ᱴᱤᱨᱟᱹ ᱮᱸᱜᱮᱞ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱴᱤᱨᱟᱹ ᱮᱸᱜᱮᱞ ♂
OSIRIS Mars true color.jpg
OSIRIS Mars true color

ᱴᱤᱨᱟᱹ ᱮᱸᱜᱮᱞ ᱫᱚ ᱥᱤᱧ ᱪᱟᱸᱫᱚ ᱢᱟᱱᱰᱮᱨ ᱨᱤᱱᱤᱡ ᱯᱩᱱᱤᱡ ᱮᱸᱜᱮᱞ ᱠᱟᱱᱟᱭ ᱟᱨ solar system ᱨᱤᱱᱤᱡ ᱫᱚᱥᱟᱨ ᱟᱹᱰᱤ ᱦᱩᱰᱤᱧ ᱮᱸᱜᱮᱞ ᱠᱟᱱᱟᱭ, ᱱᱩᱭ ᱫᱚ ᱮᱞᱟᱝ ᱮᱸᱜᱮᱞ ᱠᱷᱚᱱ ᱫᱚ ᱢᱟᱨᱟᱝ ᱜᱮᱭᱟ ᱾ ᱫᱷᱟᱹᱨᱛᱤ ᱠᱷᱚᱱ ᱟᱨᱟᱜ ᱜᱮᱭ ᱧᱮᱞᱚᱜ ᱛᱮ ᱟᱨᱟᱜ ᱮᱸᱜᱮᱞ ᱦᱚᱸ ᱠᱚ ᱢᱮᱛᱟᱭᱟ ᱾ ᱱᱩᱭ ᱵᱚᱸᱜᱟ ᱮᱸᱜᱮᱞ ᱫᱚ ᱥᱤᱧ ᱪᱟᱸᱫᱚ ᱰᱮᱨᱟ ᱨᱤᱱᱤᱡ ᱢᱤᱫᱴᱟᱹᱝ ᱮᱸᱜᱮᱞ ᱠᱟᱱᱟᱭ ᱚᱭ ᱫᱚ ᱟᱵᱚᱣᱟᱜ ᱫᱷᱟᱹᱨᱛᱤ ᱞᱮᱠᱟᱭ ᱧᱮᱞᱚᱜᱼᱟ ᱾ ᱚᱸᱰᱮᱱᱟᱜ ᱦᱟᱥᱟ ᱠᱚ ᱦᱚᱸ ᱟᱵᱚᱣᱟᱜ ᱫᱷᱟᱹᱨᱛᱤ ᱞᱮᱠᱟ ᱜᱮ ᱾ ᱟᱹᱰᱤ ᱛᱷᱚᱲᱟ ᱜᱟᱱ ᱦᱚᱭ ᱢᱮᱱᱟᱜᱼᱟ ᱾ ᱟᱵᱚ ᱨᱤᱱ ᱧᱤᱫᱟᱹ ᱪᱟᱸᱫᱚ ᱞᱮᱠᱟ ᱟᱭᱢᱟ ᱠᱷᱟᱸᱭᱟᱜ ᱠᱷᱟᱺᱭᱩᱜ ᱚᱛ ᱠᱟᱱᱟ, ᱟᱨ ᱫᱷᱟᱹᱨᱛᱤ ᱞᱮᱠᱟ ᱥᱮᱸᱜᱮᱞ ᱵᱩᱨᱩ (volcano), ᱜᱤᱛᱤᱞ ᱫᱷᱟᱹᱨᱛᱤ (desert) ᱟᱨ ᱵᱚᱨᱚᱯ ᱢᱮᱱᱟᱜᱼᱟ ᱾ ᱥᱤᱧ ᱪᱟᱸᱫᱚ ᱰᱮᱨᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱵᱩᱨᱩ ᱢᱮᱱᱟᱜᱼᱟ ᱱᱤᱭᱟᱹ ᱮᱸᱜᱮᱞ ᱨᱮ ᱾ ᱚᱱᱟ ᱨᱮᱱᱟᱜ ᱧᱤᱛᱩᱢ ᱫᱚ ᱚᱞᱤᱢᱯᱟᱥ ᱢᱚᱱᱥ ᱾ ᱡᱚᱛᱚ ᱠᱷᱚᱱ ᱜᱟᱹᱦᱤᱨ ᱵᱩᱨᱩ ᱱᱚᱱᱰᱷᱚᱨ ᱦᱚᱸ ᱱᱤᱭᱟᱹ ᱮᱸᱜᱮᱞ ᱨᱮ ᱢᱮᱱᱟᱜᱼᱟ ᱾ ᱚᱱᱟ ᱨᱮᱱᱟᱜ ᱧᱤᱛᱩᱢ ᱫᱚ ᱵᱷᱮᱞᱤᱥ ᱢᱮᱨᱤᱱᱟᱨᱤᱥ ᱾ ᱱᱩᱭ ᱵᱚᱸᱜᱟ ᱮᱸᱜᱮᱞᱟᱜ ᱜᱷᱩᱨᱞᱟᱹᱜ ᱚᱠᱛᱚ ᱟᱨ ᱨᱤᱛᱩ ᱵᱚᱫᱚᱞ ᱦᱚᱸ ᱟᱹᱰᱤ ᱜᱟᱱ ᱜᱮ ᱫᱷᱟᱹᱨᱛᱤ ᱞᱮᱠᱟ ᱾

᱑᱙᱖᱕ ᱥᱮᱨᱢᱟ ᱨᱮ ᱢᱮᱨᱤᱱᱟᱨ ᱔ ᱥᱮᱨᱢᱟ ᱜᱟᱹᱰᱤ (spacecraft) ᱯᱩᱭᱞᱩ ᱱᱤᱭᱟᱹ ᱮᱸᱜᱮᱞ ᱨᱮ ᱥᱮᱱ ᱞᱮᱱᱟ ᱾ ᱚᱱᱟ ᱥᱮᱱ ᱠᱷᱚᱱ ᱜᱮ ᱟᱭᱢᱟ ᱦᱚᱲ ᱠᱚ ᱢᱚᱱᱮ ᱭᱮᱫᱟ ᱡᱮ ᱵᱚᱸᱜᱟ ᱮᱸᱜᱮᱞ ᱨᱮ ᱫᱚ ᱫᱟᱜ ᱢᱮᱱᱟᱜᱼᱟ ᱾ ᱴᱤᱨᱟᱹ ᱮᱸᱜᱮᱞ ᱠᱷᱚᱱ ᱧᱟᱢ ᱢᱟᱨᱥᱟᱞ ᱟᱨ ᱧᱩᱛ ᱨᱮᱱᱟᱜ ᱦᱤᱞᱠᱟᱹᱣ (waves) ᱨᱮ ᱛᱩᱸᱜᱤ ᱜᱷᱩᱨᱞᱟᱹᱣ (Periodicity) ᱧᱮᱞ ᱠᱟᱛᱮᱜ ᱱᱤᱭᱟᱹ ᱫᱚ ᱢᱮᱱᱚᱜ ᱠᱟᱱᱟ ᱾ ᱟᱥᱚ ᱠᱟᱭᱛᱮ Polar region ᱥᱮᱡ ᱨᱮ ᱱᱤᱭᱟᱹ ᱵᱚᱫᱚᱞ ᱫᱚ ᱧᱮᱞ ᱧᱟᱢᱚᱜ ᱠᱟᱱᱟ ᱾ ᱚᱠᱟ ᱫᱚ ᱫᱚᱨᱭᱟ ᱥᱮ ᱫᱟᱜ ᱨᱮᱱᱟᱜ ᱦᱩᱫᱤᱥᱮ ᱞᱟᱹᱭᱮᱫᱟ ᱾

ᱪᱤᱱᱦᱟᱹ: ♂

ᱦᱚᱲᱢᱚ (Physical properties)[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Victoria Crater, Cape Verde-Mars

ᱴᱤᱨᱟᱹ ᱮᱸᱜᱮᱞ ᱨᱮᱱᱟᱜ ᱵᱮᱲᱷᱟᱭ (Diameter) ᱫᱚ ᱫᱷᱟᱹᱨᱛᱤ ᱨᱮᱱᱟᱜ ᱟᱫᱷᱟ ᱟᱨ ᱦᱟᱢᱟᱞ ᱛᱮ ᱫᱷᱟᱹᱨᱛᱤ ᱨᱮᱱᱟᱜ ᱦᱟᱢᱟᱞ ᱨᱮᱱᱟᱜ ᱜᱮᱞ ᱦᱟᱹᱴᱤᱧ ᱠᱷᱚᱱ ᱢᱤᱫ ᱦᱟᱹᱴᱤᱧᱮ ᱦᱟᱢᱟᱞᱟ ᱾ ᱫᱷᱟᱹᱨᱛᱤ ᱠᱷᱚᱱ ᱦᱚᱸ ᱜᱟᱲᱫᱷᱟ ᱛᱮ ᱫᱚᱭ ᱛᱷᱚᱲᱟ ᱜᱮᱭᱟ ᱾ ᱱᱤᱭᱟᱹ ᱨᱮᱱᱟᱜ ᱪᱮᱛᱟᱱ Field ᱫᱚ ᱫᱷᱟᱹᱨᱛᱤ ᱨᱮᱱᱟᱜ ᱠᱷᱚᱱ ᱛᱷᱚᱲᱟ ᱠᱚᱢ ᱾ ᱵᱚᱸᱜᱟ ᱮᱸᱜᱮᱞ ᱫᱚ ᱵᱩᱫ ᱮᱸᱜᱮᱞ ᱠᱷᱚᱱᱮ ᱞᱟᱹᱴᱩ ᱨᱮ ᱦᱚᱸ ᱜᱟᱲᱫᱷᱟ ᱛᱮ ᱫᱚᱭ ᱛᱷᱚᱲᱟ ᱜᱮᱭᱟ ᱾ ᱴᱤᱨᱟᱹ ᱮᱸᱜᱮᱞ ᱨᱮᱱᱟᱜ Gravitational ᱫᱟᱲᱮ ᱫᱚ ᱰᱷᱤᱨ ᱜᱮᱭᱟ ᱾ ᱵᱚᱸᱜᱟ ᱮᱸᱜᱮᱞ ᱫᱚ ᱧᱮᱞ ᱛᱮ ᱟᱨᱟᱜ ᱠᱚᱢᱞᱟ ᱞᱮᱠᱟ ᱾ ᱵᱚᱸᱜᱟ ᱮᱸᱜᱮᱞᱟᱜ ᱫᱮᱭᱟ ᱨᱮ ᱫᱚ ᱟᱹᱰᱤ ᱜᱟᱱ ᱟᱭᱨᱚᱱ ᱟᱨ ᱚᱠᱥᱟᱭᱤᱰ ᱢᱮᱱᱟᱜᱼᱟ ᱾ ᱱᱩᱭ ᱫᱚ ᱨᱟᱥᱴ ᱠᱚ ᱢᱮᱛᱟᱜ ᱠᱟᱱᱟ ᱾

ᱦᱚᱯᱚᱱ ᱮᱸᱜᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱚᱸᱜᱟ ᱮᱸᱜᱮᱞ ᱨᱤᱱ ᱫᱚ ᱯᱷᱳᱵᱳᱥ ᱟᱨ ᱰᱤᱢᱳᱥ ᱧᱩᱛᱩᱢᱟᱱ ᱵᱟᱨᱭᱟ ᱦᱚᱯᱚᱱ ᱮᱸᱜᱮᱞ ᱢᱮᱱᱟᱜ ᱠᱤᱱᱟᱹ ᱾

ᱯᱷᱮᱰᱮᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]