ᱪᱟᱸᱫᱚ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱧᱤᱫᱟᱹ ᱪᱟᱸᱫᱚ

ᱧᱤᱫᱟᱹ ᱪᱟᱸᱫᱚ ᱫᱚ ᱱᱚᱶᱟ ᱫᱷᱟᱹᱨᱛᱤ ᱨᱮᱱᱤᱡ ᱢᱤᱫᱴᱟᱝ ᱥᱩᱢᱩᱝ ᱩᱯᱜᱨᱚᱦᱚ ᱟᱨ ᱥᱤᱧ ᱪᱟᱸᱫᱚ ᱡᱮᱜᱮᱛ ᱨᱮᱱᱤᱡ ᱢᱚᱬᱮ ᱢᱟᱨᱟᱝ ᱩᱯᱜᱨᱚᱦᱚ ᱠᱟᱱᱟᱭ ᱾ ᱧᱤᱫᱟᱹ ᱪᱟᱸᱫᱚ ᱜᱮ ᱢᱤᱫᱴᱟᱝ ᱩᱯᱜᱨᱚᱦᱚ ᱠᱟᱱᱟᱭ ᱡᱟᱦᱟᱸ ᱨᱮ ᱢᱟᱹᱱᱢᱤᱭ ᱥᱮᱴᱮᱨ ᱫᱟᱲᱮ ᱟᱠᱟᱣᱟᱫᱼᱟ ᱾ ᱱᱚᱶᱟ ᱫᱷᱟᱹᱨᱛᱤ ᱠᱷᱚᱱ ᱧᱤᱫᱟᱹ ᱪᱟᱸᱫᱚ ᱦᱟᱹᱵᱤᱡ ᱫᱚ ᱓᱘᱔,᱔᱐᱐ ᱠᱤᱞᱚ ᱢᱤᱴᱚᱨ ᱵᱟᱝᱢᱟ ᱑.᱒᱘ ᱢᱟᱨᱥᱟᱞ ᱥᱮᱠᱮᱸᱰ ᱥᱟᱹᱜᱤᱧᱟ ᱾ ᱫᱷᱟᱹᱨᱛᱤᱭᱟᱜ ᱟᱹᱪᱩᱨ ᱥᱟᱶ ᱧᱤᱫᱟᱹ ᱪᱟᱸᱫᱚᱣᱟᱜ ᱟᱹᱪᱩᱨ ᱫᱚ ᱥᱚᱢᱟᱱ ᱜᱮ ᱠᱷᱟᱹᱛᱤᱨ ᱟᱵᱚ ᱧᱤᱫᱟᱹ ᱪᱟᱸᱫᱚᱣᱟᱜ ᱢᱤᱫ ᱯᱟᱦᱴᱟ ᱜᱮ ᱞᱮᱛᱟᱲ ᱵᱚ ᱧᱮᱞᱟ ᱾ ᱧᱤᱸᱫᱟ ᱪᱟᱸᱫᱚᱣᱟᱜ ᱚᱱᱚᱨ ᱫᱟᱲᱮ ᱠᱷᱟᱹᱛᱤᱨ ᱜᱮ ᱫᱚᱨᱭᱟ ᱨᱮ ᱡᱩᱣᱟᱹᱨ ᱟᱨ ᱵᱷᱚᱴᱟ ᱫᱚ ᱦᱩᱭᱩᱜᱼᱟ ᱾ ᱱᱚᱶᱟ ᱫᱷᱟᱹᱨᱛᱤ ᱠᱷᱚᱱᱟᱜ ᱥᱤᱧ ᱪᱟᱸᱫᱚ ᱟᱨ ᱧᱤᱫᱟᱹ ᱪᱟᱸᱫᱚ ᱥᱚᱢᱟᱱ ᱥᱮᱬᱟ ᱜᱮᱠᱤᱱ ᱧᱮᱞᱚᱜᱼᱟ ᱾

ᱟᱠᱟᱨ ᱯᱚᱨᱠᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱧᱤᱫᱟᱹ ᱪᱟᱸᱫᱚᱣᱟᱜ ᱯᱩᱨᱩᱵᱽ ᱯᱟᱹᱪᱷᱤᱢ ᱵᱭᱟᱥ ᱫᱚ ᱦᱩᱭᱩᱜ ᱠᱟᱱᱟ ᱑᱗᱓᱘.᱑᱔ ᱠᱤᱞᱚᱢᱤᱴᱚᱨ ᱟᱨ ᱩᱛᱛᱚᱨ ᱫᱟᱹᱠᱷᱤᱱ ᱨᱮᱭᱟᱜ ᱵᱭᱟᱥ ᱦᱩᱭᱩᱜ ᱠᱟᱱᱟ ᱑᱗᱓᱗.᱑᱐ ᱠᱤᱞᱚᱢᱤᱴᱚᱨ᱾ ᱜᱨᱚᱦᱚ ᱟᱨ ᱩᱯᱜᱨᱚᱦᱚ ᱛᱩᱞᱟᱹ ᱞᱮᱠᱟᱱ ᱵᱟᱰᱟᱭᱚᱜᱼᱟ ᱧᱤᱫᱟᱹ ᱪᱟᱸᱫᱚ ᱫᱚ ᱡᱚᱛᱚ ᱠᱷᱚᱱ ᱮ ᱢᱟᱨᱟᱝ ᱟ᱾ ᱧᱤᱫᱟᱹ ᱪᱟᱸᱫᱚ ᱩᱱᱟᱹᱜ ᱢᱟᱨᱟᱝ ᱠᱷᱟᱹᱛᱤᱨ ᱩᱞᱠᱟᱹ ᱠᱚ ᱱᱚᱶᱟ ᱫᱷᱟᱹᱨᱛᱤ ᱥᱮᱫ ᱦᱩᱡᱩᱜ ᱡᱚᱠᱷᱮᱡ ᱧᱤᱫᱟᱹ ᱪᱟᱸᱫᱚ ᱨᱮᱠᱚ ᱛᱟᱹᱠᱤᱡ ᱫᱟᱨᱟᱢᱚᱜᱼᱟ᱾ ᱧᱤᱫᱟᱹ ᱪᱟᱸᱫᱚ ᱨᱮ ᱢᱮᱱᱟᱜ ᱜᱟᱹᱦᱤᱨ ᱜᱟᱹᱦᱤᱨ ᱰᱷᱚᱰᱟ ᱜᱮ ᱱᱚᱶᱟ ᱨᱮᱭᱟᱜ ᱯᱚᱨᱢᱟᱱ ᱫᱚ᱾

ᱚᱛᱱᱚᱜ ᱜᱩᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱧᱤᱫᱟᱹ ᱪᱟᱸᱫᱚᱣᱟᱜ ᱛᱟᱞᱢᱟ ᱠᱷᱚᱱ ᱒᱔᱐ ᱠᱤᱞᱚᱢᱤᱴᱚᱨ ᱦᱟᱹᱵᱤᱡ ᱠᱮᱴᱮᱡ ᱢᱮᱬᱦᱮᱫ ᱟᱨ ᱓᱐᱐ ᱠᱤᱞᱚᱢᱤᱴᱚᱨ ᱜᱟᱱ ᱦᱟᱹᱵᱤᱡ ᱫᱚ ᱫᱟᱜ-ᱢᱮᱬᱦᱮᱫ ᱢᱮᱱᱟᱜᱼᱟ ᱢᱮᱱᱛᱮ ᱵᱟᱰᱟᱭ ᱟᱠᱟᱱᱟ ᱾ ᱧᱤᱫᱟᱹ ᱪᱟᱸᱫᱚ ᱨᱮᱭᱟᱜ ᱢᱟᱨᱟᱝ ᱜᱟᱹᱦᱤᱨ ᱰᱷᱚᱰᱟ ᱫᱚ ᱮᱠᱷᱮᱱ ᱢᱮᱫ ᱛᱮᱦᱚᱸ ᱧᱮᱞᱚᱜ ᱜᱮᱭᱟ ᱾ ᱱᱚᱶᱟ ᱰᱷᱚᱰᱟ ᱫᱚ ᱫᱟᱜ ᱢᱮᱱᱟᱜ ᱠᱩᱸᱭ ᱞᱮᱠᱟ ᱦᱚᱸ ᱧᱮᱞᱚᱜᱼᱟ ᱾

ᱫᱟᱜ ᱨᱮᱭᱟᱜ ᱢᱮᱱᱟᱝ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱧ ᱪᱟᱸᱫᱚᱣᱟᱜ ᱮᱞᱟᱝ ᱠᱷᱟᱹᱛᱤᱨ ᱧᱤᱫᱟᱹ ᱪᱟᱸᱫᱚ ᱨᱮ ᱫᱟᱜ ᱫᱚ ᱵᱟᱹᱱᱩᱜᱼᱟ᱾ ᱟᱹᱰᱤ ᱟᱪᱷᱟᱣ ᱟᱹᱰᱤᱡ ᱦᱚᱭᱚᱝ ᱟᱨ ᱫᱩᱨᱵᱚᱲ ᱚᱱᱚᱨ ᱫᱟᱲᱮ ᱠᱷᱟᱹᱛᱤᱨ ᱫᱟᱜ ᱵᱷᱟᱯ ᱦᱚᱸ ᱵᱟᱭ ᱚᱨ ᱫᱚᱦᱚ ᱫᱟᱲᱮᱭᱟᱜᱼᱟ᱾ ᱢᱟᱨᱟᱝ ᱟᱨ ᱜᱟᱹᱦᱤᱨ ᱰᱷᱚᱰᱟ ᱨᱮ ᱵᱚᱨᱚᱯ ᱢᱮᱱᱟᱜᱼᱟ ᱢᱮᱱᱛᱮ ᱥᱟᱬᱮᱥᱤᱭᱟᱹ ᱠᱚᱠᱚ ᱚᱱᱩᱢᱟᱱ ᱮᱫᱟ᱾ ᱒᱐᱐᱘ ᱥᱟᱞ ᱨᱮ ᱵᱷᱟᱨᱚᱛ ᱨᱮᱭᱟᱜ ᱪᱚᱱᱫᱽᱨᱚᱭᱟᱱ-᱑ ᱮ ᱯᱚᱨᱢᱟᱬ ᱠᱮᱜᱼᱟ ᱡᱮ ᱧᱤᱫᱟᱹ ᱪᱟᱸᱫᱚ ᱨᱮ ᱫᱟᱜ ᱠᱩᱴᱷᱤᱱ ᱚᱵᱚᱥᱛᱟ ᱨᱮ ᱢᱮᱱᱟᱜᱼᱟ᱾

ᱚᱱᱚᱨ ᱫᱟᱲᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱷᱟᱹᱨᱛᱤ ᱥᱟᱶ ᱥᱟᱹᱜᱟᱹᱭ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱷᱟᱹᱨᱛᱤ ᱵᱮᱲᱦᱟᱭ ᱛᱮ ᱧᱤᱫᱟᱹ ᱪᱟᱸᱫᱚ ᱟᱹᱪᱩᱨᱚᱜ ᱞᱟᱹᱜᱤᱫ ᱒᱗.᱓ ᱫᱤᱱ ᱚᱠᱛᱚᱭ ᱦᱟᱛᱟᱣᱟ᱾

ᱯᱷᱮᱰᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱹᱲᱛᱤ ᱯᱚᱲᱦᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]