ᱨᱩᱵᱮᱱᱥ, ᱯᱤᱴᱟᱨ ᱯᱚᱣᱞ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱥᱟᱨ ᱯᱤᱴᱟᱨ ᱯᱚᱣᱞ ᱨᱩᱵᱮᱱᱥ - ᱵᱟᱰᱚᱦᱤᱼᱟ ᱢᱩᱴᱷᱟᱹᱱ - ᱜᱩᱜᱩᱞ ᱟᱨᱴ ᱯᱨᱚᱡᱮᱠᱴ

ᱯᱤᱴᱟᱨ ᱯᱚᱣᱞ ᱨᱩᱵᱮᱱᱥ (᱒᱘ ᱡᱩᱱ ᱑᱕᱗᱗-᱓᱐ ᱢᱮ ᱑᱖᱔᱐) ᱑᱗ᱥᱟᱭᱟᱝ ᱨᱤᱱᱤᱡ ᱡᱷᱚᱛᱚ ᱠᱷᱚᱱ ᱧᱩᱛᱩᱢ ᱟᱱ ᱯᱷᱞᱮᱢᱤᱥ ᱵᱟᱰᱚᱦᱤ ᱛᱟᱦᱮᱸ ᱠᱟᱱᱟᱭ ᱾ ᱟᱡ ᱟᱡᱟᱜ ᱥᱚᱨᱮᱥ ᱠᱟᱹᱢᱤ ᱠᱷᱟᱹᱛᱤᱨ ᱟᱡ "The Descent from the Cross," "Wolf and Fox Hunt" and "The Garden of Love." ᱧᱩᱛᱩᱢ ᱠᱚ ᱮᱢᱟ ᱦᱟᱫᱮ ᱛᱟᱦᱮᱸᱫ ᱾

ᱟᱬᱜᱟᱛ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱤᱴᱟᱨ ᱯᱚᱣᱞ ᱨᱩᱵᱮᱱᱥ ᱒᱘ ᱡᱩᱱ ᱑᱕᱗᱗ ᱥᱟᱞ ᱨᱮ ᱯᱟᱪᱮ ᱯᱷᱟᱞᱤᱭᱟ (ᱱᱤᱛᱚᱜᱼᱟ ᱡᱚᱨᱢᱟᱱᱤ) ᱨᱮᱱᱟᱜ ᱥᱤᱭᱮᱜᱮᱱ ᱱᱟᱜᱟᱨ ᱨᱮ ᱡᱟᱱᱟᱢ ᱦᱩᱭ ᱞᱮᱱᱟ ᱾ ᱟᱡ ᱟᱯᱟᱛ ᱡᱟᱱ ᱨᱩᱵᱮᱱᱥ (ᱧᱩᱛᱩᱢᱟᱱ ᱩᱠᱤᱞ)ᱨᱤᱱ ᱗ ᱦᱚᱯᱚᱱ ᱠᱷᱚᱱ ᱢᱤᱫ ᱦᱚᱯᱚᱱ ᱠᱟᱱᱟᱭ, ᱟᱡ ᱟᱭᱳ ᱬᱟᱨᱤᱭᱟ ᱯᱟᱭᱤᱯᱞᱤᱸᱠ ᱟᱹᱰᱤ ᱫᱷᱚᱨᱢ ᱯᱟᱹᱛᱭᱟᱹᱣ ᱦᱚᱲ ᱮ ᱛᱟᱦᱮᱸᱠᱟᱱᱟᱭ ᱾ ᱒᱘ ᱡᱩᱱ ᱑᱕᱗᱗ ᱨᱮ ᱯᱤᱴᱟᱨ ᱟᱡ ᱵᱟᱵᱟ ᱵᱚᱸᱜᱟ ᱮᱱ ᱛᱟᱭᱚᱢ ᱥᱯᱟᱱᱤᱥ ᱱᱮᱫᱚᱨᱞᱟᱸᱰ (ᱱᱤᱛᱚᱜᱼᱟ ᱵᱮᱞᱡᱤᱭᱚᱢ) ᱨᱮᱱᱟᱜ ᱟᱱᱛᱣᱤᱨᱯ ᱱᱟᱜᱟᱨ ᱛᱮᱠᱚ ᱩᱪᱟᱹᱲ ᱮᱱᱟ ᱾ ᱱᱚᱰᱮ ᱯᱤᱴᱟᱨ ᱨᱩᱵᱮᱱᱥᱼᱟ ᱚᱞᱚᱜ ᱯᱟᱲᱦᱟᱣ ᱮᱛᱚᱦᱚᱵ ᱮᱱᱟ ᱾ ᱱᱤᱭᱟᱹ ᱚᱠᱛᱚ ᱨᱮᱜᱮ ᱟᱡ ᱟᱹᱰᱤ ᱧᱩᱛᱩᱢᱟᱱ ᱵᱟᱰᱚᱦᱤ ᱴᱷᱮᱫ ᱵᱤᱨᱫᱟᱹ ᱥᱮᱪᱮᱫ ᱞᱮᱱᱟᱭ ᱾ ᱪᱤᱛᱟᱹᱨ ᱪᱮᱫᱳᱜ ᱞᱟᱹᱜᱤᱫ ᱑᱕᱙᱘ ᱥᱟᱞ ᱨᱮ ᱟᱡ ᱟᱱᱛᱣᱤᱨᱯᱥ ᱯᱨᱳᱯᱷᱮᱥᱚᱱᱟ ᱜᱤᱞᱰ ᱯᱷᱳᱨ ᱯᱮᱱᱴᱚᱨᱥ ᱨᱮ ᱵᱷᱩᱨᱛᱤ ᱞᱮᱱᱟᱭ ᱾

ᱤᱴᱟᱞᱤ (᱑᱖᱐᱐-᱑᱖᱐᱘)[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Peter Paul Rubens - ᱫᱤ ᱯᱷᱚᱞ ᱚᱯᱷ ᱯᱷᱟᱭᱴᱚᱱ (ᱱᱮᱥᱱᱟᱞ ᱜᱟᱞᱮᱨᱤ ᱚᱯᱷ ᱟᱨᱴᱥ)

᱑᱖᱐᱐ ᱥᱟᱞ ᱨᱮ ᱨᱩᱵᱮᱱᱥ ᱤᱴᱟᱞᱤ ᱟᱞᱟᱣ ᱮᱱᱟᱭ, ᱤᱴᱟᱞᱤ ᱨᱮᱱᱟᱜ ᱵᱷᱤᱸᱥᱤ ᱨᱮ ᱟᱡ ᱴᱟᱭᱴᱟᱱ, ᱴᱤᱱᱛᱳᱨᱮᱛᱳ ᱨᱳᱢ ᱨᱮ ᱨᱟᱯᱷᱮᱞ, ᱬᱟᱭᱠᱮᱞ ᱟᱧᱮᱞᱳ ᱞᱮᱠᱟᱱ ᱨᱤᱱᱟᱥᱟᱸ ᱵᱟᱰᱚᱦᱤ ᱥᱟᱞᱟᱜ ᱮ ᱧᱟᱯᱟᱢ ᱮᱱᱟ ᱾ ᱟᱡ ᱞᱟᱜᱮᱜᱮ ᱢᱟᱱᱴᱩᱣᱟ ᱨᱤᱱᱤᱡ ᱵᱷᱤᱱᱥᱮᱱᱡᱳ ᱟᱭᱤ ᱜᱳᱱᱡᱟᱜᱟ ᱴᱷᱮᱫ ᱪᱟᱹᱠᱨᱤ ᱧᱟᱢ ᱠᱮᱫᱟᱭ ᱾ ᱨᱩᱵᱮᱱᱥ ᱪᱤᱛᱟᱹᱨ ᱟᱨ ᱫᱟᱲᱟᱱ ᱞᱟᱹᱜᱤᱫ ᱦᱚᱸ ᱠᱟᱹᱣᱰᱤ ᱜᱚᱲᱚᱭ ᱧᱟᱢ ᱛᱟᱟᱦᱮᱸᱫ ᱾ ᱵᱷᱤᱱᱥᱮᱱᱡᱳ ᱨᱩᱵᱮᱱᱥ ᱤᱴᱟᱞᱤ ᱨᱮᱱᱟᱜ ᱡᱮᱱᱳᱣᱟ ᱱᱟᱜᱟᱨ ᱮ ᱵᱷᱮᱡᱟ ᱠᱮᱫᱮᱭᱟᱭ ᱳᱸᱫᱮ ᱠᱷᱚᱱ ᱟᱨ ᱦᱚᱸ ᱨᱳᱢ ᱛᱮ ᱾ ᱢᱤᱫ ᱧᱩᱛᱩᱢᱟᱱ ᱵᱮᱯᱟᱨᱤ ᱥᱟᱶ ᱞᱟᱥᱮᱨ ᱵᱟᱰᱚᱦᱤ ᱨᱩᱵᱮᱱᱥ ᱵᱟᱹᱭ ᱵᱟᱹᱭ ᱛᱮ ᱪᱚᱨᱪ ᱨᱮᱱᱟᱜ ᱫᱷᱚᱨᱚᱢ ᱠᱟᱹᱢᱤ ᱥᱟᱶ ᱮᱠᱞᱟ ᱦᱚᱲ ᱠᱚᱣᱟᱜ ᱠᱟᱹᱢᱤ ᱛᱮ ᱠᱩᱲᱟᱹᱭ ᱠᱤᱱ ᱧᱟᱢ ᱵᱟᱲᱟ ᱠᱮᱫᱼᱟ ᱾

ᱟᱱᱛᱣᱤᱨᱯ (᱑᱖᱐᱙-᱑᱖᱒᱒)[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱤᱴᱟᱨ ᱯᱚᱣᱞ ᱨᱩᱵᱮᱱᱥ - Descent from the Cross - WGA20230

᱑᱖᱐᱘ ᱨᱮ ᱨᱩᱵᱮᱱᱥ ᱟᱡᱟᱜ ᱚᱲᱟᱜ ᱟᱱᱛᱣᱤᱨᱯ ᱮ ᱨᱩᱣᱟᱲ ᱮᱱᱟᱭ ᱾ ᱟᱱᱛᱣᱤᱨᱯ ᱨᱮ ᱟᱡ ᱤᱥᱟᱵᱮᱞᱟ ᱵᱨᱟᱱᱴ ᱥᱟᱞᱟᱜ ᱮ ᱵᱟᱯᱞᱟ ᱮᱱᱟᱭ ᱟᱨ ᱛᱤᱸᱟᱝᱜᱟᱸ ᱜᱚᱲᱚ ᱠᱟᱹᱢᱤᱭᱟᱹ ᱠᱚ ᱤᱫᱤᱠᱟᱛᱮᱫ ᱱᱤᱡᱚᱨᱼᱟ ᱥᱴᱩᱰᱤᱭᱳ ᱵᱮᱨᱮᱫ ᱠᱮᱫᱟᱭ ᱾ ᱥᱯᱮᱱ ᱥᱟᱥᱚᱱ ᱨᱮ ᱛᱟᱦᱮᱸᱞᱮᱱ ᱠᱚᱧᱮ ᱱᱮᱫᱚᱨᱞᱟᱹᱰ ᱨᱮᱱᱟᱜ ᱟᱨᱠᱰᱭᱩᱠ ᱟᱞᱵᱚᱨᱴ ᱟᱨ ᱟᱨᱠᱰᱭᱩᱠᱥ ᱤᱥᱟᱵᱮᱞᱟ ᱦᱟᱜ ᱫᱚᱨᱵᱟᱨ ᱨᱮ ᱪᱤᱛᱟᱹᱨᱤᱭᱟᱹ ᱞᱮᱠᱟᱭ ᱵᱟᱦᱟᱞ ᱞᱮᱱᱟ ᱾ ᱞᱟᱰᱷᱟᱹᱭ ᱛᱟᱭᱚᱢ ᱥᱟᱶᱛᱟᱨᱤ ᱟᱨ ᱠᱟᱹᱣᱰᱤᱟᱹᱨᱤ ᱥᱩᱢᱵᱷᱨᱟᱹᱣ ᱚᱠᱛᱚᱨᱮ ᱟᱱᱛᱣᱤᱨᱯ ᱨᱤᱱ ᱠᱤᱥᱟᱹᱬ ᱵᱮᱯᱟᱨᱤ ᱠᱚᱫᱚ ᱱᱟᱣᱟ ᱪᱤᱛᱟᱹᱨ ᱛᱮ ᱪᱚᱨᱪ ᱟᱨ ᱱᱤᱡᱚᱨ ᱯᱟᱠᱟ ᱠᱚᱠᱚ ᱥᱟᱡᱟᱣ ᱨᱩᱣᱟᱹᱲ ᱮᱫ ᱛᱟᱦᱮᱸᱫ ᱾ ᱑᱖᱑᱐ ᱟᱨ ᱑᱖᱑᱔ ᱨᱮ ᱟᱱᱛᱣᱤᱨᱯ ᱠᱟᱛᱷᱮᱰᱨᱟᱞ ᱞᱟᱹᱜᱤᱫ ᱵᱟᱨᱭᱟ ᱪᱚᱨᱪ ᱞᱟᱹᱜᱤᱫ ᱥᱮᱬᱟ ᱫᱷᱚᱨᱚᱢ ᱪᱤᱛᱟᱹᱨ "The Raising of the Cross" and "The Descent from the Cross," ᱵᱮᱱᱟᱣ ᱞᱟᱹᱜᱤᱫ ᱢᱟᱱᱟᱱ ᱠᱩᱲᱟᱹᱭ ᱮ ᱧᱟᱢ ᱞᱮᱫᱼᱟ ᱾ ᱱᱚᱣᱟ ᱥᱟᱶ "Wolf and Fox Hunt" (circa 1615-21) ᱦᱚᱸ ᱢᱤᱫ ᱧᱩᱛᱩᱢᱟᱱ ᱪᱤᱛᱟᱹᱨ ᱠᱟᱱ ᱛᱟᱭᱟ ᱾ ᱨᱩᱵᱮᱱᱥ ᱵᱟᱲᱛᱤᱠᱟᱭ ᱛᱮ ᱨᱟᱡᱟᱱ ᱜᱚᱨᱟᱠᱷ ᱞᱟᱜᱤᱫ ᱪᱤᱛᱟᱹᱨ ᱵᱮᱱᱟᱣ ᱠᱷᱟᱹᱛᱤᱨ ᱟᱡ "the prince of painters and the painter of princes" ᱧᱩᱛᱩᱢ ᱮ ᱧᱟᱢ ᱞᱮᱫᱼᱟ ᱾ ᱟᱡ ᱯᱷᱨᱟᱱᱥ ᱨᱤᱱᱤᱡ ᱞᱩᱭᱤᱥ XIII (᱑᱖᱒᱒-᱒᱕) ᱞᱟᱹᱜᱤᱫ ᱒᱑ ᱜᱚᱴᱟᱝ ᱥᱮᱬᱟ ᱠᱟᱱᱵᱷᱟᱥ ᱮ ᱡᱩᱛ ᱞᱮᱫᱼᱟ ᱡᱟᱦᱟᱸᱨᱮ ᱯᱷᱨᱟᱱᱥ ᱨᱤᱱᱤᱡ ᱢᱟᱨᱤ ᱫᱤ ᱢᱮᱫᱤᱥᱤ ᱦᱟᱜ ᱡᱮᱡᱮᱸᱜᱮᱫ ᱥᱟᱥᱚᱱ ᱟᱨ ᱡᱤᱭᱚᱱ ᱨᱮᱱᱟᱜ ᱠᱟᱹᱦᱱᱤ ᱯᱷᱚᱴᱮᱞ ᱞᱮᱱᱟ ᱾ [᱑]ᱤᱝᱞᱚᱸᱰ ᱨᱤᱱᱤᱡᱱ ᱪᱟᱨᱞᱥ I (1᱖᱒᱙-᱓᱐) ᱞᱟᱹᱜᱤᱫ ᱦᱚᱸ "Peace and War" ᱧᱩᱛᱩᱢ ᱛᱮ ᱢᱤᱫ ᱡᱤᱭᱚᱱ ᱪᱤᱛᱟᱹᱨ ᱮ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱾[᱒]

ᱢᱩᱪᱟᱹᱫ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱖᱒᱖ ᱥᱟᱞ ᱨᱮ ᱟᱡ ᱵᱟᱹᱦᱩ ᱤᱥᱟᱵᱮᱞᱟ ᱵᱚᱸᱜᱟ ᱮᱱ ᱛᱟᱭᱚᱢ ᱱᱮᱫᱚᱨᱞᱟᱸᱰ ᱞᱟᱹᱜᱤᱫ ᱜᱚᱴᱟ ᱥᱯᱮᱱ ᱤᱝᱞᱚᱸᱰ ᱪᱤᱛᱟᱨ ᱪᱷᱟᱨᱟᱣ ᱥᱟᱶ ᱠᱩᱴᱱᱤᱛᱤ ᱞᱟᱹᱜᱤᱫ ᱮ ᱟᱹᱰᱤ ᱥᱮᱨᱢᱟᱭ ᱫᱟᱲᱟᱸ ᱠᱮᱫᱼᱟᱭ ᱾ ᱟᱱᱛᱣᱤᱨᱯ ᱨᱩᱣᱟᱹᱲ ᱠᱟᱛᱮᱫ ᱟᱡ ᱦᱮᱞᱮᱱᱟ ᱯᱷᱳᱨᱢᱮᱱᱴ ᱥᱟᱶ ᱫᱚᱦᱚᱲᱟᱭ ᱵᱟᱯᱞᱟ ᱮᱱᱟᱭ ᱾ ᱑᱖᱓᱐ ᱨᱮ ᱟᱡ "The Judgment of Paris" ᱟᱨ "The Garden of Love," ᱞᱮᱠᱟᱱᱟᱜ ᱧᱩᱛᱩᱢ ᱟᱱ ᱪᱤᱛᱟᱹᱨ ᱮ ᱥᱚᱫᱚᱨ ᱠᱮᱫᱼᱟᱭ ᱾ ᱴᱷᱤᱴᱬᱟᱹ ᱡᱟᱝ ᱵᱟᱛ ᱠᱷᱚᱱ ᱥᱟᱹᱨᱫᱤ ᱟᱛᱮ ᱨᱩᱵᱮᱱᱥ ᱦᱟᱨᱴ ᱟᱴᱟᱠ ᱛᱮ ᱓᱐ ᱢᱮ ᱑᱖᱔᱐ ᱨᱮ ᱵᱚᱸᱜᱟ ᱛᱟᱞᱟ ᱮᱱᱟᱭ ᱾

ᱵᱟᱦᱟᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Pauw-De Veen (1977): 243–251.
  2. A Hyatt Mayor, Prints and People, Metropolitan Museum of Art/Princeton, 1971, no.427–32, ISBN|0-691-00326-2