ᱨᱟᱢ ᱛᱤᱨᱛᱷᱚ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱨᱟᱢ ᱛᱤᱨᱛᱷᱚ-:ᱢᱚᱭᱩᱨ ᱵᱷᱚᱸᱡᱽ ᱡᱤᱞᱞᱟ ᱯᱟᱧᱯᱤᱲ ᱥᱚᱵᱰᱤᱵᱷᱤᱡᱚᱱ ᱡᱚᱥᱤᱯᱩᱨ ᱵᱟᱡᱟᱨ ᱵᱷᱤᱲᱟ.ᱣ ᱛᱮ ᱞᱟᱸᱜᱤ ᱟᱠᱟᱱ ᱠᱷᱚᱭᱨᱤ-ᱵᱷᱚᱸᱰᱚᱱ ᱜᱟᱰᱟ ᱟᱲᱮ ᱨᱮ ᱨᱟᱢ ᱛᱤᱨᱛᱷᱚ ᱫᱚ ᱢᱮᱱᱟᱜ-ᱟ| ᱱᱚᱶᱟ ᱫᱚ ᱜᱟᱰᱟ ᱟᱲᱮ ᱨᱮᱱᱟᱝ ᱱᱟᱯᱟᱭ ᱧᱮᱞ ᱡᱚᱝ ᱡᱟᱭᱜᱟ ᱠᱟᱱᱟ| ᱱᱮᱛᱟᱨ ᱫᱚ ᱱᱚᱸᱰᱮ ᱵᱤᱨᱥᱚᱲᱮ ᱞᱟ.ᱜᱤᱫ ᱛᱮ ᱧᱩᱛᱩᱢᱟᱱ ᱡᱟᱭᱜᱟ ᱠᱚ ᱵᱟᱪᱷᱟᱣ ᱟᱠᱟᱫ-ᱟ|ᱜᱟᱰᱟ ᱟᱲᱮ ᱨᱮᱱᱟᱝ ᱵᱟᱨ ᱥᱟᱦᱴᱟᱛᱮ ᱟ.ᱰᱤ ᱡᱤᱞᱤᱧ ᱟᱨ ᱚᱥᱟᱨ ᱛᱮ ᱫᱷᱤᱨᱤ ᱪᱟ.ᱴᱟ.ᱱᱤ ᱟᱴᱟᱞ ᱟᱴᱮᱫ ᱟᱠᱟᱱᱟ| ᱜᱟᱰᱟ ᱫᱟᱜ ᱫᱚ ᱪᱮᱛᱟᱱ ᱠᱷᱚᱱ ᱞᱟᱛᱟᱨ ᱠᱷᱟ:ᱭᱩᱜ ᱛᱮ ᱥᱚᱠᱚᱲ ᱵᱚᱠᱚᱲ ᱥᱟᱰᱮ ᱪᱚᱦᱚᱲ ᱟᱛᱮ ᱱᱤᱨᱡᱟᱞᱟ ᱵᱚᱲᱚᱜ ᱵᱚᱲᱚᱜ ᱞᱤᱸᱡᱤ ᱡᱚᱝ ᱠᱟᱱ ᱛᱮ ᱧᱮᱞ ᱡᱚᱝ ᱛᱮ ᱵᱷᱩᱞᱟ.ᱣ ᱠᱚᱜ ᱥᱟᱜᱱᱟ ᱜᱮᱭᱟ|ᱱᱟᱜᱟᱢ ᱠᱟᱛᱷᱟ ᱠᱷᱚᱱ ᱵᱟᱰᱟᱭᱚᱜ-ᱟ ᱵᱟᱝᱢᱟ ᱞᱟ.ᱭ ᱟᱠᱚ -ᱥᱮᱫᱟᱭ ᱥᱚᱛ ᱡᱩᱜ ᱨᱮ ᱵᱷᱚᱜᱵᱟᱱ ᱨᱟᱢ ᱫᱚ ᱢᱤᱫ ᱫᱷᱟᱣ ᱱᱚᱸᱰᱮ ᱡᱚᱵᱮ ᱨᱮᱭᱟᱲᱚᱜ ᱮ ᱟᱬᱜᱚ ᱞᱮᱱᱟ ᱱᱚᱸᱰᱮᱱᱟᱜ ᱪᱚᱨᱚᱠ ᱪᱤᱛᱟ.ᱨ ᱥᱟᱪᱟᱨᱦᱮ ᱧᱮᱞᱛᱮ ᱢᱚᱱᱮ ᱢᱩᱦᱤᱛ ᱞᱮᱱᱟ|ᱢᱤᱫ ᱜᱷᱟ.ᱲᱤᱠ ᱠᱷᱚᱱ ᱛᱤᱱ ᱜᱷᱟ.ᱲᱤᱠ ᱫᱩᱲᱩᱵ ᱢᱚᱸᱡᱮᱞ ᱠᱟᱛᱮ ᱵᱷᱩᱞᱟ.ᱣ ᱞᱮᱱᱟᱭ|ᱫᱩᱲᱩᱵ ᱪᱤᱱᱦᱟ., ᱡᱟᱸᱜᱟ ᱯᱟᱸᱡᱟ ᱪᱤᱱᱦᱟ.ᱦᱚᱸ ᱨᱟᱢ-ᱟᱜ ᱢᱮᱱᱟᱜ ᱜᱮᱭᱟ|ᱚᱱᱟᱛᱮ ᱨᱟᱢ ᱛᱤᱨᱛᱷᱚ ᱧᱩᱛᱩᱢ ᱟᱠᱟᱱᱟ ᱢᱮᱱᱛᱮ ᱦᱚᱲ ᱠᱚ ᱢᱮᱱᱟ|ᱪᱟ.ᱴᱟ.ᱱᱤ ᱪᱮᱛᱟᱱ ᱩᱛᱟ.ᱨ ᱨᱮ ᱥᱤᱵᱚ ᱢᱚᱸᱫᱤᱨ ᱵᱚᱸᱜᱟ ᱛᱷᱟᱱ ᱦᱚᱸ ᱢᱮᱱᱟᱜ-ᱟ|ᱥᱤᱢᱲᱤᱯᱟᱲ ᱨᱮ ᱛᱟᱭᱟᱱ ᱠᱚᱣᱟᱜ ᱵᱚᱸᱥᱚ ᱵᱟ.ᱰ ᱠᱟᱛᱷᱟ ᱵᱟᱰᱟᱭ ᱠᱟᱛᱮ ᱩᱱᱠᱩᱣᱟᱜ ᱵᱚᱸᱥᱚ ᱵᱟ.ᱲᱛᱤᱜ ᱢᱟ ᱢᱮᱱᱛᱮ ᱵᱷᱟᱨᱚᱛ ᱥᱚᱨᱠᱟᱨ ᱫᱚ ᱛᱟᱭᱟᱱ ᱯᱨᱚᱠᱚᱲᱯᱚ ᱑᱙᱗᱙ ᱥᱟᱞ ᱠᱷᱚᱱ ᱮᱦᱚᱵ ᱮᱦᱚᱵ ᱟᱠᱟᱱᱟ|ᱛᱟᱭᱟᱱ ᱟ.ᱥᱩᱞ ᱯᱨᱚᱠᱚᱲᱯᱚ ᱢᱮᱱᱟᱜ ᱠᱷᱟ.ᱛᱤᱨ ᱦᱚᱸ ᱧᱮᱞ ᱡᱚᱝ ᱦᱚᱲ ᱠᱚ ᱵᱷᱤᱲᱚᱜ ᱠᱟᱱᱟ|