ᱨᱩᱠᱢᱤᱬᱤ ᱫᱮᱵᱤ ᱚᱨᱩᱱᱰᱮᱞ
| ᱨᱩᱠᱢᱤᱬᱤ ᱫᱮᱵᱤ ᱚᱨᱩᱱᱰᱮᱞ | |
|---|---|
 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱨᱩᱠᱢᱤᱬᱤ ᱫᱮᱵᱤ ᱒᱙ ᱯᱷᱮᱵᱽᱨᱩᱣᱟᱨᱤ ᱑᱙᱐᱔ ᱢᱩᱫᱩᱨᱟᱭ, ᱢᱟᱰᱨᱟᱥ ᱯᱨᱮᱥᱤᱰᱮᱱᱥᱤ, ᱵᱽᱨᱤᱴᱤᱥ ᱨᱟᱡᱽ ᱥᱤᱧᱚᱛ |
| ᱜᱩᱨ | ᱒᱔ ᱯᱷᱮᱵᱽᱨᱩᱣᱟᱨᱤ ᱑᱙᱘᱖ (᱘᱑ ᱵᱚᱭᱚᱥ) ᱪᱮᱱᱱᱟᱭ, ᱛᱟᱢᱤᱞᱱᱟᱰᱩ, ᱥᱤᱧᱚᱛ |
| ᱠᱟᱹᱢᱤ ᱚᱠᱛᱚ | ᱑᱙᱒᱐-᱑᱙᱘᱖ |
| ᱥᱤᱨᱯᱷᱟᱹ | ᱯᱚᱫᱽᱢᱚ ᱵᱷᱩᱥᱚᱬ: ᱑᱙᱕᱖ ᱥᱚᱝᱜᱤᱛ ᱱᱟᱴᱚᱠ ᱮᱠᱟᱰᱮᱢᱤ: ᱑᱙᱗᱖ |
ᱨᱩᱠᱢᱤᱬᱤ ᱫᱮᱵᱤ ᱱᱤᱞᱟᱠᱟᱱᱰᱟ ᱥᱟᱥᱛᱨᱤ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱛᱷᱮᱥᱚᱯᱷᱤᱥᱴ (theosophist), ᱱᱟᱪᱚᱱᱤᱭᱟᱹ (dancer) ᱟᱨ ᱠᱚᱨᱤᱭᱚᱜᱽᱨᱟᱯᱷᱚᱨ (choreographer) ᱮ ᱛᱟᱦᱮᱸ ᱠᱟᱱᱟ ᱵᱷᱟᱨᱚᱛᱱᱟᱴᱭᱚᱢ (Bharatanatyam) ᱮᱱᱮᱡ ᱨᱤᱱᱤᱡ ᱨᱤᱱᱤᱡ ᱾ ᱚᱱᱟ ᱥᱟᱶᱛᱮ ᱡᱤᱭᱟᱹᱞᱤ ᱟᱹᱭᱫᱟᱹᱨᱤ ᱟᱹᱭᱩᱨᱮᱫ ᱛᱟᱦᱮᱸ ᱠᱟᱱᱟᱭ ᱾ ᱱᱩᱭ ᱫᱚ ᱥᱤᱧᱚᱛ ᱱᱟᱜᱟᱢ ᱨᱤᱱᱤᱡ ᱯᱩᱭᱞᱩ ᱠᱩᱲᱤ ᱦᱚᱯᱚᱱ ᱞᱮᱠᱟᱛᱮ ᱯᱚᱱᱚᱛ ᱫᱚᱨᱵᱟᱨ ᱨᱮ ᱥᱮᱱ ᱞᱮᱱᱟ ᱾
ᱩᱱᱤ ᱫᱚ ᱢᱩᱬ "ᱥᱟᱫᱷᱤᱨᱚ" ᱰᱷᱚᱝ ᱠᱷᱚᱱ ᱮᱦᱚᱵ ᱚᱰᱚᱠ ᱠᱟᱛᱮ ᱵᱷᱨᱟᱨᱚᱛᱱᱟᱴᱭᱚᱢ ᱨᱤᱱᱤᱡ ᱢᱟᱨᱟᱝ ᱪᱤᱪᱤᱪᱤᱨᱜᱟᱹᱞᱤᱭᱟᱹ ᱠᱟᱱᱟᱭ ᱾ ᱥᱟᱰᱷᱤᱨᱚ ᱰᱷᱚᱝ ᱢᱩᱸᱫᱽᱨᱤ ᱱᱟᱹᱪᱱᱤ ᱫᱮᱵᱽᱫᱟᱥᱤ ᱭᱟᱜ ᱵᱷᱤᱛᱤᱨ ᱨᱮ ᱯᱟᱹᱨᱛᱩᱲ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱥᱤᱧᱚᱛ ᱯᱟᱹᱨᱛᱩᱲ ᱠᱚ ᱨᱮᱱᱟᱜ ᱟᱹᱰᱤ ᱞᱮᱠᱟᱱ ᱦᱩᱱᱟᱹᱨ ᱠᱚ ᱨᱟᱠᱷᱟ ᱟᱹᱨᱩ ᱞᱮᱠᱟᱱ ᱠᱟᱹᱢᱤ ᱠᱚᱭ ᱠᱟᱹᱢᱤ ᱞᱮᱫ ᱛᱟᱦᱮᱸᱫ ᱾
ᱩᱱᱤ ᱫᱚ ᱢᱟᱨᱟᱝ ᱡᱟᱹᱛ ᱨᱤᱱᱤᱡ ᱦᱩᱭ ᱠᱟᱛᱮ ᱦᱚᱸ ᱑᱙᱒᱐ ᱥᱟᱹᱦᱤᱛ ᱚᱠᱛᱚ ᱨᱮᱱᱟᱜ ᱥᱟᱶᱛᱟ ᱨᱮ ᱦᱩᱰᱤᱧ ᱡᱟᱹᱛ ᱦᱚᱲ ᱠᱚ ᱦᱚᱛᱮᱛᱮ ᱛᱮ ᱠᱚ ᱮᱱᱮᱡᱮᱫ ᱮᱱᱮᱡ ᱞᱮᱠᱟ ᱢᱟᱱᱟᱣᱜ ᱠᱟᱱ ᱵᱷᱟᱨᱚᱛᱱᱟᱴᱭᱚᱢ ᱫᱚ ᱟᱡᱟᱜ ᱯᱮᱥᱟ ᱞᱮᱠᱟᱛᱮ ᱦᱟᱛᱟᱣ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱮᱱᱮᱡ ᱨᱮᱱᱟᱜ ᱨᱩᱯ ᱟᱨ ᱵᱳᱸᱜᱟ ᱜᱩᱱ ᱢᱟᱹᱱ ᱪᱤᱱᱦᱟᱹᱣ ᱠᱟᱛᱮ ᱮᱱᱮᱡ ᱪᱮᱫ ᱥᱟᱶᱛᱮ ᱟᱭᱢᱟ ᱢᱟᱸᱰᱣᱟ ᱨᱮ ᱮᱱᱮᱡ ᱮ ᱩᱫᱩᱜ ᱥᱚᱫᱚᱨ ᱞᱮᱫ ᱛᱟᱦᱮᱸᱫ ᱾
ᱨᱩᱠᱢᱤᱬᱤ ᱫᱮᱵᱤ ᱤᱱᱰᱤᱭᱟ ᱴᱩᱰᱮ ᱨᱮᱱᱟᱜ "ᱥᱤᱧᱚᱛ ᱠᱚ ᱜᱚᱲᱦᱚᱱ ᱟᱠᱟᱫ ᱑᱐᱐ ᱦᱚᱲᱟᱜ ᱞᱤᱥᱴᱤ" ᱨᱮ ᱟᱡ ᱦᱚᱸ ᱴᱷᱟᱶ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾[᱑] ᱩᱱᱤ ᱑᱙᱕᱖ ᱥᱟᱹᱦᱤᱛ ᱨᱮ ᱯᱚᱫᱽᱢᱚᱵᱷᱩᱥᱚᱬ ᱢᱟᱹᱱ ᱥᱟᱨᱦᱟᱣ[᱒] ᱟᱨ ᱑᱙᱖᱗ ᱥᱟᱹᱦᱤᱛ ᱨᱮ "ᱥᱮᱨᱮᱧ ᱱᱟᱴᱚᱠ ᱮᱠᱟᱰᱮᱢᱤ ᱯᱷᱮᱞᱚᱥᱤᱯ" ᱢᱟᱹᱱ ᱛᱮ ᱠᱚ ᱢᱟᱹᱱ ᱥᱟᱨᱦᱟᱣ ᱞᱮᱫᱮ ᱛᱟᱦᱮᱸᱫ ᱾
ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱯᱩᱭᱞᱩ ᱡᱤᱭᱚᱱ ᱟᱨ ᱵᱟᱯᱞᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱨᱩᱠᱢᱤᱬᱤ ᱫᱮᱵᱤ ᱚᱨᱩᱱᱰᱮᱞ ᱫᱚ ᱒᱙ ᱯᱷᱮᱵᱽᱨᱩᱣᱟᱨᱤ ᱑᱙᱐᱔ ᱥᱟᱹᱦᱤᱛ ᱨᱮ ᱢᱩᱫᱩᱨᱟᱭ ᱨᱮᱱᱟᱜ ᱢᱤᱫ ᱵᱟᱵᱽᱬᱮ ᱜᱷᱟᱨᱚᱡᱽ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱡᱤᱡ ᱟᱯᱟᱛ ᱱᱤᱞᱚᱠᱚᱱᱴᱷᱚ ᱥᱟᱥᱛᱨᱤ ᱫᱚ ᱢᱤᱫ ᱤᱧᱡᱤᱱᱤᱭᱟᱹᱨ ᱞᱮᱠᱟᱛᱮ ᱯᱚᱵᱽᱞᱤᱠ ᱩᱣᱟᱨᱠᱥ ᱰᱤᱯᱟᱨᱴᱢᱮᱱᱴ ᱨᱮ ᱠᱟᱹᱢᱤ ᱥᱟᱶᱛᱮ ᱢᱤᱫ ᱢᱟᱪᱮᱫ ᱮ ᱛᱟᱦᱮᱸ ᱠᱟᱱᱟ ᱾ ᱟᱡᱤᱡ ᱮᱝᱜᱟᱛ ᱥᱮᱥᱟᱢᱟᱞ ᱫᱚ ᱢᱤᱫ ᱥᱮᱨᱮᱧ ᱨᱩᱥᱤᱠᱟᱭ ᱛᱟᱦᱮᱸ ᱠᱟᱱᱟ ᱾ ᱟᱯᱟᱛᱟᱜ ᱦᱟᱱᱟ ᱱᱷᱟᱣᱟ ᱴᱷᱟᱶ ᱨᱮ ᱠᱟᱹᱢᱤ ᱰᱮᱨᱟ ᱵᱚᱫᱚᱞ ᱤᱫᱤ ᱠᱟᱛᱮ ᱦᱟᱱᱟ ᱱᱷᱟᱶᱟ ᱴᱷᱟᱶ ᱨᱮ ᱠᱚ ᱩᱪᱟᱹᱲ ᱞᱮᱱᱟ ᱾ ᱩᱱᱤ ᱫᱚ ᱑᱙᱐᱑ ᱥᱟᱹᱦᱤᱛ ᱨᱮ ᱛᱷᱤᱭᱚᱥᱚᱯᱷᱤᱠᱟᱞ ᱥᱚᱥᱟᱭᱴᱤ ᱥᱟᱶ ᱩᱯᱨᱩᱢ ᱦᱩᱭ ᱞᱮᱱ ᱛᱟᱭᱟ ᱾ ᱟᱱᱤ ᱵᱮᱥᱟᱱᱛᱚ ᱦᱚᱛᱮᱛᱮ ᱪᱟᱪᱞᱟᱣᱜ ᱠᱟᱱ "ᱛᱷᱤᱭᱚᱥᱚᱯᱷᱤᱠᱟᱞ ᱦᱩᱞᱥᱟᱹᱭ" ᱛᱮ ᱩᱫᱽᱜᱟᱣ ᱠᱟᱛᱮ ᱥᱟᱥᱛᱨᱤ ᱫᱚ ᱪᱮᱱᱱᱟᱭ ᱨᱮᱱᱟᱜ ᱟᱰᱭᱟᱨ ᱧᱩᱛᱩᱢᱟᱱ ᱴᱷᱟᱶ ᱛᱮ ᱩᱪᱟᱹᱲ ᱞᱮᱱᱟ ᱾ ᱚᱸᱰᱮ ᱩᱱᱤ ᱫᱚ ᱛᱷᱤᱭᱚᱥᱚᱯᱷᱤᱠᱟᱞ ᱥᱚᱥᱟᱭᱴᱤ ᱚᱯᱷ ᱟᱰᱭᱟᱨ ᱨᱮ ᱚᱲᱟᱜ ᱛᱮᱭᱟᱨ ᱠᱟᱛᱮ ᱵᱟᱥᱟ ᱭᱮᱱᱟᱭ ᱾ ᱚᱸᱰᱮ ᱦᱩᱰᱤᱧ ᱚᱠᱛᱚ ᱠᱷᱚᱱ ᱜᱮ ᱨᱩᱠᱢᱤᱬᱤ ᱫᱚ ᱛᱷᱤᱭᱚᱥᱚᱯᱷᱤᱠᱟᱞ ᱩᱭᱦᱟᱹᱨ ᱟᱨ ᱱᱟᱶᱟ ᱵᱷᱟᱵᱽᱱᱟ, ᱥᱟᱶᱛᱟ ᱟᱹᱨᱤ, ᱢᱟᱸᱰᱣᱟ ᱠᱷᱮᱞᱚᱸᱰ, ᱥᱮᱨᱮᱧ ᱟᱨ ᱮᱱᱮᱡ ᱥᱟᱶᱛᱮ ᱩᱯᱨᱩᱢ ᱞᱮᱱᱟᱭ ᱾ ᱚᱸᱰᱮ ᱵᱽᱨᱤᱴᱤᱥ ᱛᱷᱤᱭᱚᱥᱚᱯᱷᱤᱥᱴ ᱡᱚᱨᱡᱽ ᱚᱨᱩᱱᱰᱮᱞ ᱥᱟᱶᱛᱮ ᱩᱯᱨᱩᱢ ᱦᱩᱭ ᱞᱮᱱ ᱛᱟᱭᱟ ᱾ ᱡᱚᱨᱡᱽ ᱫᱚ ᱟᱱᱤᱵᱮᱥᱟᱱᱛᱳ ᱭᱤᱡ ᱥᱩᱨ ᱠᱟᱹᱢᱤᱭᱟᱹ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱟᱨ ᱚᱱᱟ ᱛᱟᱭᱚᱢ ᱵᱟᱨᱚᱬᱟᱥᱤ ᱨᱮ ᱛᱟᱞᱟᱢᱟ ᱦᱤᱱᱫᱩ ᱢᱟᱦᱟᱵᱤᱨᱫᱟᱹᱜᱟᱲ ᱨᱤᱱᱤᱡ ᱪᱟᱪᱞᱟᱣᱤᱭᱟᱹ ᱞᱮᱠᱟᱛᱮᱭ ᱥᱮᱞᱮᱫ ᱞᱮᱱᱟ ᱾ ᱚᱱᱟ ᱛᱟᱭᱚᱢ ᱨᱩᱠᱢᱤᱬᱤ ᱫᱮᱵᱤ ᱫᱚ ᱡᱚᱨᱡᱽ ᱚᱨᱩᱱᱰᱮᱞ ᱥᱟᱶᱛᱮᱭ ᱵᱟᱯᱞᱟ ᱞᱮᱱᱟ ᱾[᱓]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "India Today". Archived from the original on 2006-05-09. Retrieved 2020-02-18.
- ↑ "Padma Awards" (PDF). Ministry of Home Affairs, Government of India. 2015. Archived from the original (PDF) on October 15, 2015. Retrieved July 21, 2015.
- ↑ "Rukmini Devi Arundale: A life dedicated to Art". Rediff.com. March 2004.