ᱟᱵᱚ ᱴᱷᱮᱱ ᱥᱮᱴᱮᱨᱚᱜ ᱞᱟᱹᱜᱤᱫ ᱕᱐᱐ ᱥᱮᱠᱮᱸᱰ ᱵᱟᱝᱢᱟ ᱘ ᱢᱤᱱᱤᱴ ᱒᱐ ᱥᱮᱠᱮᱸᱰ ᱜᱟᱱ ᱚᱠᱛᱚ ᱞᱟᱜᱟᱜᱼᱟ᱾ ᱚᱱᱟᱛᱮ ᱟᱵᱚ ᱱᱤᱛ ᱡᱟᱦᱟᱸᱭ ᱪᱟᱸᱫᱚ ᱵᱚ ᱧᱮᱞᱮ ᱠᱟᱱᱟ ᱩᱱᱤ ᱫᱚ ᱱᱤᱛ ᱨᱮᱱᱤᱡ ᱫᱚᱭ ᱵᱟᱝ ᱠᱟᱱᱟ ᱵᱚᱨᱚᱢ ᱘ ᱢᱤᱱᱤᱴ ᱒᱐ ᱥᱮᱠᱮᱸᱰ ᱢᱟᱬᱟᱝ ᱨᱮᱱᱤᱡ ᱠᱟᱱᱟᱭ᱾ ᱚᱱᱟᱛᱮ ᱟᱵᱚ ᱫᱚ ᱵᱟᱥᱠᱮ ᱥᱤᱧ ᱪᱟᱸᱫᱚ ᱜᱮᱵᱚ ᱧᱮᱞᱮ ᱠᱟᱱᱟ, ᱱᱤᱛᱚᱜᱤᱡ ᱫᱚ ᱵᱟᱝ᱾
ᱠᱚᱨᱚᱲ ᱠᱚᱨᱚᱲ ᱥᱤᱧ ᱪᱟᱸᱫᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟᱵᱚ ᱡᱟᱦᱟᱸᱭ ᱥᱤᱧ ᱪᱟᱸᱫᱚ ᱵᱚ ᱢᱮᱛᱟᱭ ᱠᱟᱱᱟ ᱚᱱᱟ ᱫᱚ ᱢᱤᱫᱴᱟᱝ ᱢᱟᱨᱟᱝ ᱥᱮᱸᱜᱮᱞ ᱨᱮᱭᱟᱜ ᱵᱚᱞ ᱠᱟᱱᱟ᱾ ᱚᱱᱟ ᱥᱮᱸᱜᱮᱞ ᱵᱚᱞ ᱜᱮ ᱟᱵᱚᱣᱟᱜ ᱡᱤᱭᱚᱱ, ᱟᱵᱚᱣᱟᱜ ᱡᱚᱛᱚᱣᱟᱜ᱾ ᱪᱮᱫᱟᱜ ᱪᱮ ᱪᱟᱸᱫᱚᱣᱟᱜ ᱢᱟᱨᱥᱟᱞ ᱟᱨ ᱞᱚᱞᱚ ᱵᱟᱠᱷᱟᱱ ᱟᱵᱚ ᱫᱚ ᱵᱟᱵᱚ ᱛᱟᱦᱮᱸ ᱠᱮᱭᱟ᱾ ᱚᱱᱟ ᱛᱮ ᱥᱤᱧ ᱪᱟᱸᱫᱚ ᱵᱟᱭ ᱛᱟᱦᱮᱸᱱ ᱠᱷᱟᱱ ᱟᱵᱚ ᱫᱚ ᱵᱟᱵᱚ ᱛᱟᱦᱮᱸ ᱠᱮᱭᱟ᱾ ᱥᱟᱹᱨᱤ ᱞᱟᱹᱭ ᱞᱮᱠᱷᱟᱱ ᱱᱚᱶᱟ ᱚᱣᱟᱝ ᱨᱮ ᱠᱚᱨᱚᱲ ᱠᱚᱨᱚᱲ ᱥᱤᱧ ᱪᱟᱸᱫᱚ ᱢᱮᱱᱟᱜ ᱠᱚᱣᱟ᱾ ᱩᱱᱠᱩ ᱠᱚᱫᱚ ᱟᱵᱚ ᱠᱷᱚᱱ ᱠᱷᱩᱵ ᱥᱟᱺᱜᱤᱧ ᱨᱮ ᱢᱮᱱᱟᱜ ᱠᱚ ᱠᱷᱟᱹᱛᱤᱨ ᱟᱠᱚᱣᱟᱜ ᱢᱟᱨᱥᱟᱞ ᱟᱨ ᱞᱚᱞᱚ ᱫᱚ ᱟᱵᱚ ᱵᱟᱵᱚ ᱧᱟᱢᱮᱜᱼᱟ᱾ ᱥᱮᱨᱢᱟ ᱨᱮ ᱡᱩᱞᱩ ᱡᱩᱞᱩ ᱠᱚ ᱡᱩᱞᱩᱜ ᱠᱟᱱ ᱤᱯᱤᱞ ᱦᱚᱸ ᱢᱤᱢᱤᱫᱴᱟᱝ ᱥᱤᱧ ᱪᱟᱸᱫᱚ ᱠᱟᱱᱟ ᱠᱚ᱾ ᱗ ᱨᱮ ᱒᱒ ᱜᱚᱴᱟᱝ ᱥᱩᱱ ᱞᱟᱜᱟᱣᱟᱜ ᱠᱷᱟᱱ ᱡᱟᱦᱟᱸ ᱮᱞ ᱧᱟᱢᱚᱜᱼᱟ ᱩᱱᱟᱹᱜ ᱥᱤᱧ ᱪᱟᱸᱫᱚ ᱱᱚᱶᱟ ᱚᱣᱟᱝ ᱨᱮ ᱢᱮᱱᱟᱜ ᱠᱚᱣᱟ ᱢᱮᱱᱛᱮ ᱯᱚᱨᱢᱟᱬ ᱧᱟᱢ ᱟᱠᱟᱱᱟ᱾
ᱯᱷᱮᱰᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ http://science.nasa.gov/science-news/science-at-nasa/2008/02oct_oblatesun NASA. 2 October 2008. Retrieved 7 March 2011
- ↑ http://science.nasa.gov/science-news/science-at-nasa/2011/06feb_fullsun NASA. 6 February 2011. Retrieved 7 March 2011.
- ↑ Woolfson, M. (2000). "The origin and evolution of the solar system". Astronomy & Geophysics 41 (1): 12. Bibcode http://adsabs.harvard.edu/abs/2000A&G....41a..12W https://dx.doi.org/10.1046%2Fj.1468-4004.2000.00012.x
- ↑ Basu, S.; Antia, H. M. (2008). "Helioseismology and Solar Abundances". Physics Reports 457 (5–6): 217–283. Bibcode http://adsabs.harvard.edu/abs/2008PhR...457..217B https://arxiv.org/abs/0711.4590 https://dx.doi.org/10.1016%2Fj.physrep.2007.12.002
- ↑ http://science.nasa.gov/science-news/science-at-nasa/2008/02oct_oblatesun NASA. 2 October 2008. Retrieved 7 March 2011.